ᔮᓱᐊᑉ ᐊᒡᓚᖏᑦ 15
15
ᓄᓇᓖᑦ ᑐᓂᔭᐅᔪᑦ ᔫᑕᒧᑦ
1ᔫᑕᐅᑉ ᑭᖑᕚᒋᑦ ᓇᓚᐅᑦᑖᕈᑎᒃᑯᑦ ᑐᓂᔭᐅᓚᐅᕐᐳᑦ ᓄᓇᐅᑉ ᐃᓚᖓᓂᒃ ᐃᒤᓕᖓᔪᒥᒃ:
ᓄᓇᑖᖓᑦ ᑎᑭᐅᒪᓚᐅᕐᐳᖅ ᓯᕿᓂᐅᑉ ᓇᓛᓄᑦ ᔨᓐᒧᑦ ᐃᓄᖃᔪᐃᑦᑐᒧᑦ ᑎᑭᓪᓗᒍ, ᐊᒻᒪ ᐄᑐᒥᐅᑉ ᓄᓇᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ. 2ᓯᕿᓂᐅᑉ ᓇᓛᓃᑦᑐᖅ ᐱᒋᐊᕐᓯᒪᕗᖅ ᐃᒪᕐᒥᑦ ᑕᕆᐅᕐᒥᑦ, ᕿᓐᖑᐊᓂᑦ ᓯᕿᓂᐅᑉ ᓇᓛᓄᐊᖓᓪᓗᓂ. 3ᓯᕿᓂᐅᑉ ᓇᓛᓄᑦ ᓱᓕ ᐊᒃᕋᐱᒻᒥᑦ ᔨᓐ ᖄᖏᕐᓯᒪᓪᓗᒍ, ᑲᑎᓯ-ᐸᕐᓂᐊᑉ ᓯᕿᓂᖓᓄᑦ ᑎᑭᐅᒪᓪᓗᓂ, ᕼᐃᔅᕋᓐ ᐅᖓᑖᓄᑦ ᐊᑦᑕᕆ ᑎᑭᓪᓗᒍ, ᓴᖑᓯᒪᓪᓗᓂ ᓄᓇᒧᑦ ᑳᑲᒧᑦ ᑎᑭᓪᓗᒍ, 4ᑕᕝᕙᓐᖓᑦ ᐱᒋᐊᕐᓗᓂ ᐊᔾᒨᓂ ᑎᑭᓪᓗᒍ ᐄᑦᔨᑉᑎᒥᐅᑦ ᑰᖓᑕ ᑭᒡᓕᖓ ᑎᑭᓪᓗᒍ; ᐊᒻᒪ ᒪᓯᑐᓂᐊᑉ ᑕᕆᐅᖓᓄᑦ ᐃᓱᖃᕐᐳᖅ. ᑕᒪᓐᓇ ᓯᕿᓂᐅᑉ ᓇᓛᓅᖓᔪᖅ ᔫᑕᐅᑉ ᓄᓇᖁᑎᒋᕚ. 5ᓯᕿᓂᐅᑉ ᓄᐃᕕᐊᓃᑦᑐᖅ ᓄᓇᖓ ᐃᓱᖃᕐᐳᖅ ᑕᕆᐅᕐᒧᑦ ᑐᖁᖓᔪᒧᑦ, ᑕᑉᐸᐅᖓᓕᒫᖅ ᑕᓯᐅᔭᒧᑦ ᔪᐊᕐᑕᓂᐅᑉ ᑰᒡᕕᒋᔭᖓᓄᑦ, ᐅᓐᓄᐊᓪᓗᐊᒧᐊᖓᔪᖅ ᐱᒋᐊᕐᓯᒪᕗᖅ ᑕᓯᐅᑉ ᕿᓐᖑᐊᓂᑦ ᔪᐊᕐᑕᓂᐅᑉ ᓇᕐᓴᖓᓄᑦ; 6ᓄᓇᖓ ᑭᒡᓕᖃᕐᐳᖅ ᑕᑉᐸᐅᖓ ᐱᑦ-ᕼᐅᒡᓚᒧᑦ, ᑕᕝᕙᓐᖓᑦ ᐅᓐᓄᐊᓪᓗᐊᑉ ᓇᓛᓄᑦ ᐱᑦ-ᐊᕋᐸᒧᑦ; ᑕᑉᐸᐅᖓᒋᐊᖅ ᑎᑭᐅᒪᓪᓗᓂ ᐴᕼᐊᓐ ᓄᓇᖁᑎᖓᑕ ᓇᓗᓁᒃᑯᑕᖓᓄᑦ ᐅᔭᕋᖕᒧᑦ; ᑖᓐᓇ ᐴᕼᐊᓐ ᐃᕐᓂᕆᔭᐅᕗᖅ ᕉᐱᓂᒧᑦ. 7ᑎᐱᕆᒧᑦ ᑎᑭᐅᒪᕗᖅ ᐂᑯᐊᑉ ᓇᕐᓴᖓᓄᑦ ᑕᑉᐸᐅᖓ ᐅᓐᓄᐊᓪᓗᐊᑉ ᓇᓛᓄᑦ ᓴᖑᓪᓗᓂ ᒋᐅᓪᒐᐅᑉ ᓇᓛᓄᑦ, ᐊᑐᒻᒥᐅᑉ ᐊᖅᑯᑎᖓᒍᑦ ᓇᕐᓴᒧᑦ ᓵᓐᖓᔪᒧᑦ, ᓯᕿᓂᐅᑉ ᓇᓛᒍᖔᖅ, ᑕᕝᕙᓐᖓᑦ ᐱᒋᐊᕐᓗᓂ ᐃᒥᕐᑕᕐᕕᖕᒧᑦ ᐃᓐ-ᓯᒥᔅᓯᒧᑦ ᑎᑭᐅᒪᕗᖅ, ᐃᓱᖃᕐᓗᓂ ᐃᓐ-ᕈᒋᐅᓪᒧᑦ. 8ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ. 9ᑕᕝᕙᓐᖓᑦ ᐱᒋᐊᕐᓗᒍ ᓂᑉᑐᐊᑉ ᐃᒥᕐᑕᕐᕕᖓᓄᐊᖓᕗᖅ, ᑕᕝᕙᓐᖓᑦ ᐃᐸᕋᓐ ᐃᒡᓗᒐᓴᖏᓐᓄᑦ ᖃᖅᑲᒦᑦᑐᓄᑦ ᑎᑭᓪᓗᒍ; ᑍᑲᓐᖓᑦ ᐱᒋᐊᕐᓗᒍ ᓴᖑᖓᕗᖅ ᐹᓚᐅᑉ ᓇᓛᓄᑦ (ᑕᕝᕗᖓ ᑭᕆᐊᑦ-ᔨᕆᒻᒧᑦ); 10ᑬᕙᓪᓚᒡᓗᓂ ᐹᓚᐅᑉ ᓯᕿᓂᖓᑕ ᓂᐱᕕᐊᑕ ᓇᓛᓂᑦ ᓰᐊᕆᐅᑉ ᖃᖅᑲᖓᓄᑦ, ᐅᓐᓄᐊᓪᓗᐊᒦᑦᑐᖅ ᖃᖅᑲᖅ ᔨᕆᒻ ᖄᖏᕐᓯᒪᓪᓗᒍ (ᑕᕝᕗᖓ ᓯᓴᓚᓐᒧᑦ), ᑕᐅᓄᖓ ᐱᑦ-ᓯᒥᔅᒧᑦ, ᑎᒻᓇ ᖄᖏᕐᓯᒪᓪᓗᒍ; 11ᓄᓇᐅᑉ ᑭᒡᓕᖓ ᑎᑭᐅᒪᕗᖅ ᐅᓐᓄᐊᓪᓗᐊᒧᑦ ᖃᖅᑲᒧᑦ ᐃᑯᕋᓂᒧᑦ, ᑕᕝᕙᓐᖓᑦ ᓴᖑᓪᓗᓂ ᓯᑭᕉᓂᐅᑉ ᓇᓛᓄᑦ, ᖃᖅᑲᖅ ᐹᓚ ᖄᖏᕐᓗᒍ, ᑲᔪᓯᓪᓗᓂ ᔭᑉᓂᐅᓪᒧᑦ ᐃᓱᖃᕐᐳᖅ; ᐊᒻᒪ ᑕᕝᕙᓐᖓᑦ ᒥᑎᑎᕆᓂᐊᑉ ᑕᕆᐅᖓᓄᑦ ᑎᑭᐅᒪᕗᖅ. 12ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᑕᕆᐅᒧᑦ ᐃᓱᖃᕐᐳᖅ. ᑖᑦᓱᒪ ᐃᓗᐊᓂ ᔫᑕᐅᑉ ᑭᖑᕚᖏᑦ ᓄᓇᖃᕐᐳᑦ.
ᑬᓚᐱᐅᑉ ᓵᓚᖃᕐᓂᖓ ᕼᐃᐸᕋᓐᒥᒃ ᑎᐱᕆᒥᒡᓗ
ᐃᓗᐊᕐᓮᔩᑦ 1:11-15
13 #
ᐃᓗᐊᕐᓮᔩᑦ 1:20. ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ). 14ᑬᓚᐱ ᐊᓇᑭᐅᑉ ᐃᕐᓂᖏᓐᓂᒃ ᐱᖓᓱᓂᒃ ᓯᖏᑦᓯᓚᐅᕐᐳᖅ: ᓯᓮᒥᒃ, ᐊᕼᐂᒪᓐᒥᒡᓗ, ᑕᓪᒤᑎᒥᒡᓗ, ᑖᒃᑯᐊ ᐋᓇᑭᐅᑉ ᑭᖑᕚᕆᓚᐅᕐᒪᒋᑦ. 15ᑍᑲᓐᖓᑦ ᐅᓇᑕᕆᐊᓚᐅᕆᕗᖅ ᑎᐱᕆᒥ ᓄᓇᖃᕐᑐᓂᒃ; ᑖᒃᑯᐊ ᐃᒡᓗᒐᓮᑦ ᑍᔭᐅᓚᐅᕐᓯᒪᔪᑦ ᑭᕆᐊᑦ-ᓯᐱᕆᒥᒃ. 16ᑬᓚᐱ ᐅᖃᕐᐳᖅ, “ᓇᓪᓕᐊᓐᓄᑐᐃᓐᓇᖅ ᑭᕆᐊᑦ-ᓯᐱᕆᒥᒃ ᐅᓇᑕᕐᓗᓂ ᑎᒍᓯᔪᒧᑦ, ᐸᓂᒐ ᐋᒃᓵ ᑐᓂᔪᒫᕐᐸᕋ ᓄᓕᐊᕐᑖᕆᔭᐅᑎᓪᓗᒍ.” 17ᑕᕝᕙ ᐅᑎᓂ-ᐅᓪ ᑬᓚᐱᐅᑉ ᓄᑲᖓᑕ ᑮᓇᑦᔨᐅᑉ ᐃᕐᓂᖓᑕ, ᑖᒃᑯᐊ ᐃᒡᓗᒐᓮᑦ ᐅᓇᑕᕐᓗᒋᑦ ᓵᓚᒋᓚᐅᕐᐰᑦ; ᑍᒤᒻᒪᑦ ᑬᓚᐱᐅᑉ ᐸᓂᓂ ᐋᒃᓵ ᑐᓂᓚᐅᕐᐹ ᓄᓕᐊᕐᑖᕆᔭᐅᖁᓪᓗᒍ ᑖᑦᓱᒧᖓ. 18ᑲᑎᑎᑕᐅᕕᖓᑕ ᐅᓪᓗᖓᓂ ᐅᓯᓂ-ᐅᑉ ᓄᓕᐊᕐᑖᓂ ᐊᑖᑕᒥᓄᑦ ᐱᕈᕐᓰᕕᒃᑖᕈᒪᖁᓚᐅᕐᐹ; ᓯᐅᑎᖅᑯᕐᑐᔪᒥᒃ ᐃᑭᒪᕕᖕᒥᓂᑦ ᐊᖅᑲᕐᒪᑦ, ᑬᓚᐱᐅᑉ ᐊᐱᕆᕚ, “ᓱᓇᒥᒃ ᐱᑖᕐᑎᑕᐅᔪᒪᕖᑦ?” 19ᑭᐅᕗᖅ, “ᑐᓂᕐᕈᓯᐊᕈᒪᕗᖓ, ᓄᓇᒥᒃ ᐃᒪᓕᖕᒥᒃ, ᑍᓐᓇ ᑐᓂᓚᐅᕐᑍᑦ ᓄᓇ ᓂᒋᑉ ᐸᓂᕐᒪᑦ.” ᑕᕝᕙ ᑬᓚᐱᐅᑉ ᑐᓂᓯᕕᒋᓚᐅᕐᐹ ᐃᒥᕐᑕᕐᕖᖕᓂᒃ ᖁᑦᑎᖕᓂᕐᓴᒥᒃ ᐊᑦᑎᖕᓂᕐᓴᒥᒡᓗ.
ᔫᑕᐅᑉ ᐃᒡᓗᒐᓴᖏᑦ
20ᔫᑕᐅᑉ ᑭᖑᕚᖏᑦ ᓄᓇᑖᓚᐅᕐᐳᑦ ᑭᖑᕐᖑᑎᓕᕐᓗᒍᓗ ᐅᑯᓂᖓ. 21ᐃᒡᓗᒐᓮᑦ ᓯᕿᓂᐅᑉ ᓇᓛᓃᓐᓂᕐᐹᑦ ᔫᑕᒥᐅᑦ ᐱᑖᕆᓚᐅᕐᐰᑦ, ᐄᑐᒥᐅᑉ ᓄᓇᖁᑎᖓᑕ ᑭᒡᓕᖓᓃᑦᑐᑦ, ᐅᑯᐊ ᑲᑉᔨᐅᓪ, ᐃᑐᕆ, ᔮᒍᐊᕆ, 22ᑭᓇ, ᑎᒧᓇ, ᐊᐸᑕ, 23ᑭᑎᔅ, ᕼᐂᔭ, ᐃᑦᕼᐊᓇᓐ, 24ᔨᑉ, ᑎᓕᒻ, ᐱ-ᐊᓘᑎ, 25ᕼᐂᔭ-ᕼᐊᑕᑕ, ᑭᕆ-ᐅᑎ-ᕼᐃᔭᕋᓐ (ᑍᔭᐅᕙᖕᒥᔪᖅ ᕼᐂᔭ), 26ᐋᒪᒻ, ᓰᒪ, ᒧᓚᑕ, 27ᕼᐊᔭᕐ-ᒑᑕ, ᕼᐃᔅᒪᓐ, ᐱᑦ-ᐱᓕᑦ, 28ᕼᐊᔭᕐ-ᓯᐅᓪ, ᐱᐊᕐᓯᐸ, ᐱᔨᐅᓯᐊ, 29ᐹᓚ, ᓕᒻ, ᐃᔨᒻ, 30ᐃᐅᓪᑐᓛᑦ, ᓯᓯᐅᓪ, ᕼᐅᕐᒪ, 31ᔨᒡᓛᒡ, ᒪᑦᒫᓐᓇ, ᓴᓐᓴᓇ, 32ᓚᐸᐅᔅ, ᓮᕼᐂᒻ, ᐂᓐ, ᕆᒪᓐᓗ: ᐊᑕᖏᕐᓗᑎᒃ ᐃᒡᓗᒐᓮᑦ 29ᒍᕗᑦ, ᐊᓯᖏᓪᓗ ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ.
33ᐃᒡᓗᒐᓮᑦ ᖃᖅᑬᑦ ᐊᑖᓃᑦᑐᑦ ᐅᑯᐊᖑᕗᑦ, ᐃᔅᑕᐅᓪ, ᔫᕋ, ᐊᔅᓇ, 34ᔭᓄᐊ, ᐃᓐ-ᒐᓂᒻ, ᑕᐳᐊ, ᐃᓇᒻ, 35ᔭᕐᒨᑎ, ᐊᑑᓚᒻ, ᓲᑯ, ᐊᔨᑲ, 36ᓵ-ᐊᕅᒻ, ᐊᑎᑍᒻ, ᒋᑎᕋ, ᒋᑎᕈᓮᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.
37ᐅᑯᐊᓗ ᔨᓇᓐ, ᕼᐊᑕᓴ, ᒥᒡᑕᐅᓪ-ᒑᑦ, 38ᑎᓖᓐ, ᒥᔅᐱ, ᔫᒃᓯᐅᓪ, 39ᓚᑮᓯ, ᐳᔾᑲᑎ, ᐃᒡᓚᓐ, 40ᑳᐸᓐ, ᓛᒪᒻ, ᓯᑦᓕᔅ, 41ᒋᑎᕉᑎ, ᐱᑦ-ᑕᒑᓐ, ᓈᒪ, ᒪᑮᑕᓗ: ᑖᒃᑯᐊ ᐃᒡᓗᒐᓮᑦ 16ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.
42ᐅᑯᐊᓗ ᓕᑉᓇ, ᐃᑎᕆ, ᐊᓵᓐ, 43ᐃᑉᑕ, ᐊᔅᓇ, ᓂᔨᑉ, 44ᑮᓚ, ᐊᑲᔨᑉ, ᒪᕇᓴᓗ: ᑖᒃᑯᐊ ᐃᒡᓗᒐᓮᑦ 9ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.
45ᐃᑯᕋᓂᓗ, ᓄᓇᓕᖏᓪᓗ ᓄᓇᓕᕋᓛᖏᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ, 46ᐃᑯᕋᓂᒥᑦ ᒥᑎᑎᕇᓂᐊᑉ ᑕᕆᐅᖓ ᑎᑭᓪᓗᒍ, ᐃᒡᓗᒐᓮᓪᓗ ᓄᓇᓖᓪᓗ ᐋᔅᑖᑦ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.
47ᐅᑯᐊᓗ ᐋᔅᑖᑦ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ, ᒑᓴᓗ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ; ᑰᖕᒧᑦ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓄᑦ ᒥᑎᑎᕇᓂᐊᓪᓗ ᑕᕆᐅᖓᑕ ᓯᒡᔭᖓᓄᑦ ᑎᑭᐅᒪᕗᖅ.
48ᖃᖅᑲᔮᓃᑦᑐᑦ ᐅᑯᐊᖑᒋᕗᑦ: ᓴᒥᕆ, ᔮᑎᐊᕐ, ᓲᑯ, 49ᑖᓇ, ᑭᕆᐊᑦ-ᓴᓇ (ᑍᔭᐅᕙᖕᒥᔪᖅ ᑎᐱᕆ), 50ᐊᓈᑉ, ᐃᔅᑎᒧ, ᐊᓂᒻ, 51ᒎᓯᓂ, ᕼᐅᓗᓐ, ᒋᓗᐊᓗ: ᐃᒡᓗᒐᓮᑦ 11ᐸᐅᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.
52ᐅᑯᐊᓗ ᐂᕋᑉ, ᑑᒪ, ᐃᓵᓐ, 53ᔭᓂᒻ, ᐱᑦ-ᑕᐳᐊ, ᐊᐱᑲ, 54ᕼᐅᒻᑕ, ᑭᕆᐊᑦ-ᐊᕋᐸ (ᑖᓐᓇ ᕼᐃᐸᕋᓐ), ᔨᐅᕆᓗ: ᐃᒡᓗᒐᓮᑦ 9ᖑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.
55ᐅᑯᐊᓗ ᒪᐅᓐ, ᑳᕐᒥᐅᓪ, ᔨᑉ, ᔫᑦᑕ, 56ᔨᔭᕆᐅᓪ, ᔪᒃᑏ-ᒻ, ᔭᓄᐊ, 57ᑲᐃᓐ, ᒋᐱᐊ, ᑎᒻᓇᓗ: ᐃᒡᓗᒐᓮᑦ ᖁᓕᐅᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ. 58ᐅᑯᐊᓗ ᕼᐊᓪᕼᐅᓪ, ᐱᑦ-ᔪᕆ, ᒋᑐᐊᕐ, 59ᒫᕋᔅ, ᐱᑦ-ᐊᓄᑎ, ᐃᐅᓪᑎᑲᓐᓗ: ᐃᒡᓗᒐᓮᑦ ᐱᖓᓲᔪᕐᑑᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.
60ᐅᑯᐊᓗ ᑭᕆᐊᑦ-ᐰᓕ (ᑍᔭᐅᕙᖕᒥᔪᖅ ᑭᕆᐊᑦ-ᔨᕆᒻ), ᕌᐸᓗ: ᐃᒡᓗᒐᓵᒃ ᒪᕐᕉᕗᒃ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.
61ᐃᓄᖃᔪᐃᑦᑐᒦᑦᑐᑦ ᐅᑯᐊᖑᕗᑦ: ᐱᑦ-ᐊᕋᐸ, ᒥᑦᑎᓐ, ᓯᑲᑲ, 62ᓂᑉᓵᓐ, ᐃᒡᓗᒐᓮᑦ ᑕᕆᐅᕐᒦᑦᑐᑦ, ᐃᓐ-ᒋᑎᓗ: ᐃᒡᓗᒐᓮᑦ ᐱᖓᓲᔪᕐᑑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ. 63#ᐃᓗᐊᕐᓮᔩᑦ 1:21; ᓴᒧᐃᓕ ᐂᑉᐸᖏᑦ 5:6; ᑯᕉᓂᑲ ᓯᕗᓪᓖᑦ 11:4.ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.
Currently Selected:
ᔮᓱᐊᑉ ᐊᒡᓚᖏᑦ 15: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
