ᒫᑎᐅᓯᐅᑉ ᐊᒡᓚᖏᑦ 28

ᔩᓱᓯᐅᑉ ᒪᑭᓐᓂᖓ

ᒫᑯᓯ 16:1-10; ᓘᑲᓯ 24:1-12; ᔪᐊᓇᓯ 20:1-10

1ᓴᐸᑎ ᐊᓂᒍᕐᒪᑦ, ᐱᓇᓱᐊᕈᓯᐅᑉ ᓯᕗᓪᓕᕐᐹᖓᑕ ᐅᓪᓛᖓᓂ ᖃᐅᒻᒪᓕᓵᕐᑎᓪᓗᒍ, ᒥᐊᕆ ᒫᒃᑕᓖᓂ ᑖᑦᓱᒪᓗ ᐊᓯᐊ ᒥᐊᕆ ᐃᓗᕕᕐᒥᒃ ᑕᑯᔭᕐᑐᕐᐳᒃ. 2ᑕᑯᒋᑦ, ᓄᓇ ᓴᔪᒃᐱᓪᓚᒃᑐᐊᓘᕗᖅ; ᐊᑕᓂᐅᑉ ᐂᖏᓖᖓ ᕿᓚᖕᒥᑦ ᐊᖅᑲᕐᐳᖅ, ᐃᓗᕕᐅᑉ ᒪᑐᖓ ᐅᔭᕋᒃᔪᐊᖅ ᐊᒃᓴᑲᕐᑎᑉᐹ, ᖃᖓᓄᑦ ᐃᖏᓪᓗᓂ. 3ᑖᑦᓱᒪ ᓴᖅᑭᓐᓂᖓ ᖃᐅᒻᒪᓚᒃᑎᑐᑦ ᑕᐅᑦᑐᖃᓚᐅᕐᐳᖅ, ᐊᓐᓄᕌᖏᑦ ᐊᐳᑎᑐᑦ ᖃᑯᕐᑎᒋᓪᓗᑎᒃ. 4ᐅᓇᑕᕐᑐᒃᓮᑦ ᖃᐅᔨᒪᓇᓱᐊᕐᑎᑕᐅᔪᑦ ᑲᑉᐱᐊᓱᖕᓂᕐᒧᑦ ᓄᑭᖏᕈᑎᕗᑦ ᑐᖁᖓᔪᑎᑐᑦ ᑍᒤᓕᕐᓗᑎᒃ.

5ᐂᖏᓕ ᐊᕐᓈᖕᓄᑦ ᐅᖃᕐᐳᖅ, “ᑲᑉᐱᐊᓱᖏᓪᓗᓯᒃ; ᖃᐅᔨᒪᕗᖓ ᔩᓱᓯᒥᒃ ᕿᓂᕆᐊᕋᑦᓯᒃ ᑭᑭᐊᒃᑐᕐᑕᐅᓚᐅᕐᑐᒥᒃ. 6ᑕᕝᕙᓃᑦᑐᓐᓃᕐᐳᖅ; ᒪᑭᓯᒪᓕᕐᒪᑦ, ᓲᕐᓗ ᐃᓕᑦᓯᓐᓄᑦ ᐅᖃᓚᐅᕋᒥ. ᐊᑏ ᕾᓗᓯᒃ ᑕᑯᕐᓯᐅᒃ ᓇᓪᓚᖓᕕᒋᓚᐅᕐᑕᖓ. 7ᒫᓐᓇ ᑐᐊᕕᕐᓗᓯᒃ ᐃᓕᓐᓂᐊᕐᑎᖏᑦ ᐅᖃᐅᑎᔭᕐᑐᓕᕐᓯᒃᑯᒃ ᑐᖁᖓᔪᓂᑦ ᒪᑭᓯᒪᓕᕐᒪᑦ, ᑕᑯᒋᑦ, ᓯᕗᓂᑦᓯᓐᓂ ᒐᓕᓕᐊᒧᐊᕐᓂᐊᕐᐳᖅ; ᑍᑲᓂ ᑕᑯᓂᐊᕐᐸᓯ! ᐃᖅᑲᐅᒪᒋᑦᓯ ᑕᒪᒃᑯᓂᖓ ᐅᖃᐅᓯᕆᔭᓐᓂᒃ.”

8ᑕᕝᕙ ᑐᐊᕕᕐᓗᑎᒃ ᐃᓗᕕᕐᒥᑦ ᕿᒪᕉᑎᕘᒃ, ᑲᑉᐱᐊᓱᒃᓗᑎᒃ ᖁᕕᐊᓱᒻᒪᕆᒃᓗᑎᒡᓗ, ᐅᓪᓚᒃᓯᕘᒃ ᐃᓕᓐᓂᐊᕐᑎᖏᓐᓄᑦ ᐅᖃᕆᐊᕐᑐᕐᓗᑎᒃ.

9ᑕᑯᒋᑦ, ᔩᓱᓯᐅᑉ ᑲᑎᕔᑦ ᐅᖃᐅᑎᓪᓗᒋᒃ, “ᓮᒪᓂᐅᑉ ᓇᔪᕐᓕᓯᒃ.” ᑖᒃᑯᐊᒃ ᐅᐸᒍᑎᕘᒃ, ᐃᑎᒐᖏᑦ ᐊᒃᑐᕐᓗᒋᑦ, ᑐᒃᓯᐊᕐᕕᒋᕚᒃ, 10ᑕᕝᕙ ᔩᓱᓯᐅᑉ ᐅᖃᐅᑎᕚᒃ, “ᑲᑉᐱᐊᓱᖏᓪᓗᓯᒃ; ᖃᑕᓐᖑᑎᒃᑲ ᐅᖃᐅᑎᔭᕐᑐᕐᓯᒃᑯᒃ ᒐᓕᓕᐊᒧᐊᖁᓗᒋᑦ, ᑕᕝᕙᓂ ᑕᑯᓂᐊᕐᐹᖓ.”

ᐃᓗᕕᕐᒥ ᖃᐅᔨᓴᕐᑐᕕᓃᑦ ᐅᖃᕆᐊᕐᑐᕐᓂᖏᑦ

11ᐊᕐᓈᒃ ᐃᓚᒥᖕᓄᐊᓕᕐᑎᓪᓗᒋᒃ, ᑕᑯᒋᑦ, ᐅᓇᑕᕐᑐᒃᓮᑦ ᐃᓚᖏᑦ ᖃᐅᔨᒪᓇᓱᐊᕐᑎᐅᓚᐅᕐᑐᑦ ᐃᓗᕕᕐᒥᒃ ᐃᒡᓗᒐᓴᖕᓄᑦ ᐅᑎᕐᐳᑦ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖏᓐᓄᑦ ᐅᓂᒃᑳᕐᓗᑎᒃ ᑕᒤᓐᓂᒃ ᐱᓂᐊᕐᓂᐅᓚᐅᕐᑐᓂᒃ. 12ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ, ᔫᑎᓗ ᐊᖓᔪᖅᑳᖏᑦ ᑲᑎᒪᓪᓗᑎᒃ ᐊᖏᖃᑎᒌᒃᑲᒥᒃ, ᐅᓇᑕᕐᑐᒃᓮᑦ ᑮᓇᐅᔭᓂᒃ ᐊᒥᓱᓂᒃ ᐊᑭᓕᕐᐰᑦ, 13ᐅᖃᕐᓗᑎᒃ, “ᐅᖃᖃᑦᑕᕐᓂᐊᕐᐳᓯ ᐅᓐᓄᐊᒃᑯᑦ ᓯᓂᒃᑎᓪᓗᓯ ᔩᓱᓯᐅᑉ ᑎᒥᖓ ᐃᓕᓐᓂᐊᕐᑎᖏᓐᓄᑦ ᑎᒡᓕᒋᐊᕐᑐᕐᑕᐅᓚᐅᕐᓂᕋᕐᓗᒍ. 14ᐊᐅᓚᑦᓯᔨᐅᔪᖅ ᓄᓇᑦᑎᓐᓂᒃ ᑕᒪᑐᒥᖓ ᑐᓴᕐᑎᑕᐅᒃᐸᑦ, ᐅᖃᐅᑎᓂᐊᕐᐸᕗᑦ ᐸᓯᔭᒃᓴᐅᖏᓐᓂᑦᓯᓐᓂᒃ ᑕᒪᑐᒧᖓ, ᑕᒪᑐᒥᖓ ᐃᓱᒪᔮᕈᑎᖃᕆᐊᖃᕐᓂᐊᖏᓚᓯ.”

15ᑕᕝᕙ ᐃᓗᕕᕐᒥ ᖃᐅᔨᓴᓚᐅᕐᑐᑦ ᑮᓇᐅᔧᑦ ᑎᒍᕔᑦ ᐱᓂᐊᖁᔭᐅᓂᕆᔭᒥᑐᑦ ᐱᓇᓱᐊᓕᕐᓗᑎᒃ; ᑕᒪᓐᓇ ᐅᖃᐅᓯᐅᓚᐅᕐᑐᖅ ᓱᓕ ᔫᑎᓂᑦ ᐅᖃᐅᓯᐅᖃᑦᑕᕐᐳᖅ, ᐅᓪᓗᒥᒧᑦ ᑎᑭᓪᓗᒍ.

ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᕐᑎᒥᓄᑦ

ᒫᑯᓯ 16:14-18; ᓘᑲᓯ 24:36-49; ᔪᐊᓇᓯ 20:19-23; ᐋᐴᓯᑕᓖᑦ 1:6-8

16 # ᒫᑎᐅᓯ 26:32; ᒫᑯᓯ 14:28. ᑕᕝᕙ ᐃᓕᓐᓂᐊᕐᑎᑦ 11 ᒐᓕᓕᐊᒧᐊᕐᐳᑦ, ᖃᖅᑲᒧᐊᓗᑎᒃ ᔩᓱᓯᐅᑉ ᐅᐸᒃᑕᐅᖁᓚᐅᕐᑕᖓᓄᑦ. 17ᔩᓱᓯ ᑕᑯᒐᒥᑦᔪᑦ ᐹᒻᒪᒃᑎᕐᕕᒋᕚᑦ; ᐃᓚᖏᓪᓕ ᖁᓚᕐᐳᑦ. 18ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ. 19#ᐋᐴᓯᑕᓖᑦ 1:8.ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ, 20ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

Currently Selected:

ᒫᑎᐅᓯᐅᑉ ᐊᒡᓚᖏᑦ 28: EAIB

Highlight

Compare

Copy