ᓲᓗᒨᓂᐅᑉ ᐅᖃᓪᓚᖕᓂᖏᑦ 2
2
ᓯᓚᑐᓂᐅᑉ ᐊᑑᑎᖃᕐᓂᖓ
1ᐃᕐᓃᒃ ᐅᖃᐅᓯᒃᑲ ᐊᖏᑦᓯᐊᕈᕕᒋᑦ,
ᐱᓂᐊᕐᑕᐅᖁᔭᒃᑲᓗ ᑐᖅᑯᕐᓯᒪᑦᓯᐊᕈᕕᒋᑦ ᐃᓗᖕᓂ,
2ᓯᐅᑏᒃᑭᒃ ᓈᓚᑦᓯᐊᕐᑎᒃᑯᕕᒋᒃ ᓯᓚᑐᓂᕐᒥᒃ,
ᐆᒻᒪᑎᒃᑯᓪᓗ ᐱᔪᒪᑦᓯᐊᕈᕕᑦ ᑐᑭᓯᑎᑕᐅᔪᒪᓂᕐᒥᒃ.
3ᐃᓛᒃ, ᓂᓪᓕᐊᒍᕕᑦ ᐃᓗᖏᕐᓱᕐᓗᑎᑦ ᑐᑭᓯᑎᑕᐅᔪᒪᓗᑎᑦ,
ᓂᐱᖅᑯᕐᑐᒋᐊᒃᑲᓐᓂᕐᓗᑎᓪᓗ ᑐᑭᓯᑎᑕᐅᔪᒪᓗᑎᑦ.
4ᓯᐅᓪᕕᕆᐅᑉ ᐱᔪᒥᓇᕐᓂᖓᑐᑦ ᕿᓂᓪᓚᕆᒃᑯᕕᐅᒃ,
ᐱᓪᓚᕆᐊᓘᑉ ᕿᓂᕐᑕᐅᔭᕆᐊᖃᕐᓂᖓᑐᑦ ᓇᓂᓇᓱᐊᕐᓂᐊᕈᕕᐅᒃ.
5ᑕᕝᕙ ᑐᑭᓯᓕᕐᓂᐊᕐᐳᑎᑦ ᐊᑕᓂᕐᒥᒃ ᐃᓕᕋᒋᔭᖃᕐᓂᕐᒥᒃ
ᒎᑎᒥᒡᓗ ᖃᐅᔨᕙᓪᓕᐊᓂᕐᒥᒃ ᓇᓂᓯᓂᐊᕐᐳᑎᑦ.
6ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ,
ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.
7ᓯᓚᑐᑎᑦᓯᓂᖅ ᑲᑎᕐᓱᐊᕆᓪᓗᒍ ᐃᓂᑖᕐᑎᑉᐹ ᐱᓇᓱᐊᑦᓯᐊᕐᑐᓂ,
ᓴᐴᓗᑕᐅᕗᖅ ᐃᓅᓯᖃᕐᑐᓄᑦ ᐱᐅᔪᒥᒃ ᑲᔪᓯᑦᓯᐊᕐᑐᓄᑦ.
8ᓴᐳᑎᓯᒪᕚ ᓈᒻᒪᓈᑦᓯᐊᕐᑑᑉ ᐊᖅᑯᑎᖓ,
ᓴᐳᑎᓯᒪᑦᓯᐊᕐᐰᓪᓗ ᐃᓅᑦᓯᐊᕐᑐᖁᑎᖏᑕ ᐊᖅᑯᑎᒋᓂᐊᕐᑕᖏᑦ.
9ᑕᕝᕙ ᑐᑭᓯᓂᐊᕐᐳᑎᑦ ᐃᓱᐊᕐᑐᓕᓂᕐᒥᒃ ᐊᑦᔨᒌᒃᑎᑦᓯᓂᕐᒥᒡᓗ.
ᐊᑦᔨᒌᒃᑎᑦᓯᓂᕐᒥᒃ ᐱᐅᔪᒥᒡᓗ ᐊᑐᒐᒃᓴᒥᒃ.
10ᓯᓚᑐᓂᖅ ᑕᕝᕙ ᐆᒻᒪᑎᖕᓄᐊᕐᓂᐊᕐᐳᖅ,
ᖃᐅᔨᒪᓂᕐᓗ ᑕᕐᓂᕐᓄᑦ ᖁᕕᐊᓇᕐᓂᐊᕐᐳᖅ,
11ᐊᑦᔨᒋᔭᐅᖏᓐᓂᐅᑉ ᑲᒪᒋᑦᓯᐊᕐᓂᐊᕐᐹᑎᑦ,
ᑐᑭᓯᓂᐅᓪᓗ ᓴᐳᑎᓯᒪᓂᐊᕐᐹᑎᑦ.
12ᓴᐳᑦᔨᔨᒋᖃᑦᑕᕐᓂᐊᕐᐸᑦ ᐱᐅᖏᑦᑑᑉ ᐱᓇᓱᐊᕐᓂᖓᓂᑦ,
ᐃᓄᐃᓪᓗ ᐅᖃᐅᓯᕐᓗᖕᓂᖏᓐᓂᑦ.
13ᑖᒃᑯᓇᓐᖓᑦ ᐃᓱᐊᕐᑐᒥᒃ ᐊᑐᕆᐊᓕᖕᒥᒃ ᐊᑐᕈᓐᓃᕐᑐᓂᑦ.
ᑖᕐᑑᓪᓗ ᐱᓂᐊᕐᓂᖏᓐᓂ ᐃᓅᔪᓂᑦ.
14ᐱᐅᖏᑦᑐᒥᒃ ᐱᓇᓱᐊᕐᓂᕐᒥᒃ ᖁᕕᐊᓲᑎᖃᕐᑐᓂᑦ,
ᖁᕕᐊᒋᔭᖃᕐᑐᑦ ᐱᐅᖏᑦᑐᐊᓘᑉ ᑕᒻᒪᕐᓯᒪᓂᖓᓂᒃ.
15ᐃᓄᐃᑦ ᑐᑭᒧᐊᖏᑦᑐᓂᒃ ᐊᖅᑯᑎᖃᕐᑐᑦ,
ᓴᖑᐃᕐᑐᒥᒡᓗ ᐱᓂᐊᕐᓂᖃᕐᓗᑎᒃ.
16ᓴᐳᑎᔭᐅᑦᔪᑎᒋᓂᐊᕐᐸᑦ ᐊᕐᓇᐅᑉ ᐅᓇᖕᒥᓇᕐᓴᕐᓂᖓᓂᑦ,
ᐅᖃᐅᓯᒃᑯᓪᓗ ᐱᔪᒥᓇᕐᓴᕐᓂᖓᓂᑦ.
17ᐃᓅᓱᖕᓂᕐᒥᓂᑦ ᐂᑉᐸᕆᔭᓂ ᕿᒪᒃᓯᒪᓪᓗᒍ,
ᒎᑎᒧᑦ ᐊᖏᖃᑎᒌᒃᓯᒪᓂᕐᒥᓂᒃ ᐳᐃᒍᕐᓯᒪᔪᒥᑦ.
18ᐃᒡᓗᖓ ᓯᑐᕙᓪᓕᐊᖕᒪᑦ ᑐᖁᒧᑦ,
ᐊᑐᕐᑕᖓᓗ ᐃᓗᕕᕐᕕᖕᒧᓐᖓᐅᓪᓗᓂ,
19ᐊᕐᓇᒧᑦ ᑍᒤᑦᑐᒧᑦ ᐂᓯᒪᔪᑦ ᐅᑎᕐᑐᖃᕈᓐᓇᓐᖏᓚᑦ,
ᐃᓅᓯᖃᕐᓇᕐᑐᒧᓪᓗ ᐅᑎᒃᑲᓐᓂᕈᓐᓇᕋᑎᒃ.
20ᐃᓅᑦᓯᐊᕐᑐᑦ ᐊᖅᑯᑎᖓᓂ ᐃᓅᓂᐊᕐᐳᑎᑦ
ᐊᑐᕐᑍᓪᓗ ᓇᓛᒎᕐᑐᒥ ᐃᓅᓯᕐᒦᓪᓗᓂ.
21ᐱᐅᔪᒥ ᑲᔪᓯᔪᑦ ᓄᓇᒥ ᓄᓇᖃᕐᓂᐊᕐᐳᑦ,
ᓱᓕᔪᕐᓇᑦᓯᐊᕐᑐᓪᓗ ᓄᓇᕾᓐᓇᕐᓂᐊᕐᐳᑦ ᑕᕝᕙᓂ.
22ᐱᐅᖏᑦᑐᓪᓕ ᓄᓇᒥ ᐃᓅᑎᑕᐅᓂᐊᓐᖏᓚᑦ,
ᐅᒃᐱᕆᔭᒃᓴᐅᖏᑦᑐᓪᓗ ᐊᒫᖏᑎᒍᑦ ᓄᓱᒃᑕᐅᓂᐊᕐᐳᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
