ᒫᑎᐅᓯᐅᑉ ᐊᒡᓚᖏᑦ 5
5
ᔩᓱᓯᐅᑉ ᐊᔪᕆᕐᑐᐃᓂᖓ ᖃᖅᑲᐅᑉ ᖄᖓᓂ
1ᔩᓱᓯᐅᑉ ᐃᓄᒋᐊᒃᑐᕐᔪᐊᑦ ᑕᑯᒐᒥᒋᑦ, ᖃᖅᑲᐅᑉ ᖄᖓᓄᐊᕐᐳᖅ, ᑕᕝᕙᓂ ᐃᒃᓯᕙᕐᖢᓂ. ᐃᓕᓐᓂᐊᕐᑎᖏᑦ ᐊᕙᑖᓃᓕᕐᒪᑕ, 2ᔩᓱᓯᐅᑉ ᐊᔪᕆᕐᑐᕐᐰᑦ ᐅᖃᕐᓗᓂ:
ᓱᓕᔪᒥᒃ ᖁᕕᐊᓱᖕᓂᖃᑦᓯᐊᕐᓂᖅ
ᓘᑲᓯ 6:20-23
3“ᓮᒪᓇᕐᑐᒦᑉᐳᑦ ᐊᓂᕐᓂᒃᑯᑦ ᐊᔪᕐᓴᕐᑐᑦ;
ᒎᑎᐅᑉ ᐊᑕᓂᐅᕕᖓᓂᒃ ᐱᖃᓕᕐᒪᑕ.
4 #
ᐂᓮᐊᓯ 61:2. ᓮᒪᓇᕐᑐᒦᑉᐳᑦ ᕿᒃᓵᓂᕐᒧᑦ ᖁᕝᕕᐅᕐᑐᑦ;
ᒎᑎᐅᑉ ᓮᒻᒪᕐᑎᑦᓱᒫᕐᒪᒋᑦ.
5 #
ᐃᓐᖏᕈᑦ 37:11. ᓮᒪᓇᕐᑐᒦᑉᐳᑦ ᐃᒻᒥᖕᓂᒃ ᐊᖏᔪᕈᕐᑎᖏᑦᑐᑦ;
ᒎᑎᐅᑉ ᐊᖏᕈᑎᒋᓯᒪᔭᖏᓐᓂᒃ ᓄᓇᕐᔪᐊᕐᒥ ᑭᖑᕐᖑᑦᔨᔪᒫᕐᒪᑕ.
6 #
ᐂᓮᐊᓯ 55:1,2. ᓮᒪᓇᕐᑐᒦᑉᐳᑦ ᑳᒃᑐᑦ ᐃᒥᕈᒃᑐᓪᓗ ᓇᓛᒎᕐᓂᕐᒥᒃ;
ᒎᑎᐅᑉ ᓈᒻᒪᒃᓯᑎᓐᓂᐊᕐᒪᒋᑦ ᐱᔪᒪᔭᖏᓐᓂᒃ.
7ᓮᒪᓇᕐᑐᒦᑉᐳᑦ ᐃᓅᖃᑎᒥᖕᓂᒃ ᓂᑲᒍᓱᒃᑐᑦ,
ᒎᑎᒧᑦ ᓂᑲᒋᔭᐅᔪᒪᕐᒪᑕ.
8 #
ᐃᓐᖏᕈᑦ 24:3,4. ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ;
ᒎᑎᒥᒃ ᑕᑯᔪᒫᕐᒪᑕ.
9ᓮᒪᓇᕐᑐᒦᑉᐳᑦ ᐃᓅᖃᑎᒌᑦᓯᐊᖏᑦᑐᓂᒃ ᐃᓚᒌᑦᓯᐊᓕᕐᑎᑦᓯᔪᑦ;
ᒎᑎᐅᑉ ᕿᑐᕐᖓᒥᓂᒃ ᑍᔪᒫᕐᒪᒋᑦ.
10 #
1 ᐲᑦᑐᕉᓯ 3:14. ᓮᒪᓇᕐᑐᒦᑉᐳᑦ ᐊᑭᕋᕐᑐᕐᑕᐅᔪᑦ ᓇᓛᒎᕐᓂᖅ ᐱᓪᓗᒍ;
ᒎᑎᐅᑉ ᐊᑕᓂᐅᕕᖓᓂᒃ ᐱᖃᓕᕐᒪᑕ.
11 #
1 ᐲᑦᑐᕉᓯ 4:14. “ᓮᒪᓇᕐᑐᒦᑉᐳᓯ ᐃᓄᐃᑦ ᖃᓄᑐᐃᓐᓇᖅ ᐅᖃᕐᓂᕐᓗᒡᕕᒋᒃᐸᓯ, ᐊᑭᕋᕐᑐᕐᑕᐅᒍᑦᓯᓗ, ᓱᓕᖏᑦᑐᒥᒡᓗ ᖃᓄᑐᐃᓐᓇᖅ ᐅᖃᕐᓂᕐᓘᑎᒋᔭᐅᒍᑦᓯ ᐅᕙᓐᓄᑦ ᒪᓕᒡᑎᐅᓂᓯ ᐱᑦᔪᑎᒋᓪᓗᒍ. 12#ᑯᕉᓂᑲ ᐂᑉᐸᖏᑦ 36:16; ᐋᐴᓯᑕᓖᑦ 7:52.ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”
ᑕᕆᐅᕐᓗ ᖃᐅᒪᔪᕐᓗ
ᒫᑯᓯ 9:50; ᓘᑲᓯ 14:34-35
13 #
ᒫᑯᓯ 9:50; ᓘᑲᓯ 14:34,35. “ᓄᓇᕐᔪᐊᑉ ᑕᕆᐅᕆᕚᓯ; ᑕᕆᐅᖅ ᑕᕆᐅᖑᔪᓐᓃᕐᐸᑦ ᖃᓄᖅ ᑕᕆᐅᓐᖑᒃᑲᓐᓂᕐᑎᑕᐅᔪᓐᓇᕐᐸ? ᓱᓇᒧᑦ ᐊᑑᑎᒃᓴᖃᕈᓐᓃᕐᐳᖅ, ᒪᓂᖅᑲᒧᑦ ᓈᕕᑕᐅᓗᓂ ᐃᓄᖕᓄᑦ ᑐᓪᓕᕋᒐᒃᓴᐅᓕᕐᐳᖅ.
14 #
ᔪᐊᓇᓯ 8:12; 9:5. “ᓯᓚᕐᔪᐊᑉ ᖃᐅᒪᓂᕆᕚᓯ; ᐃᒡᓗᒐᓮᑦ ᖃᖅᑲᐅᑉ ᖄᖓᓃᑦᑐᑦ ᓱᓇᑐᐃᓐᓇᒧᑦ ᑕᓕᐅᒪᑎᑕᐅᔪᓐᓇᓐᖏᓚᑦ. 15#ᒫᑯᓯ 4:21; ᓘᑲᓯ 8:16; 11:33.ᓇᓂᕈᐊᕐᒥᒃ ᐃᑭᑦᓯᔪᖃᕐᐸᒃᐹ ᖃᑦᑕᕐᒧᑦ ᐳᓯᑦᔪᑎᓂᐊᕐᑕᒥᓂᒃ; ᖃᐅᒻᒪᖅᑯᓪᓕ ᐃᑭᑕᐅᓲᖑᕗᖅ ᐃᓂᖓᓄᐊᕐᑕᐅᓪᓗᓂ, ᐃᒡᓗᒦᑦᑐᓕᒫᑦ ᖃᐅᒻᒪᒃᑎᑕᐅᖁᓪᓗᒋᑦ. 16#1 ᐲᑦᑐᕉᓯ 2:12.ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”
ᔩᓱᓯᐅᑉ ᐱᖁᔭᓂᒃ ᐊᔪᕆᕐᑐᐃᑦᔪᑎᖃᕐᓂᖓ
17“ᐃᓱᒪᑦᑍᓕᒋᑦᓯ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑍᔪᓪᓗ ᐊᔪᕆᕐᑐᐃᑦᔪᑎᖏᓐᓂᒃ ᐊᑐᕈᓐᓃᕐᑎᑦᓯᔭᕐᑐᕋᓱᒋᓗᖓ; ᐊᑐᕈᓐᓃᕐᑎᒋᐊᕐᑐᓐᖏᓚᒃᑲ, ᓇᓚᐅᑦᓯᑎᑦᑕᕐᑐᕐᐸᑲᓕ. 18#ᓘᑲᓯ 16:17.ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ. 19ᑍᒤᒻᒪᑦ, ᓇᓪᓕᐊᑦ ᐱᖁᔧᑦ ᒥᑭᓐᓂᕐᐹᖓᓂᒡᓘᓐᓃᑦ ᐊᑐᖏᑦᑐᖅ, ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᖏᓐᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ; ᑍᒫᒃᑕᐅᖅ ᓇᓪᓕᐊᑦ ᐱᖁᔭᓂᒃ ᐊᑐᕐᑐᖅ ᐊᓯᒥᓂᒡᓗ ᑍᒫᒃ ᐊᔪᕆᕐᑐᐃᓗᓂ, ᑖᓐᓇ ᐱᓪᓚᕆᐅᓂᕐᐸᐅᔪᒫᕐᐳᖅ ᒎᑎᐅᑉ ᐊᑕᓂᐅᕕᖓᓂ. 20ᐅᖃᐅᑎᕙᑦᓯᓕ ᐃᒫᒃ: ᒎᑎᐅᑉ ᐊᑕᓂᐅᕕᖓᓄᐊᕈᓐᓇᕐᓂᐊᕐᐳᓯ, ᑭᓯᐊᓂ ᐱᖁᔭᓂᒃ ᐃᓕᓮᔨᓂᑦ ᐹᕆᓯᓂᓪᓗ ᐊᑐᑦᓯᐊᕐᓂᕐᓴᐅᒍᑦᓯ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ.”
ᔩᓱᓯᐅᑉ ᐊᔪᕆᕐᑐᐃᓂᖓ ᓂᓐᖓᐅᒪᓂᖅ ᐱᓪᓗᒍ
21 #
ᒨᓯᓯ ᐂᑉᐸᖏᑦ 20:13; ᒨᓯᓯ ᑕᓪᓕᒪᖏᑦ 5:17. “ᑐᓴᕐᓯᒪᒐᑦᓯ ᐃᓄᐃᑦ ᐅᖃᐅᑦᔭᐅᓯᒪᓚᐅᕐᒪᑕ, ‘ᐱᔮᕆᓗᑎᑦ ᐃᓄᐊᕐᑐᒃᓴᐅᓐᖏᓚᑎᑦ: ᐱᔮᕆᓗᓂ ᐃᓄᐊᕐᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ.’ 22ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ. 23ᑍᒤᒻᒪᑦ ᑐᓂᕐᕈᓯᕐᕕᖕᒥ ᑐᓂᕐᕈᓯᕐᓂᐊᓕᕐᓗᑎᑦ ᒎᑎᒧᑦ, ᑕᕝᕙᓂ ᐃᖅᑲᐃᒍᕕᑦ ᐃᓅᖃᑎᖕᓄᑦ ᓮᒻᒪᕐᕕᐅᓯᒪᖏᓐᓂᕐᓂᒃ, 24ᑐᓂᕐᕈᑎᒋᓂᐊᕐᑍᑦ ᑐᓂᕐᕈᓯᕐᕕᐅᑉ ᓵᖓᓄᑦ ᕿᒪᒡᓗᒍ; ᖃᑕᓐᖑᑏᑦ ᐅᐸᒡᓗᒍ ᓮᒻᒪᖃᑎᒋᓕᕈᒃ, ᑭᖑᓂᖓᒍᑦ ᑐᓂᕐᕈᓯᕐᕕᖕᒧᑦ ᐅᑎᕐᓗᑎᑦ, ᑐᓂᕐᕈᑎᒃᓮᑦ ᑐᓂᓕᕈᒃ ᒎᑎᒧᑦ.
25“ᓇᓪᓕᐊᓐᓄᑦ ᐃᖅᑲᕐᑐᒐᒃᓴᓕᐊᖑᒍᕕᑦ ᐃᖅᑲᕐᑐᐃᕕᖕᒧᐊᖅᑳᕐᑎᓐᓇᓯᒃ ᓮᒻᒪᕐᓴᓚᐅᕈᒃ. ᐃᖅᑲᕐᑐᐃᕕᖕᒧᑦ ᑲᔪᓯᒍᑦᓯᒃ ᑖᑦᓱᒪ ᐃᖅᑲᕐᑐᐃᔨᒧᐊᕐᑎᓐᓂᐊᕐᒪᑎᑦ, ᐃᖅᑲᕐᑐᐃᔨᐅᑉ ᐳᓖᓯᒧᐊᕐᑎᒃᑲᔭᕐᒪᑎᑦ, ᐳᓖᓯᐅᓪᓗ ᑎᒍᔭᐅᓯᒪᕕᖕᒧᐊᕐᑎᓪᓗᓂᑎᑦ. 26ᓱᓕᑦᓯᐊᕐᓗᖓ, ᐅᖃᐅᑎᕙᒋᑦ, ᑕᕝᕙᓃᓕᕋᔭᕋᕕᑦ, ᐊᑭᓕᕆᐊᖃᕐᑕᓕᒫᕐᓂᒃ ᐊᑭᓖᓚᐅᖏᓐᓂᕐᓂ.”
ᔩᓱᓯᐅᑉ ᐊᔪᕆᕐᑐᐃᓂᖓ ᐊᓯᓐᓂᐊᕆᐊᖃᖏᓐᓂᕐᒥᒃ
27 #
ᒨᓯᓯ ᐂᑉᐸᖏᑦ 20:14; ᒨᓯᓯ ᑕᓪᓕᒪᖏᑦ 5:18. “ᑐᓴᐅᒪᕗᓯ ᐅᖃᐅᓯᐅᕙᒃᑐᒥᒃ, ‘ᓄᓕᐊᕇᖕᓂᕐᒥᒃ ᐊᓯᕈᕆᐃᔪᒃᓴᐅᓐᖏᓚᑎᑦ’ 28ᒫᓐᓇᓕ ᐅᖃᐅᑎᕙᑦᓯ: ᓇᓪᓕᐊᑦ ᐊᕐᓇᒥᒃ ᑕᑯᓐᓈᕐᓗᓂ ᐃᒃᓯᒍᒃᑐᖅ, ᑖᓐᓇ ᓄᓕᐊᕇᖕᓂᕐᒥᒃ ᐊᓯᕈᐃᔭᕇᕐᐳᖅ ᐆᒻᒪᑎᒥᒍᑦ. 29#ᒫᑎᐅᓯ 18:9; ᒫᑯᓯ 9:47.ᑍᒤᒻᒪᑦ ᐃᔨᕕᑦ ᑕᓕᕐᐱᐅᑉ ᐊᔪᕐᑐᓕᑎᑉᐸᑎᑦ, ᐲᕈᒃ ᐃᒋᓪᓗᒍᓗ! ᐃᓕᖕᓄᑦ ᐱᐅᓂᕐᓴᐅᕗᖅ ᑎᒦᑦ ᐃᓚᑰᒃᐸᑦ, ᑎᒥᓕᒫᕕᑦ ᐃᒋᑕᐅᒐᔭᕐᓂᖓᓂᑦ ᐃᑯᒪᕐᔪᐊᕐᒧᑦ. 30#ᒫᑎᐅᓯ 18:8; ᒫᑯᓯ 9:43.ᐊᒡᒐᒃᐱᓪᓗ ᑕᓕᕐᐱᐅᑉ ᐊᔪᕐᑐᓕᑎᑉᐸᑎᑦ, ᓇᑲᒃᑭᑦ ᐃᒋᓪᓗᒋᑦ! ᐃᓕᖕᓄᑦ ᐱᐅᓂᕐᓴᐅᕗᖅ ᐊᕙᑎᕕᑦ ᐃᓚᖓᓂᒃ ᐃᓚᑰᓕᕈᕕᑦ, ᑎᒥᓕᒫᕕᑦ ᐃᒋᑕᐅᒐᔭᕐᓂᖓᓂᑦ ᐃᑯᒪᕐᔪᐊᕐᒧᑦ.”
ᔩᓱᓯᐅᑉ ᐊᔪᕆᕐᑐᐃᓂᖓ ᓄᓕᐊᕇᖕᓄᑦ ᐊᕕᓪᓚᕆᒃᑑᖕᓄᑦ
ᒫᑎᐅᓯ 19:9; ᒫᑯᓯ 10:11-12; ᓘᑲᓯ 16:18
31 #
ᒨᓯᓯ ᑕᓪᓕᒪᖏᑦ 24:1-4; ᒫᑎᐅᓯ 19:7; ᒫᑯᓯ 10:4. “ᐅᖃᕐᑐᖃᕐᐸᓚᐅᕆᕗᖅ, ‘ᓇᓪᓕᐊᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᑐᖅ, ᐊᕕᑦᓯᓪᓚᕆᖕᓂᖓᓂᒃ ᓇᓗᓁᕐᓯᓯᒪᔪᓂᒃ ᑎᑎᖅᑲᓂᒃ ᑐᓂᓯᕕᒋᔭᒃᓴᕆᕚ,’ 32#ᒫᑎᐅᓯ 19:9; ᒫᑯᓯ 10:11,12; ᓘᑲᓯ 16:18; 1 ᑯᕆᓐᑎ 7:10,11.ᒫᓐᓇᓕ ᐅᖃᐅᑎᕙᑦᓯ: ᐊᖑᑎᐅᑉ ᓄᓕᐊᓂ ᐊᕕᓪᓚᕆᒃᐸᒍ ᐊᓯᓐᓂᐊᕐᓂᕐᒨᖏᑎᓪᓗᒍ, ᑖᓐᓇ ᐸᓯᔭᒃᓴᐅᓕᕐᐳᖅ ᓄᓕᐊᕇᖕᓂᕐᒥᒃ ᐊᓯᕈᐃᓂᕐᒧᑦ; ᑖᑦᓱᒥᖓᓗ ᐊᕐᓇᒥᒃ ᐊᕕᑕᐅᓪᓚᕆᒃᓯᒪᔪᒥᒃ ᓄᓕᐊᓂᒃᑐᖅ ᐊᓯᕈᐃᒋᕗᖅ.”
ᔩᓱᓯᐅᑉ ᐊᔪᕆᕐᑐᐃᓂᖓ ᐊᖏᒻᒪᕆᖕᓂᕐᒥᒃ
33 #
ᒨᓯᓯ ᐱᖓᔪᖏᑦ 19:12;
ᒨᓯᓯ ᓯᑕᒪᖏᑦ 30:2; ᒨᓯᓯ ᑕᓪᓕᒪᖏᑦ 23:21. “ᑐᓴᓚᐅᕆᕗᓯ ᐃᓄᐃᑦ ᐅᖃᐅᑦᔭᐅᕙᓚᐅᕐᒪᑕ, ‘ᐊᖏᒻᒪᕆᒃᑐᒃᓴᐅᓐᖏᓚᑎᑦ ᓱᓕᖏᓪᓗᑎᑦ, ᐊᖏᒻᒪᕆᒃᑯᕕᑦ ᐊᑕᓂᐅᑉ ᓵᖓᓂ ᐊᑐᒐᒃᓴᕆᕙᑎᑦ ᐊᑐᕐᓂᐊᕐᓂᕋᕐᓯᒪᔭᑎᑦ.’ 34#ᔧᒥᓯ 5:12; ᐂᓮᐊᓯ 66:1; ᒫᑎᐅᓯ 23:22.ᒫᓐᓇᓕ ᐅᖃᐅᑎᕙᑦᓯ: ᓱᓇᑐᐃᓐᓇᕐᒥᒃ ᑍᓯᖃᓯᐅᑦᔨᓗᓯ ᐊᖏᒻᒪᕆᒃᑐᒃᓴᐅᓐᖏᓚᓯ, ᕿᓚᒡᓘᓐᓃᑦ ᑍᖃᓯᐅᑎᓗᒍ, ᒎᑎᐅᑉ ᐃᒃᓯᕙᐅᑕᕐᔪᐊᕆᖕᒪᒍ. 35#ᐂᓮᐊᓯ 66:1; ᐃᓐᖏᕈᑦ 48:2.ᓄᓇᕐᔪᐊᕐᓘᓐᓃᑦ ᑍᖃᓯᐅᑎᓗᒍ, ᐃᑎᒐᖏᑕ ᐃᑯᕐᕋᕆᖕᒪᒍ; ᔨᕉᓴᓕᒻᓘᓐᓃᑦ ᑍᖃᓯᐅᑎᓗᒍ, ᑖᓐᓇ ᐊᖓᔪᖅᑳᕐᔪᐊᖑᓂᕐᐹᑉ ᐃᒡᓗᒐᓴᒡᔪᐊᖁᑎᒋᖕᒪᒍ. 36ᐊᖏᒻᒪᕆᒃᑐᒃᓴᐅᖏᓐᓂᕗᓯ ᓂᐊᖁᓯ ᑍᖃᓯᐅᑎᓗᒍ, ᓄᔭᕐᒥᒃ ᐊᑕᐅᓯᕐᒥᒡᓘᓐᓃᑦ ᖃᑯᕐᓯᑎᑦᓯᔪᓐᓇᖏᓐᓇᑦᓯ ᕿᕐᓂᕐᓯᑎᑦᓯᔪᓐᓇᕋᓯᓗ. 37ᐃᒫᒡᓕ ᐅᖃᖃᑦᑕᓕᕆᑦᓯ, ᐊᖏᕈᑦᓯ ᐊᖏᕐᓗᓯ, ᐊᖏᖏᒃᑯᑦᓯ ᐊᖏᖏᓪᓗᓯ! ᑖᒃᑯᐊ ᐊᓯᐊᓂᒃ ᐅᖃᒃᑲᓐᓂᕋᓱᒃᑯᑦᓯ ᑕᒪᓐᓇ ᐱᐅᖏᑦᑐᐊᓗᖕᒥᑦ ᐱᕗᖅ.”
ᔩᓱᓯᐅᑉ ᐊᔪᕆᕐᑐᐃᓂᖓ ᐊᑭᓂᐊᕆᐊᖃᖏᓐᓂᕐᒥᒃ
ᓘᑲᓯ 6:29-30
38 #
ᒨᓯᓯ ᐂᑉᐸᖏᑦ 21:24; ᒨᓯᓯ ᐱᖓᔪᖏᑦ 24:20; ᒨᓯᓯ ᑕᓪᓕᒪᖏᑦ 19:21. “ᑐᓴᐅᒪᕗᓯ ᐅᖃᐅᓯᐅᕙᒃᑐᒥᒃ, ‘ᐃᔨ ᐃᔨᒥᒃ, ᑭᒍᑦ ᑭᒍᑎᒥᒃ ᐊᑭᖃᕆᐊᖃᕐᐳᖅ.’ 39ᒫᓐᓇᓕ ᐅᖃᐅᑎᕙᑦᓯ: ᐊᑭᓂᐊᕋᓱᒃᑐᒃᓴᐅᓐᖏᓚᓯ ᐱᑦᓯᐊᕐᑎᒋᓐᖏᑕᑦᓯᓐᓄᑦ. ᐅᓗᐊᒃᑯᑦ ᐸᑎᒃᑕᐅᒍᕕᑦ, ᐅᓗᐊᕕᑦ ᐃᒡᓗᐊᑦᑕᐅᖅ ᒪᓂᓕᕈᒃ. 40ᓇᓪᓕᐊᓐᓄᑦ ᐃᖅᑲᕐᑐᐃᕕᖕᒧᐊᕐᑎᑕᐅᒍᕕᑦ ᐅᕕᓂᕈᐃᑦ ᐱᔪᒪᓗᒍ, ᐊᓐᓄᕌᑦᑕᐅᖅ ᓯᓚᓪᓕᖅ ᐱᑖᕆᓚᐅᕐᓕᐅᒃ. 41ᐅᓇᑕᕐᑐᒃᓴᒧᑦ ᐊᒡᔭᕐᓯᖁᔭᐅᒍᕕᑦ 1ᒤᓕᒥᒃ ᐅᖓᓯᖕᓂᓕᖕᒧᑦ, ᐊᒡᔭᕐᓯᓚᐅᕆᑦ 2ᒤᓕᒥᒃ. 42ᓇᓪᓕᐊᓐᓄᑦ ᐱᔪᒪᕕᐅᒍᕕᑦ ᑐᓂᓯᕕᒋᓚᐅᕈᒃ: ᓱᓇᑐᐃᓐᓇᕐᒥᒃ ᐊᑐᕐᕕᐅᔪᒪᒍᕕᑦ ᐊᑐᕐᑎᓚᐅᕈᒃ.”
ᐊᑭᕋᕐᑐᕐᑎᒥᒃ ᓇᒡᓕᒍᓱᖕᓂᖅ
ᓘᑲᓯ 6:27-28,32-36
43“ᑐᓴᐅᒪᕗᓯ ᐅᖃᐅᓯᐅᕙᒃᑐᒥᒃ, ‘ᐃᓅᖃᑎᓯ ᓇᒡᓕᒋᓯᒋᒃ, ᐊᑭᕋᕐᑐᕐᑎᓯᓗ ᐆᒥᒋᓗᒋᑦ.’ 44ᒫᓐᓇᓕ ᐅᖃᐅᑎᕙᑦᓯ: ᐊᑭᕋᕐᑐᕐᑎᓯ ᓇᒡᓕᒋᓯᒋᒃ, ᐃᓕᑦᓯᓐᓂᒃ ᐅᖃᐅᓯᖃᕐᓗᒃᑐᑦ ᓮᒻᒪᑎᑕᐅᖁᓯᒋᒃ, ᐊᑭᕋᕐᑐᕐᓂᕐᒧᑦ ᐅᖁᒤᒃᓴᕐᑎᑦᓯᔪᑦ ᑐᒃᓯᐅᑎᓯᒋᒃ, 45ᕿᑐᕐᖓᕆᔭᐅᓕᖁᓪᓗᓯ ᐊᑖᑕᑦᓯᓐᓄᑦ ᕿᓚᖕᒦᑦᑐᒧᑦ; ᑖᑦᓱᒪ ᓯᕿᓂᓂ ᖃᐅᒻᒪᒃᑎᒻᒪᒍ ᐱᑦᓯᐊᕐᑐᓄᑦ ᐱᑦᓯᐊᖏᑦᑐᓄᓪᓗ, ᓯᓚᓗᒃᑎᑦᓯᕙᒡᓗᓂᓗ ᐊᑲᐅᔪᓕᔪᓄᑦ ᐊᑲᐅᖏᑦᑐᓕᔪᓄᓪᓗ. 46ᐃᓕᑦᓯᓐᓂᒃ ᓇᒡᓕᒍᓱᒃᑐᑦ ᑭᓯᒥ ᓇᒡᓕᒋᔭᑐᐊᕆᒍᑦᓯᒋᒃ, ᓱᓇᒥᒃ ᐊᑭᓕᕐᑕᐅᑦᔪᑎᒃᓴᖃᕐᐱᓰ? ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ#5:46 ᔫᑎᐅᓪᓗᑎᒃ ᕉᒪᒥᐅᓄᑦ ᐃᖅᑲᓁᔭᕐᑐᑦ ᔫᑎᐅᖃᑎᒥᖕᓂᒃ ᑮᓇᐅᔧᔧᓪᓗᑎᒃ ᐊᒡᓛᑦ ᑍᒤᓕᐅᕐᐸᒃᑭᕗᑦ! 47ᐃᓚᓐᓈᕆᔭᓯ ᑭᓯᒥ ᑐᓐᖓᓱᒃᑎᖃᑦᑕᕈᑦᓯᒋᒃ, ᖃᓅᖅ ᐊᓯᑦᓯᓐᓂᑦ ᐱᑦᓯᐊᕐᓂᕐᓴᐅᒐᔭᕐᐱᓰ? ᐅᒃᐱᖏᑦᑐᑦ ᐊᒡᓛᑦ ᑍᒤᓕᐅᕐᐸᒃᑭᕗᑦ! 48#ᒨᓯᓯ ᐱᖓᔪᖏᑦ 19:2; ᒨᓯᓯ ᑕᓪᓕᒪᖏᑦ 18:13.ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”
Currently Selected:
ᒫᑎᐅᓯᐅᑉ ᐊᒡᓚᖏᑦ 5: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
