ᒤᑲᐅᑉ ᐊᒡᓚᖏᑦ 6
6
ᐊᑕᓂᐅᑉ ᓵᓐᖓᓯᑦᔪᑎᖓ ᐃᓴᕆᐊᓕᒥᐅᓂᒃ
1ᓈᓚᒋᑦᓯ ᐊᑕᓂᐅᑉ ᐅᖃᐅᓯᖏᓐᓂᒃ: “ᒪᑭᓕᕆᑦᓯ, ᓂᑲᓇᕐᓴᕐᓗᓯᓗ ᐱᑦᔪᑎᑦᓯᓐᓂᒃ ᖃᖅᑲᓄᑦ, ᐱᖑᐃᓪᓗ ᑐᓵᑎᓯᒋᑦ ᐅᖃᐅᓯᕆᔪᒪᔭᑦᓯᓐᓂᒃ.
2“ᑐᓴᕆᑦᓯ, ᐃᓕᑦᓯ ᖃᖅᑬᑦ, ᐊᑕᓂᐅᑉ ᓈᒻᒪᒃᓴᖏᑦᔪᑎᖓᓂᒃ, ᐃᓕᑦᓯᓗ ᓄᓇᕐᔪᐊᑉ ᑐᓐᖓᕕᖏᑦ ᓴᓐᖏᔪᑦ. ᐊᑕᓂᖅ ᓈᒻᒪᒃᓴᖏᑦᔪᑎᖃᕐᒪᑦ ᐃᓄᖁᑎᒥᓄᑦ, ᐊᑭᕋᕐᑐᕐᓂᐊᕐᓗᓂᓗ ᐃᓴᕆᐊᓕᒥᐅᓂᒃ.
3“ᐃᓄᖁᑎᒃᑲ, ᐃᓕᑦᓯᓐᓄᑦ ᖃᓄᐃᓕᐅᕐᓯᒪᒐᒪ? ᖃᓄᕐᓗ ᐊᒃᓱᕈᕐᑎᑦᓯᓚᐅᕋᒪ ᐃᓕᑦᓯᓐᓂᒃ? ᑭᐅᓚᐅᕐᓯᓐᖓ. 4#ᒨᓯᓯ ᐂᑉᐸᖏᑦ 12:50,51; ᒨᓯᓯ ᐂᑉᐸᖏᑦ 4:10-16; ᒨᓯᓯ ᐂᑉᐸᖏᑦ 15:20.ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᐸᑦᓯ, ᐅᑎᕐᑎᓪᓗᓯ ᓄᓇᒥᑦ ᑎᒍᔭᐅᓯᒪᕕᖕᒥᑦ. ᐃᓕᑦᓯᓐᓄᑦ ᑎᓕᓯᓚᐅᕐᐳᖓ ᒨᓯᓯᒥᒃ, ᐂᕉᓂᒥᒃ ᒥᕆᐊᒥᒥᒡᓗ. 5#ᒨᓯᓯ ᓯᑕᒪᖏᑦ 22:2—24:25; ᔮᓱᐊ 3:1—4:19.ᐃᓄᖁᑎᒃᑲ, ᐃᖅᑲᐅᒪᒋᑦᓯ ᐊᖓᔪᖅᑳᕐᔪᐊᑉ ᐰᓚᑭᐅᑉ ᒧᐊᐱᒥᐅᑕᐅᑉ ᐱᓂᐊᕐᓂᕆᔪᒪᓚᐅᕐᑕᖏᓐᓂᒃ, ᐸᓛᒻᒥᐅᓪᓗ ᐱᐅᕆᐅᑉ ᐃᕐᓂᖓᑕ ᑭᐅᓂᕕᓂᖓᓂᒃ ᑖᑦᓱᒧᖓ, ᐊᑐᓚᐅᕐᑕᓯᓗ ᓯᑎᒻᒥᑦ ᒋᐅᓪᒐᐅᓪᒧᑦ. ᖃᐅᔨᖁᓪᓗᓯ ᐊᑕᓂᐅᑉ ᐃᓱᐊᕐᑐᓕᓂᖓᓂᒃ.”
ᐊᑕᓂᐅᑉ ᐱᓂᐊᕐᑕᐅᖁᔭᖓ
6ᓱᓇᒦᒃ ᐊᑕᓂᕐᒧᐊᕈᑦᔨᔪᒃᓴᐅᕗᖓ? ᐹᒻᒪᒃᑎᕐᓗᖓᓗ ᒎᑎᐅᑉ ᖁᑦᓯᖕᓂᕐᐸᐅᔫᑉ ᓵᖓᓂ, ᓵᖓᓄᐊᕐᑐᒃᓴᐅᕗᖔ ᑐᓂᕐᕈᓯᕐᓗᖓ ᐃᑯᐊᓚᔪᒃᓴᓂᒃ? ᓄᕐᕋᕐᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ. 7ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ? 8ᑕᑯᑎᓯᒪᕚᑎᑦ, ᐃᓅᔪᑎᑦ, ᓱᓇ ᐱᐅᖕᒪᖔᑦ; ᓱᓇᒥᒡᓗ ᐊᑕᓂᖅ ᐃᓕᖕᓂᒃ ᐱᖁᔨᖕᒪᖔᑦ ᓇᓛᒍᑦ ᐱᓇᓱᐊᖁᓪᓗᑎᑦ, ᓇᒡᓕᒍᓱᖁᓪᓗᑎᑦ ᐱᑦᓯᐊᕐᓗᑎᓪᓗ, ᐃᓅᖁᓪᓗᑎᓪᓗ ᒥᑭᒡᓕᑎᕐᓯᒪᓗᑎᑦ ᒎᑎᐅᑉ ᓵᖓᓂ.
9ᐊᑕᓂᐅᑉ ᓂᐱᖓ ᑐᓴᕐᓴᐅᕗᖅ ᐃᒡᓗᒐᓴᖕᓄᑦ; ᓯᓚᑐᔪᑦ ᐊᑎᕐᓂᒃ ᓯᕘᕋᕗᑦ: “ᓈᓚᒃᓯᐅᒃ ᓱᒋᐊᕐᑕᐅᓂᖅ! ᐃᓕᑦᓯ ᑭᖑᕚᕇᖑᔪᓯ ᓄᓇᖃᕐᑐᓯ ᐃᒡᓗᖓᓴᖕᓂ! 10ᐳᐃᒍᕆᐊᖃᕐᐳᖔ? ᑭᖑᕚᖑᖃᑎᒌᑦ ᐊᔪᕐᑐᓕᔪᑦ, ᓱᓕᖏᑦᑐᒃᑯᑦ ᐱᖁᑎᑖᕆᓯᒪᔭᖏᓐᓂᒃ ᐅᖁᒤᓐᓂᕐᓯᐅᕈᑎᖏᓪᓗ ᓱᓕᖏᑦᑐᑦ ᐱᓪᓗᒌᑦ? 11ᖃᓄᐃᒃᓴᕆᐊᖃᓐᖏᓚᖔ ᐃᓄᖕᒥᒃ ᓯᓔᕐᕆᒃᓯᓂᒃᑯᑦ ᐅᖁᒤᓐᓂᕐᓯᐅᑎᒃᑯᑦ ᐆᒃᑐᕋᐅᑎᖃᕐᐸᒃᑐᒥᒃ? 12ᐃᓄᐃᑦ ᐊᒃᓱᐃᑦᑐᖁᑎᓯ ᑲᑉᐱᐊᓱᒃᑎᑦᓯᓂᕐᒥᒃ ᑕᑕᒻᒪᑕ; ᓄᓇᖅᑲᑎᓯᓗ ᓴᒡᓗᑐᓪᓗᑎᒃ, ᐅᖃᖏᑦ ᐅᐃᕕᕆᒃᓯᓂᕐᓂᒃ ᑕᑕᑉᐳᑦ. 13ᑍᒤᒻᒪᑦ, ᓱᒋᐊᓕᕐᐸᑦᓯ, ᐊᔪᓕᕐᑎᓪᓗᓯ ᐊᔪᕐᑐᓕᓂᓯ ᐱᓪᓗᒋᑦ. 14ᓂᕆᒐᓗᐊᕈᑦᓯ ᐊᕿᐊᑦᑐᕈᓐᓁᓪᓕᓂᐊᕐᐳᓯ, ᑳᖏᓐᓇᓕᕐᓗᓯ ᐊᕿᐊᕈᓯ ᓂᒪᑐᐃᓐᓇᓕᕐᓗᓂ; ᐱᖁᑎᓪᓗ ᑲᑎᕐᓱᕐᑕᕋᓗᐊᓯ ᐊᓯᐅᔨᕙᓪᓕᐊᓗᒋᑦ, ᐱᐅᓕᐊᕋᓗᐊᓯᓗ ᐊᑭᕋᑦᓯᓐᓄᑦ ᐱᔭᐅᔪᒫᕐᐳᑦ. 15ᑲᓐᖓᕐᓱᐃᒐᓗᐊᕈᑦᓯ, ᑲᑎᕐᓱᐃᓛᓐᖏᓚᓯ; ᓇᐹᕐᑐᐃᓪᓗ ᐅᕐᓱᒃᓴᖏᓐᓂᒃ ᑐᓪᓕᕋᓗᐊᕈᑦᓯ, ᐃᓕᑦᓯᓐᓄᑦ ᐊᑐᕈᓐᓇᓛᓐᖏᓚᑦ; ᐸᐅᕐᖓᓂᒃ ᕔᓂᒃᓴᓂᒃ ᓴᓇᖓᓗᐊᕈᑦᓯ, ᐃᒥᕐᕕᒋᔪᒫᓐᖏᓚᓯ. 16#ᐊᑕᓃᑦ ᓯᕗᓪᓖᑦ 16:23-28; ᐊᑕᓃᑦ ᓯᕗᓪᓖᑦ 16:29-34; 21:25,26.ᐊᖓᔪᖅᑳᕐᔪᐊᑉ ᐅᒻᕆᐅᑉ ᒪᓕᖓᖏᓐᓂᒃ ᒪᓕᒃᑲᑦᓯ, ᐂᕼᐊᑉᓗ ᐱᓂᐊᕐᓂᖏᓐᓂᒃ ᐱᐅᖏᑦᑐᓂᒃ ᒪᓕᒃᓗᓯ; ᑍᒃᑯᐊ ᐱᐅᓯᖏᓐᓂᒃ ᐱᐅᓯᖃᕋᑦᓯ; ᑍᒤᒻᒪᑦ ᐃᓂᓕᐅᕈᒫᕐᐳᓯ ᓄᓇᖅᑲᑎᓯ ᒥᑕᐅᑎᒃᓴᐅᓕᕐᓗᑎᒃ, ᐃᓅᖃᑎᒌᒡᔪᐊᓄᓪᓗ ᒥᑕᐅᑎᒋᔭᐅᓂᓯ ᐊᑐᓕᕐᓗᒍ.”
Currently Selected:
ᒤᑲᐅᑉ ᐊᒡᓚᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
