ᓲᓗᒨᓂᐅᑉ ᐅᖃᓪᓚᖕᓂᖏᑦ 3
3
ᐅᖃᐅᑦᔪᐃᓂᖅ ᐊᖑᑎᓂᒃ ᐅᕕᒃᑲᓂᒃ
1ᐃᕐᓃᒃ ᐊᔪᕆᕐᑐᐃᑦᔪᑎᒋᔭᒃᑲ ᐳᐃᒍᕐᑍᓕᒃᑭᑦ,
ᐱᓇᓱᐊᕐᑕᐅᖁᔭᒃᑲ ᐆᒻᒪᑎᒃᑯᑦ ᐃᖅᑲᐅᒪᓂᐊᕐᐸᑎᑦ.
2ᐅᓪᓗᐃᑦ ᐊᕐᕌᒍᑦ ᐃᓅᓯᕐᓂᒃ ᑕᑭᒡᓕᑎᑕᐅᓂᐊᕐᐳᑦ
ᐊᒥᒐᕐᓯᖏᓐᓂᕐᒥᒡᓗ ᑐᓂᓯᕕᐅᑦᔪᑎᒋᓂᐊᕐᐸᑎᑦ.
3ᑲᒪᑦᓯᐊᕐᓂᐅᑉ ᓱᕐᕋᔪᐃᑦᑑᓂᐅᓪᓗ ᕿᒪᒃᑍᓕᓛᑎᑦ;
ᖁᖓᓯᕐᓄᑦ ᕿᓚᒃᓯᒪᒃᑭᑦ, ᐆᒻᒪᑎᖕᓄᓪᓗ ᑎᑎᕋᕐᓗᒋᑦ.
4 #
ᓘᑲᓯ 2:52. ᑍᒤᓕᐅᕈᕕᑦ ᖁᕕᐊᒋᔭᐅᓂᐊᕐᐳᑎᑦ ᐅᖃᐅᓯᐅᑦᓯᐊᕐᐸᒡᓗᑎᓪᓗ
ᒎᑎᐅᑉ ᓵᖓᓂ ᐃᓄᖕᓄᓪᓗ.
5ᐊᑕᓂᖅ ᑕᑎᒋᒍᒃ ᐆᒻᒪᑎᖕᓄᑦ ᑕᒤᓐᓄᑦ,
ᖃᐅᔨᒪᔭᑎᓪᓗ ᑕᑎᒋᓂᐊᕐᓇᒋᑦ.
6ᐱᓂᐊᕐᓂᕐᓄᑦ ᑕᒤᓐᓄᑦ ᓇᓗᓁᔭᕈᒃ,
ᑕᕝᕙ ᐊᖅᑯᑎᒋᔭᑎᑦ ᑐᑭᓕᐊᕐᑎᓐᓂᐊᕐᐰᑦ.
7 #
ᕉᒪᒥᐅᓄᑦ 12:16. ᐃᒻᒥᓂᒃ ᓯᓚᑐᓇᓱᒋᑦᑍᓕᒋᑦ;
ᐊᑕᓂᕐᓕ ᐃᓕᕋᒋᒍᒃ, ᐱᐅᖏᑦᑐᒥᒡᓗ ᕿᒤᓗᑎᑦ.
8ᑕᕝᕙ ᑎᒥᖕᓄᑦ ᐃᓅᓕᓴᐅᑕᐅᓂᐊᕐᐳᖅ,
ᑎᒥᖕᓄᓪᓗ ᐃᓗᐊᕐᓯᑦᔪᑎᒃᓴᐅᓗᓂ.
9ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ
ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.
10ᑍᒤᓕᐅᕈᕕᑦ ᓯᕐᓗᐊᑎᑦ ᓂᐊᖂᔭᒃᓴᓂᒃ ᑕᑕᓐᓂᐊᕐᐳᑦ,
ᕔᓂᖃᐅᑎᑎᓪᓗ ᐅᓯᕋᕐᑕᓕᕐᓂᐊᕐᐳᑦ ᑕᑕᓗᐊᕐᓂᕐᒧᑦ.
11 #
ᔫᐱ 5:17. #
ᐄᑉᕈᐃᓄᑦ 12:5,6. ᐃᕐᓃᒃ ᐊᑕᓂᐅᑉ ᐋᖅᑭᒋᐊᕐᐸᑎᑦ ᓇᕐᕈᒋᓂᐊᕐᓇᒍ,
ᐃᓂᕐᑎᕆᓂᖏᓪᓗ ᑕᖃᒋᓕᕐᓂᐊᕐᓇᒋᑦ.
12 #
ᑕᑯᑎ 3:19. ᐊᑕᓂᐅᑉ ᓇᒡᓕᒋᔭᓂ ᐃᓂᕐᑎᕐᐸᖕᒪᒋᑦ,
ᑍᒫᒃᑕᐅᖅ ᐊᑖᑕᐅᑉ ᐃᕐᓂᓐᓇᕆᔭᓂ ᐃᓂᕐᑎᓲᕆᖕᒪᒍ.
13ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓯᓚᑐᓂᕐᒥᒃ ᓇᓂᓯᔪᖅ,
ᐃᓄᒡᓗ ᑐᑭᓯᔪᓐᓇᕐᓯᔪᖅ.
14ᑕᒪᑐᒪ ᐱᕙᓪᓕᕐᓇᕐᓂᖓ ᐊᖏᓂᕐᓴᐅᖕᒪᑦ ᓯᐅᓪᕕᕆᒧᑦ ᐱᕙᓪᓕᕐᑎᑕᐅᓂᕐᒥᑦ
ᐊᑭᑐᓂᕐᓴᐅᓪᓗᓂᓗ ᒎᓗᒥᑦ.
15ᓯᓚᑐᓂᖅ ᐱᖁᑎᓂᑦ ᐊᑭᑐᔪᓂᑦ ᐱᒋᔪᒥᓇᕐᓂᕐᓴᐅᕗᖅ;
ᑐᓱᒋᔭᕐᓄᓪᓗ ᑕᒤᓐᓄᑦ ᐊᑦᔨᒋᑎᑕᒃᓴᐅᓐᖏᓚᖅ.
16ᐃᓅᑯᑖᒃᑎᑕᐅᓂᖅ ᑕᓕᕐᐱᖕᒥᓄᑦ ᑎᒍᒥᐊᕐᐹ,
ᓴᐅᒥᖕᒥᓂᓗ ᐊᒃᓗᐃᓂᕐᒥᒃ ᐅᐱᒋᔭᐅᓂᕐᒥᒡᓗ ᑎᒍᒥᐊᕐᓗᓂ.
17ᐱᓂᐊᕐᓂᖏᑦ ᓮᒪᓇᕐᑐᒥᒃ ᐱᓂᐊᕐᓂᐅᕗᑦ,
ᐊᖅᑯᓯᓂᖏᓪᓗ ᓮᓕᓇᕐᑑᓪᓗᑎᒃ.
18ᓇᐹᕐᑑᕗᖅ ᐃᓅᓯᖃᕐᓇᕐᑐᖅ ᑖᒃᑯᓄᖓ ᑖᑦᓱᒥᖓ ᑎᒍᓯᔪᓄᑦ;
ᑖᑦᓱᒥᖓ ᑎᒍᒥᐊᕐᑐᑦ ᑍᔭᐅᓕᕐᐳᑦ ᖁᕕᐊᓱᒃᑐᒥᒃ.
19ᐊᑕᓂᐅᑉ ᓄᓇᕐᔪᐊᖅ ᓯᓚᑐᓂᕐᒥᓄᑦ ᐱᒋᐊᕐᑎᓯᒪᕚ;
ᖃᐅᔨᒪᓂᕐᒥᓄᓪᓗ ᕿᓚᒃ ᐃᓂᑖᕐᑎᓯᒪᕚ;
20ᖃᐅᔨᒪᓂᖓᑕ ᐃᑎᓂᕐᒦᑦᑐᑦ ᖄᒥᑎᑉᐰᑦ,
ᓄᕗᔭᓪᓗ ᓯᓚᓗᒍᓐᓇᕐᑎᓪᓗᒋᑦ ᓄᓇᒧᑦ.
21ᐃᕐᓃᒃ, ᓯᓚᑐᓂᖅ ᓈᒻᒪᒃᑐᖅ ᓂᕈᐊᑦᓯᐊᕈᓐᓇᕐᓂᕐᓗ ᐱᓯᒪᒃᑭᑦ;
ᐃᓕᖕᓂᑦ ᕿᒪᕉᑎᑎᑦᑍᓕᓗᒋᑦ.
22ᑕᕐᓂᕐᓂᒃ ᐃᓅᑎᑦᓯᓂᐊᕐᒪᑕ
ᖁᖓᓯᕐᓂᓗ ᑕᑯᒥᓇᐅᑎᒋᓗᒍ.
23ᑕᕝᕙ ᐊᑦᑕᕐᓇᖏᑦᑐᒃᑯᑦ ᐱᓱᖕᓂᐊᕐᐳᑎᑦ
ᐃᑎᒐᑎᓪᓗ ᖁᐂᔭᕿᓐᓂᐊᕋᑎᒃ.
24ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ
ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.
25ᑲᑉᐱᐊᓱᖕᓂᐊᕐᓇᒃ ᑲᑉᐱᐊᓇᕐᑐᒧᑦ ᐅᐃᒻᒪᒃᑎᑕᐅᑲᓪᓚᖕᓂᕐᒥᒃ,
ᐱᐅᖏᑦᑐᒥᒃᓗ ᐃᓅᓯᖃᕐᑐᑦ ᑎᑭᑕᐅᒐᓗᐊᕐᐸᑕ ᐊᓄᕆᕐᔪᐊᕐᒧᑦ.
26ᐊᑕᓂᖅ ᖁᓚᖏᑦᔪᑎᒋᓂᐊᕋᕕᐅᒃ,
ᐃᑎᒐᑎᓪᓗ ᓈᑎᓐᓂᐊᓐᖏᓔᑦ.
27ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓂᖅ ᓄᖅᑲᖓᑎᑦᑍᓕᒍᒃ,
ᐱᔪᓐᓇᑐᐊᕈᕕᑦ ᐊᔪᖏᓪᓗᑎᑦ.
28ᐃᓅᖃᑏᑦ ᐅᖃᐅᑎᑦᑍᓕᒍᒃ, “ᐊᖏᕐᕋᓕᕆᑦ ᖃᐅᒃᐸᑦ ᕾᓛᕆᕗᑎᑦ,
ᖃᐅᒃᐸᑦ ᑐᓂᓯᕕᒋᓛᕐᐸᒋᑦ.” ᑐᓂᓯᑲᐅᑎᒋᔪᓐᓇᕐᑎᓪᓗᑎᑦ.
29ᐋᖅᑭᒃᓱᐃᕙᖕᓂᐊᓐᖏᓚᑎᑦ ᐃᓅᖃᑎᕕᑦ ᐱᓂᕐᓘᑎᒋᒐᔭᕐᑕᖓᓂᒃ;
ᓴᓂᒥᐅᑕᕆᓪᓗᒍ ᐃᓅᖃᑎᒋᒐᕕᐅᒃ, ᐅᒃᐱᕆᓪᓗᓂᑎᓪᓗ.
30ᓇᓪᓕᐊᓐᓂᒃ ᖃᓄᐃᓕᐅᕐᑕᐅᖏᓪᓗᑎᑦ ᐂᕙᖃᑎᖃᕐᑍᓕᕙᒋᑦ,
ᐃᓕᖕᓄᑦ ᐋᓐᓂᕐᓇᕐᑐᒥᒃ ᐱᓚᐅᕐᓯᒪᑎᓐᓇᒍ.
31ᐃᓄᒃ ᑲᑉᐱᐊᓱᒃᑎᑦᓯᕙᒃᑐᖅ ᑐᓱᒋᓕᕐᑍᓕᒍᒃ
ᐱᓂᐊᕐᓂᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑐᕐᑍᓕᒋᑦ.
32ᐊᑕᓂᐅᑉ ᐆᒥᒋᖕᒪᒋᑦ ᐊᔪᕐᑐᓕᔪᑦ,
ᐃᓱᐊᕐᑐᓕᔪᓪᓕ ᖁᓚᕆᓐᖏᓔᑦ.
33ᐱᐅᖏᑦᑐᑦ ᐃᒡᓗᖏᑦ ᐊᑕᓂᐅᑉ ᓯᕗᓂᕐᓗᒃᑎᑉᐰᑦ,
ᐃᓱᐊᕐᑑᓪᓕ ᐃᒡᓗᖏᑦ ᓮᒻᒪᕐᑎᓪᓗᒋᑦ.
34 #
ᔧᒥᓯ 4:6; 1 ᐲᑦᑐᕉᓯ 5:5. ᓇᕐᕈᔪᓂᒃ ᓇᕐᕈᒋᔭᖃᕐᐳᖅ,
ᒥᑭᒡᓕᑎᕐᓯᒪᔪᓪᓕ ᖁᕕᐊᒋᕔᑦ.
35ᓯᓚᑐᔪᑦ ᐅᐱᒋᔭᐅᓂᕐᒥᒃ ᑭᖑᕐᖑᑦᔨᓂᐊᕐᐳᑦ,
ᓯᓔᑦᑐᓪᓕ ᑲᓐᖑᓱᒃᑎᑕᐅᓂᕐᒥᒃ ᐱᑎᑕᐅᓗᑎᒃ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
