ᓂᕼᐃᒤᐊᐅᑉ ᐊᒡᓚᖏᑦ 3
3
ᔨᕉᓴᓕᐅᑉ ᐊᕙᓗᖏᑕ ᐋᖅᑭᒋᐊᕐᑕᐅᓂᖏᑦ
1ᐃᒫᒃ ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓᑕ ᐋᖅᑭᒋᐊᕐᑕᐅᓂᖏᑦ ᐃᒤᓕᐅᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᐃᓔᐊᓯᑉ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᐋᖅᑮᒋᐊᓚᐅᕐᐳᑦ ᓰᐲᑦ ᐃᑎᕐᑕᕐᕕᖓᓂᒃ, ᑐᓂᕐᕈᑎᒋᓪᓗᒍᓗ, ᐃᑎᕐᑕᕐᕕᐅᓪᓗ ᐅᒃᑯᐊᖓ ᒪᓕᒡᓗᒍ ᐊᕙᓗᐊᓗ ᑐᓂᕐᕈᑎᒋᓚᐅᕐᐹᑦ 100ᐃᓪᓗ ᓇᐸᔪᕐᔪᐊᖓ ᕼᐊᓇᓂᐅᓪᓗ ᓇᐸᔪᕐᔪᐊᖓᓄᑦ.
2ᔨᕆᑰᑉ ᐃᓄᖏᑦ ᓴᓇᓚᐅᕐᐳᑦ ᓴᓂᐊᓃᑦᑐᒥᒃ.
ᔭᑯᕆ ᐃᒻᕆᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
3ᕼᐊᓯᓇᐅᑉ ᑭᖑᕚᖏᑦ ᓴᓇᓚᐅᕐᐳᑦ ᐃᖃᓗᐃᑦ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᐅᑉ ᓴᐅᓂᖏᑦ ᐃᓕᔭᐅᓚᐅᕐᐳᑦ ᖁᓛᓄᑦ, ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐃᓕᕔᑦ ᐃᑎᕐᑕᕐᕕᖕᒧᑦ.
4ᒥᕆᒫᑎᒃᑯᑦ ᔪᕅᐊᐅᑉ ᐃᕐᓂᖓ, ᕼᐊᑰᔨᐅᑉ ᐃᕐᖑᑕᖏᑦ ᓴᓇᓚᐅᕐᐳᑦ ᓴᓂᐊᓃᑦᑐᒥᒃ.
ᓴᓂᐊᓂ ᒥᓱᓚᒻᑯᑦ ᐱᕆᑬᐊᐅᑉ ᐃᕐᓂᖓ, ᒥᓯᔭᐱᐅᑉ ᐃᕐᖑᑕᖏᑦ ᓴᓇᓚᐅᕐᐳᑦ.
ᔭᑑᑭᒃᑯᑦ ᐹᓇᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
5ᑎᑯᐊᒥᐅᑦ ᓴᓇᓚᐅᕐᐳᑦ ᓴᓂᐊᓃᑦᑐᒥᒃ, ᓄᓇᓕᖕᓂᓕ ᓯᕗᓕᕐᑎᖏᑦ ᓴᓇᔪᒪᓚᐅᓐᖏᓚᑦ ᑲᒪᔨᒋᔭᐅᔪᑦ ᑎᓕᓯᑦᔪᑎᒋᓚᐅᕐᑕᖏᓐᓂᒃ.
6ᔪᐃᐊᑕ ᐸᓯᐊᑉ ᐃᕐᓂᖓ ᒥᓱᓚᒻᓗ ᐱᓱᑎᐊᑉ ᐃᕐᓂᖓ ᓴᓇᓚᐅᕐᐳᑦ ᔨᓴᓈᑉ ᐃᑎᕐᑕᕐᕕᖓᓂᒃ, ᕿᔪᖏᑦ ᐋᖅᑭᓚᐅᕐᐰᑦ ᐃᑎᕐᑕᕐᕕᖏᑦ ᐃᓕᓚᐅᕐᐰᑦ, ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐋᖅᑭᓚᐅᕐᐰᑦ.
7ᒥᓚᑎᐊ ᒋᐱᐅᓂᒥᐅᑕᖅ, ᔧᑕᓐ ᒥᕈᓄᑍᒥᐅᑕᖅ, ᒋᐱᐅᓂᐅᓪᓗ ᒥᔅᐸᐅᓪᓗ ᐃᓄᖁᑎᖏᑦ ᓴᓇᓚᐅᕐᐳᑦ ᓴᓂᐊᓃᑦᑐᒥᒃ, ᐊᐅᓚᑦᓯᔨᐅᑉ ᐃᕗᕅᑎᐅᑉ ᐅᐊᖕᓇᖓᓃᑦᑐᒧᑦ ᐃᒡᓗᖓ ᑎᑭᓪᓗᒍ.
8ᐊᑦᔧᐅᓪ ᕼᐊᕋᕼᐂᐊᐅᑉ ᐃᕐᓂᖓ, ᒎᓗᓕᕆᔨ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
ᕼᐊᓇᓁᐊ, ᑎᐱᑦᓯᐊᕆᒃᓴᐅᑎᓂᒃ ᓴᓇᔨ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ, ᔨᕉᓴᓕᒻ ᐋᖅᑭᒃᓱᕐᑕᐅᒃᑲᓐᓂᕐᓗᓂ ᐳᕈᐊᑦ ᐊᑭᓐᓇᖓ ᑎᑭᓪᓗᒍ.
9ᕆᐰᐊ ᕼᐊᕆᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᔨᕉᓴᓕᐅᑉ ᐊᕕᒃᓯᒪᓂᖓᑕ ᐊᕝᕙᖓᓂᒃ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
10ᔨᑍᐊ ᕼᐊᕈᒫᐸᐅᑉ ᐃᕐᓂᖓ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ, ᐃᒡᓗᒥᑕ ᖃᓂᒋᔮᓃᑦᑐᒥᒃ.
ᕼᐊᑑᓯ ᕼᐊᓴᑉᓂᐊᑉ ᐃᕐᓂᖓ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
11ᒪᓪᑬᔭ ᕼᐊᕆᒻᒥᐅᑉ ᐃᕐᓂᖓ ᕼᐊᓲᑉᓗ ᐸᕼᐊᑕ-ᒧᐊᐱᐅᓪᓗ ᐃᕐᓂᖓ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ ᐊᕕᓐᓗ ᓇᐸᔪᕐᔪᐊᖓᓂᒃ.
12ᓴᓗᒻ ᕼᐊᓗᕼᐃᓴᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᔨᕉᓴᓕᐅᑉ ᐊᕕᒃᓯᒪᓂᖓᑕ ᐂᑉᐸᖓᓂᒃ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ, ᐸᓂᖏᓪᓗ ᐃᑲᔪᓚᐅᕐᐳᑦ ᓴᓇᑎᓪᓗᒍ.
13ᕼᐊᓄᓂ ᓄᓇᖃᓚᐅᕐᑐᕐᓗ ᐃᒡᓗᒐᓴᖕᓂ ᔭᓄᐊᒥ ᓴᓇᓚᐅᕐᐳᖅ ᓇᕐᓴᐅᑉ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᒡᓗ ᓴᓇᕚᑦ ᐅᒃᑯᐊᖏᓪᓗ ᐋᖅᑭᒃᐰᑦ ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐃᓕᕔᑦ, ᐊᑭᓐᓇᕐᓗ ᐋᖅᑭᒋᐊᕐᓗᒍ ᑕᑭᒡᓕᒋᐊᕐᐹᑦ 1,500ᓂᒃ ᐃᑎᒐᖕᓂᒃ, ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓ ᑎᑭᓪᓗᒍ.
14ᒪᓪᑬᔭ ᕆᑳᐱᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᐱᑦᕼᐊᑲᕆᑉ ᐊᕕᒃᑐᕐᓯᒪᓂᖓᓄᑦ, ᓴᓇᓚᐅᕐᐳᖅ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓂᒃ; ᐃᑎᕐᑕᕐᕕᐅᑉ ᐊᕙᓗᖏᑦ ᐋᖅᑭᒃᓱᓚᐅᕐᐰᑦ, ᐊᑦᓱᖏᐅᑎᖏᓪᓗ ᓴᕕᕋᔭᑯᑖᖏᓪᓗ ᐋᖅᑭᓚᐅᕐᐰᑦ.
15ᓴᓗᒻ ᑯᓪ-ᕼᐅᔨᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᒥᔅᐸᐅᑉ ᐊᕕᒃᑐᕐᓯᒪᓂᖓᓄᑦ, ᓴᓇᓚᐅᕐᐳᖅ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᒃ ᖁᓕᓚᐅᕐᐹ, ᐃᓂᖓᓅᕐᓗᒋᓪᓗ, ᑭᑭᐊᖏᓪᓗ ᓴᕕᕋᔭᖏᓪᓗ ᐋᖅᑭᓚᐅᕐᐰᑦ. ᑕᓯᓕᐊᖑᓯᒪᔫᓪᓗ ᓯᓛᒻᒥᐅᑉ ᐊᕙᓗᖏᑦ ᐋᖅᑭᓚᐅᕐᐰᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᓴᓂᐊᓃᑦᑐᖅ, ᒪᔪᕋᐅᑎᓄᑦ ᑕᐅᓄᖓ ᑍᕕᑎᐅᑉ ᐃᒡᓗᒐᓴᖓᓃᑦᑐᓄᑦ ᑎᑭᓪᓗᒍ.
16ᓂᕼᐃᒤᐊ ᐊᔾᐴᑭᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᐱᑦ-ᔪᕆᐅᑉ ᐊᕕᒃᑐᕐᓯᒪᓂᖓᑕ ᐂᑉᐸᖓᓂᒃ, ᓴᓇᓚᐅᕐᐳᖅ ᐋᖅᑭᒋᐊᕐᓯᓪᓗᓂ ᑍᕕᑎᐅᑉ ᐃᓗᕕᖓᑕ ᓯᕗᕌᓂᑦ ᑕᓯᕐᒧᑦ ᐃᒥᕐᑕᕐᕕᓕᐊᕆᔭᐅᓯᒪᔪᒧᑦ, ᐊᒡᓛᑦ ᐊᔪᒐᖃᖏᑦᑑᑉ ᐃᒡᓗᖓᓄᑦ ᑎᑭᓪᓗᒍ.
ᓕᕔᑎᑦ ᓴᓇᓚᐅᕐᑐᑦ ᐊᑭᓐᓇᕐᒥᒃ
17ᑖᒃᑯᐊ ᑭᖑᓂᖓᓐᓂ ᓕᕔᑎᑦ ᓴᓇᓚᐅᕐᐳᑦ ᐊᑭᓐᓇᒥᒃ ᐊᕕᒃᑐᕐᑕᐅᓯᒪᔪᓄᑦ:
ᕆᕼᐆᒻ ᐹᓂᐅᑉ ᐃᕐᓂᖓ ᓴᓇᓚᐅᕐᐳᖅ ᐊᑭᓐᓇᒥᒃ ᓴᓂᐊᓃᑦᑐᒥᒃ,
ᕼᐊᓴᐰᐊ, ᐊᐅᓚᑦᓯᔨᐅᔪᖅ ᑮᓚᐅᑉ ᐊᕕᒃᑐᕐᓯᒪᓂᖓᑕ ᐂᑉᐸᖓᓄᑦ, ᓴᓇᓚᐅᕐᐳᖅ ᐋᖅᑭᒋᐊᕐᓯᓪᓗᓂᓗ ᐊᑭᓐᓇᒥᒃ ᓴᓂᐊᓃᑦᑐᒥᒃ.
18ᐸᕔ ᕼᐃᓇᑕᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᑮᓚᐅᑉ ᐊᕕᒃᑐᕐᓯᒪᓂᖓᑕ ᐂᑉᐸᖓᓂ, ᓴᓇᓚᐅᕐᐳᖅ ᓴᓂᐊᓃᑦᑐᒥᒃ.
19ᐃᔨᕆ ᔩᓱᐊᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᒥᔅᐸᒥ, ᓴᓇᓚᐅᕐᐳᖅ ᐅᓇᑕᕐᑐᒃᓮᑦ ᐅᓇᑕᐅᑎᖃᕐᕕᖓᑕ ᓯᕗᕌᓂᑦ, ᐋᒧᕆᐅᑉ ᓴᖑᒋᐊᕐᓂᖓᓄᑦ ᑎᑭᓪᓗᒍ.
20ᐸᕉᒃ, ᔭᐰᑉ ᐃᕐᓂᖓ ᓴᓇᓚᐅᕐᐳᖅ ᓴᓂᐊᓃᑦᑐᒥᒃ ᐋᒧᕆᐅᑉ ᓴᖑᒋᐊᕐᓂᖓᓂᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑕ ᐃᓔᐊᓯᑉ ᐃᒡᓗᖓᑕ ᐅᒃᑯᐊᖓ ᑎᑭᓪᓗᒍ;
21ᒥᕆᒫᑎ ᔪᕅᐊᐅᑉ ᐃᕐᓂᖓ ᕼᐊᑰᔨᐅᓪᓗ ᐃᕐᖑᑕᖓᑕ, ᓴᓇᓚᐅᕐᐹ ᓴᓂᐊᓃᑦᑐᖅ ᐃᓔᐊᓯᐅᑉ ᐃᒡᓗᖓᑕ ᐃᓱᐊ ᑎᑭᓪᓗᒍ.
ᑐᓂᕐᕈᓯᕐᑎᑦᓯᔩᑦ ᓴᓇᓚᐅᕐᑐᑦ ᐊᑭᓐᓇᒥᒃ
22ᐅᑯᐊ ᑐᓂᕐᕈᓯᕐᑎᑦᓯᔩᑦ ᓴᓇᓚᐅᕐᐳᑦ ᐊᑭᓐᓇᒥᒃ ᐊᕕᒃᑐᕐᓯᒪᔪᓂᒃ.
ᑐᓂᕐᕈᓯᕐᑎᑦᓯᔩᑦ ᔨᕉᓴᓕᐅᑉ ᓴᓂᐊᓃᑦᑐᑦ ᓴᓇᓚᐅᕐᐳᑦ ᓴᓂᐊᓃᑦᑐᒥᒃ.
23ᐱᓐᔭᒥᓂᓗ ᕼᐊᓱᑉᓗ ᓴᓇᓚᐅᕐᐴᒃ ᑖᒃᑯᐊ ᓴᓂᐊᓃᑦᑐᒥᒃ, ᐃᒡᓗᒥᑕ ᓯᕗᕌᓃᑦᑐᒥᒃ;
ᐊᔭᕅᐊ, ᒫᓯᐊᑉ ᐃᕐᓂᖓ ᐊᒻᒪᓗ ᐊᓇᓁᐊᐅᑉ ᐃᕐᖑᑕᖓ, ᓴᓇᓚᐅᐳᑦ ᓴᓂᒥᓃᑦᑐᓂᒃ, ᐃᒡᓗᖓᑕ ᓯᕗᕌᓃᑦᑐᒥᒃ.
24ᐱᓄᐃ, ᕼᐃᓇᑕᐅᑉ ᐃᕐᓂᖓ, ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, ᐊᔭᕅᐊᐅᑉ ᐃᒡᓗᖓᓂᑦ ᐋᒧᕆᐅᑉ ᓴᖑᒋᐊᕐᓂᖓᓄᑦ; ᐊᒡᓛᑦ ᐊᑭᓐᓇᐅᑉ ᑎᕆᖅᑯᐊᓄᑦ ᑎᑭᓪᓗᓂ;
25ᐸᓚᐅᓪ, ᐅᔧᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, ᐱᒋᐊᕐᓗᓂ ᐋᒧᕆᐅᑉ ᓴᖑᒋᐊᕐᓂᖓᑕ ᐃᒡᓗᐊᓂᑦ ᐱᒋᐊᕐᓗᓂ, ᐊᑭᓐᓇᐅᑉ ᑎᕆᖅᑯᐊᓄᑦ ᓇᐸᔪᕐᔪᐊᒧᑦ ᐊᖓᔪᖅᑳᕐᔪᐊᑉ ᐃᒡᓗᑯᑎᖓᓂᑦ ᖁᑦᓯᖕᓂᕐᓴᒧᑦ ᖃᐅᔨᓴᕐᑏᑦ ᐃᓂᒋᕙᒃᑕᖓᓄᑦ ᑎᑭᓪᓗᒍ;
ᐱᑍᐊ ᐸᕉᓯᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, 26ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᑕ ᓴᓂᐊᓄᑦ, ᓇᐸᔪᕐᔪᐊᒧᑦ ᑐᒃᓯᐊᕐᕕᒃᔪᐊᑉ ᓴᐴᓗᑕᖓᓄᑦ ᑎᑭᓪᓗᒍ. (ᑖᓐᓇ ᐃᒡᓗᒐᓴᐅᑉ ᐃᓗᐊᓂ ᑍᔭᐅᔪᖅ ᐅᐱᐅᓪᒥᒃ, ᑖᒃᑯᐊ ᑐᒃᓯᐊᕐᕕᒡᔪᐊᒥ ᓴᓇᔩᑦ ᐊᖏᕐᕋᖓᓂ.)
ᐊᓯᖏᑦ ᓴᓇᓚᐅᕐᒥᔪᑦ
27ᑎᑯᐊᒥᐅᑦ ᓴᓇᓚᐅᕐᐳᑦ ᓴᓂᒥᓃᑦᑐᒥᒃ, ᑖᒃᑯᐊ ᓴᓇᔭᖏᑕ ᑭᒡᓕᖓᓃᑦᑐᒥᑦ, ᐱᒋᐊᕐᓗᑎᒃ ᓇᐸᔪᕐᔪᐊᑉ ᑐᒃᓯᐊᕐᕕᒡᔪᐊᑉ ᓴᐴᓗᑕᖓᑕ ᐊᑭᐊᓂᑦ ᐊᑭᓐᓇᒧᑦ ᐅᐱᐅᓪᑉ ᓴᓂᐊᓄᑦ ᑎᑭᓪᓗᒍ.
28ᑐᓂᕐᕈᓯᕐᑎᑦᓯᔨᒐᓔᑦ ᓴᓇᓚᐅᕐᐳᑦ ᓴᓂᒥᓃᑦᑐᓂᒃ, ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᐱᒋᐊᕐᓗᑎᒃ ᕿᒻᒥᕐᔪᐊᑉ ᐃᑎᕐᑕᕐᕕᖓᓂᑦ, ᐃᓘᓐᓇᑎᒃ ᓴᓇᓚᐅᕐᐳᑦ ᐃᒡᓗᒥᑕ ᓯᕗᕌᓃᑦᑐᒥᒃ.
29ᔭᑑᒃ, ᐃᒥᕆᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ, ᐃᒡᓗᖓᑕ ᓯᕗᕌᓃᑦᑐᒥᒃ.
ᑖᒃᑯᐊ ᐅᖓᑖᓂ ᓯᒤᐊ, ᓯᑲᓁᐊᐅᑉ ᐃᕐᓂᖓ, ᖃᐅᔨᓴᕐᑎ ᐃᑎᕐᑕᕐᕕᖕᒥ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ, ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ.
30ᑖᒃᑯᐊ ᐅᖓᑖᓂ ᕼᐊᓇᓁᐊ, ᓯᓕᒤᐊᐅᑉ ᐃᕐᓂᖓ, ᕼᐊᓄᓂᐅᓪᓗ ᔭᓚᐸᐅᑉ ᐃᕐᓂᖓᑕ ᐱᖓᓲᔪᕐᑕᖓᑦᑕ, ᓴᓇᓚᐅᕐᐹ ᓴᓂᒥᓃᑦᑐᖅ, ᑖᒃᑯᐊ ᐂᑉᐸᖓᓐᓂᒃ ᓴᓇᒋᐊᓪᓚᓚᐅᕐᐳᖅ.
ᒥᓱᓚᒻ, ᐱᕆᑬᐊᐅᑉ ᐃᕐᓂᖓ ᓴᓇᓚᐅᕐᐳᖅ ᓴᓂᒥᓃᑦᑐᒥᒃ, ᐃᒡᓗᖓᑕ ᓯᕗᕌᓃᑦᑐᒥᒃ.
31ᑖᒃᑯᐊ ᐅᖓᑖᓂ ᒪᓪᑬᔭ, ᒎᓗᓕᕆᔨ ᓴᓇᓚᐅᕐᐳᖅ ᓴᓂᑦᓯᐊᒥᓃᑦᑐᒥᒃ, ᐃᒡᓗ ᑐᒃᓯᐊᕐᕕᒡᔪᐊᑉ ᓴᓇᔨᖏᓐᓂᑦ ᓂᐅᕕᕐᓂᐊᕐᑎᑦᓯᔨᓂᓪᓗ ᐊᑐᕐᑕᐅᔪᖅ ᐃᒡᓗ ᑎᑭᓪᓗᒍ, ᑖᓐᓇ ᒥᐱᑲᑦ ᐃᑎᕐᑕᕐᕕᖓ ᑐᒃᓯᐊᕐᕕᒡᔪᐊᒧᐊᕆᐊᖅ, ᐅᓐᓄᐊᓪᓗᐊᑉ ᓯᕿᓂᐅᓪᓗ ᓇᓛᓃᑦᑐᖅ ᐊᑭᓐᓇᐅᑉ ᑎᕆᖅᑯᐊᓂ ᐃᒡᓗᕈᓯᖅ ᖄᖓᓃᑦᑐᖅ ᑎᑭᓪᓗᒍ.
32ᒎᓗᓕᕆᔩᑦ ᓂᐅᕕᕐᓂᐊᕐᑎᑦᓯᔩᓪᓗ ᓴᓇᓚᐅᕐᐳᑦ ᑭᖑᓪᓕᕐᐸᐅᓕᕐᑐᒥᒃ, ᐃᒡᓗᕈᓯᕐᒥᑦ ᑎᕆᖅᑯᐊᑕ ᖄᖓᓃᑦᑐᒥᑦ ᐱᒋᕐᐊᓗᑎᒃ ᓰᐲᑦ ᐃᑎᕐᑕᕐᕕᐊ ᑎᑭᓪᓗᒍ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
