ᔫᓇᐅᑉ ᐊᒡᓚᖏᑦ 4
4
ᔫᓇᐅᑉ ᓂᓐᖓᐅᒪᓂᖓ ᒎᑎᐅᑉ ᓂᑲᒍᓱᓕᕐᓂᖓᓂᒃ
1ᔫᓇᐅᓪᓗ ᑕᒪᓐᓇ ᖁᕕᐊᓱᖏᑦᔪᑎᒋᒻᒪᕆᓕᕐᐹ ᓂᓐᖓᒻᒪᕆᒃᓗᓂᓗ. 2#ᒨᓯᓯ ᐂᑉᐸᖏᑦ 34:6.ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ. 3#ᐊᑕᓃᑦ ᓯᕗᓪᓖᑦ 19:4.ᒫᓐᓇᓕ ᐊᑕᓃᖅ, ᐃᓅᓯᕋ ᑎᒍᓕᕈᒃ, ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”
4ᐊᑕᓂᐅᓪᓗ ᑭᐅᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ?”
5ᔫᓇᓗ ᑕᕝᕙ ᐃᒡᓗᒐᓮᑦ ᕿᒪᒡᓗᒋᑦ ᐃᒃᓯᕙᕗᖅ ᓯᕿᓂᐅᑉ ᓄᐃᕕᖓᑕ ᓇᓛᓂ. ᐅᖂᑕᓕᐅᕐᓗᓂᓗ ᑕᕝᕙᓂ ᐃᒃᓯᕙᕗᖅ ᑖᑦᓱᒪ ᑕᕐᕋᓕᓂᖓᓂ, ᑕᑯᔪᒪᓪᓗᓂ ᖃᓄᖅ ᐃᒡᓗᒐᓴᒡᔪᐊᑦ ᓂᓂᕕᒥᐅᑦ ᐱᓂᐊᕐᕕᐅᓛᕐᒪᖔᑕ. 6ᐊᑕᓂᐅᓪᓗ ᒎᑎᐅᑉ ᐱᕈᕐᑐᖅ ᐱᕈᕐᓴᕅᑦᑐᖅ ᐊᑐᐃᓐᓇᕈᕐᐹ ᓄᐃᑎᓪᓗᒍᓗ ᔫᓇᐅᑉ ᖁᓛᒎᖁᓪᓗᒍ ᑕᕐᕋᓕᓂᖃᕐᑎᑦᓯᖁᓪᓗᒍᓗ ᓂᐊᖁᐊᓄᑦ, ᐱᐅᓕᒃᓯᖁᓪᓗᒍᓗ ᑖᑦᓱᒥᖓ ᖃᓄᐃᓐᓂᖓᓂᑦ; ᔫᓇᐅᓪᓗ ᑖᓐᓇ ᖁᕕᐊᒋᑦᓯᐊᕐᐹ ᐱᕈᕐᑐᖅ. 7ᖃᐅᖕᒪᓪᓕ ᖃᐅᒻᒪᓕᓵᕐᑎᓪᓗᒍ ᒎᑎᐅᑉ ᐊᑐᐃᓐᓇᕈᕐᐹ ᖁᒡᓗᒋᐊᖅ ᐊᓯᕈᐃᖁᓪᓗᒍ ᐱᕈᕐᑐᒥᒃ; ᑖᑦᓱᒪᓗ ᑖᓐᓇ ᐱᕈᕐᑐᖅ ᑲᐱᕚ ᑐᖁᓕᑎᓪᓗᒍᓗ. 8ᓯᕿᓂᐅᓪᓗ ᓄᐃᓂᖓᓂᑦ ᒎᑎᐅᑉ ᐊᑐᐃᓐᓇᕈᕐᐹ ᐊᓄᕆ ᐆᓇᕐᑐᖅ ᓯᕿᓂᐅᑉ ᓄᐃᕕᖓᑕ ᓇᓛᓂᑦ, ᓯᕿᓂᕐᓗ ᔫᓇᐅᑉ ᓂᐊᖁᐊᓄᑦ ᐊᑭᖕᒥᒃᐳᖅ, ᔫᓇᓗ ᓄᑭᖃᕈᓐᓁᑲᓴᓕᕐᐳᖅ ᑕᒪᑐᒧᖓ ᐊᑭᖕᒥᒃᑐᒧᑦ. ᕿᓚᓈᕐᐳᕐᓗ ᑐᖁᔪᒪᓪᓗᓂ, ᑐᒃᓯᐊᕐᐳᕐᓗ, ᐅᖃᕐᓗᓂ: “ᑐᖁᑐᐃᓐᓇᕈᒪ ᐱᐅᓂᕐᓴᐅᓕᕐᐳᖅ ᐃᓅᒐᔭᕐᓂᓐᓂᑦ.”
9ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?”
ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”
10ᐊᑕᓂᐅᓪᓗ ᑭᐅᓪᓗᓂᐅᒃ ᐅᖃᐅᑎᕚ, “ᐅᓇ ᐱᕈᕐᑐᖅ ᐅᓐᓄᐊᖏᓐᓇᖅ ᐱᕈᕐᐳᖅ ᖃᐅᑐᐊᕐᒪᓪᓗ ᓄᖑᓪᓗᓂ; ᐃᕝᕕᓪᓕ ᖃᓄᐃᓕᐅᓚᐅᓐᖏᓚᑎᓪᓘᓐᓃᑦ ᑖᑦᓱᒧᖓ, ᐱᕈᑦᑎᑦᓯᓚᐅᓐᖏᓚᑎᓪᓘᓐᓃᑦ, ᑭᓯᐊᓂᓕ ᐅᒡᒍᐊᕆᕙᑦ! 11ᐊᖏᓂᕐᓴᒥᒡᓕ ᖃᓄᖅ ᑕᕝᕙ, ᓂᑲᒍᓱᒃᑲᓐᓂᕈᓐᓇᕐᐳᖔ ᓂᓂᕕᒥᐅᓂᒃ? ᐃᒡᓗᒐᓴᒡᔪᐊᖑᖕᒪᑕ ᐊᖏᔪᐊᓘᓪᓗᑎᒃ. ᑖᒃᑯᓇᓂᓗ ᐸᓯᔭᒃᓴᐅᖏᑦᑐᓂᒃ ᓱᕈᓯᕐᑕᖃᕐᐳᖅ 120,000ᓂᒃ, ᖃᐅᔨᒪᖏᑦᑐᓂᒃ ᑕᓕᕐᐱᖕᒥᖕᓂᒃ ᓴᐅᒥᖕᒥᖕᓂᒡᓗ, ᐆᒪᔪᕐᑕᖃᕐᓗᓂᓗ ᐅᓄᕐᑐᕐᔪᐊᓂᒃ!”
Currently Selected:
ᔫᓇᐅᑉ ᐊᒡᓚᖏᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
