ᐱᓕᐱᒥᐅᓄᑦ 4
4
ᐃᓅᓯᑦᓯᐊᒥᒃ ᐃᓕᓮᓃᑦ
1ᑍᒤᒻᒪᑦ ᐅᒃᐱᕐᑑᖃᑎᒃᑲ, ᓇᒡᓕᒋᕙᑦᓯ ᐅᖓᒋᓪᓗᓯᓗ, ᐃᓕᑦᓯᓐᓄᑦ ᖁᕕᐊᓱᒃᑎᑕᐅᓯᒪᕗᖓ ᐅᐱᒋᒻᒪᕆᒃᐸᑦᓯᓗ, ᑍᒫᒃ ᓱᖁᓯᕐᑍᓕᒋᑦᓯ ᐃᓅᓯᑦᓯᓐᓂ ᐊᑕᓂᕐᒥ, ᓇᒡᓕᒋᔭᒃᑳ.
2ᐃᐅᑎᐊᓗ ᓯᓐᑍᑭᓗ ᐊᒃᓱᕈᕐᓗᖓ ᕿᓄᕕᒋᕙᑦᓯᒃ, ᐊᖏᖃᑎᒌᖁᓪᓗᓯᒃ ᐊᑕᓂᕐᒥ. 3ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.
4ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.
5ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ. 6ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ. 7ᒎᑎᐅᑉ ᓮᒻᒪᕐᑎᑦᓯᓂᖓᑕ, ᑐᑭᓯᔭᐅᔪᓐᓇᕐᑐᓂᑦ ᐊᖏᓂᕐᓴᐅᔫᑉ, ᐆᒻᒪᑎᓯ ᐃᓱᒪᓯᓗ ᓴᐳᑎᓯᒪᓂᐊᕐᐰᑦ ᙭ᔅᑑᓯ ᔩᓱᓯᒥ.
8ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ. 9ᐃᓕᓐᓂᐊᓚᐅᕐᑕᓯ ᐃᓕᓚᐅᕐᑕᐅᓯᓗ ᑐᓴᓚᐅᕐᑕᓯᓗ ᑕᑯᓚᐅᕐᑕᓯᓗ ᐅᕙᓐᓂᑦ ᐱᓂᐊᕐᓂᒃᑯᑦ, ᑕᒪᒃᑯᐊ ᐱᓇᓱᐊᕐᓯᒋᒃ; ᒎᑎᐅᓪᓗ ᓮᒻᒪᕐᑎᑦᓯᔫᑉ ᑕᕝᕙ ᐃᓚᒋᓂᐊᕐᐹᓯ.
ᖁᔭᓕᓂᖅ ᑐᓂᕐᕈᑕᐅᔪᓄᑦ
10ᐊᖏᔪᒥᒃ ᖁᕕᐊᓱᒃᐳᖓ ᐊᑕᓂᕐᒥ ᓱᓕ ᐃᖅᑲᐅᒪᒐᑦᓯᓐᖓ ᐅᕙᓐᓂᒡᓗ ᐃᑲᔪᕈᒪᓂᓯ ᓴᖅᑭᑎᓐᓇᑦᓯᐅᒃ; ᐅᕙᓐᓂᒡᓕ ᐃᑲᔪᕈᒤᓐᓇᓚᐅᕋᓗᐊᕐᑐᓯ, ᐱᕕᒃᓴᖃᓚᐅᓐᖏᓚᓯᓕ. 11ᑕᒪᑐᒥᖓ ᐅᖃᓐᖏᓚᖓ ᖁᔭᓈᕐᑕᐅᓇᓱᒋᓂᕐᒧᑦ; ᑐᑭᓯᓯᒪᒐᒪ ᖃᖓᓕᒫᖅ ᖃᓄᐃᑦᑐᒦᒃᑲᓗᐊᕈᒪ ᐱᒋᔭᓐᓂᒃ ᓈᒻᒪᒃᓴᕆᐊᖃᕐᓂᓐᓂᒃ. 12ᐊᔪᕐᓴᕐᓂᕐᒥᒃ ᖃᐅᔨᓯᒪᕗᖓ, ᐱᖃᓗᐊᕐᓂᕐᒥᒡᓗ ᖃᐅᔨᓯᒪᒋᕗᖓ; ᐱᔭᕐᓂᖏᑦᑐᒃᑯᑦ ᖃᐅᔨᓯᒪᒐᒪ ᓇᓂᑐᐃᓐᓈᕋᓗᐊᕈᒪ ᖃᖓᓕᒫᖅ ᓈᒻᒪᒃᓴᕆᐊᖃᕐᓂᓐᓂᒃ ᐊᕿᐊᑦᑐᓱᒃᑯᒪᓘᓐᓃᑦ ᑳᒃᑲᓗᐊᕈᒪᓘᓐᓃᑦ, ᐱᖃᓗᐊᕈᒪᓘᓐᓃᑦ ᐊᔪᕐᓴᕈᒪᓘᓐᓃᑦ. 13ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.
14ᐱᐅᔪᒥᒡᓕ ᐱᓇᓱᐊᓚᐅᕐᐳᓯ ᐅᖁᒤᑦᑐᒦᑎᓪᓗᖓ ᐃᑲᔪᓚᐅᕋᑦᓯᓐᖓ. 15ᐃᓕᑦᓯ ᐱᓕᐱᒥᐅᖑᔪᓯ ᓇᖕᒥᓂᖅ ᖃᐅᔨᒪᑦᓯᐊᕐᐳᓯ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᓵᕐᑎᓪᓗᒋᑦ, ᒫᓯᑑᓂᐊᒥᑦ ᐊᐅᓪᓚᓚᐅᕋᒪ, ᐅᒃᐱᕐᑑᖃᑎᒌᓂᑦ ᐃᑲᔪᕐᑐᑐᐊᖑᓚᐅᕐᐳᓯ ᐅᕙᓐᓂᒃ; ᑐᓂᓯᓂᑦᓯᒍᑦ ᐃᓚᓕᐅᕐᓯᓂᑦᓯᒍᓪᓗ; 16#ᐋᐴᓯᑕᓖᑦ 17:1.#2 ᑯᕆᓐᑎ 11:9.ᐊᑕᐅᓯᐊᕋᓯ ᐊᒡᓛᑦ ᑎᓴᓗᓁᑲᒦᑎᓪᓗᖓ ᐃᑲᔪᖃᑦᑕᓚᐅᕐᐸᑦᓯᓐᖓ ᐃᑲᔪᕐᑕᐅᔭᕆᐊᖃᓕᕐᑎᓪᓗᖓ. 17ᑐᓂᓯᕕᐅᔪᒪᓗᖓ ᐱᓐᖏᓚᖓ; ᐊᑭᓕᕐᑕᐅᓂᒃᓴᓯᓕ ᐱᓂᐊᕐᓂᕕᓂᑦᓯᓐᓄᑦ ᑕᒪᓐᓇ ᐱᔪᒪᕙᕋ. 18#ᒨᓯᓯ ᐂᑉᐸᖏᑦ 29:18.ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ. 19ᒎᑎᒪᓗ ᑐᓂᓯᕕᒋᓂᐊᕐᐹᓯ ᑭᓐᖒᒪᒋᔭᓕᒫᑦᓯᓐᓂᒃ ᐊᔪᕐᓴᓐᖏᕐᑐᔪᐊᖑᓂᕐᒥᓂᑦ ᐱᓐᓇᕐᓇᕐᑐᕐᔪᐊᒥᑦ ᙭ᔅᑑᓯ ᔩᓱᓯᒥ. 20ᒎᑎᕗᑦ ᐊᑖᑕᕗᓪᓗ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.
ᑕᕝᕙᐅᕗᑏᕈᑏᑦ ᒎᑎᐅᑉ ᐃᓄᖁᑎᖏᓐᓄᑦ
21ᑕᕝᕙᐅᕗᑏᕐᐸᒃᑲ ᐃᑦᔪᕐᓁᑎᑕᐅᓯᒪᔪᓕᒫᑦ ᙭ᔅᑑᓯ ᔩᓱᓯᒥ. ᓇᔪᕐᑎᒋᔭᒪ ᐅᒃᐱᕐᑑᖃᑎᒌᑦ ᑕᕝᕙᐅᕗᑏᕐᐹᓯ. 22ᐃᑦᔪᕐᓁᑎᑕᐅᓯᒪᔪᓕᒫᑦ ᑕᕝᕙᓃᑦᑐᑦ ᑕᕝᕙᐅᕗᑏᕐᐹᓯ, ᐱᓗᐊᕐᓗᑎᒡᓕ ᓰᓴᕆᐅᑉ ᐃᒡᓗᒥᐅᖃᑎᖏᑦ.
23ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᒋᑦ ᐊᓂᕐᓂᓯ. ᐋᒥᓐ.
Currently Selected:
ᐱᓕᐱᒥᐅᓄᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
