ᐱᓕᐱᒥᐅᓄᑦ 3
3
ᓇᓛᒎᕐᓂᖅ ᓱᓕᔪᖅ
1ᑭᖑᓪᓕᕐᐹᒥᒡᓕ ᐅᒃᐱᕐᑑᖃᑎᒃᑲ, ᖁᕕᐊᓱᒋᑦᓯ ᐊᑕᓂᕐᒥ. ᑎᑎᕋᐅᓯᕆᓚᐅᕐᑕᓐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᕋᓗᐊᕈᒪ ᖃᓄᐃᒃᓴᓐᖏᓚᖓ, ᓴᐳᑎᔭᐅᑦᔪᑎᒋᒃᑲᓐᓂᕐᓂᐊᕋᑦᓯᐅᒃ. 2ᓯᓔᕐᕆᔭᐅᑦᑍᓕᒋᑦᓯ ᕿᒻᒥᓄᑦ, ᓯᓔᕐᕆᔭᐅᑦᑍᓕᒋᑦᓯ ᐱᐅᖏᑦᑐᒥᒃ ᐱᓇᓱᐊᕐᑐᓄᑦ, ᓯᓔᕐᕆᔭᐅᑦᑍᓕᒋᑦᓯ ᑎᒥᐅᑉ ᐃᓚᖓᓂᒃ ᓇᑲᑎᕆᔨᓄᑦ. 3ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ. 4ᐅᕙᖓᑦᑕᐅᖅ ᓇᖕᒥᓂᖅ ᑕᒪᒃᑯᓂᖓ ᑕᑎᖃᕈᓐᓇᕋᓗᐊᕐᒥᔪᖓ. ᑎᒥᒃᑯᑦ ᐱᐅᓯᕆᔭᐅᔪᓂᒃ ᑕᑎᖃᕈᓐᓇᕋᓱᒋᔪᖃᕐᐸᑦ, ᐱᖃᓗᐊᕋᔭᕐᐳᖓ ᐊᒡᓛᑦ; 5#ᕉᒪᒥᐅᓄᑦ 11:1; ᐋᐴᓯᑕᓖᑦ 23:6; 26:5.ᓯᑕᒪᐅᔪᕐᑐᓂᒃ ᐅᓪᓗᖃᓕᕐᑎᓪᓗᖓ ᑭᐱᔭᐅᓐᓂᕋᒪ, ᐃᓅᓕᕐᓂᒃᑯᑦ ᐃᓴᕆᐊᓕᐅᔪᖓ, ᐱᓐᔭᒥᓂᒧᑦ ᑭᖑᕚᖑᓪᓗᖓ, ᐄᑉᕉᓪᓚᕆᐅᔪᖓ ᐊᐅᒃᑯᑦ; ᔫᑎᑦ ᐱᖁᔭᖏᓐᓂᒃ ᒪᓕᖕᓂᒃᑯᑦ ᐹᕆᓯᐅᔪᖓ. 6#ᐋᐴᓯᑕᓖᑦ 8:3; 22:4; 26:9-11.ᔫᑎᑦ ᐱᐅᓯᖏᓐᓂᒃ ᐊᓐᓂᕈᓱᖕᓂᕐᒧᑦ ᐅᒃᐱᕐᑑᖃᑎᒌᓂᒃ ᐊᑭᕋᕐᑐᓚᐅᕐᑐᖓ, ᐱᖁᔧᑦ ᓇᓛᒎᕐᓂᕅᓂᖏᑎᒍᑦ ᐸᓯᔭᒃᓴᐅᓚᐅᓐᖏᓚᖓ. 7ᑕᒪᒃᑯᐊᓕᒫᓪᓕ ᐊᔪᖏᑦᔪᑎᒋᓇᓱᓚᐅᕐᑕᒃᑲ ᒫᓐᓇ ᐊᑑᑎᒃᓴᖃᕈᓐᓃᕐᐳᑦ ᙭ᔅᑑᓯ ᐱᓪᓗᒍ. 8ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ 9ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ; 10᙭ᔅᑑᓯ ᖃᐅᔨᑦᓯᐊᕈᒪᕙᕋ ᒪᑭᓐᓂᖓᑕ ᐱᔪᓐᓇᕐᓂᖓ, ᐊᒃᓱᕈᕐᑎᑕᐅᓂᖓᓗ ᐃᓚᖏᐅᑎᕕᒋᔪᒪᕙᕋ, ᑐᖁᓂᖓᓗ ᐊᑦᔨᒋᔪᒪᓪᓗᒍ, 11ᐊᔪᕐᓇᖏᑉᐸᑦ ᒪᑭᑎᑕᐅᔪᓐᓇᕈᒪᓪᓗᖓ ᑐᖁᒥᑦ ᐃᓅᓯᕐᒧᑦ.
ᐅᐸᒐᒃᓴᒧᑦ ᑲᔪᓯᑦᓯᐊᕋᓱᐊᕐᓂᖅ
12ᑕᒪᑐᒥᖓ ᐱᔭᕇᕐᓯᒪᓂᕋᕐᓗᖓ ᐅᖃᓐᖏᓚᖓ ᐅᕝᕙᓗ ᓈᒻᒪᒃᓯᔭᕇᕐᓂᕋᕐᓗᖓᓘᓐᓃᑦ; ᐱᓇᓱᐊᕐᐸᕋᓕ ᓵᓚᖃᐅᑎᒃᓴᖅ ᐱᑖᕆᔪᒪᓪᓗᒍ, ᔩᓱᓯ ᙭ᔅᑑᓯᐅᑉ ᓵᓚᖃᕈᑎᔭᕇᕐᓯᒪᖕᒪᖓ ᐱᑖᕆᓪᓗᓂᖓ ᓇᖕᒥᓂᖅ. 13ᐅᒃᐱᕐᑑᖃᑎᒃᑲ, ᐃᓱᒪᓐᖏᓚᖓ ᑎᒍᓯᔭᕇᕐᓯᒪᔪᕆᓗᖓ; ᐅᓇ ᑕᕝᕙ ᐊᑕᐅᓯᖅ ᐱᓇᓱᐊᕐᑕᕋ, ᑐᓄᓐᓃᑦᑐᑦ ᐳᐃᒍᕐᐸᒃᑲ ᓯᕗᓂᓐᓃᑦᑐᓪᓗ ᐊᒃᓱᕈᕐᓗᖓ ᓯᕗᒧᐊᒍᑎᒋᓇᓱᐊᕐᐸᒃᑲ, 14ᓯᕗᒧᐊᑦᓯᐊᕋᓱᐊᕐᐳᖓ ᓵᓚᖃᐅᑎᒃᓴᖅ ᐱᕕᐊᕐᓇᕐᑐᕐᔪᐊᖅ ᐱᑖᕆᔪᒪᓪᓗᒍ ᑕᒪᓐᓇ ᒎᑎᐅᑉ ᕾᖁᔨᑦᔪᑎᒋᖕᒪᒍ ᔩᓱᓯ ᙭ᔅᑑᓯᒥ.
15ᑕᒪᑦᑕ ᐊᓂᕐᓂᒃᑯᑦ ᐱᕈᕇᕐᓯᒪᔪᒍᑦ ᑍᒫᒃ ᐊᑦᔨᒌᒃᑐᒥᒃ ᐃᓱᒪᖃᕆᐊᖃᕐᐳᒍᑦ; ᐊᑦᔨᒋᓐᖏᑕᖓᓂᒡᓕ ᐃᓱᒪᖃᕈᑦᓯ, ᑕᒪᓐᓇ ᒎᑎᐅᑉ ᓴᖅᑭᑎᓐᓂᐊᕐᐹ ᐃᓕᑦᓯᓐᓄᑦ. 16ᑍᒤᒻᒪᑦ ᑲᔪᓯᓕᕐᑕ ᓱᓕᔪᑦ ᐃᓕᓐᓂᐊᕐᓯᒪᔭᕗᑦ ᒪᓕᒡᓗᒋᑦ.
17 #
1 ᑯᕆᓐᑎ 4:16; 11:1. ᐅᒃᐱᕐᑑᖃᑎᒃᑲ ᒪᓕᓚᐅᕐᓯᓐᖓ, ᒪᓕᒐᒃᓴᑦᓯᐊᒥᒃ ᐋᖅᑮᓯᒪᒐᑦᑕ ᐃᓕᑦᓯᓐᓄᑦ ᑍᒤᒻᒪᑦ ᒪᓕᒃᑐᑦ ᑕᒪᑐᒥᖓ ᑲᒪᒋᑦᓯᐊᕐᓯᐅᒃ. 18ᑕᒪᑐᒥᖓ ᐅᓄᕐᑐᐃᕐᓱᕐᓗᖓ ᐅᖃᐅᑎᖃᑦᑕᓚᐅᕐᐸᑦᓯ, ᒫᓐᓇᓕ ᐅᖃᐅᓯᕆᒃᑲᓐᓂᕐᐸᕋ ᖁᕝᕕᐅᕐᓗᖓ, ᐅᓄᕐᒪᑕ ᐃᓅᓯᕐᒥᒍᑦ ᐊᑭᕋᕐᑐᕐᑐᑦ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᖓᓂᒃ. 19ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ. 20ᐅᕙᒍᓪᓕ ᓄᓇᒋᔭᕗᑦ ᕿᓚᖕᒦᑉᐳᖅ, ᑕᑉᐹᓐᖓᓪᓗ ᕿᓚᓈᕐᓗᑕ ᐅᑕᖅᑭᕙᕗᑦ ᐱᐅᓕᔨ, ᔩᓱᓯ ᙭ᔅᑑᓯ ᐊᑕᓂᕗᑦ. 21ᑖᑦᓱᒪ ᑎᒥᕗᑦ ᓴᓐᖐᑦᑐᖅ ᐊᓯᑦᔨᕈᒫᕐᐹ ᑎᒥᒥᓄᑦ ᐱᕕᐊᕐᓇᕐᑐᕐᔪᐊᒧᑦ ᐊᑦᔨᐅᓕᕐᑎᓪᓗᒍ, ᐱᔪᓐᓇᕐᓂᕐᒥᒡᓗ ᑖᑦᓱᒥᖓ ᐊᑐᕐᓗᓂ ᑕᒪᕐᒥᒃ ᐊᑕᓂᐅᕕᒋᓕᕈᒫᕐᐰᑦ.
Currently Selected:
ᐱᓕᐱᒥᐅᓄᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
