ᔫᐱᐅᑉ ᐊᒡᓚᖏᑦ 6
6
ᔫᐱ
1ᑕᕝᕙ ᔫᐱ ᑭᐅᕗᖅ:
2“ᐊᑲᐅᖏᑦᔪᑎᒃᓴᖃᐅᕐᓂᕆᔭᒃᑲ ᕿᒃᓵᖕᓂᕆᔭᒃᑲᓗ
ᐅᖁᒤᓐᓂᕐᓯᐅᑎᓄᑦ ᐅᖁᒤᓐᓂᕐᓂᐊᕐᑕᐅᒐᔭᕐᐸᑕ,
3ᐅᖁᒤᓐᓂᕐᓴᐅᒐᔭᕐᐳᑦ ᓯᐅᕋᕐᓂᑦ ᐃᒪᐅᑉ ᓯᓈᓃᑦᑐᓂᑦ;
ᑍᒤᒻᒪᑦ ᐅᖃᐅᓯᕆᔭᒃᑲ ᑐᓴᓕᒪᓇᖏᑦᑐᑦ ᑲᒪᓂᐊᕈᑎᒋᓂᐊᕐᓇᒋᑦ.
4ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ;
ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ;
ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.
5ᓯᐅᑎᖅᑯᕐᑐᔪᖅ ᓂᑦᔮᓲᖑᕚ ᐃᕕᖕᓂᒃ ᓂᕆᓕᕌᖓᒥ?
ᐃᒻᒧᒃᓯᐅᒐᐅᓪᓗ ᐸᖕᓂᖓ ᓂᑦᔮᓲᖑᖏᓐᓂᕗᖅ ᐃᕕᖕᓂᒃ ᓂᕆᓪᓗᓂ.
6ᑭᓇ ᓂᕆᔪᓐᓇᕐᐹ ᑎᐱᖃᖏᑦᑐᓂᒃ ᑕᕆᐅᖃᖏᑦᑐᓂᒡᓗ?
ᐅᕝᕙᓗ ᑎᐱᖃᓲᖑᕚ ᒪᓐᓂᐅᑉ ᖃᑯᕐᓂᖓ?
7ᑍᒤᑦᑐᓂᒃ ᓂᕿᓂᒃ ᓂᕆᔪᒪᖏᑦᓯᐊᕐᐳᖓ;
ᑕᒪᒃᑯᐊ ᓂᕆᑐᐊᕈᒃᑭᑦ ᒥᕆᐊᓐᖑᓕᕐᑎᑕᒐᔭᕐᐳᖓ.
8ᖃᓄᕐᑐᖅ ᑐᒃᓯᐊᕐᓂᕋ ᑭᐅᔭᐅᓚᐅᕐᓕ,
ᒎᑎᐅᓪᓗ ᐱᔪᒪᔭᓐᓂᒃ ᑐᓂᓯᕕᒋᓗᓂᖓ;
9ᒎᑎᐅᑉ ᓱᕋᒐᓱᐊᕈᒪᓗᓂᖓ ᐱᓇᓱᐊᕈᒪᒍᓂ,
ᐱᐅᓂᕐᓴᐅᓕᕋᔭᕐᐳᖅ ᓴᒃᑯᓪᓗᓂᖓ ᑐᖁᑦᓯᐊᒻᒪᕆᒃᑯᓂᖓ!
10ᑍᒤᑐᐊᕐᐸᑦ ᖁᕕᐊᓱᖕᓂᕐᒧᑦ ᓯᕆᒐᔭᕐᐳᖓ ᐋᓐᓂᐊᕋᓗᐊᕈᒪ;
ᐃᑦᔪᕐᓁᑦᑑᑉ ᐅᖃᐅᓯᖏᓐᓂᒃ ᓈᓚᖏᑦᑑᓚᐅᕐᓯᒪᖏᓐᓇᒪ.
11ᓱᓇᒥᒃ ᓴᓐᖏᔫᑦᔪᑎᒃᓴᖃᓕᕐᐳᖔ ᐃᓅᒃᑲᓐᓂᕋᓱᐊᕈᑎᒃᓴᒥᒃ?
ᓱᖕᒪᓪᓗ ᓱᓕ ᐃᓅᔪᒃᓴᐅᕗᖓ ᓂᕆᐅᒋᔭᒃᓴᖃᕈᓐᓁᕐᓗᖓ?
12ᓴᓐᖏᓂᕋ ᐅᔭᕋᒃᑎᑐᑦ ᓯᑎᔫᓪᓗᓂ ᓴᓇᔭᐅᓯᒪᕚ?
ᑎᒥᒐᓗ ᑲᓐᓄᔭᑎᑐᑦ ᑍᒤᑉᐹ?
13ᓄᑭᖃᕈᓐᓁᕋᒪ ᐅᕙᓐᓂᒃ ᐃᑲᔪᕈᓐᓁᓪᓕᕗᖓ,
ᓇᓪᓕᐊᓐᓄᓪᓘᓐᓃᑦ ᐃᑲᔪᕐᑕᐅᔪᓐᓁᓪᓕᕗᖓ.
14ᑍᒤᑦᑑᑎᓪᓗᖓ ᐱᑦᓯᐊᕐᑎᒋᔭᓐᓂᒃ ᐱᖃᓐᓇᕆᔭᖃᕆᐊᖃᕐᐳᖓ,
ᒎᑎᒥᒃ ᐊᔪᒐᖃᖏᑦᑐᒥᒃ ᕿᒤᓯᒪᒐᓗᐊᕈᒪ ᕿᒤᓯᒪᖏᒃᑯᒪᓘᓐᓃᑦ.
15ᐃᓚᒃᑲ ᐅᕙᓐᓂᒃ ᓴᓂᖅᑯᐃᓐᓁᓯᒪᕗᓯ, ᑰᒃᑎᑐᑦ ᐃᖏᕐᕋᔪᑎᑐᑦ.
16ᑰᒃᑎᑐᑦ ᓯᒥᒃᑕᐅᓯᒪᔪᑎᑐᑦ ᐊᐳᒻᒧᑦ ᓂᓚᖕᒧᓪᓗ.
17ᐅᖅᑰᓯᖕᒪᑦ ᐃᒪᖃᕈᓐᓃᖃᑦᑕᕐᑐᑎᑐᑦ,
ᑰᕕᓂᐅᓪᓗ ᐃᖅᑲᕕᓂᖓᑐᑦ ᓴᖅᑭᔮᓕᕐᑐᑐᑦ ᐸᓂᕐᓯᒪᓕᕐᑐᑎᑐᓪᓗ.
18ᐅᖓᓯᒃᑐᒧᑦ ᐃᖏᕐᕋᕙᒃᑐᑦ ᐃᒪᕐᓯᐅᕐᓗᑎᒃ ᐊᓯᐅᕗᑦ;
ᓇᒧᑐᐃᓐᓇᖅ ᑐᑮᕈᑎᒐᒥᒃ ᑐᖁᕗᑦ, ᐃᓄᖃᖏᑦᑐᒥ.
19ᐅᖓᓯᒃᑐᒧᑦ ᐃᖏᕐᕋᕙᒃᑐᑦ
ᓰᐸᒥᑦ ᑏᒪᒥᓪᓗ ᐱᔪᑦ ᕿᓂᕆᐊᓕᕐᐳᑦ.
20ᓇᓂᓯᓂᐊᕆᐊᒥᓂᒃ ᓂᕆᐅᖕᓂᖃᕈᓐᓁᕐᐳᑦ;
ᑰᒐᓛᕕᓂᐅᑉ ᐸᓂᕐᓯᒪᓕᕐᑑᑉ ᓴᓂᐊᓄᐊᕋᒥᒃ.
21ᐃᓕᑦᓯ ᒫᓐᓇ ᑰᒐᓛᑎᑐᑦ ᑍᒤᑦᑑᕗᓯ ᐅᕙᓐᓄᑦ;
ᖃᓄᐃᓐᓂᕆᔭᒃᑲ ᑕᑯᒐᑦᓯᐅᒃ ᐅᖓᕙᕆᐊᕐᐳᓯ ᓯᕘᕋᓂᕐᒧᑦ.
22ᑐᓂᓯᕕᐅᔪᒪᓪᓗᖓ ᐱᔪᒪᓚᐅᕐᓯᒪᕗᖔ ᐃᓕᑦᓯᓐᓂᑦ?
ᐱᖁᑎᑦᓯᓐᓂᒃ ᐊᑭᓖᓗᖓ ᓯᓔᕐᕆᒃᓯᓂᒃᑯᑦ ᐱᔪᒪᓚᐅᕐᓯᒪᕗᖔ?
23ᐅᕝᕙᓗ ᐊᑭᕋᕐᑐᕐᑎᓐᓂᑦ ᐃᓕᑦᓯᓐᓄᑦ ᓴᐳᑎᔭᐅᔪᒪᓚᐅᕐᓯᒪᕗᖔ?
ᐅᕝᕙᓗ ᐅᖁᒤᒃᓴᕐᑎᑦᓯᔨᓐᓂᑦ ᓂᐅᕕᐊᕆᓗᓯᓐᖓ ᐲᕐᑎᓚᐅᕐᓯᒪᕕᓯᓐᖔ?
24ᐊᑏ, ᐊᔪᕆᕐᑐᓚᐅᕐᓯᓐᖓ ᓂᐱᖃᕐᓂᐊᓐᖏᓚᖓ;
ᖃᓄᖅ ᐸᓯᔭᒃᓴᐅᓂᖃᕐᒪᖔᕐᒪ ᑐᑭᓯᑎᓚᐅᕐᓯᓐᖓ.
25ᓱᓕᔪᑦ ᐅᖃᐅᓰᑦ ᓱᖅᑯᐃᕐᓯᑎᑦᓯᔪᓐᓇᕐᐳᑦ!
ᐃᓕᑦᓯᓕ ᐅᖃᓪᓚᖃᑦᑕᕐᐳᓯ ᑐᑭᖃᖏᑦᓯᐊᕐᑐᓂᒃ.
26ᐅᖃᓪᓚᒐᓱᒋᕕᓯᓐᖔ ᑐᑭᖃᖏᑦᑐᓂᒃ ᐊᓄᕆᑎᑐᑦ ᑍᒤᑦᑐᓂᒃ;
ᓱᖕᒪᓪᓕ ᐅᖃᐅᓯᒃᑲ ᑭᐅᖃᑦᑕᕐᐱᓯᐅᒃ ᓂᕆᐅᖕᓂᖃᖏᑦᓯᐊᕐᓗᓯ?
27ᐊᒡᓛᑦ ᐃᓕᐊᕐᔪᖕᓂᒃ ᓇᓛᐅᑦᓵᕈᑎᑎᒍᑦ ᓯᐊᓛᕐᑖᕋᓱᐊᕐᐸᒃᐳᓯ,
ᐊᔪᕐᓴᕈᓐᓃᕐᑎᓯᒪᓪᓗᓯᓗ ᐱᖃᓐᓇᕆᔭᑦᓯᓐᓂᒃ ᓯᓔᕐᕆᓯᖃᑦᑕᕐᓂᒃᑯᑦ!
28ᐅᕙᓐᓄᑦ ᑕᑯᓴᑦᓯᐊᓚᐅᕆᑦᓯ;
ᐃᓕᑦᓯᓐᓄᑦ ᓴᒡᓗᑦᔮᖏᑦᑐᖓ.
29ᐱᓕᕆᓇᓱᐊᕐᓂᓯ ᓈᒻᒪᓕᕐᐳᖅ ᐱᑦᓯᐊᖏᓐᓇᓱᐊᕈᓐᓁᕆᑦᓯ.
ᓯᕗᓂᕐᓗᖁᔪᓐᓁᕐᓯᓐᖓ, ᓈᒻᒪᓈᕐᓯᒪᒐᒪ.
30ᓱᓕ ᓴᒡᓗᓇᓱᒋᕕᓯᓐᖔ?
ᑕᒻᒪᕐᑐᒥᒃ ᖃᐅᔨᔪᓐᓇᕋᓱᒋᓐᖏᓚᑦᓯᓐᖔ?”
Currently Selected:
ᔫᐱᐅᑉ ᐊᒡᓚᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
