ᒤᑲᐅᑉ ᐊᒡᓚᖏᑦ 5
5
1ᔨᕉᓴᓕᒥᐅᑕᐅᔪᓯ, ᐅᓇᑕᕐᑐᒃᓴᖁᑎᓯ ᑲᑎᑎᓚᐅᕐᓯᒋᒃ. ᓵᓚᖃᕈᒪᔪᓂᒃ ᓄᓇᕗᑦ ᐊᕙᓗᔭᐅᓯᒪᖕᒪᑦ; ᐃᓴᕆᐊᓕᒥᐅᑦ ᓯᕗᓕᕐᑎᖏᑦ ᐅᓇᑕᕆᐊᕐᑕᐅᓕᕐᒪᑕ.
ᒎᑎᐅᑉ ᐊᖏᕈᑎᑲᕐᓂᖓ ᐱᑦᓕᐊᒥᐅᑦ ᐊᐅᓚᑦᓯᔨᑖᓚᕐᓂᖏᓐᓂᒃ
2 #
ᒫᑎᐅᓯ 2:6; ᔪᐊᓇᓯ 7:42. “ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”
3ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ. 4ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ. 5aᑖᓐᓇᓗ ᐃᓂᓪᓚᖓᑦᓯᐊᓕᕐᑎᑦᓯᔪᒫᕐᐳᖅ.
ᐃᑲᔪᕐᑕᐅᓃᑦ ᓱᒋᐊᕐᑕᐅᓂᕐᓗ
5bᐊᓯᕆᐊᒥᐅᑦ ᓄᓇᑦᑎᓐᓄᐊᕐᐸᑕ, ᐊᐅᓚᑦᓯᓕᕐᓗᑎᒃ ᐊᖓᔪᖅᑳᕐᔪᐊᑉ ᐃᒡᓗᖏᓐᓂ, ᐅᓇᑕᕆᐊᕈᒫᕐᐸᕗᑦ ᐰᕐᓯᔨᓄᑦ 7ᓄᑦ, ᐊᒻᒪᓗ 8ᓄᑦ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓄᑦ. 6#ᒨᓯᓯ ᓯᕗᓪᓖᑦ 10:8-11.ᑖᒃᑯᐊ ᐊᓯᕈᐃᔪᒫᕐᐳᑦ ᓴᕕᒡᔪᐊᒧᑦ ᐊᓯᕆᐊᒥᐅᑦ ᓄᓇᖓᓂᒃ, ᓂᒻᒪᕌᑎᐅᑉ ᓄᓇᖁᑎᖓᑕ ᐃᑎᕐᑕᕐᕕᖏᓐᓂᒃ, ᑖᑦᓱᒪ ᓴᐳᑎᔪᒫᕐᐹᑎᒍᑦ ᐊᓯᕆᐊᒥᐅᓂᑦ, ᑖᓐᓇ ᑎᑭᑉᐸᑦ ᓄᓇᑦᑎᓐᓄᑦ ᐊᐅᓚᑦᓯᓕᕈᒫᕐᐳᖅ ᓄᓇᖁᑎᑦᑎᓐᓂᒃ.
7ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ. 8ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ. 9ᖁᒻᒧᑦ ᐃᓵᒍᒫᕐᐳᓯ ᓵᓚᖃᕐᓂᕐᒧᑦ ᓵᓚᒋᔨᒋᓚᐅᕐᑕᑦᓯᓐᓂᒃ, ᐊᑭᕋᓕᒫᓯᓗ ᐊᓯᕈᕐᑕᐅᔪᒫᕐᐳᑦ.
10ᐊᑕᓂᖅ ᐅᖃᕐᐳᖅ, “ᑍᑲᓂ ᐅᓪᓗᒥ, ᕿᒻᒥᕐᔪᐊᓯ ᑐᖁᕋᕈᒫᕐᐸᒃᑲ ᐊᑯᓐᓇᑦᓯᓐᓃᑦᑐᑦ, ᐅᓇᑕᐅᑎᓯᓗ ᐊᒃᓴᓗᐊᓖᑦ ᐊᓯᕈᕈᒫᕐᐸᒃᑲ ᓯᖁᑦᑎᕐᓗᒋᑦ. 11ᐃᒡᓗᒐᓮᓪᓗ ᓄᓇᖁᑎᑦᓯᓐᓃᑦᑐᑦ ᐊᓯᕈᕈᒫᕐᐸᒃᑲ ᓴᐳᑦᔭᐅᕕᒋᖃᑦᑕᕐᑕᓯᓗ ᐅᕐᕈᑎᓪᓗᒋᑦ. 12ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ. 13ᓴᓇᓐᖑᐊᕐᓯᒪᔭᓯ ᒎᑎᓐᖑᐊᓯ, ᓇᐸᔪᖁᑎᓯᓗ ᐃᑦᔪᕐᓁᑎᑕᓯ ᐊᑯᓐᓇᑦᓯᓐᓃᑦᑐᑦ ᓱᕋᒃᑎᕈᒫᕐᐸᒃᑲ; ᑐᒃᓯᐊᕐᕕᖃᕐᓂᐊᕈᓐᓁᕐᐳᓯᓗ ᐊᒡᒐᑦᓯᓐᓄᑦ ᓴᓇᓯᒪᔭᑦᓯᓐᓂᒃ. 14ᐊᒨᖅᑲᕈᒫᕐᐸᒃᑲᓗ ᕿᔪᐃᑦ ᐊᓯᕅᑦ ᒎᑎᓐᖑᐊᓯ ᐊᑯᓐᓇᑦᓯᓐᓂᑦ; ᐃᒡᓗᒐᓴᓯᓗ ᐊᓯᕈᕐᓗᒋᑦ. 15ᐊᑭᓂᐊᕈᒫᕐᐳᖓ ᓂᓐᖓᐅᒪᓂᕐᒧᑦ ᑲᑉᐱᐊᓇᕐᑐᒧᑦ; ᐃᓅᖃᑎᒌᒡᔪᐊᓄᑦ ᐅᕙᓐᓂᒃ ᓈᓚᓚᐅᖏᑦᑐᓄᑦ.”
Currently Selected:
ᒤᑲᐅᑉ ᐊᒡᓚᖏᑦ 5: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
