ᒫᑎᐅᓯᐅᑉ ᐊᒡᓚᖏᑦ 6
6
ᐊᔪᕐᓴᕐᑐᓂᒃ ᐃᑲᔪᕐᓂᖅ
1 #
ᒫᑎᐅᓯ 23:5. “ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.
2“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ#6:2 ᑕᑯᓐᓇᕐᑕᐅᓪᓗᑎᒃ ᐱᑦᓯᐊᓐᖑᐊᕐᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ. 3ᑐᓂᕐᕈᓯᕈᕕᓪᓕ, ᓴᐅᒦᑦ ᖃᐅᔨᑎᑕᒃᓴᕆᓐᖏᓚᑦ ᑕᓕᕐᐱᒃᐱᑦ ᑐᓂᕐᕈᑎᖏᓐᓂᒃ. 4ᑐᓂᕐᕈᓯᕐᓃᑦ ᖃᐅᔨᔭᐅᓂᐊᖏᒻᒪᑦ; ᐊᑖᑕᕕᓪᓗ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᑎᑦ.”
ᖃᓄᖅ ᑐᒃᓯᐊᕐᑐᒃᓴᐅᖕᒪᖔᑦᑕ
ᓘᑲᓯ 11:2-4
5 #
ᓘᑲᓯ 18:10-14. “ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ. 6ᑐᒃᓯᐊᓕᕌᖓᑦᓯᓕ, ᐃᓄᑑᕕᒋᔪᓐᓇᕐᑕᑦᓯᓐᓄᑦ ᐃᑎᕆᑦᓯ, ᐅᒃᑯᐊᖓ ᐅᒃᑯᐊᕐᓗᒍ, ᐊᑖᑕᓯ ᑕᑯᒃᓴᐅᖏᑦᑐᖅ ᑐᒃᓯᐊᕐᕕᒋᓕᕐᓯᐅᒃ, ᐊᑖᑕᑦᓯ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᓯ.
7“ᑐᒃᓯᐊᕌᖓᑦᓯ, ᐅᖃᐅᓯᕐᓂᒃ ᑖᒃᑯᓂᖓᑦᓮᓐᓇᖅ ᑕᑭᓕᑎᓪᓗᒋᑦ ᐊᑐᕐᑐᒃᓴᐅᓐᖏᓚᓯ, ᐅᒃᐱᖏᑦᑐᑎᑐᑦ; ᑍᒃᑯᐊ ᐊᒥᓱᓂᒃ ᑭᓯᐊᓂ ᐅᖃᐅᓯᖃᕐᓗᑎᒃ ᑐᓴᕐᑕᐅᔪᓐᓇᕋᓱᒋᖕᒪᑕ. 8ᑍᒃᑯᐊᑎᑐᑦ ᑍᒤᑦᑐᒃᓴᐅᓐᖏᓚᓯ, ᐊᑖᑕᑦᓯ ᖃᐅᔨᒪᔭᕇᕐᒪᓯ ᓱᓇᒥᒃ ᐱᔭᕆᐊᖃᕐᒪᖔᑦᓯ, ᑐᒃᓯᐊᓚᐅᕐᑎᓐᓇᓯᓘᓐᓃᑦ. 9ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ:
‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;
10ᐊᑕᓂᐅᓃᑦ ᕾᓚᐅᕐᓕ; ᐱᔪᒪᔧᑦ ᒪᓕᒃᑕᐅᓕ ᓄᓇᒥ,
ᓲᕐᓗ ᕿᓚᖕᒥ ᒪᓕᒃᑕᐅᖕᒪᑦ.
11ᐅᓪᓗᒥ ᓂᕿᒃᓴᑦᑎᓐᓂᒃ ᑐᓂᓯᕕᒋᑎᒍᑦ.
12ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ,
ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.
13ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ.
[ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]#6:13 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ’
14 #
ᒫᑯᓯ 11:25,26. “ᐃᓅᖃᑎᑦᓯ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕐᓂᐊᕈᑦᓯᐅᒃ, ᐊᑖᑕᑦᓯᑦᑕᐅᖅ ᕿᓚᖕᒦᑦᑑᑉ ᐱᐅᖏᑦᑐᓕᓂᓯ ᐃᓱᒪᒋᔪᓐᓁᕐᓂᐊᕆᕔᑦ. 15ᐃᓅᖃᑎᑦᓯᓕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕐᓂᐊᖏᒃᑯᑦᓯᒋᒃ, ᐊᑖᑕᑦᓯᑦᑕᐅᖅ ᐱᐅᖏᑦᑐᓕᓂᓯ ᐃᓱᒪᒋᔪᓐᓁᕐᓂᐊᖏᓐᓂᕔᑦ.”
ᓂᕆᑦᑍᓕᓗᑕ ᖃᓄᖅ ᐱᔪᒃᓴᐅᖕᒪᖔᑕ
16“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ. 17ᐃᓕᑦᓯᓕ ᓂᕆᑦᑍᓕᔭᕌᖓᑦᓯ, ᑮᓇᓯ ᓴᓗᒻᒪᕐᓴᑦᓯᐊᕐᓗᒍ ᐃᓪᓔᕐᓗᓯᓗ ᐱᔪᒃᓴᐅᕗᓯ, 18ᐊᓯᑦᓯᓐᓂᑦ ᖃᐅᔨᔭᐅᓂᐊᖏᓐᓇᑦᓯ ᓂᕆᑦᑍᓕᓂᑦᓯᓐᓂᒃ ᐊᑖᑕᑦᓯ ᑭᓯᒥ, ᑕᑯᒃᓴᐅᖏᑦᑑᑉ ᖃᐅᔨᒪᓂᐊᕐᐹᓯ; ᐊᑖᑕᑦᓯ ᐃᓄᑑᑎᓪᓗᓯ ᐱᓂᐊᕐᓂᑦᓯᓐᓂᒃ ᑕᑯᓐᓇᕐᑑᑉ, ᐊᑭᓕᕈᒫᕐᐹᓯ.”
ᕿᓚᖕᒥ ᐊᔪᕐᓴᖏᑦᔪᑎᒃᓴᑦ
ᓘᑲᓯ 12:33-34
19 #
ᔧᒥᓯ 5:2,3. “ᓇᖕᒥᓂᖅ ᐊᔪᕐᓴᖏᑦᔪᑎᒃᓴᑦᓯᓐᓂᒃ ᑲᑎᕐᓱᐃᓂᐊᕋᓯ ᑕᒫᓂ ᓄᓇᒥ, ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ, ᒪᓐᖏᕐᑐᕆᒧᓪᓗ ᓱᒃᑯᑕᐅᔪᓐᓇᕐᑐᓂᒃ, ᑎᒡᓕᒃᑎᓄᓪᓗ ᐃᓵᕐᑕᐅᓗᑎᒃ ᑎᒡᓕᒃᑕᐅᔪᓐᓇᕐᑐᓂᒃ. 20ᓇᖕᒥᓂᕐᓕ ᐊᔪᕐᓴᖏᑦᔪᑎᒃᓴᑦᓯᓐᓂᒃ ᑲᑎᕐᓱᐃᖔᓕᕆᑦᓯ ᕿᓚᖕᒥ, ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ, ᒪᓐᖏᕐᑐᕆᒧᓪᓗ ᓱᒃᑯᑕᐅᔪᓐᓇᖏᑦᑐᓂᒃ, ᑎᒡᓕᒃᑎᓄᓪᓗ ᐃᓵᕐᑕᐅᔪᓐᓇᖏᑦᑐᒥᒃ ᑎᒡᓕᒃᑕᐅᔪᓐᓇᖏᑦᑐᒥᒡᓗ. 21ᐱᖁᑎᓐᓇᕆᔭᕕᑦ ᐃᓂᖓᓂ ᐆᒻᒪᑏᑦᑕᐅᖅ ᑍᑲᓃᓐᓂᐊᕆᕗᖅ.”
ᑎᒥᐅᑉ ᖃᐅᒻᒪᖅᑯᑎᖓᓂᒃ
ᓘᑲᓯ 11:34-36
22“ᐃᔩᒃ ᓇᓂᕈᐊᖑᕘᒃ ᑎᒥᒧᑦ. ᐃᔩᒃᑭᒃ ᑕᐅᑐᑦᓯᐊᕐᐸᑎᒃ ᑎᒥᓕᒫᑦ ᖃᐅᒪᓂᐊᕐᐳᖅ; 23ᐃᔩᒃᑭᒡᓕ ᑕᒃᐲᑦᑑᒃᐸᑎᒃ, ᑎᒥᓕᒫᑦ ᑖᕐᑐᒦᓐᓂᐊᕐᐳᖅ. ᖃᐅᒪᔪᖅ ᐃᓕᖕᓃᑦᑐᖅ ᑖᕐᓯᒃᐸᑦ, ᑖᕐᑐᒻᒪᕆᐊᓘᓂᐊᕐᐳᖅ!”
ᐱᖁᑎᓪᓗ ᒎᑎᓗ
ᓘᑲᓯ 16:13; 12:22-31
24“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.
25“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ? 26ᑎᖕᒥᐊᑦ ᑕᑯᓯᒋᒃ ᖃᖓᑕᖃᑦᑕᕐᑐᑦ: ᐱᕈᕐᓯᐊᒡᓴᓂᒃ ᑲᓐᖓᕐᓱᐃᕙᓐᖏᓚᑦ, ᑲᑎᕐᓱᐃᕙᒐᑎᒡᓗ ᓂᕿᒃᑯᕕᖕᒥᖕᓄᑦ; ᑍᒤᒃᑲᓗᐊᕐᑎᓪᓗᒋᑦ ᐊᑖᑕᑦᓯ ᕿᓚᖕᒦᑦᑑᑉ ᓂᕆᑎᖃᑦᑕᕐᐰᑦ! ᐱᓪᓚᕆᐅᓂᕐᓴᐅᓐᖏᓚᓰ ᑎᖕᒥᐊᓂᑦ? 27ᓇᓪᓕᓯ ᐃᓅᓯᕐᒥᓂᒃ ᐅᐃᒍᓯᔪᓐᓇᕐᐹ#6:27 ᑎᒥᒥᓂᒃ ᐱᕈᒃᑲᓐᓂᕐᑎᑦᓯᔪᓐᓇᕐᐹ? ᒍᕇᑭᑎᑐᑦ ᑍᒫᒃ ᑐᑭᖃᕈᓐᓇᕐᒥᔪᕉᖅ ᐃᓱᒪᔮᕈᑎᒋᓗᓂᐅᒃ?
28“ᓱᖕᒪᑦ ᐊᓐᓄᕌᑦ ᐃᓱᒪᔮᕈᑎᒋᔭᕆᐊᖃᕐᐱᓯᐅᒃ? ᑕᑯᓚᐅᕐᓯᒋᒃ ᒪᑯᐊ ᑕᑯᒥᓇᕐᑐᑦ ᓄᓇᕅᑦ, ᖃᓄᖅ ᐱᕈᕐᒪᖔᑕ; ᓴᓇᖏᒻᒪᑕ ᐃᒻᒥᖕᓂᒡᓗ ᐊᓐᓄᕌᓕᐅᕋᑎᒃ. 29#ᐊᑕᓃᑦ ᓯᕗᓪᓖᑦ 10:4-7; ᑯᕉᓂᑲ ᐂᑉᐸᖏᑦ 9:3-6.ᐅᖃᐅᑎᕙᑦᓯ ᓲᓗᒨᓂ ᐊᖓᔪᖅᑳᕐᔪᐊᖅ ᐊᔪᕐᓴᖏᑦᑑᒐᓗᐊᕐᓗᓂ ᐊᓐᓄᕌᕐᓯᒪᕙᓚᐅᓐᖏᓚᖅ ᓄᓇᕋᕐᑎᑐᑦ ᑕᑯᒥᓇᕐᑎᒋᔪᓂᒃ. 30ᐱᕈᕐᑐᑦ ᒪᑯᐊ ᒎᑎᐅᑉ ᑍᒫᒃ ᑕᑯᒥᓇᕐᑎᒻᒪᒋᑦ, ᐅᓪᓗᒥ ᑕᒫᓃᑦᑐᑦ ᖃᐅᒃᐸᑦ ᐱᑕᖃᕈᓐᓃᕐᓂᐊᕐᒥᔪᑦ, ᐃᑭᑕᐅᓗᑎᒃ ᕿᔪᒋᔭᐅᓂᐊᕐᒪᑕ, ᒎᑎᐅᑉ ᐊᓐᓄᕌᒃᓴᑦᓯᓐᓂᒃ ᑐᓂᓯᕕᒋᔪᓐᓇᕐᓂᕐᓴᕆᓐᖏᓛᓰ ᐅᒃᐱᕐᓂᑭᑦᑐᓯ!
31“ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᐃᓱᒪᓗᓯ ᐃᒫᒃ; ᓇᑭᓪᓕ ᓂᕆᔭᒃᓴᖃᕐᓂᐊᓕᕐᐱᑖ? ᐅᕝᕙᓘᓐᓃᑦ ᓇᑭᓪᓕ ᐃᒥᒃᓴᖃᕐᓂᐊᓕᕐᐱᑖ? ᓱᓇᒥᒡᓗ ᐊᓐᓄᕌᒃᓴᖃᕐᓂᐊᓕᕐᐱᑖ? 32ᑕᒪᒃᑯᐊ ᑍᒤᓕᐅᕐᓃᑦ ᒎᑎᒧᑦ ᐅᒃᐱᖏᑦᑐᓂᑦ ᐃᓱᒪᒋᔭᐅᖏᓐᓇᕐᐸᖕᒪᑕ. ᐊᑖᑕᑦᓯᓕ ᕿᓚᖕᒦᑦᑑᑉ ᖃᐅᔨᒪᕚᓯ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᓂᑦᓯᓐᓂᒃ. 33ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ. 34ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᖃᐅᒃᐸᐅᓂᐊᕐᑐᒥᒃ; ᐅᓪᓘᓂᐊᕐᑐᖅ ᓇᖕᒥᓂᖅ ᐃᓱᒪᔮᕈᑎᖃᓛᕐᒥᖕᒪᑦ. ᐅᓪᓘᑉ ᐊᑕᐅᓯᐅᑉ ᖁᕕᐊᓇᖏᑦᑐᕐᑕᖃᕐᓂᖏᑦ ᐃᓚᒃᑲᓐᓂᕆᐊᖃᖏᒻᒪᑕ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
