ᔫᐱᐅᑉ ᐊᒡᓚᖏᑦ 27
27
ᔫᐱ
1ᔫᐱ ᓱᓕ ᐱᑦᓯᐊᕐᓂᕐᒥᓂ ᓱᖁᓯᓚᐅᓐᖏᓚᖅ, ᐅᖃᕐᓗᓂᓗ:
2“ᒎᑎ ᐆᒪᖕᒪᑦ, ᐅᕙᓐᓂᒃ ᐊᑦᔨᒋᔭᐅᓐᖏᑎᑦᓯᔪᖅ,
ᐊᔪᒐᖃᖏᑦᑐᕐᓗ, ᑕᕐᓂᓐᓂᒃ ᖃᓯᓕᓇᕐᓯᑎᑦᓯᔪᖅ;
3ᐊᓂᕐᓂᓐᓄᑦ ᓇᔪᕐᑕᐅᓂᓐᓂ,
ᒎᑎᐅᓪᓗ ᐊᓂᕐᓂᖓ ᓱᕐᓗᒃᑯᑦ ᐊᓂᕐᑎᕆᐅᑎᒋᓂᓐᓂ;
4ᖃᓂᕋ ᐱᐅᖏᑦᑐᒥᒃ ᐅᖃᐅᓯᖃᕐᓂᐊᓐᖏᓚᖅ,
ᐅᖃᕋᓗ ᓯᓔᕐᕆᒃᓯᓂᕐᓂᒃ ᐅᖃᕐᓂᐊᓐᖏᓚᖅ.
5ᐅᖃᐅᓯᕆᔭᑦᓯᓐᓂᒃ ᓱᓕᓂᕅᓗᖓ ᐅᖃᕐᓂᐊᓐᖏᓚᖓ;
ᑐᖁᓚᐅᖏᓐᓂᓐᓂ ᐸᓯᔭᒃᓴᐅᖏᓐᓂᕋ ᓴᒃᑯᓐᓂᐊᓐᖏᓚᕋ.
6ᐃᓱᐊᕐᑐᓕᓂᕋ ᑎᒍᒥᐊᖏᓐᓇᕐᓂᐊᕐᐸᕋ, ᓴᒃᑯᓐᓂᐊᕐᓇᒍᓗ;
ᐆᒻᒪᑎᒪ ᐃᖅᑲᕐᑐᓚᐅᖏᒻᒪᖓ ᐃᓅᓂᓕᒫᓐᓂ.
7ᐊᑭᕋᕐᑐᕐᑎᒃᑲ ᐱᐅᖏᑦᑐᑎᑐᑦ ᑍᒤᓕᕐᓕᑦ,
ᐅᕙᓐᓂᒡᓗ ᓵᓐᖓᓯᓇᓱᒃᑐᖅ ᐃᓱᐊᖏᑦᑐᑐᑦ ᑍᒤᓕᕐᓕ.
8ᓱᓇᒥᒡᓕ ᒎᑎᖃᖏᑦᑐᖅ ᓂᕆᐅᒋᔭᒃᓴᖃᕐᐹ?
ᐃᓅᓯᖓ ᒎᑎᐅᑉ ᑎᒍᒃᐸᒍ,
9ᐊᑲᐅᖏᑦᑐᒧᑦ ᑎᑭᑕᐅᒍᓂ,
ᑐᒃᓯᐊᕐᐸᑦ ᒎᑎᐅᑉ ᑐᓴᕋᔭᕐᐸᐅᒃ?
10ᐊᔪᒐᖃᖏᑦᑐᖅ ᖁᕕᐊᓲᑎᒋᔪᓐᓇᕐᐸᐅᒃ?
ᒎᑎᓗ ᑍᒪᓐᖓᑦ ᓂᓪᓕᐊᕕᒋᖃᑦᑕᕋᔭᕐᐸᐅᒃ?
11ᐊᔪᕆᕐᑐᓚᐅᕐᓚᑦᓯ ᒎᑎᐅᑉ ᐱᔪᓐᓇᕐᓂᕐᔪᐊᖓᓂᒃ;
ᒎᑎᐅᓪᓗ ᐊᔪᒐᖃᖏᑦᑑᑉ ᖃᓄᐃᓕᐅᕈᓐᓇᕐᓂᖓᓂᒃ.
12ᑕᑯᒋᑦ, ᓇᖕᒥᓂᖅ ᑕᑯᓯᒪᓕᕐᐸᓯ ᑕᒪᑦᓯ;
ᓱᖕᒪᓪᓕ ᑐᑭᖃᖏᑦᑐᓂᒃ ᐅᖃᓪᓚᓕᕐᐱᓰ?”
ᔪᐸᕆ
13“ᑍᒫᒃ ᑕᕝᕙ ᒎᑎᖃᖏᑦᑐᖅ ᐊᑭᓕᕐᑕᐅᓲᖑᕗᖅ ᒎᑎᒧᑦ,
ᐅᖁᒤᒃᓴᕐᑎᑦᓯᔪᓪᓗ ᐊᑭᔭᐅᑦᔪᑎᒥᖕᓂᒃ ᑭᖑᕐᖑᑎᔭᒃᓴᖃᕐᐳᑦ ᐊᔪᒐᖃᖏᑦᑐᒥᑦ:
14ᕿᑐᕐᖓᖏᑦ ᐅᓄᕐᓯᒃᐸᑕ, ᑐᖁᔪᒫᕐᐳᑦ ᓴᕕᒡᔪᐊᒧᑦ;
ᑭᖑᕚᖏᓪᓗ ᓂᕿᒃᓴᖃᕈᒫᓐᖏᓚᑦ ᓈᒻᒪᒃᑐᒥᒃ.
15ᑭᖑᕚᖏᓐᓂᑦ ᐊᒥᐊᒃᑰᔪᑦ ᐋᓐᓂᐊᓇᕐᑐᒧᑦ ᑐᖁᔪᒫᕐᐳᑦ,
ᐅᐃᒡᒐᕐᓂᖏᓪᓗ ᐃᓚᓐᖓᕋᓗᐊᕈᑎᒃ ᕿᒃᓵᒍᑎᖃᕈᒫᓐᖏᓚᑦ.
16ᓯᐅᓪᕕᕆᓂᒃ ᑲᑎᑦᓯᓗᓂ ᓴᓂᕐᑎᑐᑦ ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ,
ᐊᓐᓄᕌᓂᒡᓗ ᓄᐊᑦᓯᓗᓂ ᖃᓕᕇᓕᑎᑦᓯᔪᓐᓇᕋᓗᐊᕐᐳᖅ ᒪᕐᕋᑎᑐᑦ;
17ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ, ᐃᓱᐊᕐᑐᓕᔫᓪᓕ ᐊᑐᕈᒫᕐᐰᑦ,
ᐸᓯᔭᒃᓴᐅᖏᑦᑐᓪᓗ ᓯᐅᓪᕕᕆᓂᒃ ᐊᕕᒃᑐᐃᔪᒫᕐᐳᑦ.
18ᐃᒡᓗᓕᐅᕐᓯᒪᕗᖅ ᐋᓯᕙᐅᑉ ᓄᓗᐊᖏᑎᑐᑦ ᑍᒤᑦᑐᓂᒃ,
ᖃᐅᔨᓴᕐᑎᐅᓪᓗ ᐅᖅᑯᐊᓕᓂᓕᐊᕆᓯᒪᔭᖓᑎᑐᑦ.
19ᐊᒃᓱᐃᑦᑑᓪᓗᓂ ᓯᓂᒐᓱᓕᕐᐳᖅ, ᑲᑎᑦᓯᔪᓐᓃᕐᓗᓂᓗ;
ᑐᐸᒃᐳᕐᓕ, ᐊᒃᓱᐃᑦᔪᑎᒋᓚᐅᕐᑕᖏᑦ ᐱᑕᖃᕈᓐᓃᕐᑎᓪᓗᒋᑦ.
20ᑲᑉᐱᐊᓵᕆᔨᓄᑦ ᐅᐸᒃᑐᕐᑕᐅᕗᖅ ᑰᖕᒧᑦ ᐅᓗᑦᔭᐅᔪᑎᑐᑦ;
ᐅᓐᓄᐊᒃᑯᑦ ᐊᓄᕆᕐᔪᐊᕐᒧᑦ ᓵᕕᐅᑦᔭᐅᕗᖅ;
21ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒧᑦ ᐊᓄᕆᒧᑦ ᑎᑭᑕᐅᕗᖅ;
ᐃᓂᒋᔭᖓᓂᑦ ᓅᑎᑕᐅᓪᓗᓂ ᑎᒃᑕᐅᕗᖅ.
22ᐊᓄᕌᕐᕕᐅᕗᖅ ᓂᑲᒋᔭᐅᓇᓂ;
ᐱᔪᓐᓇᕐᓂᓕᒫᒥᓄᑦ ᐊᓐᓇᒐᓱᒃᑲᓗᐊᕐᐳᖅ ᐊᒡᒍᕐᓗᓂ.
23ᐸᑦᑕᒃᑐᕈᑎᒋᔭᐅᓂᐊᕐᐳᖅ,
ᓱᓗᒃᓱᕐᕕᐅᓗᓂᓗ ᐃᓂᒋᔭᖓᓂᑦ ᓄᑎᑕᐅᕗᖅ.”
Currently Selected:
ᔫᐱᐅᑉ ᐊᒡᓚᖏᑦ 27: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
