ᔫᐱᐅᑉ ᐊᒡᓚᖏᑦ 4
4
ᓯᕗᓪᓕᕐᐹᖅ ᐅᖃᖃᑎᒌᖕᓂᖅ
4:1—14:22
ᐃᓕᐹᓯ
1ᑕᕝᕙ ᐃᓕᐹᓯ ᑎᒪᓁᑎᒥᐅᑕᖅ ᑭᐅᕗᖅ ᐅᖃᕐᓗᓂ:
2“ᔫᐲ, ᐊᑲᐅᒃᓴᕋᔭᓐᖏᓚᑏᑦ ᐅᖃᓪᓚᒡᕕᒋᒍᒃᑭᑦ?
ᓂᐱᖃᖏᑦᑕᕆᐊᒃᓴᖅ ᐊᔪᓕᕋᒪ.
3ᑕᑯᒋᑦ, ᐅᓄᕐᑐᓂᒃ ᐃᓕᓐᓂᐊᕐᑎᑦᓯᓯᒪᕗᑎᑦ,
ᓴᓐᖐᑦᑐᓂᒡᓗ ᓄᑭᒃᑖᕐᑎᑦᓯᖃᑦᑕᕐᓯᒪᓪᓗᑎᑦ.
4ᐹᓪᓚᒃᑐᖃᕌᖓᑦ ᐅᖃᐅᓯᒃᑯᑦ ᓂᑯᕕᑎᑦᓯᖃᑦᑕᕐᓯᒪᕗᑎᑦ,
ᓴᓐᖐᓕᓯᒪᔪᓂᒡᓗ ᒪᑭᑎᑦᓯᖃᑦᑕᕐᓯᒪᓪᓗᑎᑦ.
5ᒫᓐᓇᓕ ᐊᑲᐅᖏᑦᑐᒧᑦ ᑎᑭᑕᐅᒐᕕᑦ, ᕿᓄᐃᓵᕈᓐᓁᓪᓕᕗᑎᑦ;
ᑕᒪᑐᒧᖓᓗ ᐊᒃᑐᕐᑕᐅᒐᕕᑦ, ᖁᐊᕐᓵᖓᓕᕐᐳᑎᑦ.
6ᒎᑎᒥᒃ ᓯᕘᕋᓃᑦ ᑕᒪᓐᓇ ᒪᓂᒍᕈᑎᒋᖏᑉᐱᐅᒃ?
ᐃᓅᓯᕐᐱᓪᓗ ᐸᓯᔭᒃᓴᐅᓂᖃᖏᓐᓂᖓ ᓂᕆᐅᖕᓂᖃᕈᑎᒋᖏᑉᐱᐅᒃ?
7ᒫᓐᓇ ᐃᓱᒪᓚᐅᕆᑦ, ᐸᓯᔭᒃᓴᐅᖏᑦᑐᒥᒃ ᐊᓯᕈᕐᑕᐅᔪᖃᓚᐅᕐᓯᒪᕚ?
ᐅᕝᕙᓗ ᐃᓱᐊᕐᑐᓕᔪᒥᒃ ᑐᖁᑕᐅᔪᖃᓚᐅᕐᓯᒪᕚ?
8ᑕᑯᖃᑦᑕᕐᓯᒪᕗᖓ ᐱᐅᖏᑦᑐᓂᒃ ᑲᓐᖓᕐᓱᐃᓯᒪᔪᓂᒃ
ᐊᑲᐅᖏᑦᑐᓂᒡᓗ ᑲᓐᖓᕐᓱᐃᔪᑦ ᑍᒤᑦᑐᓂᒃᑕᐅᖅ ᑲᑎᕐᓱᐃᓕᕐᐸᖕᒪᑕ.
9ᒎᑎᐅᑉ ᐊᓂᕐᓂᖓᓄᑦ ᐊᓯᕈᕐᑕᐅᓯᒪᕗᑦ,
ᓂᓐᖓᐅᓯᖓᑕᓗ ᐊᓂᕐᓵᕐᕕᒋᖕᒪᒋᑦ ᓄᖑᑕᐅᕗᑦ.
10ᖃᓕᖑᐊᕐᐳᑦ ᓛᔭᑎᑐᑦ, ᐃᕐᓯᓵᕐᓗᑎᒡᓗ ᓛᔭᑎᑐᑦ ᐃᕐᓯᓇᕐᑐᑐᑦ,
ᒎᑎᐅᓪᓕ ᓂᐸᖏᕐᑎᑉᐰᑦ ᐃᓅᓱᒃᑐᓪᓗ ᓛᔭᑦ ᑭᒍᑎᖏᑦ ᓱᕋᒃᑎᕐᐰᑦ.
11ᓛᔭᑎᑐᑦ ᑍᒤᑉᐳᑦ ᓂᕆᔭᒃᓴᖃᖏᓐᓂᕐᒧᑦ ᐱᕐᓕᕐᑐᑐᑦ,
ᑐᖁᖕᒪᑕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᒃᐳᑦ.
12ᐅᖃᐅᓯᖅ ᓂᐱᑭᑦᑐᒻᒪᕆᐅᓪᓗᓂ ᐅᕙᓐᓄᑦ ᑎᑭᓚᐅᕐᐳᖅ,
ᓂᐱᑭᓐᓂᖓᓄᑦ ᐊᒡᓛᑦ ᑐᓵᔪᓐᓇᑦᓯᐊᓐᖏᓚᕋ.
13 #
ᔫᐱ 33:15. ᑕᑯᑎᑦᔪᑎᒥᒃ ᕿᒥᕐᕈᐊᓚᐅᕐᐳᖓ ᐅᓐᓄᐊᒥ,
ᐅᖁᒪᖏᐅᖅᑲᔪᑎᑐᑦ ᓯᓂᖕᓂᕋ ᑎᑭᑕᐅᓚᐅᕐᐳᖅ.
14ᓴᔪᓕᕐᓗᖓ ᓯᕘᕋᓂᕐᒧᑦ ᕿᑲᕈᓐᓁᓪᓕᕗᖓ,
ᓴᐅᓂᒃᑲᓗ ᓯᕘᕋᓂᕐᒧᑦ ᖁᐊᕐᓵᖓᓕᕐᓗᑎᒃ.
15ᑮᓇᕋ ᐊᓂᕐᓂᕐᒧᑦ ᓴᓂᖅᑯᑕᐅᖕᒪᑦ;
ᑕᕝᕙ ᑎᒥᓕᒫᓐᓃᑦᑐᑦ ᒥᖅᑯᐃᑦ ᓄᔮᓐᖒᒥᕗᑦ.
16ᑕᕝᕙ ᑕᑯᓕᕐᐳᖓ ᓯᕗᕋᓐᓂ ᓇᖏᕐᑑᔮᕐᑐᒥᒃ,
ᑕᑯᓐᓇᕋᓗᐊᕋᒃᑯ ᓱᖅᑯᐃᕈᓐᓇᓐᖏᓚᕋ ᓱᓇᐅᖕᒪᖔᑦ.
ᑕᕝᕙ ᓂᐱᖃᕐᑐᖃᕐᑎᓐᓇᒍ, ᓂᐱᒥᒃ ᑐᓴᕐᐳᖓ:
17‘ᒎᑎᐅᑉ ᓵᖓᓂ ᐃᓄᑐᐃᓐᓇᕐᒥᒃ ᓇᓛᒎᕐᑐᖃᕈᓐᓇᕐᐹ?
ᐃᓄᒃ ᐃᑦᔪᕐᓁᓐᓂᕐᓴᐅᔪᓐᓇᕐᐹ ᐱᓐᖑᕐᑎᑎᖓᑕ ᓵᖓᓂ?
18ᒎᑎ ᐱᔨᒥᓂᒃ ᐊᒡᓛᑦ ᕿᓚᖕᒦᑦᑐᓂᒃ ᑕᑎᖃᕈᓐᓇᓐᖏᓚᖅ,
ᐂᖏᓕᖁᑎᓂ ᐊᒡᓛᑦ ᓈᒻᒪᓈᖏᓐᓂᖏᑦ ᖃᐅᔨᔪᓐᓇᕐᐰᑦ.
19ᐊᖏᓂᕐᓴᒥᒡᓕ ᒪᕐᕋᕐᓂ ᐃᒡᓗᖃᕐᑐᓂᒃ ᑕᑎᖃᕈᓐᓇᓐᖏᓚᖅ,
ᐳᔪᕋᑐᐃᓐᓇᕐᒥᒃ ᑐᓐᖓᕕᖃᕐᓗᑎᒃ ᐃᓅᔪᓂᒃ,
ᖁᐱᕐᕈᑎᑐᑦ ᖃᓪᓗᓈᕐᑕᒥᒃ ᓂᕆᓲᑎᑐᑦ ᖄᕐᑕᐅᔪᓐᓇᕐᑐᓂᒃ.
20ᐅᓪᓛᑉ ᐅᓐᓅᓪᓗ ᐊᑯᓐᓂᖓᓂ ᑐᖁᑕᐅᕗᑦ;
ᐱᑕᖃᕈᓐᓃᓪᓚᕆᒃᐳᑦ ᖃᐅᔨᔭᐅᓇᑎᒃ ᒪᓗᒋᔭᐅᓇᑎᒡᓘᓐᓃᑦ.
21ᐱᓯᒪᔭᓕᒫᑦᓯᐊᖏᓪᓗ ᓄᖑᑕᐅᖃᑕᐅᕗᑦ;
ᑐᖁᕗᑦ, ᓱᓕ ᓯᓚᑐᓂᕐᒥᒃ ᐱᓚᐅᕋᑎᒃ.’”
Currently Selected:
ᔫᐱᐅᑉ ᐊᒡᓚᖏᑦ 4: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
