ᔮᓱᐊᑉ ᐊᒡᓚᖏᑦ 5
5
ᑭᐱᔭᐅᓂᖅ ᒋᐅᓪᒐᐅᓪᒥ
1ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.
2ᑍᑦᓱᒪᓂᐅᑎᓪᓗᒍ ᐊᑕᓂᐅᑉ ᔮᓱᐊ ᐅᖃᐅᑎᕚ, “ᓴᕕᓕᐅᕆᑦ ᐅᔭᕋᖕᓂᒃ ᐊᖕᒫᓂᒃ,#5:2 ᐊᖕᒫᓂᑦ ᐅᔭᕋᖕᓂᑦ ᓯᑎᔪᓂᑦ ᐊᐅᒫᒡᒋᓲᓂᑦ ᑭᐱᓯᖁᓪᓗᑎᑦ ᐃᓴᕆᐊᓕᒥᐅᓂᒃ ᑭᐱᔭᐅᓯᒪᖏᑦᑐᓂᒃ.” 3ᑕᕝᕙ ᔮᓱᐊ ᐊᖕᒫᓂᒃ#5:3 ᐊᖕᒫᓂᑦ ᐅᔭᕋᖕᓂᑦ ᓯᑎᔪᓂᑦ ᐊᐅᒫᒡᒋᓲᓂᑦ ᓴᕕᓕᐅᓚᐅᕐᓗᓂ, ᐃᓴᕆᐊᓕᒥᐅᑦ ᑭᐱᕔᑦ ᓄᓇᒥ ᑍᔭᐅᔪᒥ ᒋᐱᑦ-ᕼᐊᕋᓗᑎᒥᒃ ᖃᖅᑲᒥ. 4#ᒨᓯᓯ ᓯᑕᒪᖏᑦ 14:28-35.ᑍᒤᒻᒪᑦ ᔮᓱᐊᑉ ᑭᐱᓚᐅᕐᐰᑦ: ᐃᓄᓕᒫᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ ᐊᖑᑏᑦ, ᐅᓇᑕᕈᓐᓇᕐᑐᓕᒫᑦ, ᑐᖁᓚᐅᕐᒪᑕ ᐃᓄᖃᔪᐃᑦᑐᒥ ᐊᖅᑯᑖᓂ, ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ. 5ᐃᓄᓕᒫᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ ᑭᐱᓯᒪᓚᐅᕐᐳᑦ, ᑭᓯᐊᓂᓕ ᑍᒃᑯᐊ ᐃᓄᖃᔪᐃᑦᑐᒥ ᐃᓅᓚᐅᕐᑐᑦ ᑭᐱᔭᐅᓯᒪᓚᐅᖏᒻᒪᑕ. 6ᐃᓴᕆᐊᓕᒥᐅᑦ ᐃᖏᕐᕋᓚᐅᕐᒪᑕ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒃᑯᑦ, ᐃᓅᖃᑎᒌᒡᔪᐊᑦ ᐊᖑᑏᑦ ᐅᓇᑕᕈᓐᓇᕐᑐᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ, ᐊᑕᓂᕐᒥᒃ ᓈᓚᓚᐅᖏᑦᑐᑦ ᑐᖁᖅᑳᕐᑎᓐᓇᒋᑦ; ᐊᑕᓂᐅᑉ ᑕᒪᓐᓇ ᐊᖏᕈᑎᒋᓚᐅᕐᒪᒍ ᑖᒃᑯᐊ ᑕᑯᖁᓇᒋᑦ ᓄᓇᒥᒃ ᓯᕗᓕᖏᓐᓄᑦ ᐊᖏᕈᑕᐅᓯᒪᔪᒥᒃ, ᓄᓇᒥᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ. 7ᑖᒃᑯᐊ ᑕᕝᕙ ᕿᑐᕐᖓᖏᑦ, ᐃᖏᕐᕋᑎᓪᓗᒋᑦ ᐃᓄᖃᖏᑦᑐᒃᑯᑦ ᐃᓅᓕᕐᓯᒪᔪᑦ ᑭᐱᔭᐅᓯᒪᓚᐅᖏᒻᒪᑕ, ᔮᓱᐊᑉ ᑭᐱᓚᐅᕐᐰᑦ; ᑕᒫᓂ ᐊᖅᑯᑖᓂ ᐃᖏᕐᕋᑎᓪᓗᒋᑦ ᐃᓅᓕᕐᓯᒪᔪᑦ ᑭᐱᔭᐅᓯᒪᔪᖃᓚᐅᖏᒻᒪᑕ.
8ᑭᐱᔭᐅᓂᕐᓗ ᐃᓅᖃᑎᒌᒡᔪᐊᓕᒫᓂ ᐱᔭᕇᕐᒪᑦ, ᐅᓪᓕᑑᒪᓚᐅᕐᐳᑦ ᑭᐱᔭᐅᓂᖏᑦ ᒪᒥᑦᓯᐊᓚᐅᖅᑳᕐᑎᓐᓇᒋᑦ. 9ᑕᕝᕙ ᐊᑕᓂᖅ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐄᑦᔨᑉᑎᒥ ᓇᕐᕈᓇᕐᓯᑎᑕᐅᓂᕆᓚᐅᕐᑕᓯ ᓱᓇᐅᒋᔭᐅᖏᓐᓂᒃᑯᑦ ᐲᕐᐸᕋ.” ᑍᒤᒻᒪᑦ ᓄᓇ ᓇᔪᕐᑕᖓ ᐊᑎᕐᑖᕐᑕᐅᕗᖅ ᒋᐅᓪᒐᐅᓪᒥᒃ ᐅᓪᓗᒥᒧᓪᓗ ᑎᑭᓪᓗᒍ ᐊᑎᕇᓐᓇᓕᕐᐹ.
10 #
ᒨᓯᓯ ᐂᑉᐸᖏᑦ 12:1-13. ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ. 11ᖃᐅᑎᓪᓗᒍ ᖄᖏᕐᑕᐅᕕᒃ ᐊᓂᒍᕐᑎᓪᓗᒍ, ᑕᕝᕙᓂ ᐅᓪᓗᒥ ᓯᕗᓪᓕᕐᐹᒥ, ᓂᕆᓕᓚᐅᕐᐳᑦ ᑬᓇᓂᒥ ᐱᕈᕐᑐᕕᓂᕐᓂᒃ, ᓂᐊᖂᔭᒥᒃ ᐆᓯᒪᔪᒥᒃ ᓂᐊᖂᔭᒥᒡᓗ ᐳᕙᓪᓚᕐᓴᐅᑎᖃᖏᑦᑐᒥᒃ ᐅᓪᓗᒥ ᑕᕝᕙᓂᑦᓮᓐᓇᖅ. 12#ᒨᓯᓯ ᐂᑉᐸᖏᑦ 16:35.ᑍᒤᒻᒪᑦ ᓂᕿᒃᓴᖓᑦ ᒫᓇ ᓄᖅᑲᓚᐅᕐᐳᖅ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᒍ ᓂᕆᑐᐊᕐᒪᑕ ᓄᓇᒥᑦ ᑬᓇᓂᒥ ᐱᕈᕐᑐᕕᓂᕐᓂᒃ; ᐃᓴᕆᐊᓕᒥᐅᓪᓗ ᒫᓇᒥᒃ ᓂᕆᖃᑦᑕᕈᓐᓁᓚᐅᕐᐳᖅ, ᑬᓇᓂᒥᓪᓕ ᓂᕿᒃᓴᓂᒃ ᓂᕆᖃᑦᑕᖔᓕᓚᐅᕐᐳᑦ ᐊᕐᕌᒍᒥ ᑕᕝᕙᓂ ᐱᒋᐊᕐᓗᑎᒃ.
ᔮᓱᐊᓗ ᐊᖑᑏᓪᓗ ᓴᕕᒡᔪᐊᓖᑦ
13ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”
14ᐊᖑᓪᓕ ᑭᐅᕗᖅ, “ᓇᓪᓕᐊᓐᓃᓐᖏᓚᖓ; ᑕᒫᓃᑉᐳᖓᓕ ᐊᑕᓂᐅᑉ ᐅᓇᑕᕐᑎᖏᓐᓄᑦ ᐊᖓᔪᖅᑳᕆᔭᐅᓪᓗᖓ.”
ᔮᓱᐊᓗ ᐹᒻᒪᒃᐳᖅ ᒪᓂᖅᑲᒧᑦ ᑐᒃᓯᐊᕐᕕᒋᓪᓗᒍᓗ, ᐅᖃᕐᐳᖅ, “ᐱᔨᒋᕙᕐᒪ ᐊᖓᔪᖅᑳᒃ, ᓱᓇᒥᒃ ᐱᓇᓱᐊᖁᕕᖔ?”
15ᑕᕝᕙ ᐊᑕᓂᐅᑉ ᐅᓇᑕᕐᑎᖏᑕ ᐊᖓᔪᖅᑳᖓᑕ ᔮᓱᐊ ᐅᖃᐅᑎᕚ, “ᑲᒥᓪᓚᕆᑦ; ᑕᒪᓐᓇ ᓇᖏᕐᕕᒋᔧᑦ ᐃᑦᔪᕐᓁᒻᒪᑦ.” ᔮᓱᐊᓗ ᐅᖃᐅᑦᔭᐅᑦᔪᑎᒥᓂᒃ ᒪᓕᒃᐳᖅ.
Currently Selected:
ᔮᓱᐊᑉ ᐊᒡᓚᖏᑦ 5: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
