ᓲᓗᒨᓂᐅᑉ ᐅᖃᓪᓚᖕᓂᖏᑦ 12
12
1ᐋᖅᑭᒋᐊᕐᑕᐅᓂᕐᒥᒃ ᖁᕕᐊᒋᔭᓕᒃ, ᖃᐅᔨᑎᑕᐅᓂᕐᒥᒃ ᖁᕕᐊᒋᔭᖃᕆᕗᖅ,
ᐃᓂᕐᑎᕐᑕᐅᓂᕐᒥᒃ ᐱᐅᒃᓴᖏᑦᑐᖅ ᐃᓱᒪᖃᖏᑦᑑᕗᖅ
2ᐃᓄᑦᓯᐊᕙᐅᔪᖅ ᐊᑕᓂᕐᒧᑦ ᖁᕕᐊᒋᔭᐅᓂᖃᕐᐳᖅ,
ᐱᐅᖏᑦᑐᓂᒡᓗ ᐱᓇᓱᐊᕈᒪᓂᕾᓐᓇᕐᑐᖅ ᐊᑕᓂᐅᑉ ᑐᖁᔪᒃᓴᖁᑎᒋᕚ.
3ᐃᓄᒃ ᐃᓂᖃᑦᓯᐊᕈᓐᓇᓐᖏᓚᖅ ᐱᐅᖏᑦᑐᒧᑦ ᐊᐅᓚᑕᐅᔪᒥ,
ᐃᓱᐊᕐᑐᓪᓕ ᐃᓂᒋᔭᖓᑦ ᐊᐅᓚᑦᔭᒃᑕᐅᔪᓐᓇᓐᖏᓚᖅ.
4ᓄᓕᐊᑦᓯᐊᕙᐅᔪᖅ ᐅᐃᖓᑕ ᓂᐊᖂᑎᒋᕚ,
ᓄᓕᐊᕐᓕ ᑲᓐᖑᓇᕐᑐᒦᑎᑦᓯᔪᖅ ᐅᐃᖓᑕ ᓴᐅᓂᖏᓐᓂᒃ ᐊᐅᓂᕈᕐᑎᑦᓯᔪᑎᑐᑦ ᑍᒤᑉᐳᖅ.
5ᐃᓱᐊᕐᑑᑉ ᐃᓱᒪᒋᔭᖏᑦ ᐊᑦᔨᒌᒃᑎᑦᓯᓂᐅᕗᑦ
ᐱᐅᖏᑦᑑᓪᓕ ᐃᓱᒪᒃᓴᕐᓯᐅᖃᑎᒌᖕᓂᕆᔭᖏᑦ ᑕᑎᒋᔭᒃᓴᐅᓐᖏᓚᑦ.
6ᐱᐅᖏᑦᑐᑦ ᐅᖃᐅᓯᖏᑦ ᐅᑕᖅᑭᓂᐅᕗᑦ ᑐᖁᑦᓯᔪᒪᓂᕐᒧᑦ
ᐃᓱᐊᕐᑐᓪᓕ ᐅᖃᐅᓯᖏᑦ ᐃᓄᖕᓂᒃ ᓴᐳᑦᔨᕗᑦ.
7ᐱᐅᖏᑦᑐᑦ ᓴᓚᐅᔭᕌᖓᒥᒃ ᐊᓯᐅᑐᐃᓐᓇᕐᐸᒃᐳᑦ,
ᐃᓱᐊᕐᑐᓪᓕ ᓇᔪᒐᖏᑦ ᒪᑭᑕᓂᐊᕐᐳᑦ.
8ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ,
ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.
9ᐱᐅᓂᕐᓴᐅᕗᖅ ᓱᓇᐅᔪᕆᔭᐅᖏᑦᑐᖅ ᐃᒻᒥᓄᑦ ᐱᓇᓱᐊᕐᑐᖅ,
ᐃᒻᒥᓂᒃ ᐊᖏᒃᓕᑎᕐᓯᒪᔪᒥᑦ ᓂᕿᒃᓴᖃᓚᐅᕐᓯᒪᖏᑦᑐᒥᑦ.
10ᐃᓱᐊᕐᑑᑉ ᐆᒪᔪᖁᑎᒥ ᐃᓅᓯᖏᑦ ᑲᒪᒋᑦᓯᐊᕐᐰᑦ,
ᐱᐅᖏᑦᑑᓪᓕ ᑲᒪᑦᓯᐊᕐᑑᔭᕐᓂᖏᑦ ᐋᓐᓂᐊᑎᑦᓯᑦᔪᑎᒋᕔᑦ.
11ᓄᓇᖁᑎᒥᓂᒃ ᐱᕈᕐᓰᕕᓕᕆᑦᓯᐊᕐᓂᕐᒥᓄᑦ ᐱᕈᕐᑎᑕᒥᓄᑦ ᓂᕿᒃᓴᖃᕐᓂᐊᕐᐳᖅ,
ᐊᑑᑎᒃᓴᖃᖏᑦᑐᓂᒡᓕ ᐱᓇᓱᐊᖃᑦᑕᕐᑐᖅ ᐃᓱᒪᒃᓴᕐᓯᐅᕈᓐᓇᓐᖏᓚᖅ.
12ᐱᐅᖏᑦᑐᑦ ᐱᐅᖏᑦᑐᓕᔪᑦ ᐱᓂᐊᕐᓂᖏᓐᓂᒃ ᑐᓱᕗᑦ,
ᐃᓱᐊᕐᑐᓪᓕ ᐊᒫᖃᕐᐳᑦ ᐸᐅᕐᖓᓂᒃ ᐱᕈᕐᕕᐅᓕᕈᓐᓇᕐᑐᓂᒃ.
13ᐃᓄᒃ ᐱᐅᖏᑦᑐᓂᒃ ᐅᖃᐅᓯᕐᒥᒍᑦ ᓈᒻᒪᖏᑦᑐᓕᓂᕐᒥᖕᓄᑦ ᓂᒐᕐᑎᑕᐅᓯᒪᕗᖅ,
ᐃᓱᐊᕐᑐᓪᓕ ᓈᒻᒪᖏᑦᑐᓂᒃ ᐊᓂᒍᐃᓂᐊᕐᐳᑦ.
14ᐊᖑᑦ ᐱᐅᔪᓂᒃ ᐅᖃᐅᓯᕐᒥᓄᑦ ᓈᒻᒪᒃᓯᑎᑕᐅᓯᒪᓂᐊᕐᐳᖅ ᐱᐅᔪᒥᒃ,
ᐊᒡᒐᖏᑕᓗ ᐱᓇᓱᐊᕐᓂᖏᑦ ᐊᑭᓕᕐᑕᐅᑦᔪᑎᒋᓂᐊᕐᐰᑦ.
15ᓯᓔᑦᑑᑉ ᐊᖅᑯᑎᒋᔭᓂ ᓈᒻᒪᒃᑐᑑᔪᕆᕚ,
ᓯᓚᑐᔪᕐᓕ ᐃᓱᒪᓕᐅᕐᑕᐅᒍᓂ ᓈᓚᖕᓂᐊᕐᐳᖅ.
16ᓯᓔᑦᑐᖅ ᓂᓐᖓᑐᐊᕋᒥ ᓇᓗᓇᕈᓐᓁᕇᕐᐳᖅ,
ᐅᑦᔨᕐᑐᑦᓯᐊᕐᑐᕐᓕ ᒥᑕᐅᑎᒋᔭᐅᓂᕐᒥᓂᒃ ᑲᒪᓐᖏᓯᕐᑐᕈᓐᓇᕐᐳᖅ.
17ᓱᓕᔪᒥᒃ ᐅᖃᐅᓯᖃᕐᑐᖅ ᐃᓱᐊᕐᑐᒥᒃ ᓇᓗᓁᕐᓯᔪᓐᓇᕐᐳᖅ,
ᓱᓕᖏᑦᑑᓪᓕ ᐅᖃᐅᓯᕆᔭᖏᑦ ᐅᐃᕕᕆᒃᓯᕗᑦ.
18ᐅᖃᐅᓯᕐᒥᖕᓂᒃ ᐅᑦᔨᕐᓱᕈᓐᓇᖏᑦᑑᑉ ᐅᖃᐅᓯᖏᑦ ᓴᕕᒡᔪᐊᑎᑐᑦ ᑲᐱᓯᕗᑦ,
ᓯᓚᑐᔪᓪᓕ ᐅᖃᐅᓯᖏᑦ ᐋᖅᑭᒃᑕᐅᓐᓇᕐᐳᑦ.
19ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ,
ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.
20ᐅᐃᕕᕆᒃᓯᓂᖅ ᐆᒻᒪᑎᖓᓂᑉᐳᖅ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᓄᑦ,
ᐃᓱᒪᒃᓴᕐᓯᐅᑦᓯᐊᕐᑐᓪᓕ ᐱᐅᔪᓂᒃ ᖁᕕᐊᓱᖕᓂᕐᒦᑉᐳᑦ.
21ᐃᓱᐊᕐᑐᑦ ᕿᒃᓵᖕᓇᕐᑐᓄᑦ ᓵᓚᐅᓂᐊᓐᖏᓚᑦ,
ᐱᐅᖏᑦᑐᓪᓕ ᖃᓄᐃᓐᓇᕐᑐᓄᑦ ᐅᒋᐊᕐᑕᐅᓯᒪᓂᐊᕐᐳᑦ.
22ᓴᒡᓗᑐᔪᓂᒃ ᐅᖃᐅᓯᓖᑦ ᐊᑕᓂᐅᑉ ᓇᕐᕈᒋᕔᑦ,
ᐱᓂᐊᕐᓂᖃᕐᑐᓪᓕ ᒪᓕᑦᓯᐊᖏᓐᓇᕐᓗᑎᒃ ᖁᕕᐊᒋᕔᑦ.
23ᓯᕗᓂᒃᓴᒥᒃ ᐃᓱᒪᑦᓯᐊᕈᓐᓇᕐᑑᑉ ᖃᐅᔨᒪᑎᑕᐅᓂᓂ ᐃᔨᕐᓯᒪᕚ,
ᓯᓔᑦᑐᕐᓕ ᓇᓗᓁᕐᓯᕙᒃᐳᖅ ᓯᓔᕐᕆᔭᐅᓂᕐᓂᒃ.
24ᐊᔪᐃᓐᓇᕐᓗᓂ ᐱᓇᓱᐊᓪᓚᕆᒃᐸᒃᑐᖅ ᐊᐅᓚᑦᓯᔨᓐᖑᕈᒫᕐᐳᖅ,
ᐃᕿᐊᑦᑕᕐᓕ ᐃᓱᒪᕐᓱᕐᕕᖃᖏᓪᓗᓂ ᐃᖅᑲᓁᔭᕐᑎᑕᐅᓂᐊᕐᐳᖅ.
25ᐃᓱᒪᔮᕈᑎᖃᓗᐊᕐᑐᖅ ᐆᒻᒪᑎᒥᒍᑦ ᖁᕕᐊᓇᖏᑦᑐᒦᓕᕈᓐᓇᕐᐳᖅ,
ᐅᖃᐅᑦᔭᐅᑦᓯᐊᕐᓂᕐᒧᓪᓕ ᖁᕕᐊᑦᓴᒃᑎᑕᐅᔪᓐᓇᕐᐳᖅ.
26ᐃᓄᒃ ᐃᓱᐊᕐᑐᖅ ᐅᖃᐅᑦᔨᑦᓯᐊᕐᐸᒃᐳᖅ ᒪᓕᒐᒃᓴᓂᒃ ᐃᓚᓐᓇᕆᔭᒥᓄᑦ,
ᐱᐅᖏᑦᑐᓪᓕ ᐊᖅᑯᑎᒋᑦ ᑕᒻᒪᕐᑎᑦᓯᕗᑦ.
27ᐃᕿᐊᑦᑍᑦ ᐆᒪᔪᕐᑕᒥᖕᓂᒃ ᓂᕆᔭᒃᓴᓕᐅᕈᓐᓇᓐᖏᓚᑦ,
ᐊᔪᐃᓐᓇᕐᑐᓪᓕ ᐊᔪᕐᓴᖏᑦᔪᑎᒃᓴᕐᓯᓂᐊᕐᐳᖅ.
28ᐃᓱᐊᕐᑐᓕᓂᐅᑉ ᐊᖅᑯᑎᖓᓂ ᐃᓅᓯᐅᕗᖅ,
ᐊᖅᑯᑎᒋᔭᖓᓂᓗ ᑐᖁᓐᓇᕐᑐᕐᑕᖃᓐᖏᓚᖅ.
Currently Selected:
ᓲᓗᒨᓂᐅᑉ ᐅᖃᓪᓚᖕᓂᖏᑦ 12: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
