ᔮᓱᐊᑉ ᐊᒡᓚᖏᑦ 13
13
ᓄᓇᓖᑦ ᓱᓕ ᐱᔭᐅᔭᕆᐊᓖᑦ
1ᔮᓱᐊ ᐃᓄᑐᖃᒻᒪᕆᐅᓕᕐᑎᓪᓗᒍ ᐊᑕᓂᐅᑉ ᐅᖃᐅᑎᕙ, “ᐃᓄᑐᖃᐅᓕᕋᕕᑦ ᓄᓇᓖᑦ ᓱᓕ ᐅᓄᕐᑐᑦ ᓄᓇᑖᕆᔭᐅᔭᕆᐊᖃᕐᑎᓪᓗᒋᑦ. 2ᓄᓁᑦ ᓱᓕ ᐅᑯᐊ ᐱᔭᐅᔭᕆᐊᖃᕐᐳᑦ: ᐱᓕᔅᑍᒥᐅᑦ ᓄᓇᖁᑎᓕᒫᖏᑦ, ᒌᓱᕅᒥᐅᓪᓗ ᓄᓇᖁᑎᓕᒫᖏᑦ, 3ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ. 4ᓱᓕ ᑬᓇᓂᒥᐅᑦ ᓄᓇᖁᑎᓕᒫᖓ, ᒦᕋᒥᐅᓪᓗ ᓮᑐᓂᐊᒥᐅᓄᑦ ᐱᒋᔭᐅᔪᖅ, ᐊᐱᒃ ᑎᑭᓪᓗᒍ, ᐊᒧᕅᒥᐅᑦ ᓄᓇᖓᑕ ᑭᒡᓕᖓ ᑎᑭᓪᓗᒍ; 5ᒋᐸᐅᓕᐅᑉ ᑭᖑᕚᖓᑕ ᓄᓇᖓ, ᓕᐸᓇᓂᒥᐅᓕᒫᓪᓗ ᓯᕿᓂᐅᑉ ᓄᐃᕕᖓᓄᑦ, ᐰᓕ-ᒑᑦᒥᑦ ᐱᒋᐊᕐᓗᒍ, ᖃᖅᑲᐅᑉ ᕼᐊᕐᒪᓂᐅᑉ ᓯᕿᓂᖓᓂᑦ, ᕼᐊᒫᑎᒧᑦ ᐃᑎᕆᐊᕐᕕᖓ ᑎᑭᓪᓗᒍ. 6#ᒨᓯᓯ ᓯᑕᒪᖏᑦ 33:54.ᓮᑐᓂᒥᐅᑦ ᓄᓇᖁᑎᓕᒫᖓ ᓄᓇᖃᕐᑐᓪᓗ ᖃᖅᑲᓕᖕᓂ ᓕᐸᓇᓂᐅᑉ ᖃᖅᑲᖏᑕ ᒥᔅᕆᐸᑦ-ᒤᒻᓗ ᐊᑯᓐᓂᖓᓂ, ᐃᓄᖏᑦ ᓇᖕᒥᓂᖅ ᓯᖏᑦᓱᒫᕐᐸᒃᑲ ᐃᓴᕆᐊᓕᒥᐅᑦ ᐱᕙᓪᓕᐊᖁᓪᓗᒋᑦ; ᓄᓇᖓ ᐃᓴᕆᐊᓕᒥᐅᑦ ᐊᕕᒃᑐᕆᐊᖃᕈᒫᕐᐹᑦ ᓇᓚᐅᑦᓵᕈᑎᑎᒍᑦ, ᑍᒫᒃ ᑎᓕᓚᐅᕋᒃᑭᑦ. 7ᑍᒤᒻᒪᑦ ᒫᓐᓇ, ᓄᓇ ᐊᕕᒃᑐᕐᑕᐅᑎᓕᕈᒃ ᑭᖑᕚᕇᓄᑦ 9ᓄᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓄᑦ, ᓇᖕᒥᓂᕐᑖᕆᔭᐅᖁᓪᓗᒍ.”
ᓄᓇᐅᑉ ᐊᕕᒃᑐᕐᑕᐅᓂᖓ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᓃᑦᑐᓄᑦ
8 #
ᒨᓯᓯ ᓯᑕᒪᖏᑦ 32:33; ᒨᓯᓯ ᑕᓪᓕᒪᖏᑦ 3:12. ᕉᐱᓂᐅᑉ ᑭᖑᕚᖏᑦ ᒑᑎᐅᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓄᓇᑖᕇᓚᐅᕐᓯᒪᖕᒪᑕ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᒪᒋᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓂ ᓄᓇᑖᕐᓯᒪᖕᒪᑕ. 9ᓄᓇᖁᑎᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓂᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᖅ ᐃᓚᒋᔭᐅᓪᓗᓂ ᒪᓂᕅᓐᓇᕐᒥᐅᑦ ᒥᑎᐸᒥᑦ ᐱᒋᐊᕐᓗᓂ ᑎᐴᓂᒧᑦ ᑎᑭᓪᓗᒍ. 10ᑎᑭᐅᒪᓪᓗᓂ ᐊᒧᕅᑎᑦ ᓄᓇᖓᑕ ᑭᒡᓕᖓᓄᑦ ᐃᒡᓗᒐᓮᓪᓗ ᐊᐅᓚᑕᐅᓯᒪᔪᑦ ᐊᖓᔪᖅᑳᕐᔪᐊᒧᑦ ᓮᕼᐆᓂᒧᑦ ᐊᒧᓁᑎᒥᐅᑕᕐᒧᑦ, ᐊᐅᓚᑦᓯᕕᖃᕐᑐᒧᑦ ᕼᐊᓴᐸᓂᒥ. 11ᒋᓕᐊᑎᒥᐅᓪᓗ, ᒋᓱᕅᒥᐅᓪᓗ ᒫᑲᑍᑎᒥᐅᓪᓗ ᓄᓇᖏᑦ, ᖃᖅᑲᕐᓗ ᕼᐊᕐᒪᓕᒫᖅ, ᐹᓴᓂᒥᐅᓕᒫᓪᓗ ᓴᓕᑲᒧᑦ ᑎᑭᐅᒪᓪᓗᒍ. 12ᐋᒡ ᐊᖓᔪᖅᑲᐅᕕᓕᒫᖓ ᐹᓴᓂᒦᑦᑐᖅ, ᐊᐅᓚᑦᓯᔪᖅ ᐋᔅᑕᕉᑎᒥ ᐃᑐᕆᐂᒥᓗ, ᕆᐰᒥᐅᓂᑦ ᐃᓄᒃᐸᖕᓂᑦ ᐊᒥᐊᒃᑯᑑᓕᕐᑐᖅ; ᑖᒃᑯᐊ ᒨᓯᓯᐅᑉ ᓵᓚᒋᓚᐅᕐᓯᒪᕔᑦ ᓄᓇᖏᓐᓂᒡᓗ ᐊᕐᓵᕐᓗᒋᑦ. 13ᐃᓴᕆᐊᓕᒥᐅᓪᓕ ᓯᖏᑦᓯᓚᐅᓐᖏᓚᑦ ᒋᓱᕅᒥᐅᓂᒃ ᒫᑲᑍᑎᒥᐅᓂᒡᓗ; ᑖᒃᑯᐊᓕ ᐃᓴᕆᐊᓕᒥᐅᓂ ᓱᓕ ᓄᓇᖃᖃᑕᐅᖏᓐᓇᕐᐳᑦ ᐅᓪᓗᒥᒧᑦ ᑎᑭᓪᓗᒍ.
14 #
ᒨᓯᓯ ᑕᓪᓕᒪᖏᑦ 18:1. ᒨᓯᓯᓕ ᓕᕔᑦ ᑭᖑᕚᖏᓐᓂᒃ ᓄᓇᑖᕐᑎᑦᓯᓚᐅᓐᖏᓚᖅ, ᑍᒫᒃ ᐊᑕᓂᐅᑉ ᐅᖃᐅᑎᓚᐅᕐᒪᒍ, ᐃᓴᕆᐊᓕᒥᐅᓪᓕ ᐊᑕᓂᖓᓄᑦ ᒎᑎᒧᑦ ᑐᓂᕐᕈᓯᕐᓂᒃᑯᑦ ᐃᑯᐊᓚᑎᑦᓯᓪᓗᑎᒃ ᑕᒪᑐᒥᖓ ᑭᖑᕐᖑᑦᔨᓚᐅᕐᐳᑦ.
ᓄᓇ ᕉᐱᓂᒧᑦ ᑐᓂᔭᐅᔪᖅ
15ᒨᓯᓯᐅᑉ ᑐᓂᓚᐅᕐᐹ ᓄᓇᐅᑉ ᐃᓚᖓ ᕉᐱᓂᐅᑉ ᑭᖑᕚᖏᓐᓄᑦ ᓇᖕᒥᓂᕐᑖᕆᔭᐅᑯᓪᓗᒍ. 16ᓄᓇᑖᕆᔭᖓ ᑎᑭᐅᒪᓚᐅᕐᐳᖅ ᐊᕈᐃᕆᒥᑦ, ᐋᕐᓄᓂᐅᑉ ᓇᕐᓴᖓᑕ ᑭᒡᓕᖓᓃᑦᑐᒥᑦ, ᐃᒡᓗᒐᓮᓪᓗ ᓇᕐᓴᐅᑉ ᕿᑎᐊᓃᑦᑐᑦ, ᐃᓚᑲᕐᓗᑎᒃ ᒪᓂᕅᓐᓇᕐᒦᑦᑐᓂᒃ ᒥᑎᐸᒦᑦᑐᓂᒃ. 17ᐊᒻᒪ ᕼᐃᓴᐸᓂᒥᒃ, ᐃᒡᓗᒐᓴᓕᒫᓪᓗ ᒪᓂᕅᓐᓇᕐᒦᑦᑐᑦ ᐅᑯᐊ; ᑎᐴᓂ, ᐸᒨᑦ-ᐰᓕᓗ, ᐸᔅ-ᐰᓪ-ᒥᐅᓐᓗ, 18ᔧᕼᐋᓯᓗ, ᑭᑎᒫᑎᓗ, ᒥᕚ-ᑕᓗ, 19ᑭᕆᐊᑍᒥᓗ, ᓯᑉᒪᓗ, ᔨᕆᑎ-ᓴᕼᐊᓗ ᓇᕐᓴᐅᑉ ᖃᖅᑲᖓᓃᑦᑐᖅ, 20ᐱᑦ-ᐱᐅᕋᓗ, ᒪᔪᖅᑬᓪᓗ ᖃᖅᑲᒥ ᐱᔅᒐᒦᑦᑐᑦ, ᐱᑦ-ᔨᓯᒫᔅᓗ. 21ᐊᒻᒪ ᒪᓂᕅᓐᓇᕐᒦᑦᑐᑦ ᐃᒡᓗᒐᓮᑦ, ᐊᒧᕅᒥᐅᑕᐅᓪᓗ ᐊᖓᔪᖅᑳᕐᔪᐊᑉ ᓮᕼᐆᓂᐅᑉ ᐊᖓᔪᖅᑲᐅᕕᓕᒫᖓ, ᐊᐅᓚᑦᓯᓚᐅᕐᑐᖅ ᕼᐃᓴᐸᓂᒥ, ᑖᓐᓇ ᒨᓯᓯᐅᑉ ᓵᓚᒋᓚᐅᕐᒪᒍ ᐊᐅᓚᑦᓯᔨᐅᓚᐅᕐᑐᓪᓗ ᒥᑎᐊᓂᒥ, ᐃᕕ, ᕆᑭᒻᓗ, ᔫᕆᓗ, ᕼᐊᕆᓗ, ᕆᐸᓗ, ᑖᒃᑯᐊ ᐊᐅᓚᑦᓯᓚᐅᕐᑐᓕᒫᑦ ᓄᓇᓕᖕᓂ ᓯᕼᐊᓐᒥ. 22ᐃᓴᕆᐊᓕᒥᐅᑦ ᐃᓄᖏᑕ ᑐᖁᓚᐅᕐᑕᖓᑕ ᐃᓚᖓ ᑖᓐᓇᐅᕗᖅ ᓯᕗᓂᒃᓴᒥ ᓇᓚᐅᑦᑍᔨ ᐸᓛᒻ ᐱᐅᕆᐅᑉ ᐃᕐᓂᖓ. 23ᕉᐱᓂᐅᑉ ᑭᖑᕚᖏᑕ ᓄᓇᖓ ᑭᒡᓕᖃᕐᐳᖅ ᓯᕿᓂᐅᑉ ᓂᐱᕕᐊᓄᑦ ᔪᐊᕐᑕᓂᒧᑦ, ᑖᒃᑯᐊ ᐃᒡᓗᒐᓴᓕᒫᑦ ᑐᓂᔭᐅᕗᑦ ᕉᐱᓂᐅᑉ ᑭᖑᕚᖏᑕ ᐃᓚᖏᓐᓄᑦ ᓇᖕᒥᓂᕐᑖᕆᔭᐅᖁᓪᓗᒋᑦ.
ᓄᓇ ᒑᑦᒧᑦ ᑐᓂᔭᐅᔪᖅ
24ᒨᓯᓯᐅᑦᑕᐅᖅ ᓄᓇᐅᑉ ᐃᓚᖓ ᑐᓂᓚᐅᕐᐹ ᐃᓚᒌᓄᑦ ᒑᑦ ᑭᖑᕚᖏᓐᓄᑦ ᓇᖕᒥᓂᕐᑖᕆᔭᐅᖁᓪᓗᒍ. 25ᓄᓇᖁᑎᖓ ᔧᔨᕆᒦᑉᐳᖅ, ᒋᓕᐊᑎᓕᒫᖅ, ᐊᒧᓁᑎᒥᐅᓪᓗ ᓄᓇᖓᑕ ᐊᕝᕙᖓ, ᐊᕈᐃᕆᒧᑦ ᑎᑭᓪᓗᒍ ᕌᐸᐅᑉ ᓯᕿᓂᖓᑕ ᓄᐃᕕᐊᓃᑦᑐᒧᑦ; 26ᓄᓇᖓᑦ ᕼᐃᓴᐸᓂᒥᑦ ᕌᒪᔅ-ᒥᔅᐱᒧᑦ ᐱᑐᓂᒻᒧᓪᓗ ᑎᑭᓯᒪᕗᖅ, ᒪᕼᐊᓁᒥᓪᓗ ᑎᐱᕆᐅᑉ ᑭᒡᓕᖓᓄᑦ ᑎᑭᓪᓗᒍ. 27ᓇᕐᓴᒦᑦᑐᑦ ᐅᑯᐊᖑᒋᕗᑦ ᐱᑦ-ᕼᐊᕋᒻ, ᐱᑦ-ᓂᒻᕋ, ᓱᑰᑎ, ᔮᕙᓐᓗ, ᐊᖓᔪᖅᑳᕐᔪᐊᓪᓗ ᓮᕼᐆᓂ ᕼᐊᓴᐸᓂᒥᐅᑕᐅᑉ ᐊᖓᔪᖅᑲᐅᕕᓕᒫᖓᓃᑦᑐᑦ, ᓯᕿᓂᐅᑉ ᓂᐱᕕᐊᓄᑦ ᓄᓇᖁᑎᖓ ᑭᒡᓕᖃᕐᐳᖅ ᔪᐊᕐᑕᓂᐅᑉ ᑰᖓᓄᑦ, ᑕᕐᕋᒧᑦ ᑭᒡᓕᖃᕐᓗᓂ ᓯᓂᕆᑎᐅᑉ ᑕᓯᖓᓄᑦ. 28ᑖᒃᑯᐊ ᑕᕝᕙ ᐃᒡᓗᒐᓮᑦ ᓄᓇᓖᓪᓗ ᑐᓂᔭᐅᓯᒪᔪᑦ ᒑᑦ ᑭᖑᕚᖏᓐᓄᑦ ᑭᖑᕐᖑᑎᔭᐅᖁᓪᓗᒋᑦ.
ᓄᓇ ᑐᓂᔭᐅᔪᖅ ᒫᓇᓯᐅᑉ ᑭᖑᕚᖏᓐᓄᑦ ᓯᕿᓂᐅᑉ ᓄᐃᕕᐊᓃᑦᑐᖅ
29ᒨᓯᓯᐅᑉ ᓄᓇ ᑐᓂᓚᐅᕐᑕᖓ ᑭᖑᕐᖑᑎᔭᐅᖁᓪᓗᒍ ᒫᓇᓯᐅᑉ ᑭᖑᕚᖏᑕ ᐊᕝᕙᖏᓐᓄᑦ; ᑭᖑᕚᕇᖑᓂᖏᑦ ᒪᓕᒡᓗᒋᑦ ᐊᕕᒃᑐᕐᑕᐅᖁᓪᓗᒍ. 30ᓄᓇᖓᑦ ᐱᒋᐊᕐᓯᒪᕗᖅ ᒪᕼᐊᓁᒥᑦ, ᐹᓴᓂᓗ ᓄᓇᖁᑎᓕᒫᖓ, ᐋᒡ ᐊᖓᔪᖅᑲᐅᕕᓕᒫᖓ ᐹᓴᓂᐅᑉ ᐊᖓᔪᖅᑳᕐᔪᐊᖓᑕ, ᔧᕆᐅᓪᓗ ᓄᓇᓕᓕᒫᖏᑦ, ᐰᓵᓐᒦᑦᑐᑦ ᐃᒡᓗᒐᓮᑦ 60. 31ᒋᓕᐊᑎᐅᓪᓗ ᕿᑎᖅᑲᓕᒫᖓ, ᐱᖃᓯᐅᑎᓪᓗᒋᑦ ᐋᔅᑕᕉᑎᓗ, ᐃᑐᕆᐂᓗ, ᐃᒡᓗᒐᓮᓪᓗ ᐋᒡ ᐊᖓᔪᖅᑲᐅᕕᖓᓃᑦᑐᑦ ᐹᓴᓂᒥᐅᑦ ᐊᖓᔪᖅᑳᕐᔪᐊᖓᑦᑕ, ᑖᒃᑯᐊᓕᒫᑦ ᑐᓂᔭᐅᕗᑦ ᒪᑬᕆᐅᑉ ᑭᖑᕚᖏᑕ ᐊᕝᕙᖏᓐᓄᑦ ᒫᓇᓯᐅᑉ ᐃᕐᓂᖓᓄᑦ, ᑭᖑᕚᕇᖑᓂᖏᑦ ᒪᓕᒡᓗᒋᑦ ᐊᕕᒃᑐᕐᑕᐅᖁᓪᓗᒍ.
32ᑍᒫᒃ ᑕᕝᕙ ᒨᓯᓯᐅᑉ ᓄᓁᑦ ᐊᕕᒃᑐᕐᑕᐅᑎᓚᐅᕐᐰᑦ ᔨᕆᑰᑉ ᓯᕿᓂᖓᑕ ᓄᐃᕕᐊᓃᑦᑐᑦ ᔪᐊᕐᑕᓂᐅᑉ ᐊᑭᐊᓂ, ᒧᐊᐱᒥᐅᑦ ᓇᑎᕐᓇᖏᓐᓃᑐᑦ. 33#ᒨᓯᓯ ᓯᑕᒪᖏᑦ 18:20; ᒨᓯᓯ ᑕᓪᓕᒪᖏᑦ 18:2.ᒨᓯᓯᓕ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ ᓄᓇᒥᒃ ᑭᖑᕐᖑᑎᔭᐅᔪᒃᓴᒥᒃ; ᐅᖃᐅᑎᓚᐅᕐᐰᓪᓕ ᑐᓂᕐᕈᑏᑦ ᐃᓚᖏᓐᓂᒃ ᐱᖃᑦᑕᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ ᑐᓂᔭᐅᔪᓂᑦ, ᑕᒪᓐᓇ ᑭᖑᕐᖑᑎᔭᒃᓴᐅᖁᓪᓗᒍ ᑖᒃᑯᓄᖓ.
Currently Selected:
ᔮᓱᐊᑉ ᐊᒡᓚᖏᑦ 13: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
