ᔫᐱᐅᑉ ᐊᒡᓚᖏᑦ 35
35
1ᑕᕝᕙ ᐃᓕᕼᐅ ᐅᖃᕆᕗᖅ:
2“ᓈᒻᒪᓈᕋᓱᒋᕖᑦ ᐅᖃᕐᓗᑎᑦ,
‘ᓇᓛᒎᕐᓂᕋ ᐊᖏᓂᕐᓴᐅᕗᖅ ᒎᑎᐅᑉ ᓇᓛᒎᕐᓂᖓᓂᑦ.’
3ᒎᑎ ᐊᐱᕆᖕᒥᒐᕕᐅᒃ,
‘ᐊᔪᕐᑐᓕᓂᒃᑲ ᐃᓕᖕᓂᒃ ᖃᓄᖅ ᐊᐅᓚᑦᔧᒐᔭᕐᐹᑦ?
ᓱᓇᒥᒃ ᐱᕙᓪᓕᐅᑎᖃᕐᐳᖔ ᐊᔪᕐᑐᓕᑦᑍᓕᒪᓂᕐᒧᑦ?’
4ᑕᒪᑐᒧᖓ ᑭᐅᓂᐊᕐᐸᒋᑦ ᐃᓚᓐᓇᕆᔭᑎᓪᓗ ᐃᓚᒋᓗᒋᑦ.
5ᕿᓚᖕᒧᑦ ᑕᑯᓴᓚᐅᕆᑦ, ᑕᑯᒋᑦ ᓄᕗᔭᑦ,
ᐃᓕᖕᓂᑦ ᖁᑦᓯᖕᓂᕐᓴᐅᕗᑦ.
6 #
ᔫᐱ 22:2,3. ᐊᔪᕐᑐᓕᓯᒪᓐᓂᕈᕕᑦ, ᓱᓇᒥᒃ ᐊᑭᕋᕐᑐᕈᑎᒃᓴᕐᑖᕐᐲᑦ ᑖᑦᓱᒧᖓ?
ᐊᔪᕐᑐᓕᓂᑎᓪᓗ ᐅᓄᕐᓯᕙᓪᓕᐊᒃᐸᑕ, ᑖᓐᓇ ᐊᐅᓚᑦᔭᒃᑕᐅᒐᔭᕐᐹ?
7ᓇᓛᒎᕈᕕᓪᓕ, ᓱᓇᒥᒃ ᒎᑎᒧᑦ ᑐᓂᔭᒃᓴᖃᕐᐲᑦ?
ᐅᕝᕙᓗ ᓱᓇᒥᒃ ᐃᓕᖕᓂᑦ ᐱᑖᕐᑎᑕᐅᒐᔭᕐᐸ?
8ᐊᔪᕐᑐᓕᓂᕐᓄᑦ ᐃᓕᖕᓂᒃ ᐃᓱᒫᓗᓇᕐᑐᒦᑎᑉᐳᑎᑦ,
ᓇᓛᒎᕐᓂᕐᓄᓪᓗ ᐃᓅᖃᑏᑦ ᐃᑲᔪᕐᑕᐅᕗᖅ.
9ᐃᓄᐃᑦ ᐅᖁᒤᒃᓴᕐᓂᖏᑦ ᐅᓄᕐᓯᔭᕌᖓᑕ ᓂᐹᓕᕐᐸᒃᐳᑦ;
ᐊᔪᒐᖃᖏᑦᑐᒧᑦ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓕᖃᑦᑕᕐᐳᑦ.
10ᓇᓪᓕᐊᓐᓂᒡᓕ ᐅᖃᕐᑐᖃᓐᖏᓚᖅ,
‘ᓇᐅᒡᓕ ᒎᑎ ᐱᓐᖑᕐᑎᑎᒋᓚᐅᕐᑕᕋ,
ᑖᕐᓯᐅᓕᕐᑎᓪᓗᑕ ᐃᓐᖏᕈᓯᕐᑖᕐᑎᑦᓯᕙᒃᑐᖅ.
11ᐊᔪᕆᕐᑐᕐᓯᒪᓂᕐᓴᕆᕚᑎᒍᑦ ᓂᕐᔪᑎᓂᑦ ᓄᓇᒦᑦᑐᓂᑦ,
ᓯᓚᑐᓂᕐᓴᐅᑎᓪᓗᑕᓗ ᑎᖕᒥᐊᓂᑦ ᖃᖓᑕᕙᒃᑐᓂᑦ.’
12ᑕᕝᕙ ᓂᓪᓕᐊᒐᓗᐊᕐᐳᑦ, ᒎᑎᐅᓪᓕ ᑭᐅᓐᖏᓔᑦ,
ᐱᐅᔪᕆᓂᖃᕐᒪᑕ ᐱᐅᖏᑦᑐᓕᓪᓗᑎᒡᓗ.
13ᒎᑎᐅᑉ ᐱᓪᓚᕆᖏᓪᓗᓂ ᐅᖃᓪᓚᒃᑐᖅ ᑐᓴᕐᓂᐊᖏᒻᒪᒍ,
ᐊᔪᒐᖃᖏᑦᑑᓪᓗ ᐃᒃᐱᒋᓂᐊᓐᖏᓔᑦ.
14ᐅᖃᕋᓗᐊᕐᑐᑎᑦ ᒎᑎ ᑕᑯᔪᓐᓇᖏᓐᓂᕋᕐᓗᒍ,
ᓱᓕᓕ ᑕᒪᓐᓇ ᑖᑦᓱᒪ ᓵᖓᓃᑉᐳᖅ,
ᕿᓄᐃᓵᕐᓗᑎᑦ ᐅᑕᖅᑭᑦᓯᐊᑐᐃᓐᓇᕈᒃ.
15ᒫᓐᓇᓕ ᓂᓐᖓᖕᓂᕐᒧᑦ ᓱᒋᐊᕐᓯᖏᒻᒪᑦ,
ᐊᔪᕐᑐᓕᓂᕐᒥᒡᓗ ᐃᒃᐱᒍᓱᓗᐊᕐᑑᔮᖏᒻᒪᑦ,
16ᔫᐲ ᐅᖃᓪᓔᓐᓇᕋᓱᒃᑲᓗᐊᕈᕕᑦ ᐊᑑᑎᖃᖏᑦᓯᐊᕐᐳᖅ,
ᓇᓗᓇᕈᓐᓁᑐᐃᓐᓇᕐᒪᑦ ᐅᖃᓪᓚᐅᓯᕆᔭᑎᑦ ᖃᐅᔨᒪᖏᓐᓇᕕᒋᑦ.”
Currently Selected:
ᔫᐱᐅᑉ ᐊᒡᓚᖏᑦ 35: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
