ᐂᒨᓯᐅᑉ ᐊᒡᓚᖏᑦ 1
1
1 #
ᐊᑕᓃᑦ ᐂᑉᐸᖏᑦ 15:1-7; ᑯᕉᓂᑲ ᐂᑉᐸᖏᑦ 26:1-23;
ᐊᑕᓃᑦ ᐂᑉᐸᖏᑦ 14:23-29. ᐅᑯᐊ ᐂᒧᓯᐅᑉ ᐅᖃᐅᓯᖏᑦ, ᓰᐱᓕᕆᔨᐅᖃᑕᐅᓚᐅᕐᑑᑉ ᑎᑯᐊᒥ, ᑕᑯᓚᐅᕐᑕᖏᑦ ᐃᓴᕆᐊᓕᒥᐅᑉ ᐱᓪᓗᒋᑦ, ᐅᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻ ᐅᓪᓗᖏᓐᓂ ᔪᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥᐅᓄᑦ, ᐊᕐᕌᒎᒃ ᒪᕐᕉᒃ ᓯᕗᓂᖓᒍᑦ ᓄᓇ ᓴᔪᒃᐱᓪᓚᓚᐅᕐᑎᓐᓇᒍ. 2#ᔪᐃᓕ 3:16.ᐅᖃᕐᐳᕐᓗ,
“ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ,
ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ;
ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ,
ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”
ᒎᑎᐅᑉ ᐃᖅᑲᕐᑐᐃᓂᖓ ᐃᓴᕆᐊᓕᒥᐅᑦ ᓯᓚᖅᑲᑎᖏᓐᓄᑦ
ᓯᕆᐊ
3 #
ᐂᓮᐊᓯ 17:1-3; ᔨᕆᒤᐊ 49:23-27; ᓴᑲᕅᐊ 9:1. ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ. 4ᐃᑯᐊᓪᓚᒃᑎᓐᓂᐊᕐᐸᕋ ᕼᐊᔧᐅᓕᐅᑉ ᐃᒡᓗᖓ, ᐊᖓᔪᖅᑳᕐᔪᐊᑉ ᐱᓐ-ᕼᐊᑖᑎᐅᑉ ᕿᒫᕕᖓ ᑕᒪᑐᒧᖓ ᓄᖑᑕᐅᓂᐊᕐᐳᖅ. 5ᑕᒫᓯᑰᓯᐅᓪᓗ ᐃᑎᕐᑕᕐᕕᖓᑕ ᓴᕕᕋᔭᖓ ᓱᕋᒃᑎᕐᓂᐊᕐᐸᕋ, ᓄᓇᖃᕐᑐᓪᓗ ᐂᕙᓐ ᓇᕐᓴᖓᓂ ᓄᖑᑎᓐᓂᐊᕐᐸᒃᑲ, ᑍᓐᓇᓗ ᑎᒍᒥᐊᕐᑐᖅ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᓂᒃ ᐱᑦ-ᐄᑕᓂᒥ; ᓯᕆᐊᓪᓗ ᐃᓄᖏᑦ ᑎᒍᔭᐅᓂᐊᕐᐳᑦ ᑭᕆᒧᑦ ᐊᐅᓪᓚᕈᑦᔭᐅᓗᑎᒃ,” ᐊᑕᓂᖅ ᐅᖃᕐᐳᖅ.
ᐱᓕᔅᑎᐊ
6 #
ᐂᓮᐊᓯ 14:29-31; ᔨᕆᒤᐊ 47:1-7; ᐃᓯᑭᐊᓕ 25:15-17; ᔪᐃᓕ 3:4-8; ᔨᐸᓁᐊ 2:4-7; ᓴᑲᕅᐊ 9:5-7. ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ. 7ᒑᓴᐅᓪᓗ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᕿᒫᕕᖏᓪᓗ ᑕᒪᑐᒧᖓ ᓄᖑᑕᐅᓂᐊᕐᐳᑦ. 8ᓄᓇᖃᕐᑐᓪᓗ ᐋᔅᑖᑦᒥ ᓄᖑᑎᓐᓂᐊᕐᐸᒃᑲ, ᐊᖓᔪᖅᑳᕐᔪᐊᓪᓗ ᑎᒃᑯᐊᕐᓯᑦᔪᑎᖓᓂᒃ ᑎᒍᒥᐊᕐᑐᖅ ᐊᓯᑭᓗᓂᒥ; ᐊᒡᒐᒃᑲᓗ ᓵᑎᓐᓂᐊᕐᐸᒃᑲ ᐃᑯᕋᓂᒧᑦ, ᐱᓕᔅᑍᓂᒥᐅᓪᓗ ᐊᒥᐊᒃᑯᖏᑦ ᓄᖑᓐᓂᐊᕐᐳᑦ,” ᐊᑕᓂᖅ ᒎᑎ ᐅᖃᕐᐳᖅ.
ᑍᕋ
9 #
ᐂᓮᐊᓯ 23:1-18; ᐃᓯᑭᐊᓕ 26:1—28:19; ᔪᐃᓕ 3:4-8; ᓴᑲᕅᐊ 9:1-4; ᒫᑎᐅᓯ 11:21,22; ᓘᑲᓯ 10:13,14. ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ. 10ᑍᕆᐅᓪᓗ ᐃᒡᓗᕐᔪᐊᖓᑕ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓ ᕿᒫᕕᖏᑦ ᐊᓯᕈᕐᑕᐅᖁᓪᓗᒋᑦ.”
ᐄᑐᒥ
11 #
ᐂᓮᐊᓯ 34:5-17; 63:1-6; ᔨᕆᒤᐊ 49:7-22; ᐃᓯᑭᐊᓕ 25:12-14; 35:1-15; ᐅᐸᑍᐊ 1:1-14; ᒪᓚᑬ 1:2-5. ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ. 12ᑏᒪᓐ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᐳᔾᕋᒥᐅᑦ ᕿᒫᕕᖏᑦ ᓄᖑᑕᐅᓂᐊᕐᐳᑦ.”
ᐋᒪᓐ
13 #
ᔨᕆᒤᐊ 49:1-6; ᐃᓯᑭᐊᓕ 21:28-32; 25:1-7; ᔨᐸᓁᐊ 2:8-11. ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ. 14ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ. 15ᐊᖓᔪᖅᑳᕐᔪᐊᖓᓗ ᑎᒍᔭᐅᔪᒫᕐᐳᖅ ᐊᐅᓪᓚᕈᑦᔭᐅᓗᓂ, ᐊᖓᔪᖅᑳᖁᑎᖏᓪᓗ ᐊᑕᐅᑦᓯᒃᑯᑦ,” ᐊᑕᓂᖅ ᐅᖃᕐᐳᖅ.
Currently Selected:
ᐂᒨᓯᐅᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
