ᔮᓱᐊᑉ ᐊᒡᓚᖏᑦ 6
6
ᔨᕆᑰᑉ ᑲᑕᖕᓂᖓ
1ᔨᕆᑰᓪᓕ ᐅᒃᑯᐊᖏᑦ ᐅᒃᑯᐊᕐᓯᒪᓚᐅᕐᐳᒃ ᐊᓂᕕᖏᑦ ᐃᑎᕐᕕᖏᓪᓗ ᐃᓴᕆᐊᓕᒥᐅᑦ ᐃᑎᖁᓇᒋᑦ; ᐃᑎᕐᑐᖃᕈᓐᓇᓚᐅᓐᖏᓚᕐᓗ ᐊᓂᔪᖃᕈᓐᓇᕋᓂᓗ ᐃᒡᓗᒐᓴᖕᓂᑦ. 2ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᔨᕆᑯ ᐃᓕᑦᓯᓐᓄᑦ ᑐᓂᓯᒪᕙᕋ, ᐊᖓᔪᖅᑳᕐᔪᐊᖓᓪᓗ ᐅᓇᑕᕐᑐᒃᓴᖁᑎᖏᓪᓗ. 3ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ, ᖃᐅᑕᒫᑦ ᑬᕙᓪᓚᖃᑦᑕᕐᓗᒋᑦ ᐅᓪᓗᓂᒃ ᐱᖓᓲᔪᕐᑐᓂᒃ. 4ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᓗᑎᒃ ᓰᐱᐅᑉ ᐸᖕᓂᖓᑕ ᓇᒡᔪᖏᓐᓂᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᓯᕗᓂᖓᓃᑦᑐᒃᓴᐅᕗᑦ; ᐅᓪᓗᐃᓪᓕ 7ᖓᓐᓂ ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ 7ᐃᕐᓱᕐᓗᒋᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᑎᓂᒃ ᓂᓪᓕᐊᑎᑦᓯᓗᑎᒃ. 5ᑎᑦᑐᓚᐅᒻᒥᒃ ᓂᓪᓕᑯᑖᒃᑎᑦᓯᒃᐸᑕ, ᑐᓴᑐᐊᕈᑦᓯᐅᒃ, ᑕᕝᕙ ᐊᖑᑎᓕᒫᑦ ᓂᐱᖁᕐᑐᓗᑎᒃ ᑬᒐᓛᕐᑐᒃᓴᐅᕗᑦ; ᑕᕝᕙ ᐃᒡᓗᒐᓮᑦ ᐊᕙᓗᕐᔪᐊᖓ ᐅᕐᕈᓂᐊᕐᐳᖅ ᐊᑕᖏᕐᓗᓂ, ᐅᓇᑕᕐᑐᒃᓴᓕᒫᓪᓗ ᐃᑎᕐᑐᒃᓴᐅᕗᑦ ᐃᒡᓗᒐᓴᖕᓄᑦ ᓵᓐᖓᔭᑐᐃᓐᓇᕐᒥᒃᑎᒍᑦ.”
6ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.” 7ᐃᓄᐃᓪᓗ ᐅᖃᐅᑎᕔᑦ, “ᐱᓱᒃᑐᒃᓴᐅᕗᓯ; ᐃᒡᓗᒐᓮᑦ ᑬᕙᓪᓚᒡᓗᒋᑦ, ᐊᖑᑏᑦ ᐅᓇᑕᐅᑎᓖᑦ ᓯᕗᓪᓕᐅᓗᑎᒃ, ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᑭᖑᓪᓕᐅᓗᓂ.”
8ᑍᒫᒃ ᔮᓱᐊᑉ ᐅᖃᐅᓯᖏᑦ ᒪᓕᒡᓗᒋᑦ ᐃᓄᐃᑦ ᐱᓇᓱᐊᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᑐᑦ ᓯᕗᓪᓕᐅᕗᑦ ᐊᑕᓂᐅᑉ ᓵᖓᓂ, ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓯᓪᓗᑎᒃ, ᐊᑕᓂᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᑖᒃᑯᓂᖓ ᒪᓕᒡᓗᑎᒃ. 9ᐅᓇᑕᕐᑐᒃᓮᓪᓕ ᓯᕗᓪᓕᐅᕗᑦ ᑐᓂᕐᕈᓯᕐᑎᑦᓯᔨᓂᑦ ᑎᑦᑐᓚᐅᓯᔭᕐᑐᓂᑦ, ᑭᖑᓪᓕᕐᐸᐅᓪᓗᑎᒃ ᖃᐅᔨᓴᕐᑏᑦ ᐊᑕᓂᐅᑉ ᐃᒃᓯᕐᕕᖓᑕ ᑭᖑᓂᐊᓂ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓰᓐᓇᓚᐅᕐᐳᑦ. 10ᔮᓱᐊᓪᓕ ᐃᓄᐃᑦ ᐅᖃᐅᑎᓚᐅᕐᐰᑦ, “ᕾᒐᓛᕐᓂᐊᕋᓯ, ᓂᓪᓕᕐᓂᐊᕋᓯᓗ, ᐅᖃᓪᓚᖕᓂᐊᕋᓯᓘᓐᓃᑦ, ᐅᓪᓗᖅ ᓇᓪᓕᐅᑎᖅᑳᕐᑎᓐᓇᒍ ᕾᒐᓛᖁᔨᓂᒃᓴᕋ; ᑕᕝᕙ ᕾᒐᓛᕆᐊᖃᓕᕈᒫᕐᐳᓯ.” 11ᐊᖑᑏᑦ ᑎᓕᓚᐅᕐᐰᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐃᒡᓗᒐᓴᖕᓂᒃ ᑬᕙᓪᓚᐅᑦᔭᐅᖁᓪᓗᒍ ᐊᑕᐅᓯᐊᕐᓗᓂ; ᐅᑎᕐᒪᑕᓗ ᑕᖕᒫᕐᓯᒪᕕᖕᒥᖕᓄᑦ, ᐅᓐᓄᖕᒪᑦ ᓯᓂᒃᑕᓕᓚᐅᕐᐳᑦ ᑕᕝᕙᓂ.
12ᖃᐅᑎᓪᓗᒍ ᔮᓱᐊ ᐅᓪᓛᒻᒪᕆᒃᑯᑦ ᒪᑭᑉᐳᖅ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᓕᓚᐅᕐᐳᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᓂᒃ. 13ᑐᓂᕐᕈᓯᕐᑎᑦᓯᔩᑦ 7 ᑎᑦᑐᓚᐅᓯᔭᕐᑐᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᓯᕗᓂᖓᓂ ᑲᔪᓯᕗᑦ ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓯᓪᓗᑎᒃ; ᐅᓇᑕᕐᑐᒃᓮᓪᓗ ᓯᕗᓪᓕᐅᕗᑦ ᑖᒃᑯᓇᓐᖓᑦ, ᐊᑕᓂᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᑭᖑᓂᐊᓃᑉᐳᑦ ᖃᐅᔨᓴᕐᑏᑦ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓰᓐᓇᕐᑎᓪᓗᒋᑦ. 14ᑕᕝᕙᓂ ᐅᓪᓘᑉ ᐂᑉᐸᖓᓂ ᐱᓱᓚᐅᕐᐳᑦ ᐃᒡᓗᒐᓮᑦ ᑬᕙᓪᓚᒡᓗᒋᑦ ᐊᑕᐅᓯᐊᕐᓗᑎᒃ, ᐅᑎᕐᓗᑎᒡᓗ ᑕᖕᒫᕐᓯᒪᕕᖕᒥᖕᓄᑦ. ᑖᒃᑯᐊᓗ ᑍᒤᓕᐅᓚᐅᕐᐳᑦ ᐅᓪᓗᓂᒃ ᐱᖓᓲᔪᕐᑐᓂᒃ.
15ᐅᓪᓘᑉ 7ᖓᓐᓂ ᒪᑭᓚᐅᕐᐳᑦ ᖃᐅᒻᒪᒃᐸᓪᓕᐊᓕᕐᑎᓪᓗᒍ, ᐱᓱᓚᐅᕐᐳᓪᓗ 7ᐂᕐᓱᕐᓗᑎᒃ ᐃᒡᓗᒐᓮᑦ ᑬᕙᓪᓚᒡᓗᒋᑦ ᑍᒫᑦᓮᓐᓇᖅ ᐱᓂᐊᕐᓂᕆᓚᐅᕐᑕᒥᒃᑎᑐᑦ: ᑕᕝᕙᓂ ᑭᓯᐊᓂ ᐅᓪᓗᒥ 7ᐂᕐᓱᕐᓗᑎᒃ ᐃᒡᓗᒐᓴᖕᓂᒃ ᑬᕙᓪᓔᓚᐅᕐᐳᑦ. 167ᖓᓐᓂ ᑬᕙᓪᓔᔭᕇᕐᒪᑕ, ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᑕᕝᕙ ᔮᓱᐊᑉ ᐊᖑᑏᑦ ᐅᖃᐅᑎᕔᑦ, “ᕾᒐᓛᓕᕆᑦᓯ; ᐊᑕᓂᐅᑉ ᐃᒡᓗᒐᓴᖕᓂᒃ ᑐᓂᕚᓯ! 17ᐃᒡᓗᒐᓴᖕᓃᑦᑐᓕᒫᑦ ᐊᓯᕈᕐᑕᐅᓂᐊᕐᐳᑦ ᑐᓂᕐᕈᑕᐅᔪᑎᑐᑦ ᐊᑕᓂᕐᒧᑦ; ᕅᕼᐊᐱᑐᐊᖅ ᐊᖑᓐᓂᐊᕐᑎ ᐃᒡᓗᒥᐅᖃᑎᖏᓪᓗ ᐱᐅᓕᔭᐅᔪᒃᓴᐅᕗᑦ, ᑖᓐᓇ ᐃᔨᕐᓯᓯᒪᓚᐅᕐᒪᑦ ᖃᐅᔨᓴᕆᐊᕐᑎᑕᑦᑎᓐᓂᒃ. 18ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ. 19ᓯᐅᓪᕕᕆᓕᒫᑦ ᒎᓗᐃᓪᓗ, ᑲᓐᓄᔧᓪᓗ ᓴᕕᕋᔧᓪᓘᓐᓃᑦ, ᓴᓂᕐᕙᒃᑕᐅᔪᒃᓴᐅᕗᑦ ᐊᑕᓂᕐᒧᑦ; ᐃᓕᔭᐅᔪᒃᓴᐅᕗᓪᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᑦ.”
20 #
ᐄᑉᕈᐃᓄᑦ 11:30. ᑕᕝᕙ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᑐᐊᕐᒪᑕ, ᐊᖑᑏᑦ ᓂᐱᖅᑯᕐᑐᓪᓗᑎᒃ ᕾᒐᓛᓕᓚᐅᕐᐳᑦ. ᔨᕆᑰᓪᓗ ᐊᕙᓗᕐᔪᐊᖏᑦ ᐅᕐᕈᕗᑦ, ᐃᓄᓕᒫᓪᓗ ᓵᓐᖓᔭᒥᒃᑎᒍᑦ ᑐᕅᓐᓇᕐᓗᑎᒃ ᐃᑎᕐᐳᑦ ᐃᒡᓗᒐᓴᖕᓄᑦ, ᐃᒡᓗᒐᓮᓪᓗ ᓵᓚᒋᓪᓗᒋᑦ. 21ᓴᕕᒡᔪᐊᒥᖕᓄᓪᓗ ᑐᖁᕅᕗᑦ ᐃᒡᓗᒐᓴᐅᑉ ᐃᓗᐊᓃᑦᑐᓂᒃ, ᐊᖑᑎᓂᒃ, ᐊᕐᓇᓂᒃ, ᐅᕕᒃᑲᓂᒃ ᐃᓄᑐᖃᕐᓂᒡᓗ, ᐃᒻᒧᒃᓯᐅᒐᕐᓂᒃ, ᓰᐱᓂᒃ ᓯᐅᑎᖅᑯᕐᑐᔪᓂᒡᓗ ᑐᖁᕅᓚᐅᕐᐳᑦ.
22ᔮᓱᐊᓕ ᐅᖃᕐᐳᖅ ᐊᖑᑏᖕᓄᑦ ᒪᕐᕉᖕᓄᑦ ᓄᓇᒥᒃ ᖃᐅᔨᓴᕆᐊᓚᐅᕐᑑᖕᓄᑦ, “ᐂᓕᕆᑦᓯᒃ ᐊᖑᓐᓂᐊᕐᑎᐅᑉ ᐃᒡᓗᖓᓄᑦ, ᑕᒪᐅᓐᖓᐅᑎᓗᒍᓗ ᐃᓚᓕᒫᖏᓪᓗ, ᑍᒫᒃ ᐊᖏᕐᕕᒋᓚᐅᕋᑦᓯᐅᒃ.” 23ᑍᒤᒻᒪᑦ ᐃᓅᓱᒃᑑᒃ ᓄᓇᒥᒃ ᖃᐅᔨᓴᕆᐊᓚᐅᕐᑑᒃ ᐂᒃᓯᓚᐅᕐᐴᒃ ᕅᕼᐊᐱᒥᒃ, ᐊᑖᑕᖓᓂᒃ ᐊᓈᓇᖓᓂᒃ ᐊᓂᖏᓪᓗ ᐃᓚᓕᒫᖏᓪᓗ; ᐱᔨᑲᑖᖏᓪᓗ ᐂᑎᓚᐅᕐᐰᑦ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᖓᑕ ᓴᓂᐊᓄᑦ. 24ᑕᕝᕙ ᐃᒡᓗᒐᓮᑦ ᐃᑯᐊᓪᓚᒃᐰᑦ, ᓱᓇᓕᒫᑦ ᐃᓗᐊᓃᑦᑐᑦ ᓄᖑᓪᓗᒋᑦ; ᐊᒥᐊᒃᑯᑐᐊᖃᓚᐅᕐᐳᑦ ᒎᓗᓂᒃ, ᓯᐅᓪᕕᕆᓂᒃ, ᑲᓐᓄᔭᓂᒃ ᓴᕕᕋᔭᖕᓂᒡᓗ, ᑖᒃᑯᐊᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᐊᕐᑕᐅᓚᐅᕐᐳᑦ. 25#ᐄᑉᕈᐃᓄᑦ 11:31.ᔮᓱᐊᓪᓕ ᕅᕼᐊᐱ ᐊᑖᑕᖓᑕᓗ ᐃᓚᓕᒫᖏᑦ ᐃᓅᑎᓚᐅᕐᐰᑦ; ᖃᐅᔨᓴᕆᐊᕐᑐᓂᒃ ᔨᕆᑯᒧᑦ ᐃᔨᕐᓯᓚᐅᕐᒪᑦ. ᑖᑦᓱᒪᓗ ᑭᖑᕚᖏᑦ ᐅᓪᓗᒥᒧᑦ ᓱᓕ ᐃᓅᕗᑦ ᐃᓴᕆᐊᓕᒥ.
26 #
ᐊᑕᓃᑦ ᓯᕗᓪᓖᑦ 16:34. ᑍᑦᓱᒪᓂᐅᑎᓪᓗᒍ ᔮᓱᐊ ᐃᓂᕐᑎᕐᓯᕆᕗᖅ, “ᓇᓪᓕᐊᑦ ᓴᓇᓇᓱᒃᑐᖅ ᐃᒡᓗᒐᓴᖕᓂᒃ ᔨᕆᑯᒥᒃ ᐊᑕᓂᐅᑉ ᓂᓐᖓᐅᓯᖓᓃᓐᓂᐊᕐᐳᖅ. ᓇᓪᓕᐊᓪᓗ ᑐᓐᖓᕕᖓᓂᒃ ᐋᖅᑭᒃᓯᓇᓱᒃᑐᖅ ᐊᖓᔪᒃᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ, ᐃᑎᕐᑕᕐᕕᖓᓂᒡᓗ ᐋᖅᑭᒃᓯᓇᓱᒃᑐᖅ ᓄᑲᕐᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ.” 27ᑍᒤᒻᒪᑦ ᐊᑕᓂᖅ ᔮᓱᐊᒦᓚᐅᕐᐳᖅ; ᖁᕕᐊᒋᔭᐅᒻᒪᕆᓕᕐᓗᓂᓗ ᓄᓇᓕᓕᒫᓄᑦ.
Currently Selected:
ᔮᓱᐊᑉ ᐊᒡᓚᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
