ᔫᐱᐅᑉ ᐊᒡᓚᖏᑦ 37
37
1“ᑕᒪᑐᒧᖓᑦᑕᐅᖅ ᐆᒻᒪᑎᒐ ᓴᔪᓕᕐᑎᑕᐅᖃᑦᑕᕐᐳᖅ,
ᑎᒡᓕᕐᓂᖓᓗ ᐱᐅᓯᕐᒥᓂᑦ ᐊᑦᔨᒋᔪᓐᓁᕐᑎᑕᐅᓪᓗᓂ.
2ᓈᓚᒋᑦᓯ ᑖᑦᓱᒪ ᓂᐱᖓᓂᒃ ᐃᒃᑐᓚᐅᕐᓂᕐᒥᑦ,
ᐃᕗᓘᕐᓂᕐᓗ ᑖᑦᓱᒪ ᖃᓂᖓᓂᑦ ᐱᖕᒪᑦ.
3ᕿᓚᐅᑉ ᐊᑖᒍᑦ ᐊᑕᖐᒪᔪᒥᒃ ᑲᓪᓕᕐᑎᑦᓯᕙᒃᐳᖅ,
ᓄᓇᕐᔪᐊᑉ ᐃᓱᐊᓂᑦ ᐃᓱᐊᓄᑦ ᑎᑭᓪᓗᒍ ᖃᐅᒻᒪᓪᓚᒃᑎᑦᓯᕙᒃᐳᖅ.
4ᓂᐱᖓᑕ ᑭᖑᓂᖓᒍᑦ ᐃᕗᓘᒥᓂᖓ ᑐᓴᕐᓴᕈᕐᐳᖅ;
ᑭᖑᕐᖓᒍᑦ ᐃᑐᓚᐅᕐᓗᓂ ᓂᐱᕐᔪᐊᖓ ᓂᓪᓕᕆᕗᖅ ᐃᓕᕋᓇᕐᑑᓪᓗᓂ,
ᓂᐱᖓ ᑐᓴᕐᓴᐅᑎᓪᓗᒍ ᑕᕝᕙ ᖃᐅᒻᒫᓪᓚᑲᑕᓕᕐᐳᖅ ᓇᐅᒃᑯᑐᐃᓐᓇᖅ.
5ᒎᑎᐅᑉ ᓂᐱᖓᑕ ᐃᒃᑐᓚᐅᕐᓂᖓᒍᑦ ᑲᒪᓇᕐᑐᓂᒃ ᐱᔪᖃᕐᐳᖅ;
ᐱᐅᔪᐊᓗᖕᓂᒃ ᐱᓇᓱᐊᕐᐳᖅ ᑐᑭᓯᔪᓐᓇᓐᖏᑕᑦᑎᒍᑦ.
6ᑖᑦᓱᒪ ᐱᖁᔨᓂᖓᒍᑦ ᐊᐳᑦ ᑲᑕᒐᖃᑦᑕᕐᐳᖅ ᓄᓇᒧᑦ;
ᓯᓚᓗᒃᑎᑉᐹᑦᑕᐅᖅ ᐃᒥᕐᒥᒡᓗ ᑯᕕᑐᐃᓐᓇᕐᑎᓪᓗᒍ, ᐱᔪᓐᓇᕐᓂᒃᑯᑦ.
7ᑕᕝᕙ ᐃᓄᓕᒫᑦ ᐱᓇᓱᐊᕐᓂᖏᑦ ᓄᖅᑲᕐᑎᖃᑦᑕᕐᐰᑦ;
ᐃᓄᓕᒫᑦ ᑐᑭᓯᖁᓪᓗᒋᑦ ᑖᑦᓱᒪ ᐱᓇᓱᐊᕐᓂᖓᓂᒃ.
8ᑕᕝᕙ ᐆᒪᔪᑦ ᓴᕐᓕᐊᕐᕕᖕᒥᖕᓄᑦ ᐃᑎᕐᐳᑦ,
ᑕᕝᕙᓃᖏᓐᓇᓕᕐᓗᑎᒡᓗ ᓯᑎᒥᖕᓂ.
9ᐅᓚᔪᔭᖅ ᑎᑭᑉᐳᖅ ᑖᑦᓱᒪ ᐃᓂᖓᓂᑦ,
ᓂᒡᓕᓇᕐᑐᕐᓗ ᓯᐊᒻᒪᖓᔪᓂᑦ ᐊᓄᕆᓂᑦ ᑎᑭᑉᐳᖅ.
10ᒎᑎᐅᑉ ᐊᓂᕐᓂᖓᓂᑦ ᐃᒪᖅ ᖁᐊᕐᑎᑕᐅᕗᖅ,
ᐃᒪᕐᔪᐊᕐᓗ ᖁᐊᑦᓴᐅᑎᒋᕗᖅ ᓂᓚᓪᓚᕆᐅᓕᕐᓗᓂ.
11ᓄᕗᔭᑦ ᕿᕐᓈᖓᔪᑦ ᐃᓗᓪᓕᕐᓯᒪᖃᑦᑕᕐᐰᑦ ᖃᐅᓯᕐᑐᒥᒃ;
ᓄᕗᔭᓂᑦ ᑕᕝᕙ ᖃᐅᒻᒪᓪᓔᑦ ᓯᐊᒻᒪᖃᑦᑕᕐᐳᑦ.
12ᑖᑦᓱᒪ ᑕᓯᐅᕐᓯᓂᖓᓄᑦ ᓄᕗᔭᑦ ᑬᕕᖃᑦᑕᕐᐳᑦ,
ᖃᓄᑐᐃᓐᓇᖅ ᐱᖁᑐᐊᕐᒪᒋᑦ ᐱᕙᓪᓕᐊᖃᑦᑕᕐᐳᑦ
ᓇᓂᓕᒫᑦᓯᐊᖅ ᓄᓇᕐᔪᐊᕐᒥ ᓇᔪᕐᑕᐅᔪᒥ.
13ᓯᓚᓗᖕᒥᒃ ᑎᑭᑎᑦᓯᖃᑦᑕᕐᐳᖅ ᓱᒋᐊᕐᓯᑦᔪᑎᒋᓪᓗᒋᑦ,
ᐅᕝᕙᓗ ᓄᓇᒥᒃ ᖃᐅᓯᕐᑎᑦᓯᔪᒪᓪᓗᓂ,
ᐅᕝᕙᓗ ᓇᒡᓕᖕᓂᕐᒥᓂᒃ ᓴᖅᑭᑎᑦᓯᔪᒪᓪᓗᓂ.
14ᔫᐲ ᐅᓇ ᓈᓚᒍᒃ;
ᕿᑲᕐᓯᓗᑎᑦ ᐃᒃᐱᒍᓱᑦᓯᐊᕆᑦ ᒎᑎᐅᑉ ᐱᓇᓱᐊᕐᑕᖏᓐᓂᒃ ᑲᒪᓇᕐᑐᓂᒃ.
15ᖃᐅᔨᒪᕖᑦ ᖃᓄᖅ ᒎᑎᐅᑉ ᓄᕗᔭᑦ ᑎᓕᖃᑦᑕᕐᒪᖔᒋᑦ,
ᖃᖓᓗ ᖃᐅᒻᒫᓪᓚᖁᖃᑦᑕᕐᒪᖔᒋᑦ ᓄᕗᔭᓂᑦ?
16ᓄᕗᔭᑦ ᖃᓄᖅ ᖃᖓᑕᔪᓐᓇᕐᒪᖔᑕ ᖃᐅᔨᒪᕖᑦ?
ᑖᑦᓱᒪ ᐱᓇᓱᐊᕐᓂᖓ ᑲᒪᓇᕐᐳᖅ ᖃᐅᔨᒪᔪᓪᓚᕆᐊᓘᖕᒪᑦ,
17ᐆᓐᓂᐅᔭᓕᖃᑦᑕᕐᐳᑎᑦ ᓯᓚ ᐅᖅᑰᓯᑎᑐᐊᕐᒪᒍ
ᓯᕿᓂᐅᑉ ᓇᓛᓂᑦ ᓄᓇ ᐊᓄᕌᓕᑐᐊᕌᖓᑦ.
18ᑖᑦᓱᑐᓇᖅ ᕿᓚᒃ ᐃᓯᕕᑎᑦᓱᓐᓇᕐᐱᐅᒃ?
ᓯᑎᔫᓕᕐᑎᓪᓗᒍ ᐊᐅᒃᑎᓯᒪᔪᑎᑐᑦ ᑕᕐᕋᕐᑑᑎᑎᑐᑦ?
19ᐊᔪᕆᕐᑐᓚᐅᕐᑎᒍᑦ ᖃᓄᖅ ᒎᑎᒧᑦ ᐅᖃᕐᑐᒃᓴᐅᖕᒪᖔᑦᑕ;
ᐃᓱᒪᑖᕈᓐᓇᖏᓐᓇᑦᑕ ᖃᓄᐃᓕᔭᕆᐊᒃᓴᖅ ᑖᕐᑐᒦᓐᓂᑦᑎᓐᓄᑦ.
20ᐅᖃᐅᑦᔭᐅᔭᕆᐊᖃᕐᐹ ᐅᖃᕈᒪᓂᕋᕐᑕᐅᓗᖓ ᑖᑦᓱᒧᖓ?
ᐃᓄᒃ ᑐᖁᑕᐅᔪᒪᓗᓂ ᑖᑦᓱᒧᖓ ᐱᕕᒃᓴᖃᕐᑎᑦᓯᔪᓐᓇᕐᐹ?
21ᒫᓐᓇᓗ ᐃᓄᒃ ᖃᐅᒪᔪᒧᑦ ᑕᑯᓴᕈᓐᓇᓐᖏᓚᖅ,
ᖃᐅᒪᓗᐊᕐᒪᑦ ᑕᑯᔭᕆᐊᖓ ᕿᓚᖕᒦᑦᑑᑉ ᖃᐅᒪᓂᖓ,
ᐊᓄᕆᒧᑦ ᓴᓗᒻᒪᕐᓴᕐᑕᐅᒐᒥ ᐊᓪᓚᕿᓕᕐᒪᑦ.
22ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ,
ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.
23ᐊᔪᒐᖃᖏᑦᑐᖅ ᐊᖏᓗᐊᕐᒪᑦ ᓇᒡᕚᕈᓐᓇᓐᖏᓚᕗᑦ;
ᐱᔪᓐᓇᕐᓂᕐᔪᐊᖃᕐᐳᖅ ᓈᒻᒪᓈᕆᑦᓯᐊᕐᐸᒡᓗᓂᓗ,
ᓇᓛᒎᑦᓮᓐᓇᕐᓂᖓᓗ ᐃᓄᖕᓂᒃ ᐅᖁᒤᒃᓴᕐᑎᑦᓯᓂᐊᓐᖏᓚᖅ.
24ᑍᒤᒻᒪᑦ ᐃᓄᐃᑦ ᑖᓐᓇ ᓯᕘᕋᒋᕚᑦ;
ᓯᓚᑐᔫᔪᕆᔫᒐᓗᐊᓪᓗ ᓇᓪᓕᐊᑦ ᐃᒃᐱᒋᓐᖏᓔᑦ.”
Currently Selected:
ᔫᐱᐅᑉ ᐊᒡᓚᖏᑦ 37: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
