ᓇᕼᐅᒥᐅᑉ ᐊᒡᓚᖏᑦ 1
1
1 #
ᐂᓮᐊᓯ 10:5-34; 14:24-27; ᔨᐸᓁᐊ 2:13-15. ᐅᑯᐊ ᐅᖃᐅᓯᖃᕐᐳᑦ ᓂᓂᕕᒥᒃ, ᓇᕼᐅᒥᐅᑉ ᑕᑯᑎᑕᐅᑦᔪᑎᒋᓚᐅᕐᑕᖏᑦ, ᓄᓇᒥᑦ ᐃᓪᑰᓯᒦᑎᓪᓗᒍ.
ᐊᑕᓂᐅᑉ ᓂᓐᖓᖕᓂᖓ ᓂᓂᕕᒥᐅᓄᑦ
2ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ;
ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ;
ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ,
ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.
3ᐊᑕᓂᖅ ᕿᓄᐃᑉᐳᖅ ᐱᒃᓴᕐᑐᓂᓕᒡᔫᓪᓗᓂᓗ,
ᓱᒋᐊᕐᓯᑦᑍᓕᓐᖏᓚᕐᓗ ᖃᕿᐊᓕᕐᓂᖃᖏᑦᑐᓂᒃ.
ᐊᑕᓂᖅ ᐃᓂᖃᕐᐳᖅ ᐅᓚᔪᔭᕐᒥ ᐊᖅᑯᓇᕐᔪᐊᒥᓗ,
ᐃᑎᒐᖏᑕᓗ ᓄᕗᔧᑦ ᐳᔪᕋᕆᕔᑦ.
4ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ;
ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.
5ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ,
ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ;
ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ;
ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.
6ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ?
ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ?
ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ;
ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.
7ᐊᑕᓂᖅ ᐱᐅᔫᕗᖅ;
ᑕᑎᖃᕐᑐᑦ ᓴᐳᑎᓯᒪᖕᒪᒋᑦ ᐊᑲᐅᖏᑦᑐᑦ ᓇᓪᓕᐅᑎᓯᒪᑎᓪᓗᒋᑦ;
ᓴᐳᑎᕔᓪᓗ ᑖᑦᓱᒧᖓ ᕿᒫᔪᑦ ᐃᑲᔪᕐᑕᐅᔪᒪᓪᓗᑎᒃ.
8ᐅᓗᑦᔭᐅᔪᑎᑐᑦ ᐊᑭᕋᕐᑐᕐᑎᓂ ᐊᑕᖏᕐᓗᒋᑦ ᓄᖑᑦᓱᒫᕐᐰᑦ,
ᐊᑭᕋᕐᑐᕐᑎᓂᓗ ᕿᒫᑎᑦᓱᒫᕐᐰᑦ ᑖᕐᑐᕐᔪᐊᕐᒧᑦ.
9ᓱᖕᒪᑦ ᐃᓱᒪᒃᓴᕐᓯᐅᕋᓱᒃᐱᓰ ᐊᑭᕋᕐᑐᕈᒪᓪᓗᓯ ᐊᑕᓂᕐᒧᑦ?
ᑖᑦᓱᒪ ᓄᖑᑦᓱᒫᕐᐹᓯ;
ᓇᓪᓕᐊᑦ ᐊᑕᐅᓯᐊᖏᓪᓗᓂ ᐊᑭᒪᔪᓐᓇᖏᒻᒪᑦ ᑖᑦᓱᒥᖓ.
10ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.
11ᑕᕝᕙ ᐃᓕᖕᓂᑦ ᓂᓂᕖ, ᐃᓄᖕᒥᒃ ᐱᐅᖏᑦᑐᕐᔪᐊᒥᒃ ᓯᓔᕐᕆᒃᓯᔨᒥᒃ ᓴᖅᑭᑦᑐᖃᕐᐳᖅ, ᐊᑕᓂᕐᒥᒃ ᐱᓂᐊᕐᓂᕐᒥᒍᑦ ᐊᑭᕋᕐᑐᕐᑐᒥᒃ, ᐱᐅᖏᑦᑐᒥᒡᓗ ᐃᓱᒪᓕᐅᕐᓯᒪᔪᒥᒃ. 12ᐊᑕᓂᖅ ᐃᒫᒃ ᐅᖃᕐᐳᖅ: “ᐊᑭᕋᓯ ᓴᓐᖏᔫᓪᓗᑎᒃ ᐅᓄᕋᓗᐊᕐᒪᑕ, ᓄᖑᑕᐅᔪᒫᕐᐳᑦ ᐊᓯᐅᓗᑎᒡᓗ. ᐃᓄᖁᑎᒃᑲ, ᐊᒃᓱᕈᕐᓇᕐᑐᒃᑰᕐᑎᓚᐅᕋᓗᐊᕐᐸᑦᓯ, ᑍᒤᑦᑐᒃᑰᕐᑎᒃᑲᓐᓂᕐᓂᐊᓐᖏᓚᑦᓯᓕ. 13ᒫᓐᓇ ᐊᑭᕋᑦᓯ ᐃᓕᑦᓯᓐᓄᑦ ᐱᔪᓐᓇᕐᓂᖃᕐᓂᖓᑦ ᓄᖅᑲᕐᑎᓐᓂᐊᕐᐸᕋ ᐊᑦᓱᖏᐅᑏᓪᓗ ᐃᓕᑦᓯᓐᓂᒃ ᕿᒃᑐᕋᕐᓗᒋᑦ.”
14ᐊᑕᓂᖅ ᐱᖁᔭᓕᐅᓚᐅᕐᐳᖅ ᐊᑭᕋᑦᓯᓐᓄᑦ: “ᑭᖑᕚᒃᓴᖃᕐᓂᐊᕈᓐᓁᕐᐳᓯ; ᒎᑎᓯᓗ ᑐᒃᓯᐊᕐᕕᑦᓯᓐᓃᑦᑐᑦ ᓴᓇᓐᖑᐊᕐᓯᒪᔪᑦ ᖄᐹᓕᕐᓯᒪᔪᓪᓗ ᓴᕕᕋᔭᖕᒥᒃ ᓄᖑᑎᓐᓂᐊᕐᐸᒃᑲ. ᒫᓐᓇ ᐃᑎᕐᓴᓕᐅᕆᓕᕐᐳᖓ ᐃᓗᕕᕐᕕᒃᓴᑦᓯᓐᓂᒃ ᐊᑑᑎᖃᕈᓐᓃᕋᑦᓯ.”
15 #
ᐂᓮᐊᓯ 52:7. ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.
Currently Selected:
ᓇᕼᐅᒥᐅᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
