ᐱᓕᐱᒥᐅᓄᑦ 2
2
᙭ᔅᑑᓯᐅᑉ ᒥᑭᓕᑎᕐᓂᖓ ᐊᖏᔪᕈᕐᑎᑕᐅᓂᖓᓗ
1᙭ᔅᑑᓯᒥ ᐱᕙᓪᓕᕐᑎᑕᐅᔪᖃᕐᐸᑦ, ᓇᒡᓕᖕᓂᖓᓄᑦ ᓮᒻᒪᕐᑎᑕᐅᒍᑦᓯ, ᐊᓂᕐᓂᖓᓄᓪᓗ ᐃᓚᒌᑦᓯᐊᓕᕐᑎᑕᐅᒍᑦᓯ ᐃᓕᑦᓯᓐᓄᑦ, ᐱᑦᓯᐊᕐᓂᖃᓕᕐᓗᓯᓗ ᐃᓚᑦᓱᒍᓱᖕᓂᖃᓕᕈᑦᓯ ᐃᓅᖃᑎᑦᓯᓐᓄᑦ, 2ᖁᕕᐊᓱᖕᓂᕋ ᐃᓗᐃᑦᑐᓐᖑᕐᑎᑦᓯᐊᓚᐅᕐᓯᐅᒃ ᐃᓱᒪᖃᖃᑎᒌᖕᓂᑦᓯᓐᓄᑦ, ᓇᒡᓕᖕᓂᑦᓯᓐᓄᓪᓗ, ᐊᑕᐅᓯᐅᖃᑎᒌᑦᓯᐊᕐᓂᑦᓯᓐᓄᓪᓗ ᐃᓱᒪᑦᓯᒍᑦ. 3ᐱᓇᓱᐊᕐᓂᐊᕋᓯ ᓇᖕᒥᓂᕐᓯᐅᕐᓂᕐᒥᒃ ᐅᕝᕙᓗ ᐊᔪᖏᓐᓂᕐᓴᐅᓇᓱᒋᓂᕐᒥᒃ, ᐱᐅᔪᕆᖏᓐᓂᕐᒧᓪᓕ ᐃᓅᖃᑎᑦᓯ ᐃᓕᑦᓯᓐᓂᑦ ᐱᐅᓂᕐᓴᐅᓂᖏᓐᓂᒃ ᐃᓱᒪᖃᕆᑦᓯ. 4ᐃᓕᑦᓯᓕ ᐊᑐᓂᑦ ᖁᕕᐊᒋᔭᑐᐊᑦᓯᓐᓂᒃ ᕿᓂᕐᓂᐊᕋᓯ, ᐊᓯᑦᓯᓕ ᖁᕕᐊᒋᔭᖏᓐᓂᒃᑕᐅᖅ ᐃᓱᒪᖃᕆᑦᓯ. 5ᐃᓱᒪᖃᕆᑦᓯ, ᔩᓱᓯ ᙭ᔅᑑᓯᐅᑉ ᐃᓱᒪᖃᕐᓂᖓᑐᑦ.
6ᑖᓐᓇ ᒎᑎᑐᑦ ᑍᒤᒃᑲᓗᐊᕋᒥ,
ᒎᑎᒥᒃ ᐊᑦᔨᖃᕋᓱᓚᐅᓐᖏᓚᖅ ᓂᕐᑐᕐᓇᐅᑎᖃᕋᓱᐊᕋᓂᓘᓐᓃᑦ.
7ᐃᓱᒪᕐᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᕐᐳᖅ,
ᐱᔨᑐᐃᓐᓇᕐᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᕐᑐᓪᓗ ᑍᒤᓕᓚᐅᕐᐳᖅ
ᐃᓄᑐᐃᓐᓇᕐᑎᑐᓪᓗ ᑕᑯᒃᓴᐅᓂᖃᓕᕐᓗᓂ.
8ᐃᒻᒥᓂᒃ ᒥᑭᒡᓕᑎᓚᐅᕐᐳᖅ,
ᓈᓚᑦᓯᐊᖏᓐᓇᓚᐅᕐᐳᖅ ᑐᖁᒧᑦ ᐊᒡᓛᑦ ᑎᑭᓪᓗᓂ,
ᑐᖁᒧᑦ ᓴᓐᓂᖓᔪᓕᖕᒥ ᐊᒡᓛᑦ.
9ᑍᒤᒻᒪᑦ ᒎᑎᐅᑉ ᖁᑦᓯᖕᓂᕐᐹᒧᑦ ᓲᖑᓂᕐᐹᒧᐊᕐᑎᓚᐅᕐᐹ
ᐊᑎᕐᑖᕐᑎᓪᓗᓂᐅᒡᓗ ᐊᑎᕐᓂᑦ ᑕᒤᓐᓂᑦ ᐊᖏᓂᕐᐹᒥᒃ.
10 #
ᐂᓮᐊᓯ 45:23. ᔩᓱᓯᐅᑉ ᐊᑎᖓᓂ ᓰᖅᑯᑦ ᑕᒪᕐᒥᒃ ᓰᖅᑯᕐᑐᒃᓴᐅᕗᑦ,
ᕿᓚᖕᒦᑦᑐᑦ ᓄᓇᒦᑦᑐᓪᓗ ᓄᓇᐅᑉ ᐊᑖᓃᑦᑐᓪᓗ,
11ᐅᕾᓪᓗ ᑕᒪᕐᒥᒃ ᓇᓗᓁᔧᔪᒃᓴᐅᕗᑦ ᔩᓱᓯ ᙭ᔅᑑᓯᐅᑉ ᐊᑕᓂᐅᓂᖓᓂᒃ,
ᒎᑎᐅᑉ ᐊᑖᑕᐅᑉ ᓂᕐᑐᕐᑕᐅᓂᒃᓴᖓᓄᑦ.
ᓯᓚᕐᔪᐊᕐᒥ ᐃᑯᒪᔪᑎᑐᑦ ᖃᐅᒪᖁᓪᓗᑕ
12ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ; 13ᒎᑎ ᐱᓇᓱᐊᕐᒪᑦ ᐃᓕᑦᓯᓐᓂ, ᐱᔪᒪᓂᖃᖁᓪᓗᓯ ᐱᓇᓱᐊᖁᓪᓗᓯᓗ ᑖᑦᓱᒪ ᓇᖕᒥᓂᖅ ᐊᑲᐅᒋᔭᖓᓂᒃ.
14ᑕᒤᓐᓂᒃ ᐱᓇᓱᐊᕆᑦᓯ ᐅᖃᐅᓯᕐᓗᒐᓯ ᐂᕙᓇᓯᓗ, 15#ᒨᓯᓯ ᑕᓪᓕᒪᖏᑦ 32:5.ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ, 16ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.
17ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ. 18ᐃᓕᑦᓯᑦᑕᐅᖅ ᖁᕕᐊᓲᑎᒋᔭᒃᓴᕆᕙᓯ ᖁᕕᐊᓱᖃᑎᒋᔭᒃᓴᕆᕙᑦᓯᓐᖓᓗ.
ᑎᒧᑎᓗ ᐃᐸᐳᕈᑍᑕᓯᓗ
19ᐊᑕᓂᖅ ᔩᓱᓯ ᐱᖁᔨᒃᐸᑦ ᑎᒧᑎ ᒫᓐᓇᐸᓗᒃᑯᑦ ᐃᓕᑦᓯᓐᓄᑦ ᑎᓕᔪᒪᒐᓗᐊᕐᐸᕋ, ᐃᓕᑦᓯᓐᓂᒃ ᑐᓴᕈᒪ ᐱᕙᓪᓕᕐᑎᑕᐅᖁᓪᓗᖓ. 20ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᕐᑕᐅᔭᕆᐊᖃᕐᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ. 21ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᕐᑕᒥᖕᓂᒃ ᑭᓯᐊᓂ ᐃᓱᒪᖃᕐᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ. 22ᐃᓕᑦᓯᑦᑕᐅᖅ ᓇᖕᒥᓂᖅ ᖃᐅᔨᒪᒐᑦᓯᐅᒃ ᑎᒧᑎ ᓇᖕᒥᓂᖅ ᓴᖅᑭᑎᑦᓯᓯᒪᖕᒪᑦ ᐊᑐᕐᑕᐅᔪᓐᓇᕐᓂᕐᒥᓂᒃ, ᑎᒧᑎᓗ ᐅᕙᒍᒃ, ᓲᕐᓗ ᐃᕐᓂᕆᓪᓗᒍ ᐊᑖᑕᒋᔭᐅᔮᕐᓗᖓᓗ ᑖᑦᓱᒧᖓ ᐱᓇᓱᐊᖃᑎᒌᒃᓯᒪᒐᓐᓄᒃ ᐅᖃᐅᓰᑦ ᑐᓴᕈᒥᓇᕐᑐᑦ ᐱᓪᓗᒋᑦ. 23ᑍᒤᒻᒪᑦ ᐃᓱᒪᖃᕐᐳᖓ ᑖᓐᓇ ᑎᓕᔪᒪᓪᓗᒍ ᑐᑭᓯᑦᓯᐊᑐᐊᕈᒪ ᖃᓄᐃᓕᖓᓂᐊᕐᒪᖔᕐᒪ; 24ᖁᓚᓐᖏᓚᖓᓕ ᐊᑕᓂᕐᒥ ᐅᕙᖓᑦᑕᐅᖅ ᐃᓕᑦᓯᓐᓄᐊᕈᓐᓇᕐᓂᐊᕋᒪ ᒫᓐᓇᐸᓗᒃᑯᑦ.
25ᐃᓱᒪᖃᕐᓯᒪᒋᕗᖓᓕ ᑎᓕᔭᕆᐊᖃᕋᓱᒋᓪᓗᒍ ᐅᒃᐱᕐᑑᖃᑎᕗᑦ ᐃᐸᐳᕈᑍᑕᓯ ᐱᓇᓱᐊᖃᑎᒐ ᐅᓇᑕᕐᑎᐅᖃᑎᒐᓗ, ᑖᓐᓇ ᐱᓇᓱᐊᕐᓯᒪᖕᒪᑦ ᑎᓕᔭᐅᓯᒪᓪᓗᓂ ᐃᓕᑦᓯᓐᓂᑦ ᐃᑲᔪᕐᑕᐅᖁᓪᓗᖓ. 26ᐃᓘᓐᓇᑦᓯᓐᓂᒃ ᑕᑯᔪᒪᓕᕐᓯᒪᖕᒪᑦ, ᖁᕕᐊᓱᖏᑦᔪᑎᖃᓚᐅᕐᐳᕐᓗ ᐃᓕᑦᓯᓐᓂᒃ ᑐᓴᐅᒪᓕᕐᓂᑦᓯᓐᓂᒃ ᑐᓴᕋᒥ ᖃᓂᒪᓚᐅᕐᓂᖓᓂᒃ. 27ᐃᓛᒃ ᖃᓂᒪᒻᒪᕆᓚᐅᕐᒪᑦ, ᑐᖁᑲᓴᒃᓗᓂ ᐊᒡᓛᑦ. ᒎᑎᐅᓪᓕ ᓂᑲᒋᓚᐅᕐᐹ, ᑖᓐᓇᑑᖏᑦᑐᕐᓕ ᐅᕙᖓᑦᑕᐅᖅ ᓂᑲᒋᓚᐅᕐᒪᖓ, ᕿᒃᓵᖕᓇᕐᑐᒦᓐᓂᕋ ᐃᓚᔭᐅᒋᐊᓪᓚᖁᓇᒍ ᕿᒃᓵᖕᓇᕐᑐᒧᑦ. 28ᑲᑦᓱᖕᒊᕆᐊᓪᓚᒃᐳᖓᓕ ᑎᓕᔪᒪᓪᓗᒍ ᐃᓕᑦᓯᓐᓄᑦ, ᖁᕕᐊᓱᖁᓪᓗᓯ ᑕᑯᓕᕐᒥᒍᑦᓯᐅᒃ, ᐃᓱᒪᔮᕐᓂᕋᓗ ᐃᑯᓪᓚᐅᒥᖁᓪᓗᒍ. 29ᑍᒤᒻᒪᑦ ᐃᓚᓕᐅᕐᓯᐅᒃ ᖁᕕᐊᓱᒻᒪᕆᒡᓗᓯ ᐊᑕᓂᕐᒥ; ᑍᒤᑦᑐᓪᓗ ᑖᑦᓱᑐᓇᖅ ᐅᐱᒋᑦᓯᐊᕐᓯᒋᒃ, 30ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.
Currently Selected:
ᐱᓕᐱᒥᐅᓄᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
