ᓂᕼᐃᒤᐊᐅᑉ ᐊᒡᓚᖏᑦ 12
12
ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑭᓇᒃᑰᓂᖏᑕ ᓇᓗᓁᕐᓯᒪᓂᖏᑦ
1ᐅᑯᐊ ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐅᑎᖃᑕᐅᓚᐅᕐᑐᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᔨᕈᐸᐱᐅᓪᒧᑦ ᓯ-ᐅᓪᑎ-ᐃᐅᑉ ᐃᕐᓂᖓᓄᑦ, ᔩᓱᐊᓗ ᐃᓚᒋᓪᓗᒋᑦ:
2ᑐᓂᕐᕈᓯᕐᑎᑦᓯᔩᑦ:
ᓯᕅᐊ, ᔨᕆᒤᐊ, ᐄᓱᕋ, ᐊᒪᕅᐊ, ᒪᓘᒃ, ᕼᐊᑑᓯ, 3ᓯᑲᓁᐊ, ᕆᕼᐆᒻ, ᒥᕆᒫᑎ, 4ᐃᑐ, ᔨᓂᑐᐃ, ᐊᐰᔭ, 5ᒤᔭᒥᓐ, ᒪ-ᐊᑍᐊ, ᐱᐅᓪᒐ, 6ᓯᒤᐊ, ᔪᐃᐊᕆᑉ, ᔨᑍᐊ. 7ᓴᓪᓗ, ᐊᒧᒃ, ᕼᐃᓪᑬᐊ, ᔨᑍᐊ.
ᑖᒃᑯᐊ ᑕᕝᕙ ᐊᖓᔪᖅᑳᕆᔭᐅᓚᐅᕐᑐᑦ ᑐᓂᕐᕈᓯᕐᑎᑦᓯᔨᐅᖃᑎᒥᓄᑦ ᔩᓱᐊ ᐊᖓᔪᖅᑳᖑᑎᓪᓗᒍ ᑐᓂᕐᕈᓯᕐᑎᑦᓯᔨᓄᑦ.
8ᓕᕔᑎᒃᑯᑦ:
ᐅᑯᐊᖑᓚᐅᕐᐳᑦ ᔩᓱᐊ, ᐱᓄᐃ, ᑲᑦᒤ-ᓕ, ᓯᕆᐰᐊ, ᔫᑕ, ᒪᑕᓁᐊᓗ, ᑖᒃᑯᐊ ᑕᕝᕙ ᐃᓐᖏᕐᓂᕐᒧᑦ ᖁᔭᓕᓂᕐᒧᓪᓗ ᐊᖓᔪᖅᑳᖑᓚᐅᕐᑐᑦ ᐃᓚᒥᖕᓄᑦ.
9ᐊᒻᒪ ᐸᒃᐳᒃᑭᐊᓗ ᐆᓐᓂᓗ, ᐃᓚᒋᔭᖏᓪᓗ ᓕᕔᑎᑦ, ᓇᖏᕐᓗᑎᒃ ᐊᑭᓕᕆᔭᐅᖃᑦᑕᓚᐅᕐᐳᑦ ᐃᓐᖏᕐᑎᓪᓗᒋᑦ.
ᔩᓱᐊᑉ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑭᖑᕚᖏᑦ
10ᔩᓱᐊ ᐃᕐᓂᖃᓚᐅᕐᐳᖅ ᔪᐃᐊᑭᒥᒃ, ᔪᐃᐊᑭᒥᓗ ᐃᕐᓂᖃᓚᐅᕐᐳᖅ ᐃᓔᐊᓯᑉᒥᒃ, ᐃᓕᐊᓯᐱᓗ ᐃᕐᓂᖃᓚᐅᕐᐳᖅ ᔪᐃᐊᑕᒥᒃ, 11ᔪᐃᐊᑕ ᐃᕐᓂᖃᓚᐅᕐᐳᖅ ᔫᓇᑕᓂᒥᒃ, ᔫᓇᑕᓂᓗ ᐃᕐᓂᖃᓚᐅᕐᐳᖅ ᔭᑐ-ᐊᒥᒃ.
ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖑᔪᑦ ᐃᓚᒋᔭᒥᖕᓄᑦ
12ᔪᐃᐊᑭᒻ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᑎᓪᓗᒍ, ᐅᑯᐊ ᑐᓂᕐᕈᓯᕐᑎᑦᓯᔩᑦ ᐃᓚᒋᔭᖏᓐᓄᑦ ᐊᖓᔪᖅᑳᕆᔭᐅᓚᐅᕐᐳᑦ:
ᑐᓂᕐᕈᓯᕐᑎᑦᓯᔩᑦ ᐃᓚᒋᔭᖏᑦ ᓯᕅᐊᒃᑯᑦ, ᒥᕅᐊ; ᔨᕆᒤᐊᒃᑯᑦ, ᕼᐊᓇᓁᐊ; 13ᐄᓱᕋᒃᑯᑦ, ᒥᓱᓚᒻ; ᐊᒪᕅᐊᒃᑯᑦ, ᔨᕼᐅᕼᐊᓇᓐ; 14ᒪᓗᑭᒃᑯᑦ, ᔫᓇᑕᓂ; ᓯᐸᓁᐊᒃᑯᑦ, ᔫᓯᐱ; 15ᕼᐊᕆᒥᒃᑯᑦ, ᐋᑦᓇ; ᒥᕅᐅᑎᒃᑯᑦ, ᕼᐃᓪᑬ; 16ᐃᑐᒃᑯᑦ, ᓴᑲᕅᐊ; ᔨᓂᑐᐃᒃᑯᑦ, ᒥᓱᓚᒻ; 17ᐊᐰᔭᒃᑯᑦ, ᔨᒃᕆ; ᒥᓂᐊᒥᓐᑯᑦ ᒧᐊᑍᐊᒃᑯᑦ, ᐱᐅᓪᑍ; 18ᐱᐅᓪᒐᒃᑯᑦ, ᓵᒧᐊ; ᓯᒤᐊᒃᑯᑦ, ᔨᕼᐅᓇᑕᓐ; 19ᔪᐃᐊᕆᑉᑯᑦ, ᒪᑎᓁ; ᔨᑍᐊᒃᑯᑦ, ᐅᔨ; 20ᓴᓔᒃᑯᑦ, ᑲᓔ; ᐊᒧᒃᑯᑦ, ᐄᐸᕆ; 21ᐊᕼᐃᓪᑬᐊᒃᑯᑦ, ᕼᐊᓴᐰ; ᔨᑍᐊᒃᑯᑦ, ᓇᑖᓂᐅᓪ.
ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐃᓚᒋᔭᖏᑕ ᓇᓗᓁᕐᓯᒪᓂᖏᑦ
22ᑍᕉᓯ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᓕᕔᑎᑦ ᑐᓂᕐᕈᓯᕐᑎᑦᔩᓪᓗ ᑎᑎᕋᕐᑕᐅᓯᒪᓚᐅᕆᕗᑦ ᓇᓗᓁᕐᑕᐅᓯᒪᓪᓗᑎᒃ ᐃᓚᒋᔭᒥᖕᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᐅᑎᓪᓗᒋᑦ: ᐃᓔᐊᓯᑉ, ᔪᐃᐊᑕ, ᔪᕼᐋᓇᓐ, ᔭᑐ-ᐊ.
23ᓕᕔᑎᒃᑯᑦ ᐃᓚᒋᔭᖏᑕ ᐊᖓᔪᖅᑳᖏᑦ, ᐊᒡᓚᖕᓂ ᑎᑎᕋᑦᑕᐅᓯᒪᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᑕ ᑎᑎᕋᕐᕕᒃᓴᖁᑎᖏᑎᒍᑦ ᑕᕝᕗᖓ ᔪᕼᐋᓇᓂᐅᑉ ᐃᓔᐊᓯᐅᑉ ᐃᕐᓂᖓᑕ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᖓᓄᑦ ᑎᑭᓯᒪᓪᓗᑎᒃ.
ᐅᑯᐊ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐱᓇᓱᐊᕐᑎᐅᖁᓪᓗᒋᑦ ᑎᓕᔭᐅᓚᐅᕐᐳᑦ
24ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.
25ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᐱᖁᑎᒃᑯᕕᖏᑕᓗ ᐃᑎᕐᑕᕐᕕᖏᓐᓂ ᑲᒪᔨᐅᕙᓚᐅᕐᑐᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊᖑᕗᑦ: ᒪᑕᓁᐊ, ᐸᒃᐳᒃᑭᐊ, ᐅᐸᑍᐊ, ᒥᓱᓚᒻ, ᑖᓪᒪᓐ, ᐊᑯᑉᓗ.
26ᑖᒃᑯᐊ ᑕᕝᕙ ᐃᓅᓚᐅᕐᑐᑦ ᔪᐃᐊᑭᒻ ᔩᓱᐊᑉ ᐃᕐᓂᖓ ᔫᔭᑕᐅᑉ ᐃᕐᖑᑕᖓ, ᓂᕼᐃᒤᐊᓗ ᐊᐅᓚᑦᓯᔨᐅᑎᓪᓗᒍ ᐄᓱᕋᓗ ᑐᓂᕐᕈᓯᕐᑎᑦᓯᔨᐅᑎᓪᓗᒍ ᐱᖁᔭᓂᒃ ᐃᓕᓯᒪᔪᖅ.
ᓂᕼᐃᒤᐊᐅᑉ ᐃᒡᓗᒐᓮᑦ ᐊᕙᓗᕐᔪᐊᖓᓂᒃ ᑐᒃᓯᐅᑦᔭᐅᑎᑦᓯᓂᖓ
27ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ. 28ᐃᓐᖏᕐᑏᓪᓗ ᓕᕔᑏᑦ ᐃᓚᒋᔭᖏᑦ ᑲᑎᑕᐅᓚᐅᕆᕗᑦ ᓄᓇᓕᖕᓂᑦ ᔨᕉᓴᓕᐅᑉ ᖃᓂᒋᔮᓃᑦᑐᓂᑦ ᓄᓇᓕᖕᓂᓪᓗ ᓂᑐᐸᕼᐊᑍᑎᒥᑦ ᐱᓯᒪᔪᑦ, 29ᐱᑦ-ᒋᐅᓪᒐᐅᓪᒥᑦ ᐱᓯᒪᔪᑦ, ᐱᕈᕐᓰᕕᖕᓂᓪᓗ ᒋᐸᒥᑦ ᐱᓯᒪᔪᑦ ᐊᔾᔭᒪᕕᑎᒥᓪᓗ; ᐃᓐᖏᕐᑏᑦ ᐃᒻᒥᖕᓂᒃ ᓄᓇᓕᓕᐅᓚᐅᕐᒥᖕᒪᑕ ᔨᕉᓴᓕᐅᑉ ᓯᓚᑖᓂ. 30ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕐᐳᑦ; ᐃᓄᐃᓪᓗ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕆᕔᑦ ᐃᑎᕐᑕᕐᕖᓪᓗ ᐊᕙᓗᕐᔪᐊᕐᓗ.
31ᑕᕝᕙ ᔫᑕᐅᑉ ᐊᖓᔪᖅᑳᖏᑦ ᐊᕙᓗᕐᔪᐊᑉ ᖄᖓᓄᑦ ᒪᔪᐊᖁᓚᐅᕐᐸᒃᑲ, ᒪᕐᕈᐃᓕᑎᑦᓯᓚᐅᕐᐳᖓᓗ ᐃᓄᒋᐊᒃᑐᕐᔪᐊᓂᒃ ᑖᒃᑯᐊ ᐃᓐᖏᕐᓗᑎᒃ ᖁᔭᓕᖁᓪᓗᒋᑦ ᑕᒪᓐᓇ ᑲᔪᓯᒋᐊᓯᓚᐅᕐᐳᖅ.
ᐂᑉᐸᖏᑦ ᐊᕙᓗᕐᔪᐊᑉ ᑕᓕᕐᐱᐊᓄᐊᓚᐅᕐᐳᑦ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᑎᒃ; 32ᑖᒃᑯᐊ ᑭᖑᓂᖓᒍᑦ ᕼᐅᓮᐊ ᔫᑕᐅᓪᓗ ᐊᖓᔪᖅᑳᖏᑕ ᕿᑎᖅᑲᖏᑦ, 33ᐊᔭᕅᐊᓗ, ᐄᓱᕋᓗ, ᒥᓱᓚᒻᓗ, 34ᔫᑕᓗ, ᐱᓐᔭᒥᓂᓗ, ᓯᒤᐊᓗ, ᔨᕆᒤᐊᓗ, 35ᑐᓂᕐᕈᓯᕐᑎᑦᓯᔩᓪᓗ ᐃᓚᖏᑕ ᑭᖑᕚᖏᑦ ᑎᑦᑐᓚᐅᑎᓕᔭᕐᓗᑎᒃ: ᑭᖑᓂᖓᒍᑦ ᓴᑲᕅᐊ ᔫᓇᑕᓂᐅᑉ ᐃᕐᓂᖓ, ᑖᓐᓇ ᓯᒤᐊᐅᑉ ᐃᕐᓂᖓ, ᑖᓐᓇ ᒪᑕᓁᐊᐅᑉ ᐃᕐᓂᖓ, ᑖᓐᓇ ᒥᑬᐊᐅᑉ ᐃᕐᓂᖓ, ᑖᓐᓇ ᔭᑯᕆᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ; 36ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ. 37ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᑦ ᐱᒋᐊᕐᓗᑎᒃ ᒪᔪᕋᓚᐅᕐᐳᑦ ᑍᕕᑎᐅᑉ ᐃᒡᓗᒐᓴᖏᑕ ᒪᔪᕋᐅᑎᖏᑎᒍᑦ, ᐊᕙᓗᕐᔪᐊᑉ ᒪᔪᕋᐅᑎᖏᑎᒎᕐᓗᑎᒃ, ᑍᕕᑎᐅᑉ ᐃᒡᓗᒐᓴᖏᑕ ᖁᓛᓄᑦ, ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ ᑎᑭᓪᓗᑎᒃ.
38ᐂᑉᐸᖏᑦ ᖁᔭᓕᓂᕐᒧᑦ ᐃᓐᖏᕐᑏᑦ ᐃᒡᓗᖔᖓᓄᐊᓚᐅᕐᐳᑦ ᓴᐅᒥᖔᖓᓄᑦ, ᑖᒃᑯᐊᓗ ᒪᓕᓚᐅᕐᐸᒃᑲ ᐃᓄᒋᐊᕐᑐᕐᔪᐊᑦ ᕿᑎᖅᑲᖏᑦ ᐃᓚᒋᓪᓗᒋᑦ, ᐊᕙᓗᕐᔪᐊᑉ ᖄᖓᒎᕐᓗᑕ, ᐃᑯᐊᓚᑦᓯᕕᒃ ᐳᕐᑐᔪᖅ ᓇᐸᔪᕐᔪᐊᖅ ᖄᖏᕐᓗᒍ, ᐊᕙᓗᕐᔪᐊᑉ ᓯᓕᖕᓂᖓᓄᐊᕐᐳᒍᑦ, 39ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.
40ᑕᕝᕙ ᐃᓐᖏᕐᑏᑦ ᖁᔭᓕᖃᑎᒌᒃᑐᑦ ᑲᑎᓚᐅᕐᐳᑦ ᒎᑎᐅᑉ ᐃᒡᓗᖓᓂ ᑕᕝᕙᓂᓗ ᓇᖏᓕᕐᓗᑎᒃ.
ᐅᕙᖓᓗ ᐊᖓᔪᖅᑳᓪᓗ ᕿᑎᖅᑲᖏᑦ ᐅᕙᓐᓃᓚᐅᕐᐳᑦ; 41ᑐᓂᕐᕈᓯᕐᑎᑦᓯᔩᓪᓗ ᐃᓔᐊᑭᒻ, ᒫ-ᐊᓯᐊ, ᒥᓂᐊᒥᓂ, ᒥᑬᐊ, ᐃᓔ-ᐅ-ᐃᓁ, ᓴᑲᕅᐊ, ᕼᐊᓇᓁᐊᓗ, ᑎᑦᑐᓚᐅᓯᔭᓚᐅᕐᐳᑦ. 42ᐊᒻᒪ ᒫ-ᐊᓯᐊ, ᓯᒤᐊ, ᐃᓕᓯᕆ, ᐅᔨ, ᔨᕼᐅᕼᐊᓇᓐ, ᒪᓪᑬᔭ, ᐃᓛᒻ, ᐃᔨᕆᓗ. ᐃᓐᖏᕐᑏᑦ ᐃᓐᖏᓚᐅᕐᐳᑦ ᓂᐱᖅᑯᕐᑐᓪᓗᑎᒃ ᔨᔭᕋᕼᐂᐊᒥᒃ ᐊᐅᓚᑦᓯᔨᖃᕐᓗᑎᒃ.
43ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.
ᑐᒃᓯᐊᕐᕕᒡᔪᐊᕐᒥ ᐱᓇᓱᐊᕐᑎᐅᖃᑦᑕᕐᓂᐊᕐᑐᑦ
44ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ. 45#ᑯᕉᓂᑲ ᓯᕗᓪᓖᑦ 25:1-8; ᑯᕉᓂᑲ ᓯᕗᓪᓖᑦ 26:12.ᒎᑎᒥᖕᓄᑦ ᐱᓇᓱᐊᒐᒃᓴᒥᖕᓂᒃ ᐱᓕᕆᖕᒪᑕ ᐃᑦᔪᕐᓁᑎᑕᐅᓂᕐᒥᒡᓗ ᐱᓕᕆᓪᓗᑎᒃ, ᐃᓐᖏᕐᑏᓪᓗ ᐃᑎᕐᑕᕐᕕᐅᓪᓗ ᑲᒪᔨᖏᑦ ᐱᓇᓱᐊᓚᐅᕐᒥᖕᒪᑕ, ᑍᕕᑎᐅᑉ ᐃᕐᓂᖓᑕᓗ ᓲᓗᒨᓂᐅᑉ ᐱᓇᓱᐊᕐᑕᐅᖁᓯᒪᔭᖏᑦ ᒪᓕᒡᓗᒋᑦ. 46ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ. 47ᔨᕈᐸᐱᐅᓪᑯᒃ ᓂᕼᐃᒤᐊᒃᑯᒃ ᐊᐅᓚᑦᓯᑎᓪᓗᒋᒃ ᐃᓴᕆᐊᓕᒥᐅᓕᒫᑦᓯᐊᑦ ᖃᐅᑕᒫᑦ ᑐᓂᔭᐅᔭᕆᐊᖃᕐᑐᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᓐᖏᕐᑎᓄᑦ ᐃᑎᕐᑕᕐᕖᓪᓗ ᑲᒪᔨᖏᓐᓄᑦ; ᐃᑦᔪᕐᓁᑦᑐᓂᒃ ᑐᓂᔭᐅᔪᒃᓴᐅᔪᓂᒃ ᑐᓂᓯᖃᑦᑕᓚᐅᕐᐳᑦ ᓕᕔᑎᓄᑦ; ᓕᕔᑏᓪᓗ ᑐᓂᓯᖃᑦᑕᕆᓪᓗᑎᒃ ᐂᕉᓂᐅᑉ ᑭᖑᕚᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᐅᖁᔭᐅᔪᓂᒃ ᑖᒃᑯᓄᖓ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 12: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
