ᓂᕼᐃᒤᐊᐅᑉ ᐊᒡᓚᖏᑦ 2
2
ᓂᕼᐃᒤᐊᐅᑉ ᔨᕉᓴᓕᒧᐊᕐᓂᖓ
1ᐅᓪᓗᐃᑦ ᐃᓚᖓᓐᓂ ᑕᖅᑭᒥ ᓃᓴᓂᒥ, ᑕᖅᑮᑦ ᓯᑕᒪᑦ ᓈᓯᒪᓕᕐᑎᓪᓗᒋᑦ, ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᐊᖓᔪᖅᑳᖑᓂᖓᑕ 20ᒋᓕᕐᑕᖓᓂ, ᕔᓂᒥᒃ ᑖᑦᓱᒧᖓ ᐊᑐᐃᓐᓇᕈᐃᔪᖃᕐᒪᑦ, ᐊᖓᔪᖅᑳᕐᔪᐊᕐᒧᑦ ᑐᓂᓯᓚᐅᕐᐳᖓ. ᑕᒪᑐᒪᓕ ᓯᕗᓂᖓᒍᑦ ᑖᑦᓱᒧᓐᖓᕌᖓᒪ ᕿᒃᓵᒃᐸᓚᐅᓐᖏᓚᖓ. 2ᑍᒤᒻᒪᑦ ᐊᖓᔪᖅᑳᕐᔪᐊᖅ ᐅᕙᓐᓄᑦ ᐅᖃᓕᕐᐳᖅ, “ᓱᖕᒪᑦ ᑮᓁᑦ ᖁᕕᐊᓱᒡᕙᓗᓐᖏᓚᖅ, ᖃᓂᒪᖏᒃᑲᓗᐊᕐᐲᑦ? ᐆᒻᒪᑎᕕᑦ ᖁᕕᐊᓱᖏᓐᓂᖓᑕ ᑕᒪᓐᓇ ᓴᖅᑭᑎᓐᖏᓚᐅᒃ?”
ᑕᕝᕙ ᐊᒃᓱᐊᓗᒃ ᑲᑉᐱᐊᓱᓕᕐᐳᖓ. 3#ᐊᑕᓃᑦ ᐂᑉᐸᖏᑦ 25:8-10; ᑯᕉᓂᑲ ᐂᑉᐸᖏᑦ 36:19; ᔨᕆᒤᐊ 52:12-14.ᑕᕝᕙ ᐊᖓᔪᖅᑳᕐᔪᐊᖅ ᐅᖃᐅᑎᕙᕋ, “ᑕᕝᕙᑐᖅ ᐊᖓᔪᖅᑳᕐᔪᐊᖅ ᐃᓅᓂᐊᕐᐳᑎᑦ ᐃᓱᖃᖏᑦᑐᒧᑦ! ᖃᓄᕐᓕ ᑮᓇᕋ ᖁᕕᐊᓱᖕᓂᕐᒥᒃ ᓴᖅᑭᔮᕐᑎᑦᓯᔪᓐᓇᕋᔭᕐᐸ, ᐃᒡᓗᒐᓴᒡᔪᐊᑦ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᑦ, ᓯᖁᑦᑎᕐᑕᐅᓯᒪᑎᓪᓗᒋᑦ, ᐃᑎᕐᑕᕐᕕᒃᔪᐊᖏᓪᓗ ᐃᑯᒪᒧᑦ ᓄᖑᑕᐅᓯᒪᑎᓪᓗᒋᑦ?”
4ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?”
ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ, 5ᐅᖃᐅᑎᓪᓗᒍᓗ ᐊᖓᔪᖅᑳᕐᔪᐊᖅ, “ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᔩᓪᓗ ᐃᓕᖕᓄᑦ ᖁᕕᐊᒋᔭᐅᒃᐸᑦ, ᑎᓕᔭᐅᔪᒪᒐᓗᐊᕐᐳᖓ ᔫᑕᒧᐊᖁᓪᓗᖓ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᓐᓄᑦ, ᑖᒃᑯᓂᖓ ᓴᓇᔪᓐᓇᖁᓪᓗᖓ.”
6ᑕᕝᕙ ᐊᖓᔪᖅᑳᕐᔪᐊᑉ ᐅᖃᐅᑎᓕᕐᐹᖓ (ᑯᐃᒃᑕᐅᖅ ᓴᓂᐊᓂ ᐃᒃᓯᕙᓚᐅᕐᐳᖅ), “ᖃᓄᖅ ᐊᑯᓂᐅᑎᒋᔪᖅ ᐊᐅᓪᓚᕐᓯᒪᔭᕆᐊᖃᕋᔭᕋᕖᑦ? ᖃᖓᓗ ᐅᑎᕋᔭᕋᕕᑦ?” ᓇᓗᓇᕈᓐᓁᕐᐳᖅ ᐊᖓᔪᖅᑳᕐᔪᐊᑉ ᐅᕙᓐᓂᒃ ᖃᓄᐃᒃᓴᖏᓐᓂᖓ ᐊᐅᓪᓚᕐᑎᑦᓯᔭᕆᐊᒃᓴᖅ; ᑕᕝᕙ ᐱᕕᒃᓴᓐᓂᒃ ᐅᖃᐅᑎᓕᕐᐸᕋ.
7ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᑎᑎᖅᑲᓂᒃ ᓇᒃᓴᕐᑎᓛᕐᐸᕐᒪ ᑰᑉ ᐊᑭᐊᓂᒥᐅᖏᑕ ᐊᐅᓚᑦᓯᔨᖏᓐᓄᑦ ᑐᓂᔭᒃᓴᓐᓂᒃ, ᑖᒃᑯᓇᓐᖓᑦ ᐊᓂᒍᐃᔪᓐᓇᕐᑎᑕᐅᖁᓪᓗᖓ ᓄᓇᖏᓐᓂᒃ ᔫᑕᒧᑦ ᑎᑭᓚᐅᖏᓐᓂᓐᓂ; 8ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.
9ᑎᑭᓐᓇᒪᓗ ᑰᑉ ᐊᑭᐊᓂᒥᐅᖏᑕ ᐊᐅᓚᑦᓯᔨᖏᓐᓄᑦ, ᐊᖓᔪᖅᑳᕐᔪᐊᑉ ᑎᑎᖅᑲᖏᓐᓂᒃ ᑐᓂᓯᕕᒋᓚᐅᕐᐸᒃᑲ. ᐊᖓᔪᖅᑳᕐᔪᐊᓪᓕ ᐃᓚᒋᓂᐊᕐᑕᓐᓂᒃ ᒪᓕᒃᑕᐅᑎᓚᐅᕐᐹᖓ ᐅᓇᑕᕐᑏᑦ ᐊᖓᔪᖅᑳᖏᓐᓂᒃ ᐅᓇᑕᕐᑎᓂᒡᓗ ᕿᒻᒥᕐᔪᐊᕐᒥᐅᑕᓂᒃ. 10ᓴᓐᐸᓛᑎᓕ ᕼᐅᕈᓁᑎᒥᐅᑕᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᑕᖅ ᑕᒪᑐᒥᖓ ᑐᓴᕋᒥᒃ ᐊᖏᔪᒥᒃ ᖁᕕᐊᓱᒍᓐᓁᓚᐅᕐᐴᒃ; ᐃᓴᕆᐊᓕᒃᑯᑦ ᒪᑭᑦᔪᑎᒃᓴᖓᓂ ᓴᓇᔭᕐᑐᕋᓱᒋᒃᓯᕐᓗᑎᒃ.
11ᔨᕉᓴᓕᒧᓪᓕ ᑎᑭᓐᓇᒪ, ᐅᓪᓗᓂᒃ ᐱᖓᓱᓂᒃ ᓱᒋᐊᓚᐅᓐᖏᓚᖓ. 12ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ. 13ᐅᓐᓄᐊᒃᑯᑦ ᐊᓂᒐᒪ ᓇᕐᓴᐅᑉ ᐃᑎᕐᑕᕐᕕᖓᒍᑦ ᔮᑯᐃᑦ ᕿᒻᒥᐅᔮᕐᑐᖅ ᐃᒥᕆᐊᕐᑐᕐᕕᖓᓄᐊᕐᐳᖓ ᐊᒻᒪ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᖓ, ᔨᕉᓴᓕᐅᑉ ᐊᕙᓗᕐᔪᐊᖓ ᖃᐅᔨᓴᓚᐅᕐᐸᕋ ᓯᖁᑦᑎᕐᑕᐅᓯᒪᓚᐅᕐᒪᑦ ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᓪᓗᑎᒃ. 14ᑭᖑᓂᖓᒍᑦ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓄᐊᓚᐅᕆᕗᖓ ᐊᒻᒪ ᐊᖓᔪᖅᑳᕐᔪᐊᑉ ᐃᒥᕐᑕᕐᕕᖓᓂᒃ ᐊᑎᓕᖕᒧᑦ; ᑭᓯᐊᓂᓕ ᐃᑭᒪᕕᒋᔭᕋ ᐊᓂᒎᑎᔪᓐᓁᓪᓕᓚᐅᕐᐳᖅ. 15ᑍᑦᓱᒪᓂ ᐅᓐᓄᐊᒃᑯᑦ ᐊᓂᒐᒪ ᓇᕐᓴᒥᒃ ᐊᑎᓕᒃᑰᕐᓗᖓ ᐊᕙᓗᕐᔪᐊᖅ ᕿᒥᕐᕈᐊᓚᐅᕐᐸᕋ, ᐅᑎᕆᐊᕐᒥᒐᒪ ᐃᑎᓚᐅᕆᕗᖓ ᓇᕐᓴᐅᑉ ᐃᑎᕐᑕᕐᕕᖓᒍᑦ, ᐱᒋᐊᕐᕕᒋᖅᑲᐅᔭᓐᓄᑦ ᐅᑎᕆᓪᓗᖓ.
16ᐊᖓᔪᖅᑳᓪᓕ ᖃᐅᔨᓚᐅᓐᖏᓚᑦ ᓇᓃᓚᐅᕐᒪᖔᕐᒪ ᖃᓄᐃᓕᐅᕐᒪᖔᕐᒪᓗ; ᔫᑎᓂᒃ ᓱᓕ ᐅᖃᐅᑦᔨᓚᐅᖏᓐᓇᒪ, ᑐᓂᕐᕈᓯᕐᑎᑦᓯᔨᓂᒡᓗ, ᓯᕗᓕᕐᑎᓂᒡᓗ, ᐊᖓᔪᖅᑳᓂᒡᓗ, ᐊᓯᖏᓐᓂᒡᓘᓐᓃᑦ ᐱᓇᓱᐊᕆᐊᖃᓛᕐᑐᓂᒃ. 17ᑭᖑᓂᖓᒍᓪᓕ ᐅᖃᐅᑎᓕᕐᐸᒃᑲ, “ᖃᐅᔨᒪᕗᓯ ᖃᓄᖅ ᐊᑲᐅᖏᑦᑐᒦᑎᒋᖕᒪᖔᑦᑕ, ᔨᕉᓴᓕᒻᓗ ᓯᖁᑦᑎᕐᑕᐅᓯᒪᓪᓗᓂ ᐃᑎᕐᑕᕐᕕᖏᓪᓗ ᐃᑯᐊᓚᓂᑰᓪᓗᑎᒃ. ᕾᓗᓯ ᔨᕉᓴᓕᐅᑉ ᐊᕙᓗᕐᔪᐊᖓ ᓴᓇᓚᐅᕐᓚᕗᑦ, ᓱᓇᐅᖏᓐᓂᕋᕐᑕᐅᓂᐊᓗᖕᒧᑦ ᐅᖁᒤᒃᓴᐅᑎᖃᕐᓂᐊᕈᓐᓁᕋᑦᑕ.” 18ᐅᖃᐅᑎᓕᓚᐅᕐᐸᒃᑲᓗ ᖃᓄᖅ ᒎᑎᐅᑉ ᐱᔪᓐᓇᕐᓂᖓᓄᑦ ᐱᓇᓱᐊᕐᕕᐅᓯᒪᖕᒪᖔᕐᒪ ᖃᓄᕐᓗ ᐃᑲᔪᕐᑕᐅᓯᒪᖕᒪᖔᕐᒪ ᑖᑦᓱᒧᖓ, ᖃᓄᕐᓗ ᐊᖓᔪᖅᑳᕐᔪᐊᕐᒧᑦ ᐅᖃᐅᑦᔭᐅᓯᒪᖕᒪᖔᕐᒪ.
ᑖᒃᑯᐊᓗ ᐅᖃᕐᐳᑦ, “ᐊᑏ ᒪᑭᓪᓗᑕ ᓴᓇᒋᐊᓕᕐᑕ!” ᑕᕝᕙ ᐊᑐᐃᓐᓇᕈᕐᑎᓕᓚᐅᕐᐳᑦ ᐱᓇᓱᐊᕈᒪᓕᕐᓗᑎᒃ.
19ᓴᓐᐸᓛᑎᓕ ᕼᐅᕈᓁᑎᒥᐅᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᖅ ᒋᓯᒥᓗ ᐋᕋᑉᒥᐅᑕᖅ ᑕᒪᑐᒥᖓ ᑐᓴᕋᒥᒃ, ᐃᔪᓚᐅᕐᐳᑦ ᓱᓕᔪᕐᓴᖏᒻᒪᕆᒃᓗᑎᒡᓗ ᐅᖃᕐᓗᑎᒃ, “ᖃᓄᐃᓕᐅᕋᓱᓕᕐᐱᓰ? ᐊᖓᔪᖅᑳᕐᔪᐊᕐᒥᒃ ᐊᑭᕋᕐᑐᕋᓱᐊᓕᕐᐱᓰ?”
20ᑕᕝᕙ ᑭᐅᓚᐅᕐᐸᒃᑲ, “ᒎᑎᐅᑉ ᕿᓚᖕᒦᑦᑑᑉ ᐱᕙᓪᓕᐊᑎᓐᓂᐊᕐᐹᑎᒍᑦ, ᐅᕙᒍᑦ ᑖᑦᓱᒧᖓ ᐱᔨᐅᔪᒍᑦ ᒪᑭᓪᓗᑕ ᓴᓇᒋᐊᕐᓂᐊᓕᕐᐳᒍᑦ; ᐃᓕᑦᓯᓕ ᐱᖃᖃᑕᐅᓂᐊᓐᖏᓚᓯ ᐃᓚᒋᔭᐅᓂᐊᓐᖏᓚᓯᓘᓐᓃᑦ ᐃᖅᑲᐅᒪᔭᐅᑦᔪᑎᒃᓴᖃᕐᓂᐊᓐᖏᓚᓯᓘᓐᓃᑦ ᔨᕉᓴᓕᒥ.”
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
