ᓂᕼᐃᒤᐊᐅᑉ ᐊᒡᓚᖏᑦ 11
11
ᔨᕉᓴᓕᒥ ᐃᓄᐃᑦ ᓄᓇᖃᕐᑐᑦ
1ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ. 2ᐃᓄᐃᓪᓗ ᓮᒻᒪᕐᑎᑦᓯᓚᐅᕐᐳᑦ ᔨᕉᓴᓕᒥ ᓄᓇᖃᕈᒪᓪᓗᑎᒃ ᐃᒻᒥᖕᓂᒃ ᑐᓂᔪᓕᒫᓂᒃ. 3#ᓂᕼᐃᒤᐊ 7:73.ᔫᑕᒥᓕ ᓄᓇᖃᕐᑐᑦ ᓇᖕᒥᓂᕆᔭᒥᖕᓂ ᐊᑐᓂᑦ ᓄᓇᖃᓚᐅᕐᐳᑦ: ᒪᑯᐊ ᐃᓴᕆᐊᓕᒥᐅᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑎᒃᑯᑦ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑏᑦ, ᓲᓗᒨᓂᐅᓪᓗ ᐱᔨᖏᑕ ᑭᖑᕚᖏᑦ.
ᐅᑯᐊ ᑕᕝᕙ ᓄᓇᓖᑦ ᐊᕕᒃᑐᕐᓯᒪᓂᖏᑕ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᑐᑦ:
4ᔨᕉᓴᓕᒦᑦᑐᑦ ᔫᑕᐅᑉ ᑭᖑᕚᖏᑦ ᐱᓐᔭᒥᓂᐅᑉ ᑭᖑᕚᖓᑕ ᐅᑯᐊᖑᕗᑦ:
ᐊᑍᐊ, ᐅᓮᐊᐅᑉ ᐃᕐᓂᖓ, ᓴᑲᕅᐊᐅᑉ ᐃᕐᖑᑕᖓ. ᐅᑯᐊᑦᑕᐅᖅ ᓯᕗᓕᕕᓂᖏᑕ ᐃᓚᖏᑦ ᐅᑯᐊᖑᕗᑦ ᐊᒪᕅᐊ, ᓯᕚᑍᐊᐅᑉ ᐃᕐᓂᖓ, ᑖᓐᓇ ᒪᕼᐊᓚᓕᐅᑉ ᐃᕐᓂᖓ, ᑖᓐᓇ ᐱᕆᔨᐅᑉ ᐃᕐᓂᖓ.
5ᒫ-ᐊᓯᐊ ᑖᓐᓇ ᐸᕉᑭᐅᑉ ᐃᕐᓂᖓ, ᑖᓐᓇ ᑯᓪ-ᕼᐅᔨᐅᑉ ᐃᕐᓂᖓ, ᑖᓐᓇ ᕼᐊᔧᐊᑉ ᐃᕐᓂᖓ, ᑖᓐᓇ ᐊᑍᐊᐅᑉ ᐃᕐᓂᖓ, ᑖᓐᓇ ᔪᐃᐊᕆᑉ ᐃᕐᓂᖓ, ᑖᓐᓇ ᓴᑲᕅᐊᐅᑉ ᐃᕐᓂᖓ, ᑖᓐᓇ ᓮᓗᓁᑎᐅᑉ ᐃᕐᓂᖓ.
6ᐱᕆᔨᐅᑉ ᑭᖑᕚᖏᑦ ᑕᒪᕐᒥᒃ ᔨᕉᓴᓕᒥ ᓄᓇᖃᕐᑐᑦ 468ᖑᓚᐅᕐᐳᑦ ᐊᔪᖏᑦᑐᕐᔪᐊᖑᓪᓗᑎᒡᓗ.
7ᐅᑯᐊ ᐱᓐᔭᒥᓂᐅᑉ ᑭᖑᕚᖏᑦ ᐅᑯᐊᖑᕗᑦ:
ᓴᓪᓗ ᑖᓐᓇ ᒥᓱᓚᒥᐅᑉ ᐃᕐᓂᖓ, ᑖᓐᓇ ᔪᐃᑎᐅᑉ ᐃᕐᓂᖓ, ᑖᓐᓇ ᐱᑍᐊᑉ ᐃᕐᓂᖓ, ᑖᓐᓇ ᑯᓔᐊᐅᑉ ᐃᕐᓂᖓ, ᑖᓐᓇ ᒫ-ᐊᓯᐊᐅᑉ ᐃᕐᓂᖓ, ᑖᓐᓇ ᐃᑎᐃᐅᓕᐅᑉ ᐃᕐᓂᖓ, ᑖᓐᓇ ᔨᓮᐊᐅᑉ ᐃᕐᓂᖓ.
8ᒐᐰᓗ ᓴᓔᓗ, ᐃᓚᒋᔭᐅᓪᓚᕆᓚᐅᕐᐳᒃ ᓴᓗᒧᑦ.
ᑖᒃᑯᐊ ᑭᖑᕚᖏᑦ ᑲᑎᓪᓗᒋᑦ 928ᖑᓚᐅᕐᐳᑦ ᔨᕉᓴᓕᒥ ᓄᓇᖃᕐᑐᑦ. 9ᔪᐃᓕ ᔨᒃᕆᐅᑉ ᐃᕐᓂᖓ ᑖᒃᑯᓇᓐᖓᑦ ᐊᖓᔪᖅᑳᕆᔭᐅᓚᐅᕐᐳᖅ, ᔫᑕᓗ ᕼᐊᓯᓄᐊᑉ ᐃᕐᓂᖓ ᑐᖓᓕᕆᔭᐅᓪᓗᓂ ᑖᑦᓱᒧᖓ ᑕᕝᕙᓂ ᐃᒡᓗᒐᓴᖕᓂ.
10ᑐᓂᕐᕈᓯᕐᑎᑦᓯᔩᑦ ᐅᑯᐊᖑᒋᕗᑦ:
ᔨᑍᐊ ᑖᓐᓇ ᔪᐃᐊᕆᐅᑉ ᐃᕐᓂᖓ, ᔭᑭᓂᓗ.
11ᓯᕅᐊ ᑖᓐᓇ ᕼᐃᓪᑬᐊᐅᑉ ᐃᕐᓂᖓ, ᑖᓐᓇ ᒥᓱᓚᒻ ᐃᕐᓂᖓ, ᑖᓐᓇ ᔭᑑᑭᐅᑉ ᐃᕐᓂᖓ, ᑖᓐᓇ ᒥᕅᐅᑎᐅᑉ ᐃᕐᓂᖓ, ᑖᓐᓇ ᐊᕼᐃᑑᑉ ᐃᕐᓂᖓ, ᑖᓐᓇ ᒎᑎᐅᑉ ᐃᒡᓗᖓᓂ ᐊᐅᓚᑦᓯᔨᐅᓚᐅᕐᑐᖅ. 12ᖃᑕᓐᖑᑎᖏᓪᓗ ᑕᕝᕙᓂ ᐱᓇᓱᐊᕐᑎᐅᖃᑕᐅᓚᐅᕐᑐᑦ, 822ᖑᓚᐅᕐᐳᑦ.
ᐊᑍᐊ ᑖᓐᓇ ᔨᕈᕼᐋᒥᐅᑉ ᐃᕐᓂᖓ, ᑖᓐᓇ ᐱᓚᓔᐊᐅᑉ ᐃᕐᓂᖓ, ᑖᓐᓇ ᐊᒻᔨᐅᑉ ᐃᕐᓂᖓ, ᑖᓐᓇ ᓴᑲᕅᐊᐅᑉ ᐃᕐᓂᖓ, ᑖᓐᓇ ᐸᓱᕼᐅᕆᐅᑉ ᐃᕐᓂᖓ, ᑖᓐᓇ ᒪᓪᑬᔭᐅᑉ ᐃᕐᓂᖓ, 13ᑖᒃᑯᐊᓗ ᖃᑕᓐᖑᑎᖏᑦ, ᐊᖓᔪᖅᑳᖑᓚᐅᕐᑐᑦ ᐃᓚᒥᓄᑦ, 242ᖑᓚᐅᕐᐳᑦ.
ᐊᒪᓴᓮ ᑖᓐᓇ ᐊᔭᕆᐅᑉ ᐃᕐᓂᖓ, ᑖᓐᓇ ᐊᕼᐊᔧᑉ ᐃᕐᓂᖓ, ᑖᓐᓇ ᒥᓯᓕᒪᑎᐅᑉ ᐃᕐᓂᖓ, ᑖᓐᓇ ᐃᒥᕆᐅᑉ ᐃᕐᓂᖓ. 14ᑖᒃᑯᐊᓗ ᖃᑕᓐᖑᑎᖏᑦ, ᐅᓇᑕᕐᑎᑦᓯᐊᒻᒪᕆᐅᓚᐅᕐᑐᑦ, 128ᖑᓚᐅᕐᐳᑦ. ᐊᐅᓚᑦᓯᔨᖃᕐᓗᑎᒃ ᔭᑉᑍᓕᒥᒃ ᕼᐊᒋᑐᓕᒥᐅᑉ ᐃᕐᓂᖓᓂᒃ.
15ᓕᕔᑎᒃᑯᑦ ᐅᑯᐊᖑᒋᕗᑦ:
ᓯᒤᐊ ᑖᓐᓇ ᕼᐊᓱᐱᐅᑉ ᐃᕐᓂᖓ, ᑖᓐᓇ ᐊᔾᕆᑳᒥᐅᑉ ᐃᕐᓂᖓ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᐊᔨᕆᑲᒥᐅᑉ ᐃᕐᓂᒐ, ᑖᓐᓇ ᐳᓐᓁᑉ ᐃᕐᓂᖓ.
16ᓴᐱᑍᓗ ᔫᓴᐸᑦᓗ, ᓕᕔᑎᒃᑯᓐᓂᑦ ᐊᖓᔪᖅᑳᕆᔭᐅᓚᐅᕐᐳᒃ, ᒎᑎᐅᑉ ᐃᒡᓗᖓᑕ ᓯᓚᑖᓂᒃ ᓴᓇᓚᐅᕐᑐᑦ.
17ᒪᑕᓁᐊ ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᔭᑉᑍᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᓐᓇ ᐊᖓᔪᖅᑳᕆᔭᐅᓚᐅᕐᑐᖅ ᖁᔭᓕᓂᕐᒥᒃ ᑐᒃᓯᐊᕐᓂᕐᒥᒃ ᐱᒋᐊᕐᐸᓪᓕᐊᑎᓪᓗᒋᑦ.
ᐸᒃᐳᒃᑭᐊᓗ ᑐᖓᓕᕆᔭᐅᓚᐅᕐᐳᖅ ᖃᑕᓐᖑᑎᓕᒫᒥᓄᑦ.
ᐊᑉᑕᓗ ᑖᓐᓇ ᓵᒧᐊᑉ ᐃᕐᓂᖓ, ᑖᓐᓇ ᒐᓚᐅᑉ ᐃᕐᓂᖓ, ᑖᓐᓇ ᔨᑐᑕᓂᐅᑉ ᐃᕐᓂᖓ.
18ᑖᒃᑯᐊ ᓕᕔᑎᓕᒫᑦ ᑲᑎᓪᓗᒋᑦ ᐃᒡᓗᒐᓴᖕᓂ ᐃᑦᔪᕐᓁᑦᑐᒥᐅᑕᐅᓚᐅᕐᑐᑦ ᔨᕉᓴᓕᒥ 284ᖑᓚᐅᕐᐳᑦ.
19ᐃᑎᕐᑕᕐᕕᐅᑉ ᑲᒪᔨᖏᑦ ᐅᑯᐊᖑᒋᕗᑦ:
ᐊᑯᑉᓗ, ᑖᓪᒪᓐᓗ ᖃᑕᓐᖑᑎᖏᓪᓗ, ᐃᑎᕐᑕᕐᕕᖕᒥ ᑍᒪᓐᖓᑦ ᑲᒪᔨᐅᓚᐅᕐᑐᑦ, ᑲᑎᓪᓗᒋᑦ 172ᖑᓚᐅᕐᐳᑦ.
20ᐃᓄᐃᓪᓗ ᐃᓴᕆᐊᓕᒥᐅᑦ ᑖᒃᑯᐊ ᐊᓯᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᒃᑯᓪᓗ, ᓄᓇᖃᓚᐅᕐᐳᑦ ᔫᑕᒥ, ᓇᖕᒥᓂᖅ ᓄᓇᖁᑎᒋᔭᒥᖕᓂ. 21ᑐᒃᓯᐊᕐᕕᒡᔪᐊᓪᓕ ᐱᓇᓱᐊᕐᑎᖏᑦ ᓄᓇᖃᓚᐅᕐᐳᑦ ᐅᐱᐅᓪᒥ; ᔨᕼᐊᒥᒃ ᒋᔅᐸᒥᒡᓗ ᑲᒪᔨᖃᕐᓗᑎᒃ.
22ᑖᒃᑯᐊ ᓕᕔᑎᒃᑯᑦ ᔨᕉᓴᓕᒦᑦᑐᑦ ᐊᖓᔪᖅᑳᖃᓚᐅᕐᐳᑦ ᐅᔨᒥᒃ ᐹᓂᐅᑉ ᐃᕐᓂᖓᓂᒃ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᒪᑕᓁᐊᑉ ᐃᕐᓂᖓ, ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᒃᑯᐊ ᑭᖑᕚᕇᑦ ᐃᓐᖏᕐᑎᐅᓚᐅᕐᐳᑦ, ᐃᓐᖏᕐᑎᓄᑦ ᐊᖓᔪᖅᑳᕆᔭᐅᓪᓗᑎᒃ ᒎᑎᐅᑉ ᐃᒡᓗᖓᓂ ᐱᓇᓱᐊᕐᑎᓄᑦ. 23ᑖᒃᑯᐊ ᐊᖓᔪᖅᑳᕐᔪᐊᕐᒥᑦ ᒪᓕᒐᖃᓚᐅᕐᐳᑦ ᓇᓗᓁᕐᓯᓯᒪᔪᓂᒃ, ᖃᓄᖅ ᑖᒃᑯᐊ ᑭᖑᕚᕇᑦ ᓇᓪᓕᐅᑎᖃᑦᑕᕐᓗᑎᒃ ᐃᓐᖏᕐᓂᕐᒥᒃ ᑕᓯᐅᕐᑎᐅᖃᑦᑕᖁᓪᓗᒋᑦ, ᖃᐅᑕᒫᑦ ᐊᑐᕐᑕᐅᔭᕆᐊᖃᕐᑐᑦ ᐱᑦᔪᑎᒋᓗᒋᑦ.
24ᐱᑕᕼᐂᐊᓗ ᒥᓯᔭᐱᐅᑉ ᐃᕐᓂᖓ, ᔨᕋᐅᑉ ᐃᓚᒋᔭᖏᑦ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᑉ ᐃᑲᔪᕐᑎᒋᖃᑦᑕᓚᐅᕐᐰᑦ ᐊᐅᓚᑦᓯᔨᐅᖁᓪᓗᒋᑦ ᖃᓄᑐᐃᓐᓇᑦᓯᐊᖅ ᐃᓄᖕᓂᑦ ᐱᓇᓱᐊᕐᑕᐅᔭᕆᐊᖃᕐᑐᓕᒫᓄᑦ.
ᐃᓄᐃᑦ ᔨᕉᓴᓕᐅᑉ ᐊᓯᐊᓂ ᓄᓇᖃᕐᑐᑦ
25ᐃᓄᐃᑦ ᐅᓄᕐᑐᑦ ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᕈᕐᓰᕕᖁᑎᖏᑕ ᖃᓂᒋᔭᖓᓂ, ᔫᑕᐅᑉ ᑭᖑᕚᖏᑕ ᐃᓚᖏᑦ ᓄᓇᖃᓚᐅᕐᐳᑦ ᑭᕆᐊᑦ-ᐊᕋᐸᒥ ᖃᓂᒋᔭᓂᓗ ᓄᓇᓕᐅᔪᓂ, ᑎᐴᓂᒥᓗ ᖃᓂᒋᔮᓂᓗ ᓄᓇᓕᐅᔪᓂ, ᔨᑲᐱᔨᐅᓪᒥᓗ ᖃᓂᒋᔭᓂᓗ ᓄᓇᓕᐅᔪᓂ; 26ᔩᓱᐊᒥᓗ, ᒧᓚᑕᒥᓗ, ᐱᑦ-ᐱᓕᑦᒥᓗ, 27ᕼᐊᔭᕐ-ᓯᐅᓪᒥᓗ, ᐱᐊᕐᓰᐸᒥᓗ ᖃᓂᒋᔭᓂᓗ ᓄᓇᓕᐅᔪᓂ, 28ᔨᒡᓛᒡᒥᓗ, ᒥᑯᓇᒥᓗ ᖃᓂᒋᔭᓂᓗ ᓄᓇᓕᐅᔪᓂ, 29ᐃᓂ-ᕆᒫᓐᒥᓗ, ᔫᕋᒥᓗ, ᔭᕐᒨᑎᒥᓗ, 30ᔭᓄᐊᒥᓗ, ᐊᑑᓚᒥᓗ, ᖃᓂᒋᔭᓂᓗ ᓄᓇᓕᐅᔪᓂ, ᓚᑮᓯᒥᓗ ᖃᓂᒋᔮᓂᓗ ᐱᕈᕐᓰᕕᖕᓂ, ᐊᔨᑲᒥᓗ ᖃᓂᒋᔭᓂᓗ ᓄᓇᓕᐅᔪᓂ. ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᐊᕐᓯᐸᒥᑦ ᕼᐃᓇᒥᐅᑉ ᓇᕐᓴᖓᓄᑦ ᑎᑭᓪᓗᑎᒃ.
31ᐱᓐᔭᒥᓂᐅᓪᓕ ᑭᖑᕚᖏᑦ ᓄᓇᖃᓚᐅᕆᕗᑦ ᓄᓇᒥᑦ ᒋᐸᒥᑦ ᐱᒋᐊᕐᓗᑎᒃ, ᒥᒃᒫᔅᒥ, ᐊᔭᒥ, ᐱᑎᓕᒥᓗ ᖃᓂᒋᔭᓂᓗ ᓄᓇᓕᐅᔪᓂ, 32ᐊᓇᑑᑎᒥ, ᓅᐱᒥ, ᐊᓇᓁᐊᒥᓗ, 33ᕼᐂᔭᒥ, ᕌᒪᒥ, ᒋᑍᒥᓗ, 34ᕼᐊᑎᒥ, ᔨᐳᐃᒥ, ᓂᐸᓚᑎᒥᓗ, 35ᓛᑎᒥ, ᐆᓅᒥ, ᕿᔪᓕᕆᔩᓪᓗ ᓇᕐᓴᖓᓂ. 36ᐃᓚᖏᓪᓗ ᔫᑕᐅᑉ ᑭᖑᕚᖏᑦ ᓕᕔᑎᐅᔪᑦ ᐊᕕᒃᑐᕐᓯᒪᓂᖏᑕ ᐃᓚᖏᑦ ᐃᓚᓕᐅᑎᓚᐅᕐᐳᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.
Currently Selected:
ᓂᕼᐃᒤᐊᐅᑉ ᐊᒡᓚᖏᑦ 11: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
