ᔪᐃᓕᐅᑉ ᐊᒡᓚᖏᑦ 3
3
ᒎᑎᐅᑉ ᐃᓅᖃᑎᒋᒡᔪᐊᑦ ᐃᖅᑲᕐᑐᕈᒫᕐᐰᑦ
1“ᑕᑯᒋᑦᓯ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ,
ᔨᕉᓴᓕᒥᑦ ᔫᑕᒥᓪᓗ ᐊᓯᐅᔨᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ.
2ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ,
ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ,
ᑍᑲᓂᓗ ᐃᖅᑲᕐᑐᕈᒫᕐᐸᒃᑲ,
ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ,
ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ;
ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.
3ᐃᓄᖁᑎᓐᓂᒡᓗ ᓇᓚᐅᑦᑖᕈᑎᒃᑯᑦ ᓂᐅᕐᕈᑎᖃᓚᐅᕐᑐᑦ,
ᓄᑲᑉᐱᐊᒥᒡᓗ ᐊᑭᓕᐅᑎᖃᓚᐅᕐᐳᑦ ᐊᕐᓇᒧᑦ ᓄᓕᐊᒐᕐᒧᑦ,
ᓂᕕᐊᕐᓵᒥᒡᓗ ᓂᐅᕐᕈᑎᖃᓚᐅᕐᐳᑦ ᕔᓂᒧᑦ, ᐃᒥᕈᒪᓪᓗᑎᒃ.
4 #
ᐂᓮᐊᓯ 23:1-18; ᐃᓯᑭᐊᓕ 26:1—28:26; ᐂᒨᓯ 1:9,10; ᓴᑲᕅᐊ 9:1-4; ᒫᑎᐅᓯ 11:21,22; ᓘᑲᓯ 10:13,14. #
ᐂᓮᐊᓯ 14:29-31; ᔨᕆᒤᐊ 47:1-7; ᐃᓯᑭᐊᓕ 25:15-17; ᐂᒨᓯ 1:6-8; ᔨᐸᓁᐊ 2:4-7; ᓴᑲᕅᐊ 9:5-7. “ᓱᓇᒦᒃ ᐊᑭᕋᕐᑑᑎᒃᓴᖃᕐᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᕐᓗᖓ ᐊᑭᒋᐊᕐᓂᓯ ᐃᓕᓯᓐᓄᑦ ᐱᑎᓐᓂᐊᕐᐸᕋ. 5ᑎᒍᓯᓚᐅᕋᑦᓯ ᓯᐅᕕᕆᖁᑎᓐᓂᒃ ᒎᓗᖁᑎᓐᓂᒡᓗ, ᐊᐅᓪᓚᕈᑦᔨᓚᐅᕋᑦᓯᓗ ᐱᐅᓂᕐᐹᖁᑎᓐᓂᒃ ᑐᒃᓯᐊᕐᕕᓯᓐᓄᑦ. 6ᔫᑕᐅᑉ ᔨᕉᓴᓕᐅᓪᓗ ᐃᓄᖏᓐᓂᒃ ᓂᐅᕐᕈᑎᖃᓚᐅᕋᑦᓯ ᒍᕇᑭᓄᑦ, ᐊᐅᓪᓚᐅᑎᔪᒪᓪᓗᒋᑦ ᐅᖓᓯᒃᑐᒧᑦ ᓄᓇᖁᑎᖏᑕ ᓯᓚᑖᓄᑦ. 7ᑕᑯᒋᑦ, ᒪᑭᑎᑦᓱᕙᒃᑲ ᓄᓇᓂᑦ ᓂᐅᕐᕈᑎᖃᕐᕕᒋᓚᐅᕐᑕᑦᓯᓐᓂᑦ, ᐱᓂᐊᕐᓂᕆᓚᐅᕐᑕᓯᓗ ᐃᓕᓯᓐᓄᑦ ᐱᑎᓐᓂᐊᕐᐸᕋ. 8ᐃᕐᓂᓯᓗ ᐸᓂᓯᓗ ᓂᐅᕐᕈᑎᒋᔪᒫᕐᐸᒃᑲ, ᔫᑕᐅᑉ ᐃᓄᖏᓐᓄᑦ, ᓂᐅᕐᕈᑎᒋᔪᒫᕐᐰᓪᓗ ᓴᐱᐊᓂᒥᐅᓄᑦ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ; ᐊᑕᓂᖅ ᐅᖃᕐᐳᖅ.
9ᐃᓅᖃᑎᒌᒡᔪᐊᑦ ᐅᖃᐅᑎᓯᒋᑦ:
‘ᐸᕐᓁᓕᕆᑦᓯ ᐅᓇᑕᕐᓂᕐᒧᑦ!
ᐊᖑᑏᑦ ᐅᓇᑕᕈᓐᓇᕐᑐᑦ ᐸᕐᓇᖁᓯᒋᒃ,
ᐊᖑᑎᓕᒫᑦ ᐅᓇᑕᕐᑐᒃᓮᑦ ᕾᖁᓯᒋᒃ ᐅᓇᑕᕆᐊᓕᕐᓗᑎᒡᓗ.
10 #
ᐂᓮᐊᓯ 2:4; ᒤᑲ 4:3. ᓴᕕᕋᔧᑦ ᓄᓇᒥᒃ ᒪᒃᐱᕐᑎᕆᑦᔪᑏᑦ ᑲᓱᐊᕐᓗᒋᑦ ᓴᕕᒡᔪᐊᓕᐊᕆᓯᒋᑦ,
ᓇᐹᕐᑑᓪᓗ ᐊᕙᓚᖓᔪᖏᓐᓂᒃ ᓇᑲᑎᕆᑦᔪᑏᑦ ᖃᓗᒋᐊᕈᕐᑎᓯᒋᑦ,
ᓴᓐᖐᑦᑐᑦ ᐅᖃᓕᕐᓕᑦ, “ᐅᓇᑕᕐᑐᒃᓴᐅᕗᖓ.”
11ᑲᑎᓗᓯ ᕾᓕᕆᑦᓯ ᐃᓅᖃᑎᒌᒡᔪᐊᓕᒫᖑᔪᓯ,
ᓇᓂᑐᐃᓐᓈᕐᑐᑦ ᑲᑎᓕᕐᓕᑦ.’”
ᐅᓇᑕᕐᑐᒃᓴᖁᑎᑎᓪᓗ ᑕᐅᓄᖓ ᐅᓇᑕᕆᐊᖁᒃᑭᑦ, ᐊᑕᓃᖅ!
12ᐃᓅᖃᑎᒌᒡᔪᐊᑦ ᐸᕐᓇᓕᕐᓕᑦ ᕾᓗᑎᒡᓗ,
ᔨᕼᐆᓴᐸᐅᑉ ᓇᕐᓴᖓᓄᑦ.
ᑍᑲᓂ ᐃᓅᖃᑎᒋᒡᔪᐊᑦ ᐊᕙᑖᓃᑦᑐᑦ ᐃᖅᑲᕐᑐᕈᒫᐸᒃᑲ.
13 #
ᑕᑯᑎ 14:14-16;
ᑕᑯᑎ 14:19,20; 19:15. ᐱᕈᕐᑐᓂᒃ ᑭᓪᓗᐃᑦᔪᑏᑦ ᑎᒍᓕᕐᓯᒋᒃ,
ᐱᕈᕐᑐᑦ ᐱᕈᕇᕐᒪᑕ ᑲᑎᕐᓱᐃᕕᒃ ᓇᓪᓕᐅᑎᖕᒪᑦ.
ᕾᓗᓯ, ᐱᓇᓱᐊᕆᐊᕐᑐᓕᕆᑦᓯ ᐸᐅᕐᖎᑦ ᐃᑦᑏᔭᕐᓗᒋᑦ,
ᕔᓂᓕᐅᕐᕕᒃ ᑕᑕᒻᒪᑦ ᐃᒻᒥᕐᓱᕐᕕᖏᓪᓗ ᖄᒥᒻᒪᑕ,
ᐃᓅᖃᑎᒌᒡᔪᐊᑦ ᐊᔪᕐᑐᓕᓂᖏᑦ ᐊᖏᓗᐊᕐᒪᑕ.
14ᐃᓄᒋᐊᒡᑐᕐᔪᐊᕌᓗᐃᑦ ᓇᕐᓴᒦᑉᐳᑦ ᐃᖅᑲᕐᑐᕐᑕᐅᕕᖕᒥ.
ᑍᑲᓂ ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᓇᕐᓴᒥ ᐃᖅᑲᕐᑐᕐᑕᐅᕕᖕᒥ.
15ᓯᕿᓂᕐᓗ ᑕᖅᑭᕐᓗ ᑖᕐᓯᔪᒫᕐᐴᒃ,
ᐅᓪᓗᕆᐊᓪᓗ ᖃᐅᒪᔪᓐᓁᕐᓗᑎᒃ.
ᒎᑎᐅᑉ ᓮᒻᒪᕐᑎᑦᓯᔪᒫᕐᓂᖓ ᐃᓄᖁᑎᒥᓂᒃ
16 #
ᐂᒨᓯ 1:2. ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ,
ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ;
ᕿᓚᒡᓗ ᓄᓇᓗ ᓴᔪᒍᒫᕐᐴᒃ;
ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ,
ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.
17“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ.
ᐃᓂᖃᕐᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᓁᑦᑐᒥ.
ᔨᕉᓴᓕᒻ ᐃᑦᔪᕐᓁᑦᑑᔪᒫᕐᐳᖅ
ᓄᓇᖃᕐᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᕐᓯᒪᓂᐊᕈᓐᓁᕐᐳᑦ.
18ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ,
ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ,
ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ;
ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ
ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.
19ᐄᑦᔨᑉᑎᓗ ᐃᓄᖃᕈᓐᓁᕈᒫᕐᐳᖅ,
ᐄᑐᒥᓗ ᓱᓇᖃᖏᓪᓗᓂ ᐃᓄᖃᔪᐃᑦᑑᓕᕈᒫᕐᐳᖅ,
ᑲᑉᐱᐊᓱᑦᑎᑦᓯᓚᐅᕐᓂᖏᓐᓄᑦ ᔫᑕᐅᑉ ᐃᓄᖏᓐᓂᒃ,
ᑐᖁᕅᓚᐅᕐᓂᖏᓐᓂᒃ ᐸᓯᔭᒃᓴᐅᖏᑦᑐᓂᒃ ᓄᓇᖏᓐᓂ.
20ᔫᑕ ᐃᓄᕾᓐᓇᐅᔭᕐᓂᐊᕐᐳᖅ ᐃᓱᖃᖏᑦᑐᒧᑦ,
ᔨᕉᓴᓕᓗᑦᑕᐅᖅ ᐃᓄᕾᓐᓇᕐᓂᐊᕐᐳᖅ ᑭᖑᕚᕇᓂᑦ ᑭᖑᕚᕇᓄᑦ.
21ᐊᑭᓂᐊᕈᒫᕐᐸᒃᑲ ᑐᖁᑦᓯᓚᐅᕐᑐᑦ ᐸᓯᔭᒃᓴᐅᔪᓐᓃᓐᓂᐊᓐᖏᓚᓪᓗ,
ᐅᕙᖓ ᐊᑕᓂᐅᒐᒪ ᓮᐅᓂᒥ ᐃᓂᖃᕐᑐᖅ.”
Currently Selected:
ᔪᐃᓕᐅᑉ ᐊᒡᓚᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
