ᒫᑯᓯᐅᑉ ᐊᒡᓚᖏᑦ 16
16
ᔩᓱᓯᐅᑉ ᑐᖁᖓᔪᓂᑦ ᒪᑭᓐᓂᖓ
ᒫᑎᐅᓯ 28:1-8; ᓘᑲᓯ 24:1-12; ᔪᐊᓇᓯ 20:1-10
1ᓴᐸᑎ ᐊᓂᒍᕐᒪᑦ, ᒥᐊᕆ ᒫᒃᑕᓖᓂ, ᒥᐊᕆᓗ ᔧᒥᓯᐅᑉ ᐊᓈᓇᖓ, ᓴᓗᒥᓗ ᓂᐅᕕᕐᐳᑦ ᑎᐱᑦᓯᐊᕆᒃᓴᐅᑎᓂᒃ, ᔩᓱᓯᐅᑉ ᑎᒥᖓᓄᑦ ᒥᖑᐊᕈᑎᒋᔪᒪᔭᒥᖕᓂᒃ. 2ᐅᓪᓛᒻᒪᕆᒃᑯᑦ ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᓯᕿᓂᖅ ᓄᐃᓕᕐᑎᓪᓗᒍ ᐃᓗᕕᕐᒧᐊᕐᐳᑦ. 3ᐃᒻᒥᖕᓄᑦ ᐅᖃᖃᑎᒌᒃᓗᑎᒃ, “ᑭᓇᐅᑉ ᐅᔭᕋᒡᔪᐊᖅ ᐊᒃᓴᑲᕐᑎᓐᓂᐊᕐᒪᒍ ᐃᓗᕕᐅᑉ ᐹᖓᓂᑦ?” 4ᑕᑯᒋᐊᓕᕋᒥᒃ, ᑕᑯᓚᐅᕐᐳᑦ ᐅᔭᕋᒡᔪᐊᖅ ᐊᒃᓴᑲᕐᑎᑕᐅᔭᕇᕐᑐᕕᓂᖅ ᐃᓗᕕᕐᒥᑦ; ᑖᓐᓇ ᐅᔭᕋᒡᔪᐊᖅ ᐊᖏᔪᒻᒪᕆᐊᓘᖕᒪᑦ. 5ᐃᓗᕕᕐᒧᑦ ᐃᑎᕋᒥᒃ, ᑕᑯᓪᓗᑎᒃ ᐊᖑᒻᒥᒃ ᐃᓅᓱᒃᑐᒥᒃ ᐃᓗᕕᐅᑉ ᑕᓕᕐᐱᐊᓂ ᐃᒃᓯᕙᔪᒥᒃ, ᐊᓐᓄᕌᕐᓯᒪᔪᒥᒃ ᖃᑯᕐᑕᒥᒃ; ᑖᒃᑯᐊ ᖁᐊᕐᓵᕐᐳᑦ.
6ᑖᑦᓱᒪ ᐅᖃᐅᑎᕔᑦ, “ᖁᐊᕐᓵᕋᓯ; ᔩᓱᓯ ᓈᓴᕇᑎᒥᐅᖅ ᑭᑭᐊᒃᑐᕐᑕᐅᓚᐅᕐᑐᖅ ᕿᓂᕐᐱᓯᐅᒃ. ᒪᑭᓯᒪᓕᕐᐳᖅ, ᑕᒫᓃᓐᖏᓚᖅ; ᑕᑯᓕᕐᓯᐅᒃ ᑎᒥᖓᑕ ᐃᓂᒋᓚᐅᕐᑕᖓ. 7#ᒫᑎᐅᓯ 26:32; ᒫᑯᓯ 14:28.ᒫᓐᓇ ᐃᓕᓐᓂᐊᕐᑎᖏᓐᓄᑦ ᐅᖃᕆᐊᕐᑐᓕᕆᑦᓯ ᐲᑦᑐᕉᓯᒧᓪᓗ ᓯᕗᓂᑦᓯᓐᓂ ᒐᓕᓕᐊᒧᐊᕐᓂᐊᕐᐳᖅ; ᑍᑲᓂ ᑕᑯᓂᐊᕐᐸᓯ, ᑍᒫᒃ ᐅᖃᐅᑎᓚᐅᕐᒪᓯ.”
8ᐊᕐᓁᑦ ᑕᕝᕙᓐᖓᑦ ᐊᓂᕗᑦ ᐅᓪᓚᒃᓯᓪᓗᑎᒃ ᐃᓗᕕᕐᒥᑦ; ᓴᔪᖕᓂᕐᒧᑦ ᑲᒪᓂᐊᕐᓂᕐᒧᑦ ᑎᑭᑕᐅᒐᒥᒃ; ᑕᒪᑐᒥᖓ ᐅᖃᓚᐅᓐᖏᓚᑦ ᑭᓇᒧᓪᓘᓐᓃᑦ, ᑲᑉᐱᐊᓱᓕᕋᒥᒃ.
ᑕᕝᕗᖓ ᐊᒡᓚᒃᓯᒪᔪᑐᕾᑦ ᐃᓱᖃᓚᐅᕐᑐᕕᓂᐅᕗᑦ
ᔩᓱᓯᐅᑉ ᒥᐊᕆ ᒫᒃᑕᓖᓂᒧᑦ ᓴᖅᑭᓐᓂᖓ
ᒫᑎᐅᓯ 28:9-10; ᔪᐊᓇᓯ 20:11-18
9ᔩᓱᓯ ᑐᖁᖓᔪᓂᑦ ᒪᑭᓐᓇᒥ ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᓯᕗᓪᓕᕐᐹᒥᒃ ᓴᖅᑭᓚᐅᕐᐳᖅ ᒥᐊᕆ ᒫᒃᑕᓖᓂᒧᑦ, ᑖᑦᓱᒧᖓ ᐊᓂᕐᓂᕐᓗᖕᓂᒃ 7ᓂᒃ ᐊᓂᑎᑦᓯᕕᒋᓚᐅᕐᓯᒪᔭᒥᓄᑦ. 10ᑖᓐᓇ ᐅᖃᕆᐊᕐᑐᕐᐳᖅ ᔩᓱᓯᐅᑉ ᐃᓚᒋᖃᑦᑕᓚᐅᕐᑕᖏᓐᓄᑦ, ᕿᒃᓵᕕᒡᔪᐊᕐᑐᓄᑦ ᕿᐊᔪᓄᓪᓗ. 11ᑖᒃᑯᐊᓕ ᑐᓴᕋᒥᒃ ᔩᓱᓯᐅᑉ ᒪᑭᓯᒪᓂᖓᓂᒃ ᑕᑯᖅᑲᐅᓂᕋᕐᒪᒍ, ᐅᒃᐱᓐᖏᓚᑦ.
ᔩᓱᓯᐅᑉ ᒪᕐᕉᖕᓄᑦ ᐃᓕᓐᓂᐊᕐᑏᖕᓄᑦ ᓴᖅᑭᓐᓂᖓ
ᓘᑲᓯ 24:13-35
12ᑕᒪᑐᒪ ᑭᖑᓂᖓᒍᑦ ᔩᓱᓯ ᓴᖅᑭᒃᑭᕗᖅ ᐊᓯᐊᓂᒃ ᑕᐅᑦᑐᖃᕐᓗᓂ ᐃᓕᓐᓂᐊᕐᑏᖕᓄᑦ ᒪᕐᕉᖕᓄᑦ, ᑖᒃᑯᐊᒃ ᐱᓱᒃᑎᓪᓗᒋᒃ ᓄᓇᐅᑉ ᐊᓯᐊᓄᑦ ᐃᒡᓗᒐᓴᖃᖏᑦᑐᒃᑯᑦ. 13ᑖᒃᑯᐊᒃ ᐅᑎᕋᒥᒃ ᐃᓚᒥᖕᓄᑦ ᑕᒪᑐᒥᖓ ᐅᖃᐅᓯᖃᕐᐴᒃ, ᑖᒃᑯᐊᓕ ᐅᒃᐱᕈᓱᖏᓐᓂᕗᑦ.
ᔩᓱᓯᐅᑉ ᐃᓕᓐᓂᐊᕐᑎᒥᓄᑦ 11ᓄᑦ ᓴᖅᑭᓐᓂᖓ
ᒫᑎᐅᓯ 28:16-20; ᓘᑲᓯ 24:36-49; ᔪᐊᓇᓯ 20:19-23; ᐋᐴᓯᑕᓖᑦ 1:6-8
14ᑭᖑᓂᖓᒍᑦ ᔩᓱᓯ ᓴᖅᑭᒃᑭᕗᖅ ᐃᓕᓐᓂᐊᕐᑎᒥᓄᑦ 11ᓄᑦ ᓂᕆᖃᑎᒌᒃᑎᓪᓗᒋᑦ; ᔩᓱᓯᐅᑉ ᓱᐊᒃᐰᑦ ᐅᒃᐱᖏᒻᒪᑕ ᐆᒻᒪᑎᖏᓪᓗ ᓯᑎᔫᓪᓗᑎᒃ, ᐅᒃᐱᕈᓱᓚᐅᖏᒻᒪᑕ ᔩᓱᓯ ᐆᒪᓕᕐᑎᓪᓗᒍ ᑕᑯᓚᐅᕐᑐᑦ ᐅᖃᐅᓯᖏᓐᓂᒃ. 15#ᐋᐴᓯᑕᓖᑦ 1:8.ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ. 16ᓇᓪᓕᐊᑦ ᐅᒃᐱᕐᑐᖅ ᐹᑉᑎᑕᐅᓗᓂ ᑖᓐᓇ ᐱᐅᓕᔭᐅᔪᒫᕐᐳᖅ; ᓇᓪᓕᐊᓪᓕ ᐅᒃᐱᖏᑉᐸᑦ ᑖᓐᓇ ᐃᖅᑲᕐᑐᕐᑕᐅᔪᒫᕐᐳᖅ. 17ᐅᕙᓐᓄᑦ ᐅᒃᐱᕐᑐᑦ ᓇᓗᓁᒃᑯᑕᖃᕈᒫᕐᐳᑦ ᒪᑯᓂᖓ; ᐊᑎᕋ ᐊᑐᕐᓗᒍ ᐊᓂᕐᓂᕐᓗᖕᓂᒃ ᐊᓂᑎᑦᓯᖃᑦᑕᕈᒫᕐᐳᑦ; ᐅᖃᐅᓯᕐᓄᑦ ᓄᑖᓄᑦ ᐅᖃᓪᓚᖃᑦᑕᕈᒫᕐᐳᑦ; 18ᖁᒡᓗᒋᐊᓂᒃ ᑐᖁᓐᓇᕐᑐᓕᒡᓂᒃ ᑎᒍᓯᔪᓐᓇᕈᒫᕐᐳᑦ, ᑐᖁᓐᓇᕐᑐᒥᒡᓗ ᐃᒥᕋᓗᐊᕈᑎᒃ ᖃᓄᐃᓕᖃᑕᕈᒫᓐᖏᓚᑦ; ᖃᓂᒪᔪᑦ ᐸᑎᒻᒥᒃᐸᒋᑦ ᖃᓄᐃᑦᓱᓐᓃᖃᑦᑕᕈᒫᕐᐳᑦ.”
ᔩᓱᓯᐅᑉ ᕿᓚᓕᐊᕐᑎᑕᐅᓂᖓ
ᓘᑲᓯ 24:50-53; ᐋᐴᓯᑕᓖᑦ 1:9-11
19 #
ᐋᐴᓯᑕᓖᑦ 1:9-11. ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ. 20ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.#16:20 ᐃᓚᖏᑦ ᐊᒡᓚᒃᓯᒪᔪᑐᖃᕕᓃᑦ ᐋᖅᑭᒃᓱᕐᑕᐅᕙᒃᑐᕕᓃᓪᓗ ᐊᒡᓚᑐᕾᑦ ᓁᓐᓂᕐᓴᐅᖕᒪᑕ, ᐃᓚᖏᓪᓗ ᑕᑭᓂᕐᓴᐅᓪᓗᑎᒃ ᑕᕝᕙᓐᖓᑦ ᕚᓯᖓ 9ᒥᑦ-20ᒧᑦ ᐃᓚᓯᒪᓪᓗᑎᒃ
ᐊᒡᓚᒃᓯᒪᔪᑐᕾᑦ ᐊᓯᖏᑦ ᐅᑯᓂᖓ ᐃᓚᔭᐅᒃᑲᓐᓂᕐᓯᒪᕗᑦ
9ᑕᕝᕙ ᐊᕐᓁᑦ ᐲᑦᑐᕉᓯᒧᐊᕐᐳᑦ ᐃᓚᓐᓇᕆᔭᖏᓐᓄᓪᓗ, ᐅᖃᕐᓗᑎᒃ ᓁᑦᑐᒥᒃ ᐅᖃᐅᑦᔭᐅᑦᔪᑎᒋᖅᑲᐅᔭᒥᖕᓂᒃ. 10ᑕᒪᑐᒪ ᑭᖑᓂᖓᒍᑦ, ᔩᓱᓯ ᓇᖕᒥᓂᖅ ᑎᓕᓯᓚᐅᕐᐳᖅ ᐃᓕᓐᓂᐊᕐᑎᒥᓂᒃ ᓯᕿᓂᐅᑉ ᓄᐃᕕᐊᓂᑦ ᓯᕿᓂᐅᑉ ᓂᐱᕕᐊᓄᑦ ᑎᑭᓪᓗᑎᒃ. ᑕᒪᑐᒥᖓ ᐅᖃᐅᓯᖃᕐᓗᑎᒃ ᐃᔨᕐᓯᒪᓚᐅᕐᑐᒥᒃ ᐃᓅᓯᖃᕐᓇᕐᑐᒥᒃ ᐱᐅᓕᔭᐅᓂᕐᒥᒡᓗ ᐃᓱᖃᖏᑦᑐᒧᑦ.#16:10 ᐃᓚᖏᑦ ᐊᒡᓚᒃᓯᒪᔪᑐᖃᕕᓃᑦ ᐋᖅᑭᒃᓱᕐᑕᐅᕙᒃᑐᕕᓃᓪᓗ ᐊᒡᓚᑐᕾᑦ ᓁᓐᓂᕐᓴᐅᖕᒪᑕ, ᐃᓚᖏᓪᓗ ᑕᑭᓂᕐᓴᐅᓪᓗᑎᒃ ᑕᕝᕙᓐᖓᑦ ᕚᓯᖓ 9ᒥᑦ-10ᒧᑦ ᐃᓚᓯᒪᓪᓗᑎᒃ
Currently Selected:
ᒫᑯᓯᐅᑉ ᐊᒡᓚᖏᑦ 16: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
