ᔫᐱᐅᑉ ᐊᒡᓚᖏᑦ 3
3
ᔫᐱᐅᑉ ᒎᑎᒥᒃ ᓈᒻᒪᒃᓴᖏᓐᓂᖓ
1 #
ᔨᕆᒤᐊ 20:14-18. ᑕᒪᑐᒪ ᑭᖑᓂᖓᒍᑦ ᔫᐱ ᓂᓪᓕᕐᐳᖅ ᐃᓅᓕᕐᕕᓂ ᐅᖃᕐᓂᕐᓘᑎᒋᓪᓗᓂᐅᒃ.
ᔫᐱ
2ᔫᐱᓗ ᐅᖃᕐᐳᖅ:
3“ᐅᓪᓗᖅ ᐃᕐᓂᐊᖑᕕᒋᓚᐅᕐᑕᕋ ᐊᓯᐅᓕᕐᓕ,
ᐅᓐᓄᐊᒃᑯᓪᓗ ᐅᖃᓚᐅᕐᑐᖅ,
‘ᐊᖑᑕᐅᕗᖅ.’ ᐊᓯᐅᓕᕐᓕ.
4ᐅᓪᓗᖅ ᑍᓐᓇ ᑖᕐᑑᓕᕐᓕ!
ᒎᑎᐅᓪᓗ ᑖᓐᓇ ᕿᓂᕐᑍᓕᓕᐅᒃ,
ᖃᐅᒪᔪᒧᓪᓗ ᖃᐅᒻᒥᑕᐅᑦᑍᓕᓕ.
5ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ.
ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.
6ᐅᓐᓄᒃ ᑍᓐᓇ ᓄᕗᑦᑕᕆᒃᑐᒧᑦ ᕿᕐᓂᕐᑕᒧᑦ ᕿᒫᑎᑕᐅᓕ,
ᖁᕕᐊᓲᑕᐅᑦᑍᓕᓕ ᐊᕐᕌᒎᑉ ᐅᓪᓗᖏᓐᓂ,
ᓈᓴᖃᓯᐅᑦᔭᐅᓯᒪᑦᑍᓕᓕ ᑕᖅᑭᓂ.
7ᐅᓐᓄᒃ ᑍᓐᓇ ᓱᓇᖃᖏᑦᑑᓕᕐᓕ;
ᐅᓐᓄᐊᖓᓗ ᖁᕕᐊᓇᕐᑐᕐᑕᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᓕ.
8ᐱᔪᓐᓇᐅᑎᓖᑦ ᐅᓪᓗᒥᒃ ᑍᑦᓱᒥᖓ ᐅᖃᕐᓂᕐᓘᑦᔨᓕᕐᓕᑦ,
ᑖᒃᑯᐊ ᐆᒪᔪᐊᓗᖕᒥᒃ ᓕᕔᐊᑕᓂᒥᒃ ᑐᐸᒃᑎᑦᓯᔪᓐᓇᕐᑐᑦ.
9ᐅᓪᓗᕆᐊᖅ ᖃᐅᓯᐅᑦ ᑕᕝᕗᖓ ᑕᕐᕆᑎᒍᒃ;
ᖃᐅᓂᐊᕐᑐᒥᒃ ᓂᕆᐅᖕᓂᖅ, ᑕᒪᐅᖎᓐᓈᕐᓕ,
ᖃᐅᕙᓪᓕᐊᔫᑉ ᐊᐅᐸᕐᓂᖓᑕ ᖃᓪᓗᖏᑦ ᑕᑯᒃᓴᐅᔪᓐᓃᕐᓕᑦ.
10ᐊᓈᓇᒪ ᐃᒡᓕᐊᖓᑕ ᐅᒃᑯᐊᖓ ᐅᒃᑯᐊᓚᐅᖏᒻᒪᒍ,
ᐊᑲᐅᖏᑦᔪᑎᒃᓴᖃᕐᓃᓪᓗ ᐃᔨᓚᐅᖏᒻᒪᒋᑦ ᐃᔨᓐᓄᑦ ᑕᑯᖁᓇᖓ.
11ᓱᖕᒪᓪᓕ ᑐᖁᓐᓂᓐᖏᓚᖓ ᐃᕐᓂᐊᖑᕋᑖᕐᓗᖓ?
ᐊᓈᓇᒪ ᐃᒡᓕᐊᖓᓂᑦ ᐊᓂᓕᕐᓗᖓ ᑐᖁᔪᒃᓴᕕᓂᐅᒐᓗᐊᕐᑐᖓ.
12ᓱᖕᒪᓪᓕ ᐊᓈᓇᒪ ᓴᕐᓕᐊᕐᓂᕐᐹᖓ ᐃᕿᒻᒥᓪᓗᓂᖓ?
ᓱᖕᒪᓪᓗ ᐊᒫᒪᒃᑎᓚᐅᕐᐹᖓ ᐃᕕᐊᖏᕐᒥᓂᑦ?
13ᑍᒪᓕ ᓇᓪᓚᖓᓕᕋᔭᕐᐳᖓ ᓂᐱᖃᖏᓪᓗᖓ;
ᓯᓂᓕᕋᔭᕐᐳᖓ; ᑕᕾᕐᓯᑐᐃᓐᓇᓕᕐᓗᖓᓗ,
14ᐊᖓᔪᖅᑳᕐᔪᐊᖑᓯᒪᔪᑦ ᐃᑲᔪᕐᑎᖏᓪᓗ ᐃᓚᒋᓗᒋᑦ
ᑍᒃᑯᐊ ᓴᓇᓯᒪᔪᑦ ᓱᕋᒃᓯᒪᔪᓂᒃ ᐊᖓᔪᖅᑳᕐᔪᐊᒃᑯᕕᖕᓂᒃ.
15ᐊᖓᔪᖅᑳᕐᔪᐊᑉ ᐃᕐᓂᖏᑦ ᐃᓚᒋᓗᒋᑦ ᒎᓗᖁᑎᓕᑦ,
ᐃᒡᓗᒥᖕᓂᒃ ᑕᑍᓯᒪᔪᑦ ᓯᐅᓪᕕᕆᓂᒃ,
16ᐅᕝᕙᓗ ᓱᖕᒪᑦ ᐃᓅᕋᑖᕐᑎᓪᓗᖓ ᐃᔨᕐᑕᐅᑐᐃᓐᓇᓚᐅᕐᓂᓐᖏᓚᖓ,
ᑕᒪᐅᓁᓐᓇᖅ ᐃᕐᓂᐊᖑᔪᑐᑦ ᖃᐅᒪᔪᒥᒃ ᑕᑯᓚᐅᕐᓯᒪᖏᑦᑐᑐᑦ.
17ᑕᕝᕙᓂ ᐊᔪᕐᑐᓕᔩᑦ ᐊᑲᐅᓐᖏᓕᐅᕐᑎᑦᓯᓂᖏᑦ ᓄᖅᑲᕐᐸᖕᒪᑕ,
ᑕᕝᕙᓂᓗ ᑕᖃᓯᒪᔪᖅ ᓴᓇᓂᕐᒥᖕᓂᑦ ᑕᕾᕐᓯᓕᕐᐸᒃᓱᑎᒃ.
18ᑕᕝᕙᓂ ᐊᓄᓪᓚᒃᓯᐊᕕᓃᑦ ᐃᒻᒥᖕᓄᑦ ᓮᒪᖃᑎᒌᓕᕐᐸᒃᐳᑦ;
ᕾᒐᓛᕐᑕᐅᓂᕐᒥᒃ ᓱᐊᒃᑕᐅᓂᕐᒥᒡᓗ ᓂᐱᒥᒃ ᑐᓴᕐᐸᒍᓐᓃᕐᓗᑎᒃ.
19ᑕᕝᕙᓃᑉᐳᑦ ᖃᐅᔨᒪᔭᐅᔪᑦ ᖃᐅᔨᒪᔭᐅᓗᐊᖏᑦᑐᓪᓗ,
ᓯᐊᓛᕕᓃᓪᓗ ᐊᖓᔪᖅᑳᒥᖕᓄᑦ ᕿᓚᒃᑕᐅᓯᒪᔪᓐᓃᕐᓗᑎᒃ.
20ᓱᖕᒪᑦ ᐃᓄᒃ ᐃᓅᑎᑉᐸᒃᐱᐅᒃ ᖁᕕᐊᓇᖏᑦᑐᒥ?
ᓱᖕᒪᓪᓗ ᐃᓅᓯᖃᕐᑎᑉᐱᒋᑦ ᑕᕐᓂᕐᓄᑦ ᕿᒃᓵᖕᓇᕐᑐᓂᒃ?
21 #
ᑕᑯᑎ 9:6. ᑐᖁᔪᒪᒐᓗᐊᕐᐳᑦ, ᑐᖁᓚᐅᓐᖏᓚᓪᓕ,
ᐃᓗᕕᕐᑕᐅᔪᒪᓂᕐᓴᐅᕗᑦ ᑮᓇᐅᔭᓂᒃ ᓴᐅᓯᒪᔪᓂᒃ ᕿᓂᕋᔭᕐᓂᕐᒥᖕᓂᑦ.
22ᖁᕕᐊᓱᒻᒪᕆᒃᑲᔭᕐᐳᑦ ᐊᓕᐊᓁᒍᓱᒡᓗᑎᒡᓗ,
ᓯᕆᒐᔭᕐᐳᓪᓗ, ᐃᓗᕕᕐᑕᐅᕕᒃᓴᒥᖕᓂᒃ ᓇᒡᕚᕈᑎᒃ.
23ᓱᖕᒪᑦ ᐃᓅᓯᖃᕐᑎᑕᐅᕙ ᐱᐅᓯᕐᒥᓂᒃ ᐃᔨᕐᓯᓯᒪᔪᖅ?
ᒎᑎᐅᑉ ᐊᕙᑕᖏᕐᓯᒪᑎᓪᓗᓂᒋᑦ ᐊᕙᑎᓕᒫᖏᓐᓂᑦ.
24ᓂᕆᓂᐊᓕᕌᖓᒪ ᐊᓂᕐᓴᐅᒥᖃᑦᑕᕐᐳᖓ,
ᕿᒃᓵᖕᓂᒃᑲᓗ ᐅᕙᓐᓄᑦ ᑯᕕᔭᐅᕗᑦ ᐃᒥᕐᑎᑐᑦ.
25ᑲᑉᐱᐊᒋᔭᓐᓄᑦ ᐅᐸᒃᑕᐅᕗᖓ,
ᓯᕘᕋᒋᔭᓐᓄᓪᓗ ᑎᑭᑕᐅᓪᓗᖓ.
26ᐱᓐᓇᔮᓕᕈᓐᓁᓪᓕᕗᖓ, ᓂᐰᑦᑑᔪᓐᓇᕐᓇᖓᓗ;
ᑕᕾᕐᓯᕈᓐᓇᓐᒋᓚᖓ; ᐊᑲᐅᖏᑦᔪᑎᒃᑲᓕ ᑎᑭᖃᑦᑕᕐᐳᑦ.”
Currently Selected:
ᔫᐱᐅᑉ ᐊᒡᓚᖏᑦ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
