ᔫᐱᐅᑉ ᐊᒡᓚᖏᑦ 5
5
1“ᔫᐲ, ᕾᒐᓛᓚᐅᕆᑦ ᑭᐅᔪᖃᕐᓂᐊᕐᒪᖔᑦ;
ᓇᓪᓕᐊᓐᓂᒃ ᐃᑦᔪᕐᓁᑦᑐᒥᒃ ᐃᑲᔪᕐᑎᖃᕈᒪᒐᔭᕐᐲᑦ?
2ᐃᓕᖕᓂᒃ ᐃᓱᒪᔮᕈᑎᒋᓂᕐᒧᑦ ᑐᖁᑐᐃᓐᓇᓕᕈᕕᑦ,
ᐃᒻᒥᓂᒃ ᐊᓐᓂᕆᔪᓐᓃᕐᓗᑎᑦ ᑕᒪᓐᓇ ᓯᓔᓐᓂᐅᒐᔭᕐᐳᖅ,
ᐊᑑᑎᖃᖏᑦᓯᐊᕐᑐᒥᒡᓗ ᐱᓇᓱᐊᕐᓂᐅᓪᓗᓂ.
3ᑕᑯᖃᑦᑕᕐᓯᒪᕗᖓ ᓯᓔᑦᑐᓂᒃ ᖃᓄᐃᓐᓂᐅᓴᖏᑦᑑᔮᕐᑐᓂᒃ,
ᑕᕝᕔᓐᓇᕐᓕ ᐊᖏᕐᕋᖏᑦ ᐅᖃᕐᓂᕐᓘᑕᐅᓂᕐᒧᑦ ᑎᑭᑎᓯᒪᕙᒃᑲ.
4ᐃᕐᓂᖏᑦ ᐊᑦᑕᕐᓇᖏᑦᑐᒦᓐᖏᓚᑦ,
ᐃᑎᕐᑕᕐᕖᑦ ᐅᒃᑯᐊᖏᓐᓂ ᓯᖁᒥᑕᐅᓂᐊᕐᐳᑦ,
ᐃᑲᔪᕐᑎᒃᓴᖃᕐᓂᐊᕋᑎᒡᓗ ᓇᓪᓕᐊᓐᓂᒡᓘᓐᓃᑦ.
5ᑳᒃᑐᑦ ᐱᕈᕐᓰᕕᖓᓂᑦ ᓂᕆᕗᑦ,
ᑲᑭᓪᓚᕐᓇᕐᑐᑦ ᐊᑯᓐᓂᖓᓂ ᐊᒡᓛᑦ ᐱᕈᕐᓯᒪᕗᑦ;
ᐃᒥᕈᒃᑐᓪᓗ ᐃᒥᕐᓂᐊᕐᐳᑦ ᐊᔪᕐᓴᖏᑦᔪᑎᖏᓐᓂᒃ.
6ᐋᓐᓂᐊᑎᑕᐅᓂᖅ ᐳᔪᕋᕐᒥᑦ ᐱᕈᕐᐸᓐᖏᓚᖅ,
ᐊᑲᐅᖏᑦᔪᑎᖃᕐᓂᕐᑕᐅᖅ ᓄᓇᒥᑦ ᐱᕈᕐᐸᖏᓐᓂᕗᑦ.
7ᐃᓄᒡᓕ ᐃᕐᓂᐊᖑᕙᒃᐳᖅ ᐊᑲᐅᖏᑦᔪᑎᖃᕐᑐᒧᑦ,
ᐊᐅᒤᑦ ᖁᒻᒧᑦ ᐱᒃᓯᒐᕐᐸᖕᓂᖏᑎᑐᑦ ᐃᑯᒪᔪᒥᑦ.
8ᐅᕙᖓᓕ, ᒎᑎᒧᑦ ᓵᓕᕋᔭᕐᐳᖓ,
ᐊᑐᕐᑕᒃᑲᓗ ᒎᑎᒧᑦ ᓴᖅᑭᑎᓐᓇᔭᕐᐸᒃᑲ;
9ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ,
ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.
10ᓄᓇᒧᑦ ᓯᓚᓗᒃᑎᑦᓯᖃᑦᑕᕐᐳᖅ
ᐱᕈᕐᓰᕖᓪᓗ ᐃᒻᒥᕐᓱᖃᑦᑕᕐᐰᑦ;
11ᒎᑎ ᓇᓗᖅᑯᑎᔪᓂᒃ ᒪᑭᑎᑦᓯᖃᑦᑕᕐᐳᖅ,
ᐃᓚᓐᖓᕐᓂᕐᒧᓪᓗ ᕿᒃᓵᒃᑐᑦ ᖃᑭᑎᖃᑦᑕᕐᐰᑦ.
12 #
1 ᑯᕆᓐᑎ 3:19. ᐱᓐᖏᓯᕐᑐᕐᑐᑦ ᐋᖅᑭᒃᓱᕋᓱᐊᕐᑕᖏᑦ ᑲᔪᓯᔪᓐᓇᕐᑎᓐᖏᓔᑦ,
ᐱᓕᕆᐊᕆᓇᓱᒃᑕᕋᓗᐊᒥᖕᓂᒃ ᐋᖅᑭᒃᓯᔪᓐᓇᕐᑎᓐᓇᓂᒋᑦ.
13ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ;
ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.
14ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ,
ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.
15ᒎᑎᐅᓪᓕ ᐊᔪᕐᓴᕐᑐᑦ ᑐᖁᒥᑦ ᐱᐅᓕᕔᑦ,
ᐃᑲᔪᕐᑕᐅᔭᕆᐊᓖᑦ ᐊᔪᖏᑦᑐᕐᔪᐊᓂᑦ ᐱᐅᓕᓪᓗᒋᑦ.
16ᑕᕝᕙ ᐊᒃᓱᔪᖅ ᓂᕆᐅᒋᔭᒃᓴᖃᕐᐳᖅ,
ᐊᑦᔨᒌᒃᑎᑦᓯᖏᑦᑐᕐᓗ ᓂᐸᖏᕐᑎᓪᓗᒍ.
17 #
ᓲᓗᒨᓂ 3:11,12; ᐄᑉᕈᐃᓄᑦ 12:5,6. ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ;
ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.
18 #
ᕼᐆᓯᐊ 6:1. ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ;
ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.
19ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ;
7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.
20ᑳᖕᓇᕐᑐᖃᕐᐸᑦ ᑖᑦᓱᒪ ᑐᖁᒥᑦ ᓴᐳᑎᓂᐊᕐᐹᑎᑦ,
ᐅᓇᑕᕐᓂᕐᒥᓗ ᓴᕕᒡᔪᐊᑉ ᐱᔪᓐᓇᕐᓂᖓᓂᑦ ᓴᐳᑎᓗᑎᑦ.
21ᑖᑦᓱᒪ ᐃᔨᕐᑎᓯᒪᔪᒫᕐᐹᑎᑦ ᐅᖃᕐᓂᕐᓗᒡᕕᐅᓂᕐᒥᑦ,
ᐊᓯᕈᕐᑕᐅᓂᕐᓗ ᐃᕐᓯᒋᔪᒫᓐᖏᓚᑦ ᑎᑭᒐᓗᐊᕐᐸᑦ.
22ᐊᓯᕈᕐᑕᐅᓂᖅ ᑳᖕᓇᕐᑐᕐᓗ ᐃᔪᕆᔪᒫᕐᐹᒃᑭᒃ,
ᐃᕐᓯᔪᒫᖕᓇᒡᓗ ᓂᕐᔪᑎᓂᒃ ᓄᔪᐊᕐᑐᓂᒃ ᓄᓇᒦᑦᑐᓂᒃ.
23ᐱᕈᕐᓰᕕᖕᒥ ᐃᑎᕐᓴᓕᐅᕆᓕᕈᕕᑦ ᐊᖏᖃᑎᒌᒃᓯᒪᓂᒃᑯᑦ ᐅᔭᕋᖃᕈᒫᓐᖏᓚᖅ,
ᓂᕐᔪᑎᓄᓪᓗ ᓄᔪᐊᕐᑐᓄᑦ ᐱᕈᕐᓰᕕᖕᒥ ᑲᒪᒋᔭᐅᔪᒫᓐᖏᓚᑎᑦ.
24ᖃᐅᔨᔪᒫᕐᐳᑎᑦ ᑐᐲᑦ ᐊᑦᑕᕐᓇᕐᑐᖃᖏᓐᓂᖓᓂᒃ;
ᓰᐱᖁᑎᑎᓪᓗ ᖃᐅᔨᓴᕈᕕᒋᑦ ᐊᓯᐅᓯᒪᔪᖃᕈᒫᓐᖏᓚᑦ.
25ᐊᒻᒪ ᖃᐅᔨᔪᒫᕐᐳᑎᑦ ᑭᖑᕚᕕᑦ ᐅᓄᕐᑐᐊᓘᔪᒫᕐᓂᖏᓐᓂᒃ,
ᕿᑐᕐᖓᑎᑦ ᓄᓇᐅᑉ ᐃᕕᒐᖏᑎᑐᑦ ᐅᓄᕐᑎᒋᔪᒫᕐᐳᑦ.
26ᐃᓄᑐᖃᒻᒪᕆᐅᓕᕐᑎᓪᓗᑎᑦ ᐃᓗᕕᕐᑕᐅᔪᒫᕐᐳᑎᑦ,
ᓂᐊᖂᔭᒃᓮᑦ ᕿᐱᑍᑦ ᓯᖃᓪᓕᓯᕕᖕᒧᐊᕐᑕᐅᕙᖕᓂᖏᑎᑐᑦ ᓇᓪᓕᐅᓐᓂᖓᓂ.
27ᑕᒪᓐᓇ ᑐᑭᓯᓇᓱᐊᕐᓯᒪᒐᑦᑎᒍ; ᓱᓕᓂᖓ ᖃᐅᔨᓯᒪᕙᕗᑦ.
ᑍᒤᒻᒪᑦ, ᓈᓚᒃᑭᑦ ᐃᓕᖕᓄᑦ ᐱᕙᓪᓕᐅᑎᒃᓴᐅᖕᒪᑕ.”
Currently Selected:
ᔫᐱᐅᑉ ᐊᒡᓚᖏᑦ 5: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
