ᔮᓱᐊᑉ ᐊᒡᓚᖏᑦ 24
24
ᔮᓱᐊᑉ ᐃᓄᖕᓄᑦ ᐅᖃᓪᓚᖕᓂᖏᑦ ᓯᑭᒻᒥ
1ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ. 2#ᒨᓯᓯ ᓯᕗᓪᓖᑦ 11:27.ᔮᓱᐊᓪᓗ ᐃᓄᓕᒫᑦ ᐅᖃᐅᑎᕔᑦ, “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓᑦ ᐃᒫᒃ ᐅᖃᕐᐳᖅ: ‘ᓯᕗᓕᕆᓚᐅᕐᑕᓯ, ᑏᕋ ᐃᓚᐅᓪᓗᓂ ᐂᑉᕋᕼᐋᒻ ᐊᑖᑕᖓ, ᓇᕼᐅᕆᐅᓪᓗ ᐊᑖᑕᖓ, ᑍᑦᓱᒪᓂᐊᓗᒃ ᓄᓇᖃᓚᐅᕐᐳᑦ ᑰᑉ ᐊᑭᐊᓂ; ᒎᑎᓂᒡᓗ ᐊᓯᖏᓐᓂᒃ ᐱᔨᑦᓯᓚᐅᕐᐳᑦ. 3#ᒨᓯᓯ ᓯᕗᓪᓖᑦ 12:1-9; ᒨᓯᓯ ᓯᕗᓪᓖᑦ 21:1-3.ᐊᑖᑕᓯᓗ ᐂᑉᕋᕼᐋᒻ ᕾᖁᓚᐅᕐᐸᕋ ᑰᑉ ᐊᑭᐊᓂᑦ, ᑕᓯᐅᓚᐅᕐᐸᕋᓗ ᑬᓇᓂᐅᑉ ᓄᓇᖓᒍᑦ ᓇᐅᒃᑯᑐᐃᓐᓇᖅ, ᑭᖑᕚᖏᓪᓗ ᐅᓄᕐᓯᕙᓪᓕᐊᑎᓚᐅᕐᐸᒃᑲ ᑐᓂᓚᐅᕐᐸᕋᓗ ᐂᓴᑭᒥᒃ. 4#ᒨᓯᓯ ᓯᕗᓪᓖᑦ 25:24-26; ᒨᓯᓯ ᓯᕗᓪᓖᑦ 36:8; ᒨᓯᓯ ᑕᓪᓕᒪᖏᑦ 2:5; ᒨᓯᓯ ᓯᕗᓪᓖᑦ 46:1-7.ᐂᓴᑭᓗ ᑐᓂᓚᐅᕐᐸᕋ ᔧᑯᒥᒃ ᐄᓴᒥᒡᓗ. ᐄᓴᓗ ᓄᓇᒥᒃ ᖃᖅᑲᓕᖕᒥᒃ ᓰᐊᕆᒥᒃ ᓄᓇᑖᕐᑎᓚᐅᕐᐸᕋ, ᔧᑯᓕ ᕿᑐᕐᖓᖏᓪᓗ ᑕᐅᓄᖓ ᐄᑦᔨᑉᑎᒧᐊᓚᐅᕐᐳᑦ. 5#ᒨᓯᓯ ᐂᑉᐸᖏᑦ 3:1—12:42.ᑭᖑᕐᖓᒍᑦ ᒨᓯᓯ ᐂᕉᓂᓗ ᑎᓕᓚᐅᕐᐹᒃᑲᒃ, ᐄᑦᔨᑉᑎᒥᐅᓪᓗ ᖁᕕᐊᓇᖏᑦᑐᕐᔪᐊᒃᑰᕐᑎᓚᐅᕐᐸᒃᑲ; ᑭᖑᕐᖓᒍᓪᓗ ᐊᐅᓪᓚᐅᑎᓚᐅᕐᐸᑦᓯ. 6#ᒨᓯᓯ ᐂᑉᐸᖏᑦ 14:1-31.ᓯᕗᓕᓯ ᐊᐅᓪᓚᐅᑎᓚᐅᕐᐸᒃᑲ ᐄᑦᔨᑉᑎᒥᑦ, ᑎᑭᓚᐅᕐᐳᓪᓗ ᐃᒪᕐᒧᑦ ᐊᐅᐸᓗᒃᑕᒧᑦ; ᐄᑦᔨᑉᑎᒥᐅᓪᓗ ᒪᓕᒃᓴᓚᐅᕐᐳᑦ ᓯᕗᓕᕕᓂᑦᓯᓐᓂᒃ ᐊᒃᓴᓗᐊᓕᖕᓄᑦ ᕿᒻᒥᕐᔪᐊᓐᓄᓪᓗ ᑕᕆᐅᕐᒧᑦ ᐊᐅᐸᓗᒃᑕᒧᑦ. 7ᐃᓗᖏᕐᑐᕐᓗᑎᒡᓗ ᐃᑲᔪᕐᑕᐅᔪᒪᓕᕐᒪᑕ ᐊᑕᓂᕐᒧᑦ; ᐄᑦᔨᑉᑎᒥᐅᓪᓗ ᓯᕗᓕᓯᓗ ᐊᑯᓐᓂᖓᓄᐊᕐᓯᓚᐅᕐᐳᖓ ᑖᕐᑐᕐᔪᐊᒥᒃ, ᑕᕆᐅᕐᓗ ᐅᑎᕐᑎᓚᐅᕐᐸᕋ ᐄᑦᔨᑉᑎᒥᐅᑦ ᐅᓕᒃᑕᐅᖁᓪᓗᒋᑦ ᐃᐱᓪᓗᑎᒡᓗ; ᐃᓕᑦᓯᓗ ᓇᖕᒥᓂᖅ ᑕᑯᓚᐅᕐᐳᓯ ᖃᓄᐃᓕᐅᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥᐅᓄᑦ; ᐃᓄᖃᔪᐃᑦᑐᒦᓚᐅᕐᐳᓯᓗ ᐊᑯᓂᐊᓗᒃ. 8#ᒨᓯᓯ ᓯᑕᒪᖏᑦ 21:21-35.ᑭᖑᕐᖓᒍᓪᓗ ᓄᓇᒧᑦ ᐊᒧᕅᑎᓄᐊᕈᑎᓚᐅᕐᐸᑦᓯ, ᑖᒃᑯᓄᖓ ᓄᓇᖃᓚᐅᕐᑐᓄᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓂ; ᐃᓕᑦᓯᓐᓂᒡᓗ ᐅᓇᑕᓚᐅᕐᐳᑦ, ᑭᓯᐊᓂᓕ ᓵᓚᖃᕐᑎᓚᐅᕐᐸᑦᓯ ᑖᒃᑯᓂᖓ, ᓄᓇᖓᓪᓗ ᓄᓇᑖᕆᓚᐅᕐᐸᓯ, ᑖᒃᑯᐊᓗ ᑐᖁᓚᐅᕐᐸᒃᑲ ᐃᓕᑦᓯ ᓵᖓᓂ. 9#ᒨᓯᓯ ᓯᑕᒪᖏᑦ 22:1—24:25.ᒧᐊᐱᒥᐅᓪᓗ ᐊᖓᔪᖅᑳᕐᔪᐊᖓ ᐰᓚᒃ ᔨᐴᕆᐅᑉ ᐃᕐᓂᖓ, ᐅᓇᑕᓕᓚᐅᕐᐳᑦ ᐃᓴᕆᐊᓕᒥᐅᓂᒃ, ᐅᖃᕆᐊᕐᑐᕐᑎᑦᓯᓚᐅᕐᐳᕐᓗ ᐸᓛᒻᒧᑦ ᐱᐅᕆᐅᑉ ᐃᕐᓂᖓᓄᑦ ᓱᒋᐊᕐᑕᐅᖁᔨᓪᓗᓂ ᐃᓕᑦᓯᓐᓂᒃ, 10ᓈᓚᒍᒪᓚᐅᓐᖏᓚᖓᓕ ᐸᓛᒻᒥᒃ; ᑍᒤᒻᒪᑦ ᐃᓕᑦᓯᓐᓂᒃ ᓮᒻᒪᕐᑎᑦᓯᖔᓕᓚᐅᕐᐳᖅ; ᓴᐳᑎᓚᐅᕐᐸᑦᓯᓗ ᑖᑦᓱᒪᓐᖓᑦ. 11#ᔮᓱᐊ 3:14-17; ᔮᓱᐊ 6:1-21.ᑕᕝᕙ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᐳᓯ ᔨᕆᑯᒧᓪᓗ ᐂᓪᓗᓯ, ᔨᕆᑯᒥᐅᓪᓗ ᐃᓄᖏᓐᓄᑦ ᐅᓇᑕᕆᐊᕐᑕᐅᓚᐅᕐᐳᓯ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᒋᕐᒐᕆᓮᑎᒥᐅᓄᑦ, ᕼᐃᕔᑎᒥᐅᓄᑦ, ᔨᐳᓮᑎᒥᐅᓄᓪᓗ; ᑖᒃᑯᐊᓗ ᐃᓕᑦᓯᓐᓄᑦ ᑐᓂᓚᐅᕐᐸᒃᑲ. 12#ᒨᓯᓯ ᐂᑉᐸᖏᑦ 23:28; ᒨᓯᓯ ᑕᓪᓕᒪᖏᑦ 7:20.ᑖᒃᑯᐊᓕ ᐅᐃᒪᔮᕐᑎᓚᐅᕐᐸᒃᑲ ᓯᖏᓚᐅᕐᐸᒃᑲᓗ ᐃᓕᑦᓯ ᓵᖓᓂ, ᐊᒧᕅᑎᒥᐅᑦ ᐊᖓᔪᖅᑳᕐᔪᐊᖏᒃ ᒪᕐᕉᒃ; ᓴᕕᒡᔪᐊᓯᓕ ᖃᕐᔪᓯᓗ ᐊᑐᓚᐅᓐᖏᓚᑦ ᑖᒃᑯᓄᖓ. 13#ᒨᓯᓯ ᑕᓪᓕᒪᖏᑦ 6:10,11.ᓄᓇᑖᕐᑎᓚᐅᕐᐸᑦᓯ ᓴᓇᓚᐅᓐᖏᑕᑦᓯᓐᓂᒃ, ᐃᒡᓗᒐᓴᒡᔪᐊᓂᒡᓗ ᓇᑉᐸᓚᐅᓐᖏᑕᑦᓯᓐᓂᒃ, ᒫᓐᓇᓕ ᓄᓇᒋᓕᕐᐸᓯ; ᓂᕆᓕᕐᐳᓯᓗ ᐱᕈᕐᓰᕕᖕᒥ ᐱᕈᕐᑐᕕᓂᕐᓂᒃ, ᓇᐹᕐᑑᓪᓗ ᐅᕐᓱᒃᓴᖏᓐᓂ ᐱᕈᕐᓯᐊᕆᓚᐅᓐᖏᑕᑦᓯᓐᓂᑦ.’
14“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ. 15ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”
16ᑕᕝᕙ ᐃᓄᐃᑦ ᑭᐅᕗᑦ ᐅᖃᕐᓗᑎᒃ, “ᐅᕙᒍᓪᓕ ᐊᑕᓂᖅ ᕿᒪᓚᐅᕐᓯᒪᓂᐊᓐᖏᓚᕗᑦ ᐱᔨᑦᓯᓕᕐᓂᐊᓐᖏᓚᒍᓪᓗ ᒎᑎᐅᑉ ᐊᓯᖏᓐᓂᒃ; 17ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ. 18ᓄᓇᑖᕐᐸᓪᓕᐊᓕᕐᑎᓪᓗᑕᓗ ᐊᑕᓂᐅᑉ ᓄᓇᓕᓕᒫᑦ ᓯᖏᓚᐅᕐᐰᑦ ᓯᕗᓂᑦᑎᓐᓂ, ᐊᒧᕅᒥᐅᓪᓗ ᑕᒫᓂ ᓄᓇᖃᕐᑐᑦ ᐱᖃᑕᐅᓪᓗᑎᒃ; ᑍᒤᒻᒪᑦ ᐅᕙᒍᑦᑕᐅᖅ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ, ᑖᓐᓇ ᒎᑎᒋᒐᑦᑎᒍ.”
19ᔮᓱᐊᓪᓕ ᐃᓄᐃᑦ ᐅᖃᐅᑎᕔᑦ, “ᐊᑕᓂᕐᒥᒡᓕ ᐱᔨᑦᓯᕈᓐᓇᕐᓂᐊᓐᖏᓚᓯ; ᐃᑦᔪᕐᓁᑦᑑᓪᓗᓂ ᒎᑎᐅᖕᒪᑦ; ᓯᖕᓇᑐᔫᓪᓗᓂ ᒎᑎᐅᕗᖅ; ᐃᓱᒪᒋᔪᓐᓁᕐᓂᐊᓐᖏᓛᓯᓗ ᐊᔪᕐᑐᓕᓂᑦᓯᓐᓂᑦ ᐊᔪᕐᓂᑦᓯᓐᓂᓪᓗ. 20ᐊᑕᓂᖅ ᕿᒪᖕᓂᐊᕈᑦᓯᐅᒃ ᐱᔨᑦᓯᓕᕐᓗᓯᓗ ᐃᓅᖃᑎᒋᓐᖏᑕᑦᑕ ᒎᑎᖏᓐᓂᒃ, ᑕᕝᕙ ᑖᑦᓱᒪ ᓵᑦᑐᒫᕐᐹᓯ, ᓱᒋᐊᕐᓗᓯᓗ ᓄᖑᑦᓱᒫᕐᐹᓯ, ᐃᓕᑦᓯᓐᓄᑦ ᐱᐅᔪᓂᒃ ᐱᓇᓱᐊᖃᑦᑕᓚᐅᕋᓗᐊᕐᑎᓪᓗᒍ.”
21ᐃᓄᐃᑦ ᐅᖃᕐᐳᑦ ᔮᓱᐊᒧᑦ, “ᐋᒃᑲ; ᐅᕙᒍᓪᓕ ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”
22ᑕᕝᕙ ᔮᓱᐊᑉ ᐃᓄᐃᑦ ᐅᖃᐅᑎᕔᑦ, “ᐊᓯᑦᓯᓐᓂᒃ ᓵᑕᒃᓴᖃᕐᓂᐊᖏᓐᓚᓯ ᖃᐅᔨᒪᓂᐊᕐᐳᓯ ᓇᖕᒥᓂᖅ ᓂᕈᐊᓚᐅᕋᑦᓯ ᐊᑕᓂᖅ ᐱᔨᑦᓯᕈᒪᓪᓗᒍ.”
ᑖᒃᑯᐊ ᑭᐅᕗᑦ, “ᖃᐅᔨᒪᓂᐊᕐᐳᒍᑦ ᐊᓯᑦᑎᓐᓂᒃ ᓵᑕᒃᓴᖃᑦᔮᖏᓐᓇᑦᑕ.”
23ᔮᓱᐊᑉ ᐅᖃᐅᑎᕔᑦ, “ᑍᒤᒻᒪᑦ ᐃᓅᖃᑎᒋᓐᖏᑕᑦᑕ ᒎᑎᖏᑦ ᐊᑯᓐᓇᑦᓯᓐᓃᑦᑐᑦ ᐲᔭᓕᕐᓯᐅᒃ, ᓇᓗᓁᕐᓯᓕᕆᑦᓯᓗ ᐆᒻᒪᑎᑦᓯᒍᑦ ᓱᓕᑦᓯᐊᕐᓂᑦᓯᓐᓂᒃ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.”
24ᐃᓄᐃᑦ ᐅᖃᕐᐳᑦ ᔮᓱᐊᒧᑦ, “ᐊᑕᓂᖅ ᒎᑎᕗᑦ ᐱᔨᑦᓯᕐᓂᐊᕐᐸᕗᑦ, ᑖᑦᓱᒪᓗ ᓂᐱᖓ ᓈᓚᖕᓂᐊᕐᐸᕗᑦ.” 25ᑕᕝᕙ ᔮᓱᐊ ᐅᓪᓗᒥ ᑍᑦᓱᒪᓂ ᐊᖏᖃᑎᒌᒍᑎᓕᐅᕐᐳᖅ ᐃᓄᖕᓄᑦ, ᐊᑐᕆᐊᖃᕐᑕᖏᓐᓂᒃ ᒪᓕᒐᒃᓴᖏᓐᓂᒡᓗ ᑐᓂᓯᕕᒋᕔᑦ ᑕᕝᕙᓂ ᓯᑭᒻᒥ. 26ᔮᓱᐊᓪᓗ ᐅᖃᐅᓰᑦ ᑕᒪᒃᑯᐊ ᑎᑎᕋᕐᐰᑦ ᒎᑎᐅᑉ ᐱᖁᔭᖏᑎᒍᑦ; ᐱᔭᕇᕋᒥ ᐅᔭᕋᒡᔪᐊᒥᒃ ᑎᒍᓯᕗᖅ, ᓇᑉᐸᕐᓗᒍᓗ ᓇᐹᕐᑑᑉ ᓯᑎᔫᑉ ᐊᑖᓄᑦ ᐊᑕᓂᐅᑉ ᓇᔪᒐᖓᑕ ᓴᓂᐊᓃᑦᑐᒧᑦ. 27ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᑕᑯᒋᑦ, ᐅᓇ ᐅᔭᕋᒃ ᓇᓗᓁᒃᑯᑕᐅᕗᖅ ᐅᕙᑦᑎᓐᓄᑦ; ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐅᕙᑦᑎᓐᓄᑦ ᑐᓴᓚᐅᕋᑦᑎᒍ ᐅᖃᐅᓯᕆᑎᓪᓗᓂᒋᑦ, ᑍᒤᒻᒪᑦ ᓇᓗᓁᒃᑯᑕᐅᓂᐊᕐᐳᖅ ᐃᓕᑦᓯᓐᓄᑦ, ᓱᓕᖏᑦᑐᒥᒃ ᐱᔨᑦᓯᓕᖁᓇᓯ ᒎᑎᑦᓯᓐᓂᒃ.” 28ᑕᕝᕙ ᑭᖑᕐᖓᒍᑦ ᔮᓱᐊᑉ ᐃᓄᐃᑦ ᐊᐅᓪᓚᖁᓕᕐᐰᑦ, ᐊᑐᓂᑦ ᐊᖏᕐᕋᕐᐳᑦ ᓄᓇᒥᖕᓄᑦ.
ᔮᓱᐊᓪᓗ ᐃᓕᓯᕆᐅᓪᓗ ᑐᖁᓂᖏᒃ
29ᑕᒪᑐᒪ ᑭᖑᕐᖓᒍᑦ ᐊᑕᓂᐅᑉ ᐱᔨᖓ ᔮᓱᐊ ᓈᓂᐅᑉ ᐃᕐᓂᖓ, ᑐᖁᕗᖅ ᐊᕐᕌᒍᖃᓕᕐᓗᓂ 110ᓂᒃ. 30#ᔮᓱᐊ 19:49,50.ᐃᓗᕕᕐᐹᓪᓗ ᓇᖕᒥᓂᖅ ᓄᓇᖓᓂ ᑎᒻᓇᑦ-ᓯᕋᒥ, ᑕᕝᕙᓂ ᐃᕗᕅᒥᐅᑉ ᖃᖅᑲᖓᓃᑦᑐᒥ, ᐅᓐᓄᐊᓪᓗᐊᑉ ᓇᓛᓃᑦᑐᒥ ᖃᖅᑲᒥ ᒑᔅᒥ.
31ᔮᓱᐊᓪᓗ ᐃᓅᓂᓕᒫᖓᓂ ᐃᓴᕆᐊᓕᒥᐅᑉ ᐃᓄᖏᑦ ᐊᑕᓂᕐᒥᒃ ᐱᔨᑦᓯᓚᐅᕐᐳᑦ, ᑐᖁᓂᖓᑕᓗ ᑭᖑᓂᖓᓂ ᐊᖓᔪᖅᑳᖑᔪᑦ ᔮᓱᐊᒥᑦ ᐃᓅᑯᑖᖕᓂᕐᓴᐅᓚᐅᕐᑐᑦ ᑲᔪᓯᑦᓯᐊᓚᐅᕐᐳᑦ, ᓇᖕᒥᓂᕐᓗ ᑕᑯᓚᐅᕐᐳᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ.
32 #
ᒨᓯᓯ ᓯᕗᓪᓖᑦ 33:19; 50:24,25; ᒨᓯᓯ ᐂᑉᐸᖏᑦ 13:19; ᔪᐊᓇᓯ 4:5; ᐋᐴᓯᑕᓖᑦ 7:16. ᔫᓯᐱᐅᑉ ᓴᐅᓂᖏᑦ ᐃᓴᕆᐊᓕᒥᐅᑉ ᐃᓄᖏᑕ ᐊᐅᓪᓚᐅᑎᓚᐅᕐᑕᖏᑦ ᐄᑦᔨᑉᑎᒥᑦ ᐃᓗᕕᕐᑕᐅᓚᐅᕐᐳᑦ ᓯᑭᒻᒥ, ᓄᓇᐅᑉ ᐃᓚᖓᓂ ᔧᑰᑉ ᓂᐅᕕᐊᕆᓚᐅᕐᑕᖓᓂ ᕼᐊᒧᕆᐅᑉ ᐃᕐᓂᖏᓐᓂᑦ ᓯᑭᒻᒥᐅᑉ ᐊᑖᑕᖓᓂᑦ, ᑕᕝᕗᖓ ᐊᑭᖃᓚᐅᕐᑐᒧᑦ 100ᓂᒃ ᓯᐅᓪᕕᕆᓂᒃ, ᑕᒪᓐᓇ ᓄᓇ ᐱᒋᔭᐅᓕᓚᐅᕐᒪᑦ ᔫᓯᐱᐅᑉ ᑭᖑᕚᖏᓐᓄᑦ.
33ᐃᓕᓯᕆᓗ ᐂᕉᓂᐅᑉ ᐃᕐᓂᖓ ᑐᖁᕗᖅ; ᐃᓗᕕᕐᑕᐅᕗᕐᓗ ᒋᐱᐊᒥ, ᐱᓂᕼᐋᓯᐅᑉ ᓄᓇᖓᓄᑦ, ᑕᒪᓐᓇ ᓄᓇ ᑐᓂᔭᐅᓚᐅᕐᒪᑦ ᑖᑦᓱᒧᖓ ᐃᕗᕅᒥᐅᑉ ᖃᖅᑲᖓᓃᑦᑐᖅ.
Currently Selected:
ᔮᓱᐊᑉ ᐊᒡᓚᖏᑦ 24: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
