ᔫᓇᐅᑉ ᐊᒡᓚᖏᑦ 3
3
ᔫᓇᐅᑉ ᓈᓚᖕᓂᖓ ᐊᑕᓂᕐᒥᒃ
1ᐊᑕᓂᐅᓪᓗ ᔫᓇ ᐅᖃᐅᑎᒃᑲᓐᓂᕐᐹ ᑭᖑᓪᓕᕐᒥᒃ, ᐅᖃᕐᓗᓂ: 2“ᒪᑭᓪᓗᑎᑦ ᓂᓂᕕᒧᑦ ᐂᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ, ᓂᐱᖅᑯᕐᑐᓗᑎᓪᓗ ᐊᔪᕆᕐᑐᒃᑭᑦ ᐅᖃᐅᓯᕆᔭᓐᓂᒃ ᐃᓕᖕᓄᑦ.” 3ᑕᕝᕙ ᔫᓇ ᓂᑯᕕᑉᐳᖅ ᐊᐅᓪᓚᕐᐳᕐᓗ ᓂᓂᕕᒧᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓂᓂᕕᓗ ᐃᒡᓗᒐᓴᒡᔪᐊᖑᕗᖅ ᐊᖏᔪᐊᓘᓪᓗᓂ ᑬᕙᓪᓚᒐᒃᓴᐅᒐᔭᕐᓗᓂ ᐅᓪᓗᓂᒃ ᐱᖓᓱᓂᒃ. 4#ᒫᑎᐅᓯ 12:41; ᓘᑲᓯ 11:32.ᔫᓇᓗ ᐃᑎᓕᕐᐳᖅ ᐃᒡᓗᒐᓴᒡᔪᐊᓄᑦ, ᐅᓪᓗᓕᒫᕐᓕ ᐃᖏᕐᕋᓚᐅᕐᓗᓂ, ᓂᐱᖅᑯᕐᑐᓪᓗᓂ ᐅᖃᓕᕐᐳᖅ, “ᐅᓪᓗᑦ 40 ᓈᒃᐸᑕ ᓂᓂᕕ ᐊᓯᕈᕐᑕᐅᓂᐊᓕᕐᐳᖅ!”
5ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.
6ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ. 7ᐱᖁᔨᑦᔪᑎᓕᐅᕐᐳᕐᓗ ᒪᓕᒃᑕᐅᔭᕆᐊᖃᕐᑐᓂᒃ ᓂᓂᕕᒥᐅᑦ ᐃᓄᖏᓪᓄᑦ ᐃᒤᓕᔪᓂᒃ: “ᐃᓄᐃᓪᓘᓐᓃᑦ ᓂᕐᔪᑎᓪᓘᓐᓃᑦ ᐃᒻᒧᒃᓯᐅᒊᓪᓘᓐᓃᑦ ᓰᐱᓪᓘᓐᓃᑦ ᓂᕆᔪᒃᓴᐅᓐᖏᓚᑦ ᓱᓇᒥᒡᓘᓐᓃᑦ, ᐃᒥᕐᑐᒃᓴᐅᓇᑎᒡᓗ. 8ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ. 9ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”
10ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.
Currently Selected:
ᔫᓇᐅᑉ ᐊᒡᓚᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
