ᔫᐱᐅᑉ ᐊᒡᓚᖏᑦ 30
30
1“ᒫᓐᓇᓕ ᐅᕙᓐᓂᑦ ᓄᑲᕐᓯᕐᓄᑦ ᒥᑕᐅᑎᒋᔭᐅᕙᓕᕐᐳᖓ,
ᑖᒃᑯᐊ ᐊᑖᑕᒋᓚᐅᕐᑕᖏᑦ ᓱᓇᐅᓐᖏᓗᐊᕐᓂᖏᓐᓄᑦ
ᓰᐱᖁᑎᓐᓄᑦ ᕿᒻᒥᓄᑦ ᑲᒪᔨᐅᖃᑕᐅᑎᑐᐃᓐᓇᕋᔭᓚᐅᕐᐸᒃᑲ.
2ᓴᓐᖐᑦᑐᒻᒪᕆᐊᓘᓚᐅᕐᒪᑕ ᐃᑲᔪᕐᑎᒋᔭᒃᓴᐅᓚᐅᓐᖏᓚᑦ,
ᓄᑭᖃᕈᓐᓁᕐᓂᑰᓕᕋᒥᒃ ᐃᓄᑐᖃᐅᓂᕐᒥᖕᓄᑦ.
3ᐊᔪᕐᓴᕐᓂᕐᒧᑦ ᑳᖕᓂᕐᒧᓪᓗ ᓂᕆᓇᓱᐊᕋᔭᓚᐅᕐᐳᑦ
ᐱᕈᕐᑐᓂᒃ ᐸᓂᕐᓂᑯᓂᒃ ᓄᓇᒋᔭᐅᖏᑦᑐᒥ;
4ᐱᕈᕐᓂᕐᓗᒃᑐᓂᒃ ᐅᕐᐲᓪᓗ ᐅᖃᐅᔭᖏᓐᓂᒃ ᓂᕆᓚᐅᕐᐳᑦ,
ᐅᖅᑯᐃᓯᒪᓇᓱᖃᑦᑕᓚᐅᕐᐳᓪᓗ ᓇᐹᕐᑐᑦ ᐱᕈᕐᑐᖃᖏᑦᑐᑦ ᐊᑖᓂ.
5ᐃᓄᓕᒫᓂᑦ ᐊᐅᓪᓚᕐᑎᑕᐅᓚᐅᕐᐳᑦ;
ᑎᒡᓕᒃᑎᐅᓂᕋᕐᑕᐅᓪᓗᑎᒃ ᕾᒐᓛᕐᕕᐅᕙᓚᐅᕐᐳᑦ.
6ᐃᓐᓈᕈᑦ ᖁᖕᓈᖏᓐᓂ ᐃᓂᖃᕆᐊᖃᓚᐅᕐᐳᑦ,
ᕾᕈᓱᖕᓂᓗ ᓄᓇᐅᓪᓗ ᖁᖕᓈᖏᓐᓂ.
7ᐅᕐᐲᑦ ᐊᑯᕐᖓᓐᓂ ᖃᓕᖑᓛᖃᑦᑕᕐᐳᑦ ᐆᒪᔪᑎᑐᑦ;
ᐱᕈᕐᑐᖃᖏᑦᑐᓪᓗ ᐊᑖᓂ ᓄᐊᒪᕙᒃᓗᑎᒃ.
8ᓱᓇᐅᖏᑦᓯᐊᓚᐅᕐᐳᑦ ᓇᕐᕈᒋᔭᐅᔪᓪᓗ ᕿᑐᕐᖓᕆᕔᑦ,
ᓄᓇᓕᖕᓂ ᓄᓇᖃᖁᔭᐅᔪᓐᓁᕐᓗᑎᒃ ᐊᐅᓪᓚᕐᑎᑕᐅᓚᐅᕐᐳᑦ.
9ᒫᓐᓇᓕ ᑖᒃᑯᓇᓐᖓᑦ ᒥᑕᐅᑎᒋᔭᐅᓪᓗᖓ ᐃᓐᖏᖑᐊᕈᑕᐅᕙᓕᕐᐳᖓ,
ᐅᕙᓐᓂᒃ ᓱᓇᐅᒃᓴᖏᓐᓂᕐᒧᑦ ᐃᔪᕿᑕᐅᑎᖃᕐᐸᓕᕐᐳᑦ.
10ᐅᕙᓐᓂᒃ ᐱᐅᒃᓴᖏᓐᓂᕐᒧᑦ, ᖃᒡᓕᓗᐊᕐᑍᓕᒪᕗᑦ;
ᕾᔭᕌᖓᒥᒃ ᒥᑕᐅᑎᒋᓪᓗᖓ ᐅᕙᓐᓄᑦ ᑎᕝᕗᓗᖃᑦᑕᕐᐳᑦ.
11ᒎᑎᐅᑉ ᓴᓐᖐᓕᑎᓪᓗᓂᖓ ᓇᓗᖅᑯᑎᓕᕐᑎᒻᒪᖓ,
ᓱᓇᐅᔪᓐᓁᕐᑐᒥᒃ ᖃᐅᔨᓕᕋᒥᒃ ᐱᑦᓯᐊᖏᕕᒡᔪᐊᓕᕐᐳᑦ.
12ᑕᓕᕐᐱᓐᓂ ᐊᑭᕋᕐᑐᕐᑏᑦ ᓴᖅᑭᑉᐳᑦ,
ᐃᑎᒐᒃᑲ ᓴᓂᕐᕙᒃᑎᓪᓗᒋᑦ,
ᒪᑭᑉᐳᑦ ᐅᕙᓐᓂᒃ ᐊᑭᕋᕐᑐᕈᒪᓪᓗᑎᒃ ᑐᖁᑦᓯᔪᒪᓪᓗᑎᒡᓗ.
13ᐊᖅᑯᑎᒃᓴᓐᓂ ᕿᒫᕕᒃᓮᕈᑦᔭᐅᓪᓗᖓ ᑐᖁᑕᐅᓇᓱᐊᕐᐳᖓ;
ᓇᓪᓕᐊᓐᓄᓪᓘᓐᓃᑦ ᓄᖅᑲᕐᑎᑕᐅᔪᓐᓇᕋᑎᒃ.
14ᐊᕙᓗᕐᔪᐊᒪ ᑭᓪᓚᖏᑎᒍᑦ ᐃᑎᕐᑐᑎᑐᑦ ᑍᒤᑉᐳᑦ;
ᐅᕙᓐᓄᑦ ᐊᒃᓴᑳᔪᑎᑐᑦ ᕾᕗᑦ ᐊᓪᓕᐅᑦᔭᐅᖁᓪᓗᖓ.
15ᑕᕝᕙ ᖁᐊᕐᓵᖓᓂᕐᒧᑦ ᑎᑭᑕᐅᕗᖓ;
ᐅᐱᓐᓇᕐᓂᕋ ᐊᓄᕆᒧᑦ ᑎᒃᑕᐅᔪᑎᑐᑦ ᐊᓯᐅᕗᖅ,
ᒪᑭᑕᑦᔪᑎᒃᑲᓗ ᓄᕗᔭᑎᑐᑦ ᐃᖏᕐᕋᔪᑎᑐᑦ ᐊᓂᒎᑎᕗᖅ.
16ᒫᓐᓇᓕ ᑕᕐᓂᕋ ᑯᕕᓕᕐᐳᖅ ᑐᖁᑐᐃᓐᓇᕆᐊᖃᕐᓗᖓ;
ᓯᕐᓕᕿᓂᕐᒧᑦ ᓯᕕᑐᓗᐊᕐᑐᒧᑦ ᑎᒍᔭᐅᓯᒪᓕᕋᒪ.
17ᐅᓐᓄᐊᒃᑯᑦ ᓴᐅᓂᒃᑲ ᒤᓪᓕᖃᑦᑕᕐᐳᑦ,
ᐋᓐᓂᐊᓂᕋᓗ ᐃᑯᓪᓚᐅᒥᔪᓐᓇᕋᓂ.
18ᒎᑎᐅᑉ ᓂᑲᒋᓇᓂᖓ ᐊᓐᓄᕌᕐᑎᑉᐹᖓ ᑕᑯᒥᓇᖏᑦᑐᒥᒃ,
ᐃᒻᒧᓯᕐᐹᖓ ᑕᑎᓗᐊᕐᑐᒥᒃ ᖁᖓᓯᕉᑉ ᑕᑎᓂᖓᑐᑦ.
19ᑖᑦᓱᒪ ᒪᕐᕋᕐᒧᑦ ᐃᒋᓯᒪᕚᖓ,
ᒪᕐᕋᕐᑎᑐᓪᓗ ᑍᒤᓕᕐᐳᖓ ᐊᕐᔭᓕᓂᕐᑎᑐᓪᓗ.
20ᒎᑏ ᐃᓕᖕᓄᑦ ᓂᓪᓕᐊᒐᓗᐊᕋᒪ ᑭᐅᓐᖏᓚᕐᒪ;
ᓂᑯᕕᖓᓪᓗᖓ ᓵᓐᖓᒐᓗᐊᕋᒃᑭᑦ, ᑲᒪᒋᓐᖏᓚᕐᒪ.
21ᐅᕙᓐᓂᒃ ᓂᑲᒍᓱᓐᖏᓗᐊᕐᓯᒪᒐᕕᑦ;
ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐅᕙᓐᓄᑦ ᓵᓐᖓᓕᕋᕕᑦ.
22ᐊᓄᕆᒧᑦ ᐃᑭᑎᓪᓗᖓ ᑎᒃᑕᐅᑎᓯᒪᕙᕐᒪ,
ᐊᖅᑯᓇᕐᑐᐊᓘᑉ ᐃᓗᐊᓄᑦ ᐃᒋᓯᒪᕙᕐᒪ.
23ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ,
ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.
24ᓱᖕᒪᑦ ᓯᖁᒥᑕᐅᓯᒪᔪᖅ ᐱᒋᐊᖃᑦᑕᕋᓱᐊᕐᐱᐅᒃ?
ᐊᔪᓕᕐᑐᖅ ᓂᑲᒋᔭᐅᔪᒪᓪᓗᓂ ᓂᓪᓕᐊᓕᕐᑐᖅ.
25ᕿᐊᖃᑎᖃᖃᑦᑕᓚᐅᓐᖏᓚᖔ ᐃᓄᖕᓂᒃ ᐊᑲᐅᓐᖏᓕᐅᕈᑎᖃᕐᑐᓂᒃ?
ᐊᒃᓱᔪᓂᒡᓗ ᓇᒡᓕᒍᓱᒧᑦ ᕿᒃᓵᒍᑎᖃᖃᑦᑕᓚᐅᓐᖏᓚᖔ?
26ᐱᐅᔪᒥᒃ ᕿᓂᕐᑎᓪᓗᖓ, ᐱᐅᖏᑦᑐᖅ ᕾᕗᖅ;
ᖃᐅᒪᔪᒥᒡᓗ ᐅᑕᖅᑭᑎᓪᓗᖓ, ᑖᕐᑐᒧᑦ ᑎᑭᑕᐅᕗᖓ;
27ᑕᕝᕙ ᐆᒻᒪᑎᒐ ᐃᓂᓯᔪᓐᓁᓪᓕᕗᖅ, ᕿᑲᕈᓐᓁᓪᓕᓪᓗᓂᓗ;
ᐅᓪᓗᑕᒫᑦ ᐅᖁᒤᑦᑐᒧᑦ ᑎᑭᐅᒪᔭᐅᒐᒪ.
28ᑖᕐᑎᓯᒪᓕᕐᐳᖓ, ᓯᕿᓂᕐᒨᖏᑦᑐᖅ;
ᑲᑎᒪᔪᓂ ᓂᑯᕕᓪᓗᖓ, ᓂᓪᓕᐊᕗᖓ ᐃᑲᔪᕐᑕᐅᔪᒪᓪᓗᖓ.
29ᐊᒪᕈᖓᔪᓄᑦ ᐊᑦᔨᐅᓕᕐᐳᖓ ᒥᐊᒡᒎᕐᑐᓄᑦ,
ᐃᓚᖃᕐᓗᖓᓗ ᑎᖕᒥᐊᕐᔪᐊᓂᒃ ᐋᔅᑐᕆᓯᓂᒃ.
30ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ,
ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.
31ᑐᓴᕐᓂᕐᑐᒥᒃ ᓂᓪᓕᐊᓂᕆᕙᓚᐅᕐᑕᕋ ᕿᒃᓵᒡᕙᓗᓐᖑᕐᐳᖅ,
ᓱᐴᒐᕐᕙᓗᒐᓗ ᕿᐊᕙᓗᖕᒥᒃ ᓂᐱᖃᓕᕐᓗᓂ.”
Currently Selected:
ᔫᐱᐅᑉ ᐊᒡᓚᖏᑦ 30: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
