ᓲᓗᒨᓂᐅᑉ ᐅᖃᓪᓚᖕᓂᖏᑦ 13
13
1ᐃᕐᓂᖅ ᓯᓚᑐᔪᖅ ᐊᑖᑕᒥᓄᑦ ᐊᔪᕆᕐᑐᕐᑕᐅᔪᑎᒋᔭᒥᓂᒃ ᓈᓚᒃᐳᖅ,
ᒥᑕᐅᑎᖃᑐᐃᓐᓇᕐᐸᒃᑐᕐᓕ ᐃᓂᕐᑎᕐᑕᐅᑦᔪᑎᒥᓂᒃ ᓈᓚᒍᓐᓇᓐᖏᓚᖅ.
2ᐊᖑᑦ ᐅᖃᐅᓯᕐᒥ ᐱᕈᕐᑎᑕᖏᓐᓄᑦ ᒪᒪᕐᑐᓂᒃ ᓂᕿᖃᕐᑎᑕᐅᕗᖅ,
ᓯᓔᕐᕆᒃᓯᓇᓱᐊᕐᑎᓕ ᑲᑉᐱᐊᓱᒃᑎᑦᓯᓂᕐᒥᒃ ᐱᔪᒪᔭᖃᕐᐳᖅ.
3ᐅᖃᐅᓯᕆᔭᒥᓂᒃ ᐅᑦᔨᕐᓱᑦᓯᐊᕐᑐᖅ ᐃᓅᓯᕆᔭᒥᓂᒃ ᐱᓯᒪᒃᓯᑦᓯᐊᕐᐳᖅ,
ᐅᖃᕐᑍᓕᓐᖏᓗᐊᕐᑐᕐᓕ ᐃᓅᓯᕐᒥᓂᒃ ᐊᓯᕈᐃᕗᖅ.
4ᐃᕿᐊᑦᑕᐅᑉ ᑕᕐᓂᖓ ᑳᒃᐳᖅ, ᓂᕿᒃᓴᕐᑖᕋᓂᓗ,
ᐃᕿᐊᑦᑍᑦᑑᓪᓕ ᐊᒃᓱᕈᕐᓗᓂ ᐱᓇᓱᐊᕐᓂᕐᒥᓄᑦ ᓂᕿᒃᓴᖃᑦᓯᐊᕐᐳᖅ.
5ᐃᓱᐊᕐᑑᑉ ᓱᓕᖏᓐᓂᖅ ᐱᐅᒋᓐᖏᓛ,
ᐱᐅᖏᑦᑐᕐᓕ ᐱᓇᓱᐊᕐᐳᖅ ᑲᓐᖑᓲᑎᒃᓴᓂᒃ ᓇᕐᕈᒋᔭᐅᓂᕐᒥᒃᓗ.
6ᐃᓱᐊᕐᑐᓕᓂᐅᑉ ᓴᐳᑎᓯᒪᕚ ᐸᓯᔭᒃᓴᐅᖏᑦᑐᒥᒃ ᐃᓅᓯᖃᕐᑐᖅ,
ᐊᔪᕐᑐᓕᓂᕐᓕ ᑲᑕᒃᑎᑦᓯᕗᖅ ᐱᐅᖏᑦᑐᓕᔪᓂᒃ.
7ᐃᓚᖏᑦ ᐊᒃᓗᐃᑦᑑᓐᖑᐊᕐᐸᒃᐳᑦ, ᓱᓇᖃᖏᓪᓗᑎᒃ;
ᐊᓯᐊᓕ ᐊᔪᕐᓴᕐᑑᓐᖑᐊᕐᐳᖅ, ᐊᒃᓱᐃᑦᑐᐊᓘᓪᓗᓂ.
8ᐃᓅᑉ ᐊᒃᓱᐃᑦᑑᓂᓂ ᐃᓅᓯᕐᒥᓂᒃ ᐊᑭᓖᑦᔪᑎᒃᓴᕆᕚ,
ᐊᒃᓱᔪᕐᓕ ᓯᕘᕋᓵᕐᑕᐅᑦᔪᑎᒃᓴᖃᓐᖏᓚᖅ.
9ᐃᓱᐊᕐᑐᑦ ᓇᓂᕈᐊᖓ ᖃᐅᒻᒪᕆᑦᓯᐊᕐᐳᖅ,
ᐱᐅᖏᑦᑐᓪᓕ ᓇᓂᕈᐊᖓ ᖃᒥᑕᐅᓂᐊᕐᐳᖅ.
10ᓵᓚᖃᕋᓱᐊᕐᓂᕐᒧᑦ ᓈᓚᖏᑦᑐᖅ ᐂᕙᓂᕐᒥᒃ ᓴᖅᑭᑎᑦᓯᕗᖅ,
ᐅᖃᐅᑦᔪᕐᑕᐅᑦᔪᑎᒥᓂᒡᓕ ᓈᓚᒃᑐᖅ ᓯᓚᑐᔫᕗᖅ.
11ᐱᔭᕆᐊᑭᑦᑐᒃᑯᑦ ᑮᓇᐅᑦᔭᒃᑐᖅ ᑮᓇᐅᔧᕈᑎᑦᓴᐅᑎᒋᓲᖑᕗᖅ,
ᒥᑭᔫᑎᑎᒍᓪᓕ ᐃᓚᓯᕙᓪᓕᐊᔪᖅ ᐱᕈᕐᐸᓪᓕᐊᑎᑦᓯᓂᐊᕐᐳᖅ.
12ᓂᕆᐅᖕᓂᕐᒥᒃ ᑭᖑᕙᕆᐊᕐᑎᑦᓯᓂᖅ ᐆᒻᒪᑎᒧᑦ ᖃᓂᒪᓇᕐᑐᒥᒃ ᐱᑎᑦᓯᕗᖅ,
ᓂᕆᐅᒋᔭᒥᓄᓪᓕ ᑎᑭᐅᑎᓂᖅ ᓇᐹᕐᑑᕗᖅ ᐃᓅᓯᕐᑕᓕᒃ.
13ᐅᖃᐅᓯᕐᒥᒃ ᓇᕐᕈᔪᖅ ᐊᓯᕈᕐᑕᐅᓂᐊᕐᐳᖅ,
ᐱᖁᔭᓐᓂᒡᓕ ᓯᕘᕋᒋᔭᖃᕐᑐᖅ ᐊᑭᓕᕐᑕᐅᓂᐊᕐᐳᖅ.
14ᓯᓚᑐᔫᑉ ᐃᓕᓮᑦᔪᑎᖏᑦ ᐃᒥᕐᕕᒃᓴᐅᕗᑦ ᐃᓅᓯᖃᕐᓇᕐᑐᒥᒃ,
ᐃᓄᒃ ᑐᖂᑉ ᓂᒐᖏᓐᓂᒃ ᓂᒍᕐᓯᖁᓪᓗᒍ.
15ᐃᓱᒪᒃᓴᕐᓯᐅᑦᓯᐊᕐᓂᖅ ᓈᒻᒪᒋᔭᐅᓂᖃᕐᑎᑦᓯᕗᖅ,
ᑐᑭᓯᒪᓂᖃᕋᓱᐊᖏᑦᑐᕐᓕ ᐊᑐᒐᒃᓴᖃᕐᐳᖅ ᐊᓯᕈᕐᑕᐅᓂᕐᒥᒃ.
16ᑕᒤᑎᒍᑦ ᓯᕗᓂᒃᓴᑦᓯᐅᑦᓯᐊᕐᑐᖅ ᐱᓂᐊᕐᓂᖃᕐᐳᖅ ᖃᐅᔨᒪᓂᕐᒥᓄᑦ,
ᓯᓔᑦᑐᕐᓕ ᓯᓔᓐᓂᕐᒥᒃ ᓴᖅᑭᔮᕐᑎᑦᓯᕗᖅ.
17ᐱᐅᖏᑦᑐᖅ ᐅᖃᕆᐊᕐᑐᕐᑎᑕᐅᒐᒥ ᐃᓄᖕᓂᒃ ᑲᑕᒃᑎᑦᓯᕗᖅ ᐃᓱᐊᖏᑦᑐᒧᑦ,
ᓱᓕᑦᓯᐊᕐᑑᓪᓕ ᐅᖃᕆᐊᕐᑐᕐᑎᑕᐅᓂᖓ ᐋᖅᑭᒃᑕᐅᓇᕐᐳᖅ.
18ᐋᖅᑭᒋᐊᕐᑕᐅᑦᔪᑎᒥᓂᒃ ᑲᒪᖏᑦᑐᖅ ᐊᔪᕐᓴᕐᓇᕐᑐᒧᑦ ᐅᐱᒋᔭᐅᓐᓇᖏᑦᑐᒧᓪᓗ ᑎᑭᑎᓐᓂᐊᕐᐳᖅ,
ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᑦᓯᐊᕐᑐᖅ ᐅᐱᒋᔭᐅᓂᖃᕐᓂᐊᕐᐳᖅ.
19ᐱᔪᒪᔭᒥᓂᒃ ᐱᔪᖅ ᓰᕐᓇᕐᐳᖅ ᑕᕐᓂᕐᒧᑦ,
ᓯᓔᑦᑐᓪᓕ ᐱᐅᖏᑦᑐᒥᑦ ᓴᖑᔭᕆᐊᒃᓴᖅ ᓇᕐᕈᕗᑦ.
20ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ,
ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.
21ᐱᓂᕐᓗᖕᓃᑦ ᐊᔪᕐᑐᓕᔪᓂᒃ ᒪᓕᒃᐳᑦ,
ᐃᓱᐊᕐᑐᓪᓕ ᐱᐅᔪᒥᒃ ᐊᑭᓕᕐᑕᐅᑦᔪᑎᖃᕐᓂᐊᕐᐳᑦ.
22ᐃᓄᑦᓯᐊᕙᒃ ᑭᖑᕐᖑᑎᔭᒃᓴᖁᑎᖃᕐᐳᖅ ᕿᑐᕐᖓᒥ ᕿᑐᕐᖓᖏᓐᓄᑦ,
ᐊᔪᕐᑐᓕᔫᓪᓕ ᐊᒃᓗᐃᓐᓂᖓ ᐊᑐᐃᓐᓇᕈᕐᑕᐅᕗᖅ ᓇᓛᒎᕐᑐᒧᑦ.
23ᐊᒃᓗᔫᑉ ᐱᕈᕐᓰᕕᖁᑎᖓ ᐱᕈᕐᕕᐅᔪᓐᓇᕐᐳᖅ ᓂᕿᒃᓴᓂᒃ ᐊᒥᒐᖏᑦᑐᓂᒃ,
ᐊᓯᐅᑎᑕᐅᑐᐃᓐᓇᕐᐳᓪᓕ ᐱᖁᔭᓂᒃ ᒪᓕᑦᓯᐊᖏᑦᑐᓄᑦ.
24ᐃᕐᓂᕐᒥᓂᒃ ᓱᒋᐊᕐᓯᔪᓐᓇᖏᑦᑐᖅ ᐃᕐᓂᕐᒥᓂᒃ ᓇᒡᓕᒍᓱᓐᖏᓚᖅ,
ᓇᒡᓕᒍᓱᒃᑐᕐᓕ ᓱᒋᐊᕐᓯᑦᑍᓕᓂᐊᓐᖏᓚᖅ.
25ᐃᓱᐊᕐᑐᑦ ᓂᕿᒃᓴᖃᕐᐳᖅ ᐊᕿᐊᑦᑐᕈᑎᒃᓴᒥᓂᒃ,
ᐱᐅᖏᑦᑐᓪᓕ ᐊᕿᐊᕈᖏᑦ ᐃᓗᓪᓕᕈᑎᒃᓴᖃᓐᖏᓚᑦ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 13: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
