ᐃᓐᖏᕈᑎᑦ 108
108
ᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᐊᑭᕋᕐᑐᑏᑦ ᐱᓪᓗᒋᑦ
ᑍᕕᑎᐅᑉ ᐃᓐᖏᕈᑖ
ᐃᓐᖏᕈᑦ 57:7-11; 60:5-12
1ᒎᑏ, ᐆᒻᒪᑎᒐ ᐃᓕᖕᓄᑦ ᐊᑐᐃᓐᓇᕈᕐᓯᒪᕗᖅ;
ᐃᓐᖏᕐᓂᐊᕐᐳᖓ ᓂᕐᑐᕐᓗᑎᑦ! ᐱᔪᓐᓇᕐᓂᓕᒫᑦᓯᐊᓐᓄᑦ!
ᑕᕐᓃᒃ ᑐᐸᓕᕆᑦ!
2ᑯᑭᑦᑕᐸᐅᑎᐅᔧᑦ ᑐᐸᓕᕆᑦᓯ ᕼᐋᕐᐲᑦ ᓔᕇᓪᓗ!
ᐅᓪᓛᒻᒪᕆᒃᑯᑦ ᖃᐅᒻᒪᓕᓵᕐᑎᓪᓗᒍ ᒪᑭᓐᓂᐊᕐᐳᖓ.
3ᐊᑕᓃᖅ ᖁᔭᒋᓂᐊᕐᐸᒋᑦ, ᐃᓄᐃᑦ ᐊᑯᕐᖓᓐᓂ:
ᐃᓐᖏᕐᓂᐊᕐᐳᖓ ᐃᓕᖕᓄᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.
4ᓇᒡᓕᖕᓃᑦ ᓱᖁᓯᔪᐃᑦᑐᖅ ᖁᑦᓯᖕᓂᕐᓴᐅᖕᒪᑦ ᕿᓚᖕᒥᑦ,
ᓱᕐᕋᔪᐃᑦᑑᓃᓪᓗ ᓄᕗᔭᓄᑦ ᑎᑭᐅᒪᓪᓗᓂ.
5ᐊᖏᔪᕈᕐᑎᑕᐅᒋᑦ ᒎᑏ, ᕿᓚᖕᒥᑦ ᖁᕝᕙᓯᖕᓂᕐᓴᒥᒃ,
ᓂᕐᑐᕐᓇᕐᓃᓪᓗ ᓄᓇᕐᔪᐊᕐᒥᑦ ᐊᖏᓂᕐᓴᐅᓗᓂ.
6ᓇᒡᓕᒋᔧᑦ ᓴᐳᑎᔭᐅᔪᓐᓇᖁᓪᓗᒍ,
ᐱᐅᓕᔭᐅᖁᓪᓗᒍᓗ ᑕᓕᕐᐱᖕᓄᑦ, ᑭᐅᔭᐅᓗᖓᓗ!
7ᒎᑎ ᐅᖃᓚᐅᕐᐳᖅ ᐃᑦᔪᕐᓁᑦᑐᕕᖁᑎᒥᓂᑦ,
“ᖁᕕᐊᓱᒻᒪᕆᒡᓗᖓ ᓯᑭᒻ ᐊᕕᒃᑕᐅᑎᓐᓂᐊᕐᐸᕋ,
ᓴᑰᑎᐅᓪᓗ ᓇᕐᓴᖓ ᐊᕕᒃᑕᐅᑎᓪᓗᒍ ᓄᓇᑖᕆᔭᐅᑎᓐᓂᐊᕐᐸᕋ.
8ᒋᓕᐊᑎ ᐱᒋᕙᕋ; ᒫᓇᓯᓗ ᐱᒋᕙᕋ;
ᐃᕗᕅᒻ ᓇᓴᕆᕙᕋ; ᔫᑕ ᐱᖁᔭᓂᒃ ᑐᓂᓯᔨᒋᓪᓗᒍ;
9ᒧᐊᐱ ᐅᐊᓴᕐᕕᒋᕙᕋ;
ᐄᑐᒥᒧᑦ ᐃᑎᒐᒍᑎᒐ ᐃᒋᓐᓂᐊᕐᐸᕋ;
ᐱᓕᔅᑎᐊᒧᑦ ᕾᒐᓛᕐᓂᐊᕐᐳᖓ ᓵᓚᖃᕐᓂᕐᒥᒃ.”
10ᑭᐊ ᐃᒡᓗᒐᓴᒡᔪᐊᓄᐊᕈᑎᓂᐊᕐᐹᖓ ᓴᐴᓗᑕᓕᖕᓄᑦ?
ᑭᐊ ᑕᓯᐅᕐᓂᐊᕐᐹᖓ ᐄᑐᒥᒧᑦ?
11ᒎᑏ, ᐅᕙᑦᑎᓐᓂᒃ ᖁᔭᓈᕐᓯᕖᑦ?
ᒎᑏ, ᐃᓚᒋᓂᐊᓐᖏᓚᑦᑎᒎᑦ ᐊᑭᕋᑦᑎᓐᓄᐊᓕᕐᑎᓪᓗᑕ?
12ᐃᑲᔪᓚᐅᕐᑎᒍᑦ ᐊᑭᕋᕐᑐᕐᑎᑦᑎᓐᓂᑦ:
ᐃᓄᑐᐃᓐᓁᑦ ᐃᑲᔪᕐᓂᖓᑦ ᓱᓇᐅᖏᒻᒪᑦ.
13ᒎᑎ ᐃᓚᒋᓗᒍ ᐱᓇᓱᐊᕈᑦᑕ ᓵᓚᖃᕐᓂᐊᕐᐳᒍᑦ:
ᑖᑦᓱᒪ ᐊᑭᕋᕐᑐᕐᑎᕗᑦ ᑐᓪᓕᕐᓂᐊᕐᐰᑦ.
Currently Selected:
ᐃᓐᖏᕈᑎᑦ 108: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
