ᔮᓱᐊᑉ ᐊᒡᓚᖏᑦ 9
9
ᒋᐱᐊᒥᐅᑦ ᓯᓔᕐᕆᒃᓯᕐᓂᖓᑦ ᔮᓱᐊᒥᒃ
1ᐃᓴᕆᐊᓕᒥᐅᑦ ᓵᓚᖃᕐᓂᖓᑦ ᑐᓴᐅᒪᔭᐅᓕᕐᐳᖅ ᐊᖓᔪᖅᑳᕐᔪᐊᓕᒫᓄᑦ ᔪᐊᕐᑕᓂᐅᑉ ᖃᖅᑲᖏᓐᓃᑦᑐᓄᑦ, ᓇᑎᕐᓇᒦᑦᑐᓄᑦ ᒥᑎᑎᕆᓂᐊᑉ ᑕᕆᐅᖓᑕ ᓯᓈᖓᓃᑦᑐᓕᒫᓄᓪᓗ ᓕᐸᓇᓂ ᑎᑭᓪᓗᒍ, ᕼᐃᑍᑎᒥᐅᑦ, ᐊᒧᕅᑎᒥᐅᑦ, ᑬᓇᓂᒥᐅᑦ, ᐱᕆᔧᑎᒥᐅᑦ, ᕼᐃᕔᑎᑎᒥᐅᑦ, ᔨᐳᓮᑎᒥᐅᓄᓪᓗ. 2ᑖᒃᑯᐊ ᑲᑎᓚᐅᕐᐳᑦ ᑲᑐᑦᔨᖃᑎᒌᒡᓗᑎᒃ ᐅᓇᑕᕈᒪᓪᓗᑎᒃ ᔮᓱᐊᒥᒃ ᐃᓴᕆᐊᓕᒥᐅᓂᒡᓗ ᑕᐱᕇᓕᓗᑎᒃ.
3ᒋᐱᐅᓂᒥᐅᓪᓕ ᑐᓴᕋᒥᒃ ᔮᓱᐊᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᔨᕆᑯᒧᑦ ᐂᒧᓪᓗ, 4ᓯᓔᕐᕆᒃᓯᔪᒪᓕᕐᐳᑦ ᑖᒃᑯᓂᖓ ᐱᔨᑦᓯᕐᑎᐅᓐᖑᐊᕈᒪᓪᓗᑎᒃ, ᓂᕿᓂᒃ ᐅᓯᓕᕐᓱᕐᐳᑦ ᓯᐅᑎᖅᑯᕐᑐᔪᖁᑎᒥᖕᓂᒃ ᐴᖅᑬᓪᓗᑎᒡᓗ ᐱᑐᖃᕐᓄᑦ ᕔᓂᖃᐅᑎᓄᑦ ᐃᓛᕐᑐᕐᓯᒪᔪᓄᓪᓗ. 5ᐊᓐᓄᕌᕕᓂᑐᖃᕐᓂᒃ ᐊᑎᕗᑦ, ᐃᑎᒐᐅᔭᕐᓗᑎᒡᓗ ᐃᓛᕐᑐᕐᓯᒪᔪᓂᒃ; ᓂᐊᖂᔭᓂᒡᓗ ᓇᒃᓴᕐᐳᑦ ᐸᓂᕐᑐᓂ ᐅᖁᒃᓯᒪᔪᓂᒃ. 6ᔮᓱᐊᓪᓗ ᑕᖕᒫᕐᓯᒪᕕᖓᓄᑦ ᒋᐅᓪᒐᐅᓪᒧᑦ ᐂᕗᑦ, ᐅᖃᕐᓗᑎᒡᓗ ᔮᓱᐊᒧᑦ ᐃᓴᕆᐊᓕᒥᐅᓄᓪᓗ, “ᐅᖓᓯᒃᑐᒥᑦ ᓄᓇᒥᑦ ᐱᕗᒍᑦ; ᐊᖏᖃᑎᖃᕈᒪᒐᑦᑕ ᐃᓕᑦᓯᓐᓂᒃ.”
7 #
ᒨᓯᓯ ᐂᑉᐸᖏᑦ 23:32; 34:12; ᒨᓯᓯ ᑕᓪᓕᒪᖏᑦ 7:2. ᐃᓴᕆᐊᓕᒥᐅᑦ ᕼᐃᕔᑎᒥᐅᓄᑦ ᐅᖃᕐᐳᑦ, “ᓱᖕᒪᑦ ᐊᖏᖃᑎᖃᕆᐊᖃᕐᐱᑖ? ᐃᒻᒪᖄᓕ ᒫᓂᑦᓯᐊᖅ ᓄᓇᖃᕐᑐᓯ, ᖃᓄᖅ ᐊᖏᖃᑎᖃᕈᒪᒐᑦᓯ?”
8ᑖᒃᑯᐊ ᔮᓱᐊᒧᑦ ᐅᖃᕐᐳᑦ, “ᐃᓱᒤᓐᓇᕐᕈᑕᐅᕗᒍᑦ ᐃᓕᖕᓄᑦ.” ᔮᓱᐊᑉ ᐅᖃᐅᑎᕔᑦ, “ᑭᓇᒃᑯᒥᐅᑕᐅᕕᓰ? ᓇᑭᓪᓗ ᐱᓯᒪᕕᓰ?”
9ᑖᒃᑯᐊ ᐅᖃᐅᑎᕚᑦ, “ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᒍᑦ, ᑐᓴᓚᐅᕋᑦᑕ ᐊᑕᓂᕐᒥᒃ ᒎᑎᑦᓯᓐᓂᒃ, ᑐᓴᕐᑎᑕᐅᓯᒪᒐᑦᑕ ᑖᑦᓱᒥᖓ, ᐱᓂᐊᕐᓂᕆᓯᒪᔭᓕᒫᖏᓐᓂᒡᓗ ᐄᑦᔨᑉᑎᒥ, 10#ᒨᓯᓯ ᓯᑕᒪᖏᑦ 21:21-35.ᐱᓂᐊᕐᓂᕆᓚᐅᕐᑕᖓᓂᒡᓗ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ ᐊᒧᕅᒥᐅᑕᓄᑦ ᔪᐊᕐᑕᓂᐅᑉ ᐊᑭᐊᓃᑦᑐᓄᑦ, ᐊᖓᔪᖅᑲᕐᔪᐊᖅ ᓮᕼᐆᓂ ᕼᐃᓴᐸᓂᒥᐅᑕᖅ, ᐹᓴᓂᒥᐅᓪᓗ ᐊᖓᔪᖅᑳᕐᔪᐊᖓ ᐋᒡ, ᓄᓇᖃᓚᐅᕐᑐᖅ ᐋᔅᑕᕉᑎᒥ. 11ᐊᖓᔪᖅᑳᑦᑕ ᐃᓄᖁᑎᑦᑕᓗ ᓄᓇᑦᑎᓐᓃᑦᑐᑦ ᐅᖃᐅᑎᓚᐅᕐᐹᑎᒍᑦ, ‘ᓂᕿᓂᒃ ᑕᖁᐊᕐᓗᓯ ᐂᓚᐅᕆᑦᓯ, ᑲᑎᓯᔭᕐᑐᕐᓗᓯ ᐅᖃᐅᑎᓛᕐᐸᓯ, “ᐃᓕᑦᓯᓐᓄᑦ ᒪᓂᕗᒍᑦ; ᕾᓗᓯ ᐊᖏᖃᑎᒌᓚᐅᕐᑕ.”’ 12ᑕᑯᓚᐅᕐᓯᒋᑦ ᓂᐊᖂᔧᑦ ᓇᒃᓴᕐᑕᕗᑦ; ᐊᐅᓪᓚᕐᑎᓪᓗᑕ ᓄᓇᑦᑎᓐᓂᑦ ᐆᓇᓚᐅᕐᑑᒐᓗᐊᑦ ᑕᖁᐊᕆᓕᕐᓗᑎᒍ, ᑕᑯᓚᐅᕐᓯᒋᑦ ᒫᓐᓇ ᐸᓂᕐᒪᑕ ᐅᖁᒃᓯᒪᓕᕐᓗᑎᒡᓗ; 13ᕔᓂᖃᐅᑎᕗᑦ ᓄᑖᖑᑎᓪᓗᒋᑦ ᐃᒻᒥᓚᐅᕐᑕᕋᓗᐊᕗᑦ, ᑕᑯᓚᐅᕐᓯᒋᑦ, ᐊᓕᒃᑐᕐᓯᒪᓕᕐᑐᑦ, ᐊᓐᓄᕌᕗᓪᓗ ᐃᑎᒐᐅᔭᕗᓪᓗ ᐱᑐᖃᐅᓕᕐᐳᑦ ᐊᑯᓂ ᐃᖏᕐᕋᓂᑦᑎᓐᓄᑦ.”
14ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ. 15ᔮᓱᐊ ᐊᖏᖃᑎᖃᓚᐅᕐᐳᖅ ᐃᓚᓐᓈᕆᔪᒪᓪᓗᒋᑦ, ᑐᖁᑕᐅᖁᓇᒋᓪᓗ; ᐃᓴᕆᐊᓕᒥᐅᓪᓗ ᓯᕗᓕᕐᑎᖏᑦ ᐊᖏᒻᒪᕆᓚᐅᕐᐳᑦ ᐃᓚᓐᓈᖃᕈᒪᓪᓗᑎᒃ ᑖᒃᑯᓂᖓ.
16ᐅᓪᓗᐃᑦ ᐱᖓᓱᑦ ᐊᓂᒍᕐᒪᑕ ᐊᖏᖃᑎᖃᓚᐅᕐᑎᓪᓗᒋᑦ ᑖᒃᑯᓂᖓ, ᐃᓴᕆᐊᓕᒥᐅᑦ ᑐᓴᓕᓚᐅᕐᐳᑦ ᑖᒃᑯᐊ ᖃᓂᑦᑐᒥ ᓄᓇᖃᕐᓂᖏᓐᓂᒃ, ᓄᓇᖓᑕᓗ ᐃᓚᖓᓃᓐᓂᖏᓐᓂᒃ. 17ᐃᓴᕆᐊᓕᒥᐅᓪᓗ ᐊᐅᓪᓚᕋᒥᒃ ᐅᓪᓗᐃᑦ ᐱᖓᓱᑦ ᐊᓂᒍᕐᑎᓪᓗᒋᑦ ᑎᑭᑉᐳᑦ ᐃᒡᓗᒐᓴᖕᓄᑦ ᐅᑯᓄᖓ, ᒋᐱᐅᓂᒥᐅᓄᑦ, ᓯᐱᕋᒥᐅᓄᑦ, ᐱᐊᕌᔅᒥᐅᓄᑦ, ᑭᕆᐊᑦ-ᔨᕆᒻᒧᓪᓗ. 18ᐃᓴᕆᐊᓕᒥᐅᓪᓕ ᑖᒃᑯᓂᖓ ᑐᖁᑦᓯᔪᓐᓇᓚᐅᓐᖏᓚᑦ, ᑖᒃᑯᐊ ᓯᕗᓕᕐᑎᖏᓐᓄᑦ ᐊᖏᖃᑎᖃᓚᐅᕐᒪᑕ ᐊᑕᓂᐅᑉ ᐊᑎᖓᓂ ᐃᓴᕆᐊᓕᒥᐅᑦ ᒎᑎᖓᓄᑦ. ᑕᕝᕙ ᐃᓄᓕᒫᑦ ᐱᐅᒃᓴᕈᓐᓃᓚᐅᕐᐳᑦ ᐅᖃᕐᓂᕐᓘᑎᖃᕐᓗᑎᒡᓗ ᑕᒪᑐᒥᖓ ᓯᕗᓕᕐᑎᒥᖕᓂᒃ. 19ᓯᕗᓕᕐᑏᓪᓕ ᐅᖃᓚᐅᕐᐳᑦ ᐃᓄᓕᒫᓄᑦ, “ᐊᖏᖃᑎᖃᓚᐅᕋᑦᑕ ᑖᒃᑯᓂᖓ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᑕ ᐊᑎᖓᓄᑦ, ᒫᓐᓇᓕ ᐱᒋᐊᕈᓐᓇᓐᖏᓚᕗᑦ. 20ᐃᒤᓕᖓᔪᒃᓴᐅᓕᕐᐳᒍᑦ ᑖᒃᑯᓄᖓ, ᐃᓅᑎᑕᒃᓴᕆᕙᕗᑦ ᐊᖏᕐᕕᒋᓚᐅᕋᑦᑎᒍᑦ, ᑲᔪᓯᓐᖏᑐᐊᕈᑦᑕ ᒎᑎᒧᑦ ᓂᓐᖓᐅᑦᔭᐅᓗᑕ ᓱᒋᐊᕐᑕᐅᖁᓇᑕ.” 21ᑕᕝᕙ ᐅᖃᒃᑲᓐᓂᕐᐳᑦ ᐃᓄᖕᓄᑦ, “ᐃᓅᑎᓕᕐᓚᕗᑦ,” ᕿᔪᖕᓂᒡᓕ ᓇᑲᑎᕆᔨᐅᓕᓚᐅᕐᐳᑦ ᐃᒥᕐᑕᕐᑎᐅᓪᓗᑎᒡᓗ ᐃᓄᓕᒫᓄᑦ, ᓯᕗᓕᕐᑏᑦ ᐊᖏᖃᑎᖃᕐᓯᒪᖕᒪᑕ ᑖᒃᑯᓂᖓ.
22ᑕᕝᕙ ᔮᓱᐊᑉ ᕾᖁᔭᐅᖁᓚᐅᕐᐰᑦ ᐊᐱᕆᓪᓗᒋᓪᓗ, “ᓱᖕᒪᑦ ᐅᕙᑦᑎᓐᓂᒃ ᓯᓔᕐᕆᒃᓯᓚᐅᕐᐱᓰ? ᐅᖃᓚᐅᕋᑦᓯ, ‘ᐅᖓᓯᒋᔭᑦᓯᓐᓂ ᓄᓇᖃᕐᐳᒍᑦ,’ ᖃᓂᑦᑐᒥ ᓄᓇᖃᕐᑎᓪᓗᓯ? 23ᒫᓐᓇ ᐱᓇᓱᐊᕐᓂᕆᓚᐅᕐᑕᓯ ᒪᓕᒡᓗᒍ ᒎᑎᐅᑉ ᓱᒋᐊᕐᓂᐊᕐᐹᓯ, ᐃᓚᓯ ᐱᔨᒋᔭᐅᖏᓐᓇᕐᓂᐊᓕᕐᐳᑦ, ᕿᔪᖕᓂᒡᓗ ᓇᑲᑎᕆᔨᐅᓕᕐᓗᓯ ᐃᒥᕐᑕᕐᑎᐅᓗᓯᓗ ᒎᑎᒪ ᐃᒡᓗᖁᑎᖓᓄᑦ.”
24ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ. 25ᒫᓐᓇᓕ, ᐃᓕᑦᓯᓐᓄᑦ ᐃᓱᒪᕐᓲᑕᐅᕗᒍᑦ; ᐱᓂᐊᕐᕕᒋᓕᕐᑎᒍᑦ ᐅᕙᑦᑎᓐᓄᑦ ᐃᓱᐊᕐᑑᓇᓱᒋᔭᓯ ᒪᓕᒡᓗᒍ.” 26ᑕᕝᕙ ᔮᓱᐊ ᐱᓇᓱᐊᓚᐅᕐᐳᖅ ᑖᒃᑯᓄᖓ, ᓴᐳᑎᓚᐅᕐᐰᑦ ᑐᖁᑕᐅᖁᓇᒋᑦ ᐃᓴᕆᐊᓕᒥᐅᓄᑦ; ᑖᒃᑯᐊᓗ ᑐᖁᑕᐅᓚᐅᓐᖏᓚᑦ. 27ᐅᓪᓗᒥ ᑖᑦᓱᒪᓂ ᔮᓱᐊᑉ ᐱᔨᓐᖑᕐᑎᓚᐅᕐᐰᑦ, ᕿᔪᖕᓂᒃ ᓇᑲᑎᕆᔨᓐᖑᕐᓗᑎᒃ ᐃᒥᕐᑕᕐᑎᐅᓕᕐᓗᑎᒡᓗ ᐃᓴᕆᐊᓕᒥᐅᓄᑦ ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓᓄᑦ, ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒤᓕᐅᕐᐳᑦ ᐊᑕᓂᐅᑉ ᑐᒃᓯᐊᕆᐊᕐᑐᕐᕕᐅᖁᔭᖓᓄᑦ, ᐱᓇᓱᐊᕐᑎᐅᓪᓗᑎᒃ.
Currently Selected:
ᔮᓱᐊᑉ ᐊᒡᓚᖏᑦ 9: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
