ᔮᓱᐊᑉ ᐊᒡᓚᖏᑦ 14
14
ᓄᓇᐅᑉ ᐊᕕᒃᑐᕐᑕᐅᓂᖏᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᓃᑦᑐᑦ
1ᓄᓇᐅᑉ ᐊᕕᒃᑐᕐᑕᐅᓂᖏᑦ ᑭᖑᕐᖑᑎᔭᐅᖁᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑬᓇᓂᐅᑉ ᓄᓇᖓᓂ, ᐅᑯᓄᖓ ᐱᓇᓱᐊᕐᑕᐅᓚᐅᕐᐳᑦ ᐃᓕᓯᕆ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓚᒌᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓄᑦ ᑖᒃᑯᐊ ᐊᒡᒍᐃᓚᐅᕐᐳᑦ ᐃᓄᐃᑦ ᑭᖑᕚᕇᖑᓂᖏᑦ ᒪᓕᒡᓗᒋᑦ. 2#ᒨᓯᓯ ᓯᑕᒪᖏᑦ 26:52-56; 34:13.ᐊᑕᓂᖅ ᒨᓯᓯᒃᑯᑦ ᑍᒫᒃ ᑎᓕᓯᓚᐅᕐᒪᑦ, ᑖᒃᑯᐊ ᓄᓇᐅᑉ ᐊᕕᒃᑐᕐᓯᒪᓂᖏᑦ 9ᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ ᔪᐊᕐᑕᓂᐅᑉ ᓯᕿᓂᖓᑕ ᓂᐱᕕᐊᓃᑦᑐᓄᑦ ᐊᕕᒃᑐᕐᑕᐅᓚᐅᕐᐳᑦ ᓇᓚᐅᑦᑖᕈᑎᒃᑯᑦ. 3#ᒨᓯᓯ ᓯᑕᒪᖏᑦ 32:33; 34:14,15; ᒨᓯᓯ ᑕᓪᓕᒪᖏᑦ 3:12-17.ᒨᓯᓯ ᑐᓂᓯᔭᕇᓚᐅᕐᒪᑦ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ ᒪᕐᕉᐃᓄᑦ ᑭᖑᕚᕇᓄᑦ ᑭᖑᕚᕇᓪᓗ ᐊᕝᕙᖏᓐᓄᑦ; ᓕᕔᓪᓕ ᑭᖑᕚᖏᑦ ᑭᖑᕐᖑᑎᔭᒃᓴᖏᓐᓂᒃ ᑐᓂᓯᕕᒋᓚᐅᓐᖏᓔᑦ. 4ᔫᓯᐱᐅᑉ ᑭᖑᕚᖏᑦ ᒪᕐᕉᐃᖑᓚᐅᕐᒪᑕ, ᒫᓇᓯᒃᑯᑦ ᐃᕗᕅᒥᒃᑯᓪᓗ; ᒨᓯᓯᓕ ᓄᓇᒥᒃ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ, ᐃᒡᓗᒐᓴᖕᓂᒡᓕ ᑐᓂᔭᐅᓚᐅᕐᐳᑦ ᓄᓇᖃᕐᕕᒃᓴᖏᓐᓂᒃ ᐆᒪᔪᖁᑎᖏᑕᓗ ᐃᓂᒃᓴᖏᓐᓂᒃ. 5ᐃᓴᕆᐊᓕᒥᐅᑦ ᐃᓄᖏᑦ ᐱᓇᓱᐊᓚᐅᕐᐳᑦ ᐊᑕᓂᐅᑉ ᒨᓯᓯᒃᑯᑦ ᑎᓕᓯᓚᐅᕐᓂᖓ ᒪᓕᒡᓗᒍ; ᓄᓇᒥᒃ ᐊᕕᒃᑐᐃᓚᐅᕐᐳᑦ ᓇᓚᐅᑦᑖᕈᑎᒃᑯᑦ.
ᕼᐃᐸᕋᓂᐅᑉ ᑐᓂᔭᐅᓂᖓ ᑬᓚᐱᒧᑦ
6 #
ᒨᓯᓯ ᓯᑕᒪᖏᑦ 14:30. ᐅᓪᓗᐃᑦ ᐃᓚᖓᓂ ᔫᑕᐅᑉ ᐃᓄᖏᑕ ᐃᓚᖏᑦ ᐂᕗᑦ ᔮᓱᐊᒧᑦ ᒋᐅᓪᒐᐅᓪᒧᑦ; ᑬᓚᐱᐅᓪᓗ ᔨᐳᓂᐊᐅᑉ ᐃᕐᓂᖓᑕ ᑭᓂᔧᑦᒥᒃ ᑍᔭᐅᔫᑉ, ᔮᓱᐊ ᐅᖃᐅᑎᕚ, “ᖃᐅᔨᒪᕗᑎᑦ ᐊᑕᓂᐅᑉ ᐅᖃᐅᓯᕆᓚᐅᕐᑕᖓᓂᒃ ᒨᓯᓯᒧᑦ ᒎᑎᐅᑉ ᐃᓄᖁᑎᖓᓄᑦ ᑲᑎᓯ-ᐸᕐᓂᐊᒥ ᐃᓕᖕᓂᒃ ᐅᕙᓐᓂᒡᓗ ᐱᑦᔪᑎᖃᕐᓗᓂ. 7#ᒨᓯᓯ ᓯᑕᒪᖏᑦ 13:1-30.ᑍᑦᓱᒪᓂ 40ᓂᒃ ᐊᕐᕌᒍᖃᓚᐅᕐᐳᖓ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑎᓕᖕᒪᖓ ᑲᑎᓯ-ᐸᕐᓂᐊᒥᑦ ᖃᐅᔨᔭᐅᑦᑍᓕᓗᖓ ᖃᐅᔨᓴᕆᐊᖁᓪᓗᓂᖓ ᓄᓇᒥᒃ; ᓱᓕᑦᓯᐊᕐᑐᒥᒡᓗ ᐅᖃᐅᑎᓚᐅᕐᐸᕋ ᐆᒻᒪᑎᒥᐅᑕᕆᔭᓐᓂᒃ. 8ᐊᖑᑏᓪᓕ ᑍᒃᑯᐊ ᐱᖃᑎᒋᓚᐅᕐᑕᒃᑲ ᑲᑉᐱᐊᓱᓕᕐᑎᑦᓯᓚᐅᕐᐳᑦ ᐃᓄᖕᓂᒃ; ᐅᕙᖓᓕ ᓈᓚᑦᓯᐊᓚᐅᕐᐳᖓ ᐊᑕᓂᕐᒥᒃ ᒎᑎᓐᓂᒃ. 9#ᒨᓯᓯ ᓯᑕᒪᖏᑦ 14:24.ᑍᒤᓚᐅᕐᓂᓐᓄᑦ ᒨᓯᓯᐅᑉ ᐊᖏᕐᕕᒋᓚᐅᕐᐹᖓ ᐅᓪᓗᒥ ᑍᑲᓂ, ᐅᖃᕐᓗᓂ, ‘ᓱᓕᑦᓯᐊᕐᑐᒥᒃ ᓄᓇ ᐱᓱᒃᕕᒋᓚᐅᕐᑍᑦ ᕿᑐᕐᖓᑎᓪᓗ ᑭᖑᕐᖑᑎᔪᒫᓕᕐᐸᓯ ᐃᓱᖃᖏᑦᑐᒧᑦ, ᐊᑕᓂᕐᒥᒃ ᒎᑎᖕᓂᒃ ᓱᓕᑦᓯᐊᕐᓗᑎᑦ ᒪᓕᑦᓯᐊᓚᐅᕋᕕᑦ.’ 10ᒫᓐᓇᓕ ᑕᑯᓕᕆᑦ, ᐊᕐᕌᒍᑦ 45 ᐊᓂᒍᕐᓯᒪᓕᕐᐳᑦ ᐊᑕᓂᖅ ᑍᒫᒃ ᐅᖃᓚᐅᕐᓯᒪᖕᒪᑦ ᒨᓯᓯᒧᑦ, ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖃᔪᐃᑦᑐᒃᑰᕐᑎᓪᓗᒋᑦ ᐊᑕᓂᖅ ᐊᖏᓚᐅᕐᓯᒪᕗᖅ, ᐃᓅᑎᒻᒪᖓ ᑍᒪᓐᖓᒥᑦ; ᒫᓐᓇᓕ ᑕᑯᓕᓐᖓ, 85ᓂᒃ ᐊᕐᕌᒍᖃᓕᕐᑐᖓ. 11ᑍᒫᒃᓱᓕᓕ ᐅᓪᓗᒥ ᓴᓐᖏᑎᒋᕗᖓ ᑍᑦᓱᒪᓂ ᒨᓯᓯ ᐅᕙᓐᓂᒃ ᑎᓕᓯᓚᐅᕐᓯᒪᓂᖓᑐᑦ; ᐅᓇᑕᕆᐊᕈᓐᓇᑦᓯᐊᕐᐳᖓ ᓴᓐᖏᔫᑦᓯᐊᕐᓗᖓᓗ, ᖃᓄᑐᐃᓐᓇᕐᓘᓐᓃᑦ ᓱᓕ ᐱᓇᓱᐊᕈᓐᓇᑦᓯᐊᕐᐳᖓ. 12ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”
13ᑕᕝᕙ ᔮᓱᐊᑉ ᓮᒻᒪᕐᑎᑉᐹ ᑬᓚᐱ ᔨᐳᓂᐊᐅᑉ ᐃᕐᓂᖓ; ᑐᓂᕚᓗ ᐃᒡᓗᒐᓴᖕᓂᒃ ᕼᐃᐸᕋᓐᒥᒃ ᓄᓇᑖᖁᓪᓗᒍ ᑭᖑᕐᖑᑎᓕᕐᓗᒍᓗ. 14ᕼᐃᐸᕋᓐᓗ ᓱᓕ ᐅᓪᓗᒥ ᓄᓇᒋᔭᐅᕗᖅ ᑬᓚᐱᐅᑉ ᑭᖑᕚᖏᓐᓄᑦ ᔨᐳᓂᐊᐅᑉ ᐃᕐᓂᖓᓄᑦ ᑍᔭᐅᔪᖅ ᑭᓂᔧᑦᒥᒃ ᑖᒃᑯᓄᖓ ᑭᖑᕐᖑᑎᔭᐅᖁᓪᓗᒍ, ᓱᓕᑦᓯᐊᕐᑐᒥᒃ ᓈᓚᓚᐅᕐᓂᖓᓄᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ. 15ᑍᑦᓱᒪ ᕼᐃᐸᕋᓐ ᑍᔭᐅᓚᐅᕐᐳᖅ ᑭᕆᐊᑦ-ᐊᕋᐸᐅᑉ ᐃᒡᓗᒐᓴᖏᓐᓂᒃ; ᑖᓐᓇ ᐋᕐᐸ ᐱᔪᓐᓇᕐᓂᕐᐹᖑᓚᐅᕐᑐᖅ ᐊᓇᑭᒥᐅᓂᑦ.
ᑭᖑᓂᖓᒍᑦ ᑕᒪᓐᓇ ᓄᓇ ᐅᓇᑕᕐᕕᐅᖏᑦᓯᐊᓕᓚᐅᕐᐳᖅ.
Currently Selected:
ᔮᓱᐊᑉ ᐊᒡᓚᖏᑦ 14: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
