ᔫᐱᐅᑉ ᐊᒡᓚᖏᑦ 23
23
ᔫᐱ
1ᑕᕝᕙ ᔫᐱᐅᑉ ᑭᐅᕚ:
2“ᐅᓪᓗᒥᒧᑦ ᓱᓕ ᑎᑭᓪᓗᒍ ᒎᑎᒥᒃ ᓈᒻᒪᒃᓴᖏᓪᓚᕆᒃᐳᖓ,
ᐋᓐᓂᐊᓂᕐᒧᑦ ᓂᐹᓂᐅᓴᓂᕋ ᓱᓕ ᓄᖅᑲᖓᑎᑦᓱᓐᓇᖏᓐᓇᒃᑯ.
3ᖃᓄᕐᑐᖅ ᓇᓃᓐᓂᖓᓂᒃ ᖃᐅᔨᓚᐅᕐᓚᖓ,
ᓇᔪᕐᑕᖓᓄᑦ ᐃᒃᓯᕙᐅᑕᖓᓄᑦ ᐅᐸᖕᓂᐊᕋᒃᑯ.
4ᖃᓄᐃᓐᓂᕆᔭᓐᓂᒃ ᐅᖃᐅᑎᑦᓯᐊᕋᔭᕐᐸᕋ
ᑭᐅᒪᐅᑎᖃᑎᒋᓗᒍᓗ ᐅᖃᖃᑎᒋᒐᔭᕋᒃᑯ.
5ᖃᓄᖅ ᑭᐅᒐᔭᕐᒪᖔᑦ ᖃᐅᔨᔪᒪᒐᔭᕐᐸᕋ,
ᖃᓄᕐᓗ ᐅᖃᕋᔭᕐᒪᖔᑦ ᑐᑭᓯᔪᒪᒐᔭᕐᓗᖓ.
6ᐱᔪᓐᓇᕐᓂᓕᒫᒥᓄᑦ ᐅᕙᓐᓂᒃ ᐊᑭᒋᐊᕋᔭᕐᑐᒃᓴᐅᕚ?
ᐋᒃᑲ, ᐅᖃᐅᓯᕆᔭᓐᓂᖏᓐᓇ ᓈᓚᑦᓯᐊᕋᔭᕐᑐᖅ.
7ᑕᕝᕙᓂ ᐃᓱᐊᕐᑐᓕᔪᒧᑦ ᐅᖃᖃᑎᒋᔭᐅᔪᓐᓇᕐᒪᑦ,
ᐸᓯᔭᒃᓴᐅᖏᓐᓂᓐᓂᒡᓗ ᓇᓗᓁᕐᓯᕕᒋᒐᔭᕐᐹᖓ ᐃᓱᖃᖏᑦᑐᒧᑦ.
8ᑕᑯᒋᑦ, ᓯᕗᓂᓐᓂ ᕿᓂᓚᐅᕐᐸᕋ ᑕᕝᕙᓃᓚᐅᓐᖏᓚᖅ;
ᑭᖑᓂᓐᓂᓗ ᕿᓂᓚᐅᕆᕙᕋ, ᓇᓂᓚᐅᓐᖏᓚᕋᓕ;
9ᓴᐅᒥᖕᒪ ᓇᓛᓂ ᕿᓂᓚᐅᕐᐸᕋ, ᑕᑯᓚᐅᓐᖏᓚᕋᓕ;
ᑕᓕᕐᐱᓐᓄᑦ ᕿᕕᐊᕋᓗᐊᕐᒥᒐᒪ, ᑕᑯᓚᐅᖏᓐᓂᕙᕋ.
10ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ;
ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.
11ᑐᒥᖏᑦ ᐊᑐᑦᓯᐊᕐᓗᒋᑦ ᒪᓕᒃᓯᒪᒐᒃᑭᑦ,
ᐊᑐᕐᑕᐅᖁᔭᖓᑕᓗ ᐊᓯᐊᓄᑦ ᓴᖑᓚᐅᕐᓇᖓ.
12ᐱᖁᔭᖏᑦ ᐅᖃᐅᓯᕆᓯᒪᔭᖏᑦ ᕿᒪᓚᐅᓐᖏᓚᒃᑲ;
ᑲᒪᒋᑦᓯᐊᕐᓗᒋᑦ ᓴᕐᓕᐊᓚᐅᕐᐸᒃᑲ ᑖᑦᓱᒪ ᐅᖃᐅᓯᖏᑦ.
13ᑖᓐᓇ ᐊᓯᑦᔨᕈᓐᓇᓐᖏᓚᖅ ᑭᐊᓕ ᓴᖑᑎᑦᓱᓐᓇᕐᐸᐅ?
ᐱᓇᓱᐊᕈᒪᔭᒥᓂᒃ, ᐱᓇᓱᐊᕐᐸᒃᐳᖅ.
14ᑖᑦᓱᒪ ᐱᓇᓱᐊᕈᒪᔭᓂ ᐅᕙᓐᓄᑦ ᑲᔪᓯᑎᓐᓂᐊᕐᐹ;
ᐱᓇᓱᐊᕈᒪᔭᖏᑦ ᐅᓄᕐᒪᑕ ᐃᓱᒪᒋᓯᒪᔭᖏᑦ.
15ᑍᒤᒻᒪᑦ ᖁᐊᕐᓵᖓᕗᖓ ᑖᑦᓱᒪ ᓵᖓᓂ;
ᑕᒪᓐᓇ ᐃᓱᒪᒋᓕᕌᖓᒃᑯ, ᑲᑉᐱᐊᒋᓕᖃᑦᑕᕐᐸᕋ.
16ᒎᑎᐅᑉ ᐆᒻᒪᑎᒐ ᓄᑮᕐᑎᑉᐹ;
ᐊᔪᒐᖃᖏᑦᑑᑉ ᑲᑉᐱᐊᓱᕕᒡᔪᐊᓕᕐᑎᒻᒪᖓ;
17ᑖᕐᑐᕐᔪᐊᒦᒃᑲᓗᐊᕋᒪ ᐊᔪᓕᕐᑎᑕᐅᓯᒪᖏᓐᓇᒪ,
ᑖᕐᑐᕐᔪᐊᒧᑦ ᐅᓕᒃᑕᐅᓪᓗᖓ ᑕᑯᓐᓇᕐᑎᑕᐅᖏᒃᑲᓗᐊᕋᒪ.”
Currently Selected:
ᔫᐱᐅᑉ ᐊᒡᓚᖏᑦ 23: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
