ᔫᐱᐅᑉ ᐊᒡᓚᖏᑦ 42
42
ᔫᐱᐅᑉ ᖃᕿᐊᓕᕐᓂᖓ ᐋᖅᑭᒃᑕᐅᒃᑲᓐᓂᕐᓂᖓᓗ
ᔫᐱ
1ᑕᕝᕙ ᔫᐱᐅᑉ ᐊᑕᓂᖅ ᑭᐅᕚ ᐅᖃᕐᓗᓂ:
2“ᖃᐅᔨᒪᕗᖓ ᖃᓄᓕᒫᑦᓯᐊᖅ ᐱᔪᓐᓇᕋᕕᑦ,
ᐃᓱᒪᒋᓯᒪᔭᑎᓪᓗ ᐊᓯᖕᓄᑦ ᐊᐅᓚᑕᐅᔪᓐᓇᕋᑎᒃ.
3 #
ᔫᐱ 38:2. ᐅᖃᕐᓯᒪᕗᑎᑦ ᓯᓚᑐᓂᕐᓂᒃ ᖁᓚᕈᑎᖃᖁᓇᖓ
ᓇᓗᑦᓯᐊᕐᑕᓐᓂᒃ ᐅᖃᐅᓯᖃᕐᓯᒪᒐᒪ,
ᑍᒤᒻᒪᑦ ᐅᖃᐅᓯᖃᓚᐅᕐᐳᖓ ᖃᐅᔨᒪᓐᖏᑕᓐᓂᒃ,
ᓂᕐᑐᕐᓇᕐᓃᑦ ᐊᖏᓗᐊᕐᒪᑦ ᑐᑭᓯᔭᕆᐊᖓ.
4 #
ᔫᐱ 38:3. ᐅᖃᓪᓚᒃᑎᓪᓗᑎᑦ ᓈᓚᖁᓚᐅᕐᐸᕐᒪ;
ᐊᐱᖅᑯᓯᕆᔭᑎᓪᓗ ᑭᐅᓇᓱᐊᕐᑕᐅᖁᓪᓗᒋᑦ.
5ᑕᕝᕙ ᑐᓵᓚᐅᕐᐸᒋᑦ ᓯᐅᑎᓐᓄᑦ ᑐᓵᑦᓯᐊᕐᓗᑎᑦ,
ᒫᓐᓇᓕ ᐃᔨᓐᓄᑦ ᓇᖕᒥᓂᖅ ᑕᑯᕙᒋᑦ;
6ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ,
ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”
ᐅᖃᐅᓰᑦ ᓄᖅᑲᐅᑎᐅᓕᕐᑐᑦ
7ᑕᕝᕙ ᐊᑕᓂᖅ ᐅᖃᐅᓯᕐᓂᒃ ᑕᒪᒃᑯᓂᖓ ᐅᖃᕇᕋᒥ ᔫᐱᒧᑦ, ᐃᓕᐹᓯᒧᑦ ᑎᒪᓁᑎᒥᐅᑕᕐᒧᑦ ᐊᑕᓂᖅ ᐅᖃᓕᕐᐳᖅ, “ᐃᓕᖕᓄᑦ ᓂᓐᖓᓕᕐᐳᖓ ᐃᓚᓐᓇᕆᔭᕐᓄᓪᓗ ᒪᕐᕉᖕᓄᑦ; ᓱᓕᖏᑦᑐᒥᒃ ᐅᕙᓐᓂᒃ ᐅᖃᐅᑎᖃᓚᐅᕋᓯ, ᔫᐱᐅᓪᓕ ᐅᖃᐅᓯᕆᓯᒪᕚᖓ ᓱᓕᔪᒥᒃ. 8ᑍᒤᒻᒪᑦ ᒫᓐᓇ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ ᐊᑐᐃᓐᓇᕈᐃᓕᕆᑦ, ᔫᐱᒧᓪᓗ ᐱᔨᓐᓄᐊᕐᓗᑎᑦ, ᑐᓂᕐᕈᓯᕐᓗᑎᓪᓗ ᐃᕝᕕᑦ ᐱᑦᔪᑎᒋᓗᑎᑦ ᑐᓂᕐᕈᑎᒃᓴᓄᑦ ᐃᑯᐊᓚᔭᒃᓴᓄᑦ; ᔫᐱᒧᓪᓗ ᑐᒃᓯᐅᑦᔭᐅᖁᓪᓗᑎᑦ, ᑖᑦᓱᒪ ᑐᒃᓯᐊᕐᓂᖓ ᐃᓚᓕᐅᕐᓂᐊᕋᒃᑯ ᓯᓔᑦᑐᒥᒃ ᐱᓂᐊᓚᐅᕐᓂᑦᓯᓐᓄᑦ ᓱᒋᐊᕐᑕᐅᑦᔪᑎᖃᖁᓇᓯ; ᓱᓕᔪᒥᒃ ᐅᕙᓐᓂᒃ ᐅᖃᐅᓯᖃᓚᐅᖏᓐᓇᑦᓯ, ᑖᑦᓱᑐᓇᖅ ᐱᔨᑦᑐᑦ ᔫᐱᑐᑦ.”
9ᑕᕝᕙ ᐃᓕᐹᓯ ᑎᒪᓁᑎᒥᐅᑕᖅ ᐱᐅᓪᑖᓗ ᓲᕼᐂᑎᒥᐅᑕᖅ ᔪᐸᕆᓗ ᓁᒪᑍᑎᒥᐅᑕᖅ ᐱᓇᓱᐊᓚᐅᕐᐳᑦ ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ; ᐊᑕᓂᐅᓪᓗ ᔫᐱᐅᑉ ᑐᒃᓯᐅᑦᔨᓂᖓ ᐃᓚᓕᐅᓚᐅᕐᐹ.
10 #
ᔫᐱ 1:1-3. ᔫᐱᓕ ᑐᒃᓯᐅᑦᔨᔭᕇᕐᓯᒪᓕᕐᑎᓪᓗᒍ ᐃᓚᓐᓇᕆᔭᒥᓂᒃ, ᐊᑕᓂᐅᑉ ᒪᑭᑎᒃᑲᓐᓂᓕᓚᐅᕆᕚ ᐱᖁᑎᒋᓚᐅᕐᑕᖏᑕᓗ ᒪᕐᕈᐃᕐᑑᑎᓪᓗᐊᖏᓐᓂᒃ ᐱᑖᕐᑎᒃᑲᓐᓂᕐᓗᒍ. 11ᖃᑕᓐᖑᑎᓕᒫᖏᓪᓗ, ᓇᔭᓕᒫᖏᓪᓗ, ᖃᐅᔨᒪᓚᐅᕐᑕᓕᒫᖏᓪᓗ ᔫᐱᒧᑦ ᐳᓛᕆᐊᓚᐅᕐᐳᑦ ᓂᕆᖃᑎᒋᓪᓗᒍᓗ ᐊᖏᕐᕋᖓᓂ; ᓇᒡᓕᒍᓱᖕᓂᕐᒥᖕᓂᒃ ᐃᓚᑦᓱᒍᓱᖕᓂᕐᒥᓂᒡᓗ ᓇᓗᓁᕐᓯᓚᐅᕐᐳᑦ ᓮᒻᒪᕐᓴᕐᓗᒍᓗ ᐊᑕᓂᐅᑉ ᐅᖁᒤᑦᑐᓕᒫᓂᒃ ᑎᑭᑕᐅᑎᑦᓯᓯᒪᓂᕆᓚᐅᕐᑕᖏᓐᓂᒃ ᑖᑦᓱᒧᖓ; ᐊᑐᓂᓪᓗ ᑮᓇᐅᔭᒥᖕᓂᒃ ᑐᓂᓯᓚᐅᕐᐳᑦ ᒎᓗᓂᒡᓗ ᓇᒡᒍᐊᕐᒥᖕᓂᒃ#42:11 ᓇᒡᒍᐊᕐᒥᖕᓂᒃ ᐅᕝᕙᓗ ᕿᑎᕐᓯᒥᖕᓂᒃ ᑐᓂᓯᕕᒋᓪᓗᒍ.
12ᐊᑕᓂᐅᓪᓗ ᔫᐱᐅᑉ ᐃᓅᓯᖓ ᐃᓱᐊᓄᑦ ᑎᑭᓪᓗᒍ ᓮᒻᒪᕐᑎᓚᐅᕐᐹ ᓯᕗᓂᖓᓂ ᐱᒋᓚᐅᕐᑕᖏᓐᓂᑦ ᐊᖏᓂᕐᓴᒻᒪᕆᐊᓗᖕᓂᒃ; ᓰᐱᖁᑎᖃᓕᓚᐅᕐᐳᖅ 14,000ᓂᒃ, ᑳᒥᓕᖁᑎᖃᓕᕐᓗᓂᓗ 6,000ᓂᒃ, ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᕿᒧᒃᓯᐅᑎᓴᓂᒃ 2,000ᓂᒃ, ᓯᐅᑎᖅᑯᑐᔪᖁᑎᖃᓕᕐᓗᓂᓗ ᐊᕐᓇᓪᓗᖕᓂᒃ 1,000ᓂᒃ. 13ᐃᕐᓂᕐᑖᓚᐅᕐᐳᕐᓗ 7ᓂᒃ ᐸᓂᒃᑖᕐᓗᓂᓗ ᐱᖓᓱᓂᒃ. 14ᐸᓂᖏᓐᓂᑦ ᐊᖓᔪᒃᓯᕐᐹ ᔨᒤᒪᒥᒃ ᐊᑦᓯᕐᐹ; ᑐᖓᓕᖓ ᑭᔨᐊᒥᒃ; ᐱᖓᔪᖓᑦ ᑭᕆᓐ-ᕼᐊᐳᒃᒥᒃ. 15ᓄᓇᕐᔪᐊᓕᒫᒥ ᐃᓂᖁᓇᕐᓂᕐᓴᕐᑕᖃᓚᐅᓐᖏᓚᖅ ᔫᐱᐅᑉ ᐸᓂᖏᓐᓂᑦ; ᐊᑖᑕᖓᑦᑕᓗ ᐱᖁᑎᒥᓂᒃ ᑭᖑᕐᖑᑦᔨᔪᒃᓴᓐᖑᕐᑎᓚᐅᕐᐰᑦ ᐃᕐᓂᖏᓐᓄᑦ ᐃᓚᒋᔭᐅᑎᓪᓗᒋᑦ.
16ᑕᒪᑐᒪ ᑭᖑᓂᖓᒍᑦ ᔫᐱ ᐃᓅᒃᑲᓐᓂᓚᐅᕐᐳᖅ ᐊᕐᕌᒍᓂᒃ 140ᓂᒃ, ᐃᕐᖑᑕᒥᓂᒃ ᑕᑯᔪᓐᓇᕐᓯᓚᐅᕐᐳᖅ ᐃᓗᓕᕐᒥᓂᒡᓗ.#42:16 ᐃᓗᓕᒥᓂᒡᓗ ᐅᕝᕙᓗ ᐃᕐᖑᑕᓕᖅᑭᐅᑎᒥᓂᒡᓗ 17ᔫᐱᓗ ᐃᓄᑐᖃᐅᓕᕐᓗᓂ ᑐᖁᓚᐅᕐᐳᖅ, ᐃᓅᓯᒃᓴᒥᓂᒃ ᐃᓱᓕᑦᑎᑦᓯᐊᕐᓗᓂ.
Currently Selected:
ᔫᐱᐅᑉ ᐊᒡᓚᖏᑦ 42: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
