ᒫᑯᓯᐅᑉ ᐊᒡᓚᖏᑦ 9
9
1ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐃᓚᖏᑦ ᑐᖁᓂᐊᓐᖏᓚᑦ ᒎᑎᐅᑉ ᐊᑕᓂᐅᕕᖓᓂᒃ ᐱᔪᓐᓇᕐᓂᖃᕐᓗᓂ ᑎᑭᓚᐅᖏᓐᓂᖓᓂ.”
ᔩᓱᓯᐅᑉ ᐊᓯᑦᔨᕐᑕᐅᓪᓗᓂ ᐃᓂᖁᓇᕐᑎᑕᐅᓂᖓ
ᒫᑎᐅᓯ 17:1-13; ᓘᑲᓯ 9:28-36
2 #
2 ᐲᑦᑐᕉᓯ 1:17,18. ᐅᓪᓗᐃᑦ ᐱᖓᓲᔪᕐᑐᑦ ᑭᖑᓂᖓᒍᑦ ᔩᓱᓯᐅᑉ ᐲᑦᑐᕉᓯ ᔧᒥᓯᓗ ᔪᐊᓇᓯᓗ, ᐃᓚᒋᓪᓗᒋᑦ ᖃᖅᑲᒧᑦ ᐳᕐᑐᔪᒧᑦ ᒪᔪᕋᕐᐳᑦ ᑖᒃᑯᑑᓪᓗᑎᒃ; ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᐅᑦᑐᐊ ᐊᓯᑦᔨᕐᑕᐅᕗᖅ, 3ᐊᓐᓄᕌᖏᑦ ᖃᑯᕐᓯᕕᒃᔪᐊᕐᓗᑎᒃ ᖃᐅᒪᓕᕐᐳᑦ, ᖃᑯᕐᓂᕐᐸᐅᓕᕐᓗᑎᒃ ᑕᒫᓂ ᓄᓇᒥ ᖃᑯᕐᓯᑎᑕᐅᔪᓐᓇᕐᑐᓂᑦ. 4ᑖᒃᑯᓄᖓ ᓴᖅᑭᑦᑐᖃᕐᐳᖅ ᐃᓔᑦᔭᒥᒃ ᒨᓯᓯᒥᒡᓗ; ᐅᖃᖃᑎᖃᓕᕐᓗᑎᒃ ᔩᓱᓯᒥᒃ. 5ᐲᑦᑐᕉᓯ ᔩᓱᓯᒧᑦ ᐅᖃᕐᐳᖅ, “ᕌᐰ, ᑕᒫᓃᖏᓐᓇᕈᒥᓇᕐᓯᖕᒪᑦ; ᓯᓂᒃᑕᕐᕕᓕᐅᕈᒪᓕᕐᐳᒍᑦ ᐱᖓᓱᓂᒃ, ᐃᓕᖕᓄᑦ ᐊᑕᐅᓯᕐᒥᒃ, ᒨᓯᓯᒧᓪᓗ ᐊᑕᐅᓯᕐᒥᒃ, ᐃᓔᑦᔭᒧᓪᓗ ᐊᑕᐅᓯᕐᒥᒃ.” 6ᐲᑦᑐᕉᓯ ᖃᓄᖅ ᐅᖃᕆᐊᒃᓴᖅ ᓇᓗᓕᓚᐅᕋᒥ, ᐃᓚᒋᔭᖏᓪᓗ ᑲᑉᐱᐊᓱᓗᐊᕋᒥᒃ.
7 #
ᒫᑎᐅᓯ 3:17; ᒫᑯᓯ 1:11; ᓘᑲᓯ 3:22. ᓄᕗᔭᒧᑦ ᑕᕐᕆᑎᑕᐅᕗᑦ, ᑕᕝᕙᓐᖓᓪᓗ ᓄᕗᔭᒥᑦ ᓂᓪᓕᕐᑐᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᒻᒪᕆᒃᑕᕋ; ᑖᓐᓇ ᓈᓚᒃᓯᐅᒃ.” 8ᐃᓕᓐᓂᐊᕐᑎᑦ ᐊᕙᒻᒧᑦ ᑕᑯᓴᕋᒥᒃ ᑭᓇᒥᒃᓘᓐᓃᑦ ᑕᑯᓐᖏᓚᑦ ᔩᓱᓯ ᑭᓯᒥ ᑕᑯᕚᑦ.
9ᖃᖅᑲᒥᑦ ᐊᖅᑲᕐᑎᓕᕐᓗᑎᒃ, ᔩᓱᓯᐅᑉ ᐃᓂᕐᑎᕐᐰᑦ ᑭᓇᒧᓪᓘᓐᓃᑦ ᐅᖃᖁᓇᒋᑦ ᑕᑯᖅᑲᐅᔭᒥᖕᓂᒃ, ᐃᓅᑉ ᐃᕐᓂᖓ ᑐᖁᖓᔪᓂᑦ ᒪᑭᓚᐅᖏᓐᓂᖓᓂ.
10ᑕᒪᓐᓇ ᓈᓚᓚᐅᕐᐹᑦ ᐊᓯᒥᖕᓄᑦ ᐅᖃᐅᓯᕆᓚᐅᕐᓇᒍ, ᐃᒻᒥᒍᓪᓕ ᐊᐱᕐᓲᑎᖃᓕᕐᐳᑦ ᖃᓄᖅ ᑐᑭᖃᕐᒪᖔᑦ ᑐᖁᖓᔪᓂᑦ ᒪᑭᓐᓂᖅ. 11#ᒪᓚᑬ 4:5; ᒫᑎᐅᓯ 11:14.ᑕᑉᕙ ᐊᐱᕆᕚᑦ, “ᓱᖕᒪᑦ ᐱᖁᔭᓂᒃ ᐃᓕᓮᔩᑦ ᐅᖃᖃᑦᑕᕐᐸᑦ ᐃᓔᑦᔭ ᓯᕗᓪᓕᐅᓗᓂ ᑎᑭᑦᓴᕆᐊᖃᕐᓂᕋᕐᓗᒍ?”
12ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᕐᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᕐᐸᑦ ᐃᓅᑉ ᐃᕐᓂᖓᓂᒃ, ᐅᓄᕐᑐᓄᑦ ᐋᓐᓂᐊᑎᑕᐅᔪᒫᕐᓂᖓᓂᒃ ᓇᕐᕈᒋᔭᐅᔪᒫᕐᓂᖓᓂᒡᓗ? 13ᐅᖃᐅᑎᕙᑦᓯᓕ ᑖᓐᓇ ᐃᓔᑦᔭ ᑎᑭᓚᐅᕐᐳᖅ, ᐃᓄᖕᓄᓪᓗ ᐃᓱᒪᕐᓲᑕᐅᓪᓗᓂ ᐱᓂᐊᕐᕕᐅᓯᒪᕗᖅ, ᑍᒫᒃ ᐊᒡᓚᖕᓂ ᑎᑎᕋᐅᓯᐅᓯᒪᖕᒪᑦ ᐱᓂᐊᕐᓂᒃᓴᖓ.”
ᔩᓱᓯᐅᑉ ᓄᑲᑉᐱᐊᒥᒃ ᐋᖅᑭᒃᓯᓂᖓ ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔪᒥᒃ
ᒫᑎᐅᓯ 17:14-21; ᓘᑲᓯ 9:37-43a
14ᐃᓕᓐᓂᐊᕐᑎᓄᑦ ᑎᑭᐅᑎᒐᒥᒃ, ᑕᑯᕗᑦ ᐃᓄᒐᓴᒡᔪᐊᓂᒃ ᐊᕙᑖᓃᑦᑐᓂᒃ, ᐱᖁᔭᓂᒡᓗ ᐃᓕᓮᔩᑦ ᐅᖃᖃᑎᖃᕐᐳᑦ ᑖᒃᑯᓂᖓ. 15ᐃᓄᐃᑦ ᔩᓱᓯᒥᒃ ᑕᑯᒐᒥᒃ ᖁᐊᕐᓵᕐᐳᑦ, ᑐᐊᕕᕐᓗᑎᒃ ᔩᓱᓯᒧᐊᕐᐳᑦ ᑐᓐᖓᓱᒃᑎᓪᓗᒍ. 16ᐃᓕᓐᓂᐊᕐᑎᓂ ᐊᐱᕆᕔᑦ, “ᓱᓇᒥᖑᑯᐊ ᐂᕙᖃᑎᒋᓪᓗᓯᐅᒃ ᐅᖃᖃᑎᒋᔭᓰ?”
17ᐊᖑᑦ ᑕᒫᓐᖓᑦ ᐃᓄᐃᑦ ᐊᑯᕐᖓᓂᑦ ᓂᓪᓕᕐᐳᖅ, “ᐊᔪᕆᕐᑐᐃᔩ, ᐃᕐᓂᕋ ᑕᒪᐅᓐᖓᐅᑎᖅᑲᐅᕙᕋ ᐃᓕᖕᓄᐊᖁᓪᓗᒍ, ᐊᓂᕐᓂᕐᓗᖕᒧᑦ ᓇᔪᕐᑕᐅᖃᑦᑕᕐᒪᑦ ᐅᖃᕈᓐᓇᕐᑎᑦᓯᖏᑦᑐᒥᒃ. 18ᐊᓂᕐᓂᕐᓗᖕᒧᑦ ᐱᓇᓱᐊᕐᑕᐅᓕᑐᐊᕋᒥ ᓄᓇᒧᑦ ᐅᕐᕈᑎᑕᐅᖃᑦᑕᕐᒪᑦ, ᖃᓂᕐᒥᒍᓪᓗ ᖃᐳᐊᓕᕐᓗᓂ, ᑭᒍᑎᖏᑦ ᑐᓴᕐᓴᐅᓕᖃᑦᑕᕐᐳᑦ, ᑎᒥᖓᓗ ᓱᑲᖓᔪᐊᓘᓕᖃᑦᑕᕐᒪᑦ. ᑕᕝᕙ ᐃᓕᓐᓂᐊᕐᑎᑎᑦ ᐅᖃᐅᑎᖃᐅᕙᒃᑲ ᑖᑦᓱᒥᖓ ᐊᓂᕐᓂᕐᓗᖕᒥᒃ ᐊᓂᑎᑦᓯᖁᓪᓗᒋᑦ, ᑭᓯᐊᓂᓕ ᐊᓂᑎᑦᓯᔪᓐᓇᓐᖏᓚᑦ.”
19ᑕᑉᕙ ᐅᖃᐅᑎᕔᑦ, “ᐃᓅᖃᑎᒌᖑᔪᓯ ᐅᒃᐱᕐᓂᖃᖏᓚᓯ, ᖃᓄᖅ ᓯᕕᑐᑎᒋᔪᒥᒃ ᓇᔪᕆᐊᖃᕐᐸᑦᓰ? ᖃᓄᕐᓗ ᓯᕕᑐᑎᒋᔪᒥᒃ ᕿᓄᐃᓵᕈᑎᒋᔭᕆᐊᖃᕐᐸᑦᓰ? ᓄᑲᑉᐱᐊᖅ#9:19 ᑐᕈᓯᖅ ᕾᑎᓚᐅᕐᓯᐅᒃ.” 20ᑕᕝᕙ ᓄᑲᑉᐱᐊᖅ ᑖᑦᓱᒧᓐᖓᐅᑎᕚᑦ.
ᐊᓂᕐᓂᕐᓘᑉ ᔩᓱᓯ ᑕᑯᑐᐊᕋᒥᐅᒃ, ᓄᑲᑉᐱᐊᖅ ᖀᕐᓱᕐᑎᓕᕐᐹ, ᓄᓇᒧᑦ ᐅᕐᕈᕗᖅ ᒪᓂᖅᑲᒥ ᐊᒃᓴᑳᖃᑦᑕᓕᕐᓗᓂ, ᖃᓂᕐᒥᒍᓪᓗ ᖃᐳᐊᓕᕐᐳᖅ. 21ᔩᓱᓯᐅᑉ ᓄᑲᑉᐱᐊᑉ ᐊᑖᑕᖓ ᐊᐱᕆᕚ, “ᖃᓄᕐᖑᓇ ᐊᑯᓂᐅᑎᒋᔪᖅ ᑍᒤᑦᑑᓕᕐᑐᖅ?”
ᐊᑖᑕᖓᑕ ᑭᐅᕚ, “ᓄᑕᕋᐅᓂᕐᒥᓂᑦ ᑍᒤᓕᑦᑕᐅᑎᓕᒃ. 22ᐅᓄᕐᑐᐃᓱᕐᓗᓂ ᐊᓂᕐᓂᕐᓘᑉ ᑐᖁᓐᓇᓱᐊᖃᑦᑕᕐᓯᒪᔭᖓ ᐃᑯᒪᒧᑦ ᐃᒫᓄᓪᓗ; ᖃᓄᑐᐃᓐᓇᖅ ᐱᔪᓐᓇᕈᕕᑦ, ᓂᑲᒋᓗᑕ ᐃᑲᔪᓚᐅᕐᑎᒍᑦ.”
23ᔩᓱᓯᐅᑉ ᐅᖃᐅᑎᕚ, “ᐃᕝᕕᖔᖅ ᐱᔪᓐᓇᕈᕕᑦ! ᓱᓇᑐᐃᓇᕐᓂᒃ ᐊᔪᕐᓇᕐᑐᖃᓐᖏᓚᖅ ᐅᒃᐱᕈᕕᑦ.”
24ᑕᕝᕔᓐᓇᕐᓕ ᓄᑲᑉᐱᐊᑉ ᐊᑖᑕᖓ ᓂᓪᓕᕐᓗᓂ ᐅᖃᕐᐳᖅ, “ᐅᒃᐱᕐᐳᖓ; ᐅᒃᐱᖏᓐᓂᓐᓂᑦ ᐃᑲᔪᓐᖓ!”
25ᔩᓱᓯ ᖃᐅᔨᒐᒥ ᐃᓄᒐᓴᒡᔪᐊᑦ ᑐᐊᕕᕐᓗᑎᒃ ᕾᕙᓪᓕᐊᓕᕐᒪᑕ, ᐊᓂᕐᓂᕐᓗᒃ ᐃᓂᕐᑎᕐᐹ, ᐅᖃᐅᑎᓪᓗᒍ, “ᐊᓂᕐᓂᕐᓘᒃ ᑐᓵᖏᑦᑐᑎᑦ ᐅᖃᕈᓐᓇᖏᑦᑐᑎᓪᓗ, ᐱᖁᕙᒋᑦ, ᑕᕝᕙᓐᖓᑦ ᓄᑲᑉᐱᐊᒥᑦ ᐊᓂᒋᑦ, ᑕᕝᕗᖓᓗ ᐃᑎᒃᑲᓐᓂᕐᓂᐊᕈᓐᓃᕐᓗᑎᑦ.”
26ᐊᓂᕐᓂᕐᓗᒃ ᓂᓪᓕᐊᓕᕐᐳᖅ, ᓄᑲᑉᐱᐊᖅ ᖀᕐᓱᕐᑎᓚᐅᕐᓗᒍ, ᑕᕝᕙᓐᖓᑦ ᐊᓂᕗᖅ, ᓄᑲᑉᐱᐊᖅ ᑐᖁᖓᔫᔮᓕᕐᐳᖅ; ᑕᒪᕐᒥᒡᓗ ᐅᖃᓕᕐᐳᑦ, “ᑐᖁᕗᖅ.” 27ᔩᓱᓯᐅᓪᓕ ᓄᑲᑉᐱᐊᖅ ᐊᒡᒐᖏᑎᒍᑦ ᑎᒍᕚ ᐃᑲᔪᕐᓗᒍ ᒪᑭᑎᑉᐹ, ᓂᑯᕕᓪᓗᓂ.
28ᐃᒡᓗᒧᑦ ᐃᑎᕐᓯᒪᓕᕐᒪᑦ, ᐃᓕᓐᓂᐊᕐᑎᖏᑕ ᐃᓄᑑᖃᑎᒋᓪᓗᒍ ᐊᐱᕆᕚᑦ, “ᓱᖕᒪᑦ ᐊᓂᑎᑦᓱᓐᓇᓐᖏᓚᕗᑦ?”
29ᔩᓱᓯᐅᑉ ᐅᖃᐅᑎᕔᑦ, “ᑍᒤᑦᑐᑦ ᐊᓂᕐᓂᕐᓗᐃᑦ ᑐᒃᓯᐊᕐᓂᕐᒧᑦ#9:29 ᐃᓚᖏᑦ ᐅᖃᕐᓯᒪᔪᑦ “ᓂᕆᑦᑍᓕᓂᕐᒧᓪᓗ” ᑭᓯᐊᓂ ᐊᓂᑎᑕᐅᔪᓐᓇᕐᐳᑦ.”
ᔩᓱᓯᐅᑉ ᑐᖁᓂᒃᓴᒥᓂᒃ ᐅᖃᐅᓯᖃᒃᑲᓐᓂᕐᓂᖓ
ᒫᑎᐅᓯ 17:22-23; ᓘᑲᓯ 9:43b-45
30ᔩᓱᓯ ᐃᓕᓐᓂᐊᕐᑎᖏᓪᓗ ᑕᕝᕙᓐᖓᑦ ᐊᐅᓪᓚᕋᒥᒃ ᒐᓕᓕᐊ ᐊᖅᑯᓵᕐᐹᑦ. ᔩᓱᓯ ᓇᓪᓕᐊᓐᓂᒡᓘᓐᓃᑦ ᖃᐅᔨᒪᖁᔨᓐᖏᓚᖅ ᓇᓃᓐᓂᕐᒥᓂᒃ; 31ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐱᔭᐅᑎᑕᐅᔪᒫᕐᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᕐᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᒪᑭᑦᓱᒫᕆᕗᖅ.”
32ᐃᓕᓐᓂᐊᕐᑎᖏᓪᓕ ᑐᑭᓯᓐᖏᓚᑦ ᐅᖃᐅᓯᕆᔭᖏᓐᓂᒃ, ᐊᐱᕆᔭᕆᐊᒃᓴᕐᓗ ᔩᓱᓯᒥᒃ ᐃᓕᕋᓱᒃᓗᑎᒃ.
ᑭᓇ ᐊᖏᓂᕐᐸᐅᕙ?
ᒫᑎᐅᓯ 18:1-5; ᓘᑲᓯ 9:46-48
33ᑲᐲᕐᓂᐊᒧᑦ ᑎᑭᑉᐳᑦ; ᐃᒡᓗᒧᑦ ᐃᑎᕐᓯᒪᓕᕋᒥᒃ ᔩᓱᓯᐅᑉ ᐃᓕᓐᓂᐊᕐᑎᓂ ᐊᐱᕆᕔᑦ, “ᖃᓄᖅ ᐅᖃᖃᑎᒌᖅᑲᐅᕕᓰ ᑕᒪᐅᓐᖓᓕᕐᑎᓪᓗᑕ?”
34 #
ᓘᑲᓯ 22:24. ᐃᓕᓐᓂᐊᕐᑎᖏᓪᓕ ᑭᐅᔪᓐᓇᓐᖏᓚᑦ; ᑕᒫᓂ ᐊᖅᑯᑎᒥᖕᓂ ᐱᓱᒃᓗᑎᒃ ᐅᖃᖃᑎᒌᖅᑲᐅᒐᒥᒃ ᓇᓪᓕᑎᒃ ᐊᖏᓂᕐᐸᐅᖕᒪᖔᑦ, 35#ᒫᑎᐅᓯ 20:26,27; 23:11; ᒫᑯᓯ 10:43,44; ᓘᑲᓯ 22:26.ᔩᓱᓯ ᐃᖏᓐᓇᒥ ᐃᓕᓐᓂᐊᕐᑎᓂ 12 ᕾᖁᕔᑦ; ᐅᖃᐅᑎᓪᓗᒋᑦ, “ᓇᓪᓕᐊᑦ ᓯᕗᓪᓕᕐᐸᐅᔪᒪᔪᖅ, ᑖᓐᓇ ᐃᒻᒥᓂᒃ ᑭᖑᓪᓕᕐᐸᐅᑎᑦᑐᒃᓴᐅᕗᖅ, ᑕᒤᓐᓄᓪᓗ ᐱᔨᒋᔭᐅᓗᓂ.” 36ᓱᕈᓯᑯᓗᖕᒥᒃ ᑎᒍᓯᕗᖅ, ᐃᓕᓐᓂᐊᕐᑎᖏᑕ ᓵᖓᓄᐊᕐᑎᑉᐹ; ᐃᕿᓪᓗᓂᐅᒃ ᐅᖃᐅᑎᕔᑦ, 37#ᒫᑎᐅᓯ 10:40; ᓘᑲᓯ 10:16; ᔪᐊᓇᓯ 13:20.“ᓇᓪᓕᐊᑦ ᑍᒤᑦᑐᒥᒃ ᓱᕈᓯᑯᓗᖕᒥᒃ ᑐᓐᖓᓱᒃᑎᑦᓯᔪᖅ ᐊᑎᓐᓂ ᑖᓐᓇ ᐅᕙᓐᓂᒃ ᑐᓐᖓᓱᒃᑎᑦᓯᕗᖅ; ᐅᕙᓐᓂᒡᓗ ᑐᓐᖓᓱᒃᑎᑦᓯᔪᖅ, ᐅᕙᓐᓂᑐᐊᖅ ᑐᓐᖓᓱᒃᑎᑦᓯᓐᖏᓚᖅ ᑎᓕᔨᓐᓂᒡᓕ ᑐᓐᖓᓱᒃᑎᑦᓯᒋᕗᖅ.”
ᓇᓪᓕᐊᑦ ᐅᕙᑦᑎᓐᓂᒃ ᐊᑭᕋᕐᑐᖏᑦᑐᖅ ᐃᓚᒋᕙᕗᑦ
ᓘᑲᓯ 9:49-50
38ᔪᐊᓇᓯᐅᑉ ᐅᖃᐅᑎᕚ, “ᐊᔪᕆᕐᑐᐃᔩ, ᐊᖑᒻᒥᒃ ᑕᑯᓚᐅᕐᐳᒍᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᖃᑦᑕᕐᑐᒥᒃ ᐊᑎᕐᓂᒃ, ᐃᓂᕐᑎᓚᐅᕐᐸᕗᓪᓕ ᓄᖅᑲᖁᓪᓗᒍ, ᐅᕙᑦᑎᓐᓄᑦ ᐃᓚᒋᔭᐅᖏᒻᒪᑦ.”
39ᔩᓱᓯ ᐅᖃᕐᐳᖅ, “ᑖᓐᓇ ᓄᖅᑲᕐᑎᑕᒃᓴᕆᓐᖏᓚᓯ; ᓇᓪᓕᐊᑦ ᑲᒪᓇᕐᑐᓕᓂᕐᒥᒃ ᐱᓇᓱᐊᕐᑐᖅ ᐊᑎᓐᓂᒃ ᐊᑐᕐᓗᓂ, ᐅᕙᓐᓂᒃ ᐱᐅᖏᑦᑐᒥᒃ ᑭᖑᓂᖓᒍᑦ ᐅᖃᐅᓯᖃᓕᕐᐸᖏᒻᒪᑦ. 40#ᒫᑎᐅᓯ 12:30; ᓘᑲᓯ 11:23.ᐅᕙᑦᑎᓐᓂᒃ ᐊᑭᕋᕐᑐᖏᑦᑑᑉ ᐃᓚᒋᕚᑎᒍᑦ. 41#ᒫᑎᐅᓯ 10:42.ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᓐᓄᑦ ᐃᒥᕐᑎᑕᐅᒍᑦᓯ ᙭ᔅᑑᓯᐅᑉ ᐊᑎᖓᓂᒃ ᐱᒍᑦᔨᓂᑦᓯᓐᓄᑦ, ᑖᓐᓇ ᐃᒥᕐᑎᑦᓯᔪᖅ ᐊᓯᐅᔨᓂᐊᖏᒻᒪᕆᒃᐳᖅ ᐊᑭᓕᕐᑕᐅᓂᒃᓴᒥᓂᒃ.”
ᐊᔪᕐᑐᓕᓂᕐᒧᑦ ᐱᔪᒥᓵᕐᑕᐅᓂᖅ
ᒫᑎᐅᓯ 18:6-9; ᓘᑲᓯ 17:1-2
42“ᓇᓪᓕᐊᑦ ᓄᑕᕋᑯᓗᐃᑦ ᐃᓚᖓᓐᓂᒃ ᐅᕙᓐᓄᑦ ᐅᒃᐱᕐᑐᒥᒃ ᐊᔪᕐᑐᓕᑎᑦᓯᔪᖅ, ᑖᓐᓇ ᐊᑲᐅᓂᕐᓴᐅᒐᔭᕐᐳᖅ ᓂᐊᖂᔭᒃᓴᓂᒃ ᓯᖃᓪᓕᑎᑦᓯᑦᔪᑎᐅᑉ ᐅᔭᕌᓗᒃᖓᓂᒃ ᖁᖓᓯᖓᒍᑦ ᕿᓚᒃᓯᕕᐅᓗᓂ ᐃᒪᕕᖕᒧᑦ ᐃᒋᑕᐅᒃᐸᑦ. 43#ᒫᑎᐅᓯ 5:30.ᐊᒡᒐᒃᐱᑦ ᐊᔪᕐᑐᓕᑎᑉᐸᑎᑦ, ᓇᑲᒃᑭᑦ; ᐃᓕᖕᓄᑦ ᐊᑲᐅᓂᕐᓴᐅᒐᔭᕐᒪᑦ ᐃᓅᓯᕐᒧᑦ ᐃᑎᕐᓗᑎᑦ ᐃᒡᓗᐊᓂᒃ ᐊᒡᒐᖃᖏᓪᓗᑎᑦ, ᐃᒡᓗᒃᑐᑦ ᐊᒡᒐᖃᕐᓗᑎᑦ ᐃᒋᑕᐅᒐᔭᕐᓂᕐᓂᑦ ᓵᑖᓇᓯᖃᕐᕕᖕᒧᑦ, ᐃᑯᒪᕐᔪᐊᕐᒧᑦ ᖃᒥᓱᐃᑦᑐᒧᑦ. [ 44ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.]#9:44 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 9:48 45ᐃᑎᒐᒃᐱᓪᓗ ᐊᔪᕐᑐᓕᑎᑉᐸᑎᑦ, ᓇᑲᒃᑭᑦ; ᐃᓕᖕᓄᑦ ᐊᑲᐅᓂᕐᓴᐅᒐᔭᕐᒪᑦ ᐃᓅᓯᕐᒧᑦ ᐃᑎᕐᓗᑎᑦ ᐃᒡᓗᐊᓂᒃ ᐃᑎᒐᖃᖏᓪᓗᑎᑦ ᐃᒡᓗᒃᑐᑦ ᐃᑎᒐᖃᕋᓗᐊᕈᕕᑦ ᐃᒋᑕᐅᒐᔭᕐᓂᕐᓂᑦ ᓵᑖᓇᓯᖃᕐᕕᖕᒧᑦ. [ 46ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.]#9:46 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 9:48 47#ᒫᑎᐅᓯ 5:29.ᐃᔨᕕᑦ ᐊᔪᕐᑐᓕᑎᑉᐸᑎᑦ, ᑖᓐᓇ ᐲᕈᒃ; ᐃᓕᖕᓄᑦ ᐊᑲᐅᓂᕐᓴᐅᒐᔭᕐᒪᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᕕᑦ ᐃᔨᑐᐊᖃᕐᓗᑎᑦ ᐃᒡᓗᒃᑐᑦ ᐃᔨᖃᕐᓗᑎᑦ ᐃᒋᑕᐅᒐᔭᕐᓂᕐᓂᑦ ᓵᑖᓇᓯᖃᕐᕕᖕᒧᑦ. 48#ᐂᓮᐊᓯ 66:24.ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.
49“ᑕᒪᕐᒥᒃ ᓴᓗᒻᒪᕐᓴᕐᑕᐅᓂᐊᕐᐳᑦ ᐃᑯᒪᒧᑦ. ᑐᓂᕐᕈᑎᒃᓴᐅᑉ ᓴᓗᒻᒪᕐᓴᕐᑕᐅᕙᖕᓂᖓᑐᑦ ᑕᕆᐅᕐᒧᑦ.
50 #
ᒫᑎᐅᓯ 5:13; ᓘᑲᓯ 14:34,35. “ᑕᕆᐅᖅ ᐱᐅᕗᖅ: ᑭᓯᐊᓂᓕ ᑕᕆᐅᖑᔪᓃᕐᐸᑦ, ᖃᓄᕐᓕ ᑕᕆᐅᓐᒍᕐᑎᑕᐅᒃᑲᓐᓂᕋᔭᕐᐹ? ᑕᕆᐅᓕᒃᑎᑦᑐᑦ ᐱᖃᓐᓇᕇᒋᑦᓯ ᐃᓕᑦᓯᓐᓄᑦ, ᓮᒪᓇᕐᑐᒥᒡᓗ ᐃᓅᓗᓯ ᐃᓕᑦᓯᓐᓄᑦ ᐊᑐᓂᑦ.”
Currently Selected:
ᒫᑯᓯᐅᑉ ᐊᒡᓚᖏᑦ 9: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
