ᔫᐱᐅᑉ ᐊᒡᓚᖏᑦ 41
41
1 #
ᐃᓐᖏᕈᑦ 74:14; 104:26; ᐂᓮᐊᓯ 27:1. “ᓕᕔᑖᓂᒥᒃ ᐃᖃᓗᖕᓂᐅᒻᒧᑦ ᓂᕿᑕᕐᒧᑦ ᓄᓱᒃᓯᔪᓐᓇᕐᐲᑦ?
ᐅᕝᕙᓗ ᐅᖃᖓ ᐊᒃᓱᓈᒧᑦ ᕿᓚᒍᓐᓇᕐᐱᐅᒃ?
2ᕿᖓᖓᒍᑦ ᐊᒃᓱᓈᒧᑦ ᕿᓚᒍᓐᓇᕐᐱᐅᒃ,
ᐅᕝᕙᓗ ᐊᒡᓕᕈᖏᒃᑎᒍᑦ ᓂᒃᓯᒍᓐᓇᕐᐱᐅᒃ?
3ᐃᓕᖕᓄᑦ ᕿᓄᓕᕋᔭᕐᐹ ᐲᕐᑎᑕᐅᔪᒪᓗᓂ?
ᐃᓕᖕᓄᑦ ᐅᖃᓕᕋᔭᕐᐹ ᓂᑲᒋᔭᐅᔪᒪᓗᓂ?
4ᐃᓕᖕᓂᒃ ᐊᖏᖃᑎᖃᕋᓱᐊᓕᕋᔭᕐᐹ
ᐃᓕᖕᓄᑦ ᐱᔨᒋᔭᐅᔪᒪᓕᕐᓗᓂ ᐃᓱᖃᖏᑦᑐᒧᑦ?
5ᐱᓐᖑᐊᖃᑎᒋᔪᓐᓇᕋᔭᕐᐱᐅᒃ ᑎᖕᒥᐊᑎᑐᑦ ᐃᐱᕐᓯᒪᓗᒍ,
ᐅᕝᕙᓗ ᐱᔨᖕᓄᑦ ᐊᕐᓇᓄᑦ ᑕᐸᓲᑎᒋᓗᒍ ᖁᕕᐊᓲᑎᒋᔪᓐᓇᕐᐱᐅᒃ?
6ᐃᖃᓗᒐᓱᒃᑎᓄᑦ ᓂᐅᕕᕐᑕᐅᔪᒪᓗᓂ ᐊᑭᑭᒡᓕᒋᐊᕐᑕᐅᓇᓱᐊᕋᔭᕐᐹ?
ᓇᑲᑎᕐᑕᐅᒐᔭᕐᐹ ᓂᕿᓂᒃ ᐊᕕᒃᑐᐃᔨᓄᑦ ᓂᐅᕕᐊᒃᓴᐅᖁᓪᓗᒍ?
7ᕿᓯᖓ ᐴᖅᑬᕕᒋᔪᓐᓇᕐᐱᐅᒃ ᐅᓈᕐᓂᒃ,
ᐅᕝᕙᓗ ᓂᐊᖁᖓ ᐴᖅᑬᕕᒋᒐᔭᕐᐱᐅᒃ ᐃᖃᓗᒐᓲᑎᓂᒃ ᓂᒃᓯᖕᓂᒃ?
8ᐊᑕᐅᓯᐊᕐᓗᒍ ᐊᒃᑐᕈᕕᐅᒃ ᐊᒃᑐᒃᑲᓐᓂᕈᒪᔪᓐᓁᕋᔭᕐᐸᑦ;
ᐱᖀᓯᕐᓂᖓᓗ#41:8 ᐱᖀᓯᕐᓂᖓ ᐅᕝᕙᓗ ᐃᕐᓕᖕᓂᖓ ᐳᐃᒍᕈᓐᓁᓪᓕᓪᓗᒍ!
9ᑕᑯᒋᑦ, ᑍᒤᑦᑐᒥᒃ ᑕᑯᔪᖅ ᓴᐱᓕᑲᐅᑎᒋᓲᖑᕗᖅ;
ᐊᒡᓛᑦ ᑕᑯᑐᐃᓐᓇᕐᑐᖅ ᓄᓇᒧᑦ ᐹᒻᒪᒍᒪᓕᕈᓐᓇᕐᐳᖅ.
10ᑍᒤᒻᒪᑦ ᑭᓇᓘᓐᓃᑦ ᑍᒤᑦᑐᒥᒃ ᐸᒡᕕᓴᒍᒪᓐᖏᓚᖅ.
ᓇᓪᓕᐊᓪᓕ ᓇᖏᕈᓐᓇᕐᐹ ᑖᑦᓱᒪ ᓵᖓᓂ?
11ᓇᓪᓕᐊᑦ ᑍᒤᑦᑐᒥᒃ ᐱᒋᐊᕈᓐᓇᕐᐹ ᐊᑭᒋᐊᕐᑕᐅᖏᓪᓗᓂ?
ᓄᓇᕐᔪᐊᓕᒫᒥ ᑍᒤᓕᐅᕈᓐᓇᕐᑐᕐᑕᖃᓐᖏᓚᖅ.
12ᐅᖃᐅᑎᓚᐅᕐᓚᒋᑦ ᓕᕔᑖᓂᐅᑉ ᓂᐅᖏᖕᓂᒃ,
ᓇᓗᓁᕐᓗᒍᓗ ᖃᓄᖅ ᓴᓐᖏᑎᒋᓂᖓ, ᐊᔪᖏᓐᓂᖓᓗ.
13ᓇᓪᓕᐊᓐᓄᑦ ᐊᓐᓄᕌᖏᑕ ᓯᓚᓪᓕᖏᑦ ᐲᕐᑕᐅᔪᓐᓇᕐᐹᑦ?
ᑭᐊᓗ ᑲᐱᔪᓐᓇᕐᐸᐅᒃ ᖃᓕᐊᕇᕌᓗᖕᓂᒃ ᐊᑐᕐᑎᓪᓗᒍ?
14ᑭᓇᒧᑦ ᐊᒡᓕᕈᖏᒃ ᐂᑦᑕᕐᑎᑕᐅᔪᓐᓇᕐᐹᒃ,
ᑭᒍᑎᓂᒃ ᐊᕙᓗᓯᒪᑎᓪᓗᒋᒃ ᐅᓗᕆᐊᓇᕐᑐᓂᒃ?
15ᖁᓖᖓ ᓴᐴᓗᑕᖃᕐᐳᖅ ᓇᐸᐅᕐᑐᓂᒃ ᑐᓄᓕᕇᓂᒃ,
ᐃᒻᒥᖕᓄᑦ ᐊᒃᑐᐊᖃᑦᑕᐅᑎᔪᓂᒃ ᐅᔭᕋᒃᑎᑐᑦ ᓯᑎᑎᒋᔪᓂᒃ.
16ᐃᒻᒥᖕᓄᑦ ᐊᒃᑐᐊᖃᑦᑕᐅᑎᓗᐊᕐᓂᖏᓐᓄᑦ
ᐊᑯᓐᓂᖏᑎᒍᑦ ᐊᒡᓛᑦ ᐊᓂᕐᓵᕐᕕᐅᔪᓐᓇᓐᖏᓚᑦ.
17ᐃᒻᒥᖕᓄᑦ ᑲᑎᓐᖓᐅᑎᕗᑦ;
ᓂᐱᓐᖓᐅᑎᓪᓚᕆᖕᓂᖏᓐᓄᑦ ᐊᕕᑎᑕᐅᔪᓐᓇᓐᖏᓚᑦ.
18ᑕᒋᐅᕐᓂᖓ ᕿᓪᓛᒡᒋᖃᑦᑕᕐᐳᖅ ᐃᑯᒪᔪᑐᑦ,
ᐃᔨᖏᒡᓗ ᓯᕿᓂᐅᑉ ᓄᐃᕙᓪᓕᐊᓕᕐᓂᖓᑎᑐᑦ ᑍᒤᑉᐳᒃ.
19ᖃᓂᖓᓂᑦ ᐊᓂᔪᖃᕐᐳᖅ ᐃᑯᒪᔪᓂᒃ;
ᐃᑯᒪᒥᑦ ᐊᐅᒫᒡᒋᕐᑐᑎᑐᑦ ᖃᖓᑦᑕᕐᑐᖃᕐᐳᖅ.
20ᓱᕐᓗᖏᒃᑎᒍᑦ ᐳᔪᕐᒥᒃ ᐊᓂᔪᖃᖃᑦᑕᕐᐳᖅ,
ᐆᔪᓕᐅᕈᑎᐅᑉ ᑎᕐᑎᑦᑑᑉ ᐳᔫᕐᓂᖓᑎᑐᑦ ᐆᓇᕐᑎᒋᔪᓂᒃ.
21ᐊᓂᕐᓂᖓ ᐃᑯᐊᓚᔪᒥᒃ ᐊᓂᑎᑦᓯᖃᑦᑕᕐᐳᖅ;
ᐃᑯᒪᒥᒡᓗ ᐊᓂᔪᖃᖃᑦᑕᕐᐳᖅ ᖃᓂᖓᓂᑦ.
22ᖁᖓᓯᖓ ᓄᑭᓕᐊᓘᕗᖅ,
ᑲᑎᓯᔪᓕᒫᓪᓗ ᑖᑦᓱᒥᖓ ᑕᑕᒥᖃᑦᑕᕐᐳᑦ.
23ᕿᓯᖓ ᓇᐅᒃᑯᓕᒫᖅ ᓵᓐᓂᖃᓐᖏᓚᖅ,
ᖃᓕᕇᖕᓂᖓᓄᑦ ᓯᑎᔪᐊᓘᕗᖅ ᓴᕕᕋᔭᒃᑎᑐᑦ.
24ᐆᒻᒪᑎᖓ ᐅᔭᕋᒃᑎᑐᑦ ᓯᑎᔪᐊᓘᕗᖅ,
ᓯᑎᔫᕗᖅ ᓯᖃᓪᓕᓯᕕᐅᑉ ᐅᔭᕋᒃᑕᖓᑐᑦ.
25ᒪᑭᓕᑐᐊᕌᖓᑦ ᐊᔪᖏᑦᑐᕐᔪᐊᑦ ᐊᒡᓛᑦ ᑲᑉᐱᐊᓱᓕᕐᐳᑦ;
ᑲᑉᐱᐊᓱᖕᓂᕐᒧᑦ ᐊᒡᓛᑦ ᓇᖏᑐᐃᓐᓇᓕᖃᑦᑕᕐᐳᑦ.
26ᓴᕕᒡᔪᐊᒧᑦ ᑲᐱᒋᐊᕐᑕᐅᒐᓗᐊᕈᓂ ᑭᓪᓕᒃᑕᐅᔪᓐᓇᓐᖏᓚᖅ;
ᖃᓗᒋᐊᕐᒧᑦ, ᖃᕐᔪᒧᑦ, ᑲᐱᓯᑦᔪᑎᓄᓪᓗ ᑭᓪᓕᒃᑕᐅᔪᓐᓇᖏᓐᓂᕗᖅ.
27ᓴᕕᕋᔭᒃ ᐃᕕᒐᕐᑎᑐᑦ ᐊᕿᒋᑎᒋᕚ,
ᑲᓐᓄᔭᕐᓗ ᕿᔪᒃᑎᑐᑦ ᐊᐅᓂᕐᑎᑐᑦ ᐊᑭᒋᑎᒋᓪᓗᓂᐅᒃ.
28ᖃᕐᔪᒧᑦ ᕿᒫᑎᑕᐅᔪᓐᓇᓐᖏᓚᖅ;
ᐅᔭᕅᑦ ᐃᓪᓘᕆᐊᕈᑕᐅᔪᑦ ᐃᕕᒐᕐᑎᑐᑦ ᑍᒤᑉᐳᑦ ᑖᑦᓱᒧᖓ.
29ᐊᓇᐅᑍᑦ ᐃᕕᒐᕐᑎᑐᑦ ᐃᓱᒪᒋᕔᑦ;
ᓇᐅᒃᑯᑏᑦ ᓇᐅᒃᑭᐊᕈᑕᐅᔪᑦ ᒥᑕᐅᑎᒋᕔᑦ.
30ᓈᖓᑕ ᑲᕕᓯᖏᑦ ᒪᕐᕋᕕᓂᕐᑎᑐᑦ ᓯᖁᒥᓯᒪᔪᑎᑐᑦ ᐃᐱᒃᑎᒋᕗᑦ;
ᓄᓇᒥ ᐃᓂᓕᐅᕆᖃᑦᑕᕐᐳᖅ ᐃᒻᒧᒃᓯᐅᒊᑦ ᒪᕐᕋᕐᒥ ᐃᓂᓕᐅᕆᓂᖏᑎᑐᑦ.
31ᐃᒪᕐᕕᒃ ᐃᑎᔪᖅ ᑎᕐᑎᑎᑉᐹ ᐅᒃᑯᓯᒃᑐᑦ ᑎᕐᑎᑦᑐᑐᑦ;
ᐳᐂᓛᕐᑎᑉᐹ ᐅᕐᓲᑉ ᑎᕐᑎᓐᓂᖓᑐᑦ.
32ᓂᐸᕐᒪᑦ ᑕᒪᓐᓇ ᕿᒪᒃᑕᖓ ᕿᓪᓕᑑᓕᕐᐳᖅ;
ᐃᓱᒪᓇᕐᓯᓪᓗᓂ ᐃᒪᕐᕕᒃ ᓄᔭᕐᑎᑐᑦ ᖃᑯᕐᓯᔪᑎᑐᑦ ᑍᒤᓕᕐᓂᖓᓂᒃ.
33ᓄᓇᕐᔪᐊᒥ ᓱᓇᒥᒡᓘᓐᓃᑦ ᐊᑦᔨᖃᕐᑎᑕᒃᓴᐅᓐᖏᓚᖅ;
ᓂᕐᔪᑕᐅᖕᒪᑦ ᑲᑉᐱᐊᓱᒍᓐᓇᖏᑦᑐᖅ.
34ᐆᒪᔪᐃᑦ ᐱᓯᑎᐅᓂᕐᐹᕋᓗᐊᖏᑦ ᓱᓇᐅᑎᖏᑦᓯᐊᕐᐰᑦ;
ᓂᕐᔪᑎᓄᑦ ᓄᔪᐊᕐᑐᓕᒫᓄᑦ ᐊᖓᔪᖅᑳᕐᔪᐊᖑᕗᖅ.”
Currently Selected:
ᔫᐱᐅᑉ ᐊᒡᓚᖏᑦ 41: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
