ᐃᓐᖏᕈᑎᑦ 105
105
ᐊᑕᓂᐅᑉ ᓱᖁᓯᔪᐃᓐᓂᖓ ᐃᓱᖃᖏᑦᑑᕗᖅ
1ᐊᑕᓂᖅ ᖁᔭᒋᓯᐅᒃ! ᐊᑎᖓ ᑐᒃᓯᐊᕐᕕᒋᓗᒍ;
ᐱᓂᐊᕐᓂᕆᓯᒪᔭᖏᑦ ᐅᖃᐅᓯᐅᓕᑦ ᐃᓄᖕᓄᑦ!
2ᑖᓐᓇ ᐃᓐᖏᕐᕕᒋᓯᐅᒃ, ᓂᕐᑐᕐᓗᒍ ᐃᓐᖏᕐᕕᒋᓯᐅᒃ;
ᑖᑦᓱᒪ ᑲᒪᓇᕐᑐᓕᓂᓕᒫᖏᑦ ᐅᖃᐅᓯᕆᓯᒋᒃ!
3ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓇᕐᓯᑎᑕᐅᓕ;
ᐆᒻᒪᑎᒥᒍᑦ ᐊᑕᓂᕐᒥᒃ ᕿᓂᕐᑐᑦ ᖁᕕᐊᓱᒡᓕᑦ!
4ᐊᑕᓂᖅ ᓲᖑᓂᖓᓗ ᕿᓂᕐᓯᐅᒃ,
ᑖᑦᓱᒪ ᓇᔫᑎᓂᖓ ᑍᒪᓐᖓᑦ ᕿᓃᓐᓇᕐᓯᐅᒃ!
5ᑲᒪᓇᕐᑐᓕᓃᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᐃᖅᑲᐅᒪᓯᒋᒃ,
ᓇᓗᓁᒃᑯᑕᖏᑦ ᐋᖅᑭᒃᓱᐃᓂᕆᖃᑦᑕᓚᐅᕐᑕᖏᓪᓗ ᐅᖃᐅᓯᕐᒥᒍᑦ,
6ᐃᓕᑦᓯ ᐱᔨᖓᑕ ᐂᑉᕋᕼᐋᒻ ᑭᖑᕚᖏᑦ,
ᔧᑰᓪᓗ ᕿᑐᕐᖓᖏᑦ, ᑖᑦᓱᒧᖓ ᓂᕈᐊᕐᑕᐅᓯᒪᔪᑦ!
7ᑖᓐᓇ ᐊᑕᓂᐅᕗᖅ ᒎᑎᒋᔭᕗᑦ;
ᑖᑦᓱᒪ ᑕᒤᓐᓂ ᐋᖅᑭᒃᓱᐃᓂᖓ ᓄᓇᕐᔪᐊᒦᑉᐳᖅ.
8ᑖᑦᓱᒪ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᕚ ᐃᓱᖃᖏᑦᑐᒧᑦ,
ᐅᖃᐅᓰᑦ ᐊᖏᕈᑎᒋᓚᐅᕐᑕᓂ ᑭᖑᕚᕆᓄᑦ ᐃᓱᖃᖏᑦᑐᒧᑦ,
9 #
ᒨᓯᓯ ᓯᕗᓪᓖᑦ 12:7; 17:8;
ᒨᓯᓯ ᓯᕗᓪᓖᑦ 26:3. ᐊᖏᕈᑎᒋᓚᐅᕐᑕᓂ ᐂᑉᕋᕼᐋᒧᑦ,
ᓱᓕᓂᐊᕐᓂᕋᕐᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,
10 #
ᒨᓯᓯ ᓯᕗᓪᓖᑦ 28:13. ᓇᓗᓁᒃᑲᓐᓂᓚᐅᕐᐹ ᔧᑯᒧᑦ ᐊᑐᕐᑕᐅᖁᓯᒪᔭᓂ,
ᐃᓴᕆᐊᓕᒧᑦ ᐊᖏᖃᑎᒌᖕᓂᓐᖑᕐᑎᓚᐅᕐᐹ ᐃᓱᖃᖏᑦᑐᒧᑦ,
11ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ
ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”
12ᐃᓄᒋᐊᒃᑐᕐᔪᐊᖑᓚᐅᕐᑎᓐᓇᒋᑦ ᓱᓕ,
ᖃᑦᓰᓐᓇᐅᓚᐅᕐᒪᑕ ᑍᑦᓱᒪᓂ,
ᓄᓇᓕᑐᖃᐅᖏᑦᑐᑦ ᓱᓕ ᑕᒫᓂ ᓄᓇᖃᕐᑎᓪᓗᒋᑦ.
13ᓅᖃᑦᑕᓚᐅᕐᒪᑕ ᐃᓅᖃᑎᒌᒡᔪᐊᓂᑦ ᐃᓅᖃᑎᒌᒡᔪᐊᓄᑦ,
ᐊᖓᔪᖅᑳᕐᔪᐊᖃᕐᕕᖕᒥᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᑦ ᐊᓯᖏᓐᓄᑦ,
14 #
ᒨᓯᓯ ᓯᕗᓪᓖᑦ 20:3-7. ᑖᑦᓱᒪᓕ ᓇᓪᓕᐊᓐᓄᓪᓘᓐᓃᑦ ᐱᑦᓯᐊᓐᖏᑕᐅᖁᓚᐅᓐᖏᓔᑦ;
ᐊᖓᔪᖅᑳᕐᔪᐊᑦ ᓱᐊᓚᐅᕐᐰᑦ ᐃᓄᖁᑎᓂ ᐱᓪᓗᒋᑦ,
15ᐅᖃᕐᓗᓂ, “ᐅᕐᓱᕐᑎᕐᓯᒪᔭᒃᑲ ᐊᒃᑐᕐᓂᐊᕋᓯᒋᒃ,
ᐅᖃᕐᑎᒃᑲᓗ ᐋᓐᓂᕐᑕᐅᑦᑍᓕᓕᑦ!”
16 #
ᒨᓯᓯ ᓯᕗᓪᓖᑦ 41:53-57. ᐊᒻᒪ ᓄᓇᒧᑦ ᑳᖕᓇᕐᑐᕐᔪᐊᒥᒃ ᑎᑭᑎᑦᓯᓚᐅᕆᕗᖅ,
ᓂᐊᖂᔭᒃᓴᓕᒫᑦ ᓄᖑᑎᓚᐅᕐᐰᑦ.
17 #
ᒨᓯᓯ ᓯᕗᓪᓖᑦ 37:28; 45:5. ᑖᒃᑯᐊ ᓯᕗᓂᖓᒍᑦ ᐊᖑᑦ ᑎᓕᓚᐅᕐᐹ,
ᔫᓯᐱ, ᑖᓐᓇ ᓂᐅᕐᕈᑎᒋᔭᐅᓚᐅᕐᐳᖅ ᓂᐅᕕᐊᒃᓴᐅᖁᓪᓗᒍ.
18 #
ᒨᓯᓯ ᓯᕗᓪᓖᑦ 39:20—40:23. ᐃᑎᒐᖏᑦ ᐊᕐᓵᕐᑑᔭᓄᑦ ᐊᑦᓱᖏᕐᑐᓚᐅᕐᐰᑦ,
ᖁᖓᓯᖓᒍᓪᓗ ᐃᐱᕐᓯᒪᕝᕕᖕᒥᒃ ᓴᕕᕋᔭᖕᒥᒃ ᖁᖓᓯᕐᒥᐅᑦᓯᕐᓗᒍ;
19ᔫᓯᐱᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓚᐅᖅᑳᕐᑎᓐᓇᒋᑦ,
ᐊᑕᓂᐅᑉ ᐆᒃᑐᕋᓚᐅᕐᐹ ᓱᓕᓂᖓ ᓇᓗᓁᕐᑕᐅᖁᓪᓗᒍ.
20 #
ᒨᓯᓯ ᓯᕗᓪᓖᑦ 41:14. ᐊᖓᔪᖅᑳᕐᔪᐊᖅ ᑎᓕᓯᓪᓗᓂ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᖁᕚ,
ᐃᓄᐃᑦ ᐊᐅᓚᑦᓯᔨᖓᑕ ᑎᒍᔭᐅᓯᒪᔪᓐᓃᕐᑎᓪᓗᓂᐅᒃ.
21 #
ᒨᓯᓯ ᓯᕗᓪᓖᑦ 41:39-41. ᐊᖓᔪᖅᑳᕐᔪᐊᑉ ᐃᒡᓗᕐᔪᐊᒥᓄᑦ ᐊᖓᔪᖅᑳᕈᕐᑎᓚᐅᕐᐹ,
ᑲᒪᔨᓐᖑᕐᑎᓪᓗᓂᐅᒡᓗ ᐱᖁᑎᓕᒫᒥᓄᑦ,
22ᐊᖓᔪᖅᑳᕐᔪᐊᑉ ᐃᓚᖏᓐᓂᒃ ᐊᔪᕆᕐᑐᐃᖁᓪᓗᒍ ᐃᓱᒪᕐᓱᕐᓗᓂ,
ᐃᓕᓮᖁᓪᓗᒍᓗ ᓯᓚᑐᓂᕐᒥᒃ ᐊᖓᔪᖅᑳᖁᑎᖏᓐᓂᒃ.
23 #
ᒨᓯᓯ ᓯᕗᓪᓖᑦ 46:6;
ᒨᓯᓯ ᓯᕗᓪᓖᑦ 47:11. ᑕᕝᕙ ᔧᑯ ᐄᑦᔨᑉᑎᒧᐊᓚᐅᕆᕗᖅ;
ᓄᓇᑖᕐᓗᓂᓗ ᕼᐋᒥᐅᑉ ᓄᓇᖓᓂ.
24 #
ᒨᓯᓯ ᐂᑉᐸᖏᑦ 1:7-14. ᐊᑕᓂᐅᓪᓗ ᐃᓄᖁᑎᓂ ᐃᓄᒋᐊᒃᓯᕙᓪᓕᐊᑎᓚᐅᕐᐰᑦ ᓱᑲᑦᑐᒥᒃ,
ᓲᖑᓂᕐᓴᕈᕐᑎᓪᓗᒋᓪᓗ ᐊᑭᕋᕐᑐᕐᑎᖏᓐᓂᑦ.
25ᐄᑦᔨᑉᑎᒥᐅᑦ ᐆᒥᓱᓕᕐᑎᓚᐅᕐᐰᑦ ᐃᓄᖁᑎᖏᓐᓂᒃ,
ᓈᒻᒪᖏᑦᑐᒥᒃ ᐱᓇᓱᐊᕐᕕᐅᖁᓪᓗᒋᑦ ᐱᔨᒋᔭᖏᑦ.
26 #
ᒨᓯᓯ ᐂᑉᐸᖏᑦ 3:1—4:17. ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.
27ᑖᒃᑯᐊᒃ ᐱᓇᓱᐊᓚᐅᕐᐳᒃ ᑖᑦᓱᒪ ᓇᓗᓁᒃᑯᑕᖏᓐᓂᒃ ᐃᓄᖕᓂ ᑕᕝᕙᓂ,
ᑲᒪᓇᕐᑐᓕᓂᕐᓂᒡᓗ ᐱᓇᓱᐊᕐᓗᑎᒃ ᕼᐋᒥᐅᑉ ᓄᓇᖓᓂ.
28 #
ᒨᓯᓯ ᐂᑉᐸᖏᑦ 10:21-23. ᑖᕐᑐᕐᔪᐊᒥᒃ ᑎᓕᓯᓚᐅᕐᐳᖅ, ᓄᓇᓗ ᑖᕐᓯᑎᓪᓗᒍ;
ᐄᑦᔨᑉᑎᒥᐅᓪᓕ ᑖᑦᓱᒪ ᐅᖃᐅᓯᖏᓐᓂᒃ ᓈᓚᓚᐅᓐᖏᓚᑦ.#105:28 ᑖᓐᓇ ᑐᑭᖃᕐᐸᓪᓔᔪᖅ ᒪᕐᕉᖕᓂᒃ ᒨᓯᓯᒃᑯᒃ ᐂᕉᓂᒃᑯᒃ ᓈᓚᓚᐅᕐᐴᒃ ᐅᕝᕙᓗ ᐄᑦᔨᑉᑎᒥᐅᑦ ᐊᐅᓪᓚᖁᔭᐅᔪᓂᒃ ᓱᓕ ᓈᓚᓚᐅᓐᖏᓚᑦ
29 #
ᒨᓯᓯ ᐂᑉᐸᖏᑦ 7:17-21. ᐃᒥᖏᑦ ᐊᐅᓐᖑᕐᑎᓚᐅᕐᐰᑦ, ᐃᖃᓗᖁᑎᖏᑦ ᑐᖁᑎᓪᓗᒋᑦ.
30 #
ᒨᓯᓯ ᐂᑉᐸᖏᑦ 8:1-6. ᓄᓇᖓᑦ ᓈᕌᔨᓂᒃ ᖄᒥᑕᐅᑦᓯᐊᓚᐅᕐᐳᖅ,
ᐊᒡᓛᑦ ᐊᖓᔪᖅᑳᕐᔪᐊᖃᕐᕕᐅᑉ ᐃᒡᓗᕐᔪᐊᖓ.
31 #
ᒨᓯᓯ ᐂᑉᐸᖏᑦ 8:20-24;
ᒨᓯᓯ ᐂᑉᐸᖏᑦ 8:16,17. ᐅᖃᕐᒪᑦ, ᑕᕝᕙ ᒥᓗᒋᐊᑦ ᐅᓄᕐᑐᕐᔪᐊᑦ ᑎᑭᑉᐳᑦ,
ᑯᒤᓪᓗ ᓄᓇᓕᒫᖓᓄᑦ ᑎᑭᓚᐅᕆᕗᑦ.
32 #
ᒨᓯᓯ ᐂᑉᐸᖏᑦ 9:22-25. ᓇᑕᖅᑯᕐᓇᕐᕕᐅᑎᓚᐅᕐᐰᑦ ᓯᓚᓗᒃᓯᐅᕐᑐᑎᑐᑦ,
ᐃᑯᒤᓪᓗ ᐃᑯᐊᓚᔪᑦ ᓄᓇᖏᓐᓄᑦ ᑲᑕᒐᓚᐅᕆᕗᑦ ᑲᓪᓕᕐᑐᑎᑐᑦ.
33ᓇᐹᕐᑐᐃᑦ ᕔᓂᒃᓴᓖᑦ ᐱᒋᓕᖕᓂᒡᓗ ᐸᐅᕐᖓᓖᑦ ᓯᖁᒥᑕᐅᓚᐅᕐᐳᑦ,
ᓇᐹᕐᑐᐃᓪᓗ ᓄᓇᐅᑉ ᑭᒡᓕᖓᒍᑦ ᓇᑲᑎᓚᐅᕐᐳᑦ ᓄᓇᓕᒫᖏᓐᓂ.
34 #
ᒨᓯᓯ ᐂᑉᐸᖏᑦ 10:12-15. ᐅᖃᕐᒪᑦ, ᑕᕝᕙ ᐱᒡᓕᕐᑍᑦ ᑎᑭᑉᐳᑦ,
ᐱᒡᓕᕐᑕᐅᔮᕐᑐᒃᓮᓪᓗ ᐱᕈᕐᐸᓪᓕᐊᔪᑦ ᓈᓴᒐᒃᓴᐅᖏᑦᑐᑦ,
35ᑖᒃᑯᐊ ᓂᕿᒃᓴᓂᒃ ᐱᕈᕐᑐᓕᒫᓂᒃ ᓄᖒᑦᓯᓚᐅᕐᐳᑦ ᓄᓇᖏᓐᓂ,
ᓂᕆᓪᓗᑎᒡᓗ ᐱᕈᕐᓰᕕᖁᑎᖏᑕ ᐱᕈᕐᑐᓕᒫᖏᓐᓂᒃ.
36 #
ᒨᓯᓯ ᐂᑉᐸᖏᑦ 12:29. ᐃᕐᓂᐊᕆᔭᐅᖅᑳᕐᓯᒪᔪᓕᒫᑦ ᓄᓇᖏᓐᓂ ᓄᖑᑕᐅᓚᐅᕆᕗᑦ,
ᓲᖑᑦᔪᑎᒃᓴᖏᑕ ᓯᕗᓪᓕᕐᐸᐅᔪᖁᑎᓕᒫᖏᑦ.
37 #
ᒨᓯᓯ ᐂᑉᐸᖏᑦ 12:33-36. ᑕᕝᕙ ᐃᓴᕆᐊᓕᒥᐅᑦ ᑕᓯᐅᓕᓚᐅᕐᐰᑦ ᐊᐅᓪᓚᕐᑎᓪᓗᒋᑦ
ᓯᐅᓪᕕᕆᓂᒃ ᒎᓗᓂᒡᓗ ᓇᒃᓴᕐᓗᑎᒃ,
ᑭᖑᕚᕇᓕᒫᓂᓗ ᐋᓐᓂᐊᓕᒃᑕᖃᓚᐅᓐᖏᓚᖅ ᐊᑕᐅᓯᕐᒥᒡᓘᓐᓃᑦ.
38ᐄᑦᔨᑉᑎᒥᐅᑦ ᖁᕕᐊᓱᓚᐅᕐᐳᑦ ᐃᓴᕆᐊᓕᒥᐅᑦ ᐊᐅᓪᓚᕐᒪᑕ,
ᑲᑉᐱᐊᓱᒻᒪᕆᓕᓚᐅᕐᒪᑕ ᑖᒃᑯᓂᖓ.
39 #
ᒨᓯᓯ ᐂᑉᐸᖏᑦ 13:21,22. ᑖᑦᓱᒪ ᓄᕗᔭ ᐃᓯᕕᓚᐅᕐᐹ ᐅᓕᒋᔭᐅᖁᓪᓗᒍ,
ᐃᑯᒪᓗ ᖃᐅᒪᑎᑦᓯᖁᓪᓗᒍ ᐅᓐᓄᒃᑯᑦ.
40 #
ᒨᓯᓯ ᐂᑉᐸᖏᑦ 16:2-15. ᐃᓄᐃᑦ ᑐᒃᓯᕋᕐᒪᑕ ᐊᕿᒡᒋᐅᔮᕐᑐᓄᑦ ᑎᑭᑕᐅᓚᐅᕐᐳᑦ,
ᐱᔪᒪᓂᖏᑦ ᓈᒻᒪᒃᓯᑎᓚᐅᕐᐰᑦ ᕿᓚᐅᑉ ᓂᐊᖂᔭᖓᓂᒃ ᑐᓂᓯᕕᒋᓪᓗᒋᑦ.
41 #
ᒨᓯᓯ ᐂᑉᐸᖏᑦ 17:1-7; ᒨᓯᓯ ᓯᑕᒪᖏᑦ 20:2-13. ᕾᕐᑐᖅ ᐊᖕᒪᕐᒪᒍ, ᐃᒥᖅ ᑯᕕᓕᕐᐳᖅ ᑕᕝᕙᓐᖓᑦ;
ᐃᓄᖃᖏᑦᑐᒥ ᑰᓕᓚᐅᕐᐳᖅ ᑰᓪᓚᕆᒃᑎᑐᑦ.
42ᐃᖅᑲᐅᒪᒐᒥ ᐊᖏᕈᑎᒋᓚᐅᕐᑕᒥᓂᒃ ᐃᑦᔪᕐᓁᑦᑐᒥᒃ,
ᐅᖃᐅᓯᕆᓚᐅᕐᑕᒥᓂᒃ ᐱᔨᒥᓄᑦ ᐂᑉᕋᕼᐋᒧᑦ.
43ᖁᕕᐊᓱᒡᓗᓂ ᐃᓄᖁᑎᓂ ᐊᐅᓪᓚᕈᑎᓚᐅᕐᐰᑦ,
ᓂᕈᐊᕐᓯᒪᔭᖏᓪᓗ ᐃᓐᖏᓚᐅᕐᐳᑦ ᖁᕕᐊᓱᒃᓗᑎᒃ.
44 #
ᔮᓱᐊ 11:16-23. ᑐᓂᓯᕕᒋᓚᐅᕐᐰᓪᓗ ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᓄᓇᖓᓐᓂᒃ;
ᑕᒫᓂ ᓄᓇᖃᓚᐅᕐᑐᑦ ᐱᖁᑎᖏᓐᓂᒃ ᐱᑖᖁᓪᓗᒋᑦ ᓇᖕᒥᓂᕐᑖᕆᓗᒋᑦ,
45ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ,
ᐱᖁᔭᖏᓐᓂᒡᓗ ᓈᓚᖁᓪᓗᒋᑦ.
ᐊᑕᓂᖅ ᓂᕐᑐᕐᑕᐅᓕ!
Currently Selected:
ᐃᓐᖏᕈᑎᑦ 105: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
