ᔫᐱᐅᑉ ᐊᒡᓚᖏᑦ 22
22
ᐅᖃᖃᑎᒌᖕᓂᐅᑉ ᐱᖓᔪᖓᑦ
22:1—27:23
ᐃᓕᐹᓯ
1 #
ᔫᐱ 35:6-8. ᑕᕝᕙ ᐃᓕᐹᓯ ᑎᒪᓁᑎᒥᐅᖅ ᑭᐅᕗᖅ:
2“ᐃᓄᒃ ᐱᕙᓪᓕᕈᑕᐅᔪᓐᓇᕐᐹ ᒎᑎᒧᑦ?
ᓯᓚᑐᔫᒍᓂ ᐱᕙᓪᓕᕐᑎᑦᓯᔪᓐᓇᕋᔭᕐᐹ ᑖᑦᓱᒥᖓ?
3ᐊᔪᒐᖃᖏᑦᑐᖅ ᖃᓄᖅ ᖁᕕᐊᓱᒃᑎᒃᑲᔭᕐᐱᐅᒃ ᓇᓛᒎᕐᓂᕐᓄᑦ?
ᖃᓄᕐᓗ ᐱᕙᓪᓕᕐᑎᑕᐅᒐᔭᕐᐹ ᐱᓂᐊᕐᓂᒃᑯᑦ ᐸᓯᔭᒃᓴᐅᖏᒃᑯᕕᑦ?
4ᑖᑦᓱᒥᖓ ᓯᕘᕋᒋᔭᖃᕐᓂᕐᓄᑦ ᐋᖅᑭᒋᐊᓚᕿᕚᑏᑦ?
ᐃᖅᑲᕐᑐᐃᕕᖕᒧᓪᓗ ᐃᑎᖃᑎᒋᓪᓗᑎᑦ?
5ᐱᐅᖏᑦᑐᓕᓯᒪᓗᐊᕐᓂᕐᓄᑦ ᑕᒪᓐᓇ ᑍᒤᑎᑕᐅᓐᖏᓛᖅ?
ᐊᔪᕐᑐᓕᓂᕕᓪᓗ ᐅᓄᓗᐊᕐᓂᖏᓐᓄᑦ ᑍᒤᑦᔪᑎᖃᓐᖏᓛᖅ?
6ᐃᓚᒋᔭᕐᓂᒃ ᐊᑭᓖᑎᑦᓯᖃᑦᑕᕐᓯᒪᒐᕕᑦ ᓱᓇᐅᖏᑦᑐᒧᑦ,
ᐊᓐᓄᕅᔭᕐᓗᒋᓪᓗ ᓱᓇᑕᖃᕈᓐᓁᕐᑎᓪᓗᒋᑦ ᕿᒪᒃᐸᒃᓗᒋᑦ.
7ᑕᖃᒪᔪᓂᒃ ᐃᒥᕈᒃᑐᓂᒃ ᐃᒥᕐᑎᑦᓯᖃᑦᑕᕐᓯᒪᖏᓐᓇᕕᑦ,
ᑳᒃᑐᓂᒡᓗ ᓂᕆᑎᑦᓯᖃᑦᑕᕐᓯᒪᓇᒃ.
8ᐱᔪᓐᓇᕐᓂᓕᐊᓘᓯᒪᒐᕕᑦ ᓄᓇᖁᑎᖃᕐᓗᑎᓪᓗ,
ᐅᐱᒋᔭᐅᓪᓗᑎᓪᓗ ᑕᕝᕙᓂ ᓄᓇᒋᔭᕐᓂ.
9ᐅᐃᒡᒐᕐᓃᑦ ᓱᓇᑖᕐᑎᓐᓇᒋᑦ ᐊᐅᓪᓚᕐᑎᖃᑦᑕᓚᐅᕐᐸᑎᑦ,
ᐃᓕᐊᕐᔪᐃᓪᓗ ᐱᔪᓐᓇᕐᓂᖏᓐᓂᒃ ᐊᕐᓵᕐᐸᒡᓗᒋᑦ.
10ᑍᒤᒻᒪᑦ ᒫᓐᓇ ᐊᕙᑎᓕᒫᕐᓂ ᓂᒐᕐᑕᖃᓕᕐᐳᖅ,
ᓂᕆᐅᓇᖏᑦᑐᓄᓪᓗ ᑲᑉᐱᐊᓇᕐᑐᓄᑦ ᖁᐊᕐᓵᖓᑎᑕᐅᓕᕐᓗᑎᑦ;
11ᑖᕐᓯᐅᓕᕐᓯᒪᒐᕕᑦ, ᑕᑯᔪᓐᓁᓪᓕᓯᒪᕗᑎᑦ,
ᐅᓗᑦᔭᐅᓂᕐᒧᓪᓗ ᐅᓕᒃᑕᐅᓯᒪᓕᕐᓗᑎᑦ.
12ᒎᑎ ᖁᑦᓯᒃᑐᒦᓐᖏᓛᖅ ᕿᓚᖕᒥ?
ᐅᓪᓗᕆᐊᓂᒃ ᐊᒧᑦ ᑕᑯᓐᓇᕐᐸᒃᑐᖅ ᖁᑦᓯᖕᓂᕐᐹᖑᒐᓗᐊᓂᒃ.
13ᑍᒤᑎᓪᓗᒍᓕ ᐅᖃᕐᐸᒃᐳᑎᑦ, ‘ᒎᑎ ᖃᐅᔨᒪᒐᓗᐊᕐᐹ?
ᓄᕗᔭᓄᑦ ᑖᕐᑐᓄᑦ ᑕᓕᐅᒪᑎᑕᐅᓗᓂ ᐃᖅᑲᕐᑐᕈᓐᓇᕐᐹᑎᒎᑦ?
14ᓄᕗᑦᑕᕆᒃᑐᒧᑦ ᑕᓕᐅᒪᑎᑕᐅᒐᒥ ᑕᑯᔪᓐᓇᓐᖏᓚᖅ,
ᕿᓚᐅᑉ ᐃᒡᓗᕕᒐᐅᔮᕐᑑᑉ ᖁᓛᒍᑦ ᐱᓱᑲᑕᑐᐃᓐᓇᕋᒥ.’
15ᐱᐅᖏᑦᑐᓕᔪᑦ ᐊᖅᑯᓯᓂᖏᑎᒍᑦ
ᓄᑕᐅᖏᑦᑐᒃᑯᑦ ᐊᖅᑯᑎᖃᖃᑕᐅᔪᒪᕖᑦ?
16ᑐᖁᕕᒃᓴᖏᑦ ᓇᓪᓕᐅᑎᓚᐅᕐᑎᓐᓇᒋᑦ ᑎᒍᔭᐅᑲᓪᓚᒃᓯᒪᕗᑦ;
ᑐᓐᖓᕕᒋᔭᖓᑦ ᐅᓕᕕᒡᔪᐊᒧᑦ ᐅᓗᑦᔭᐅᓚᐅᕐᒪᑦ.
17ᒎᑎᒧᑦ ᐅᖃᓚᐅᕐᒪᑕ, ‘ᐅᕙᑦᑎᓐᓂᑦ ᕿᒪᕉᑎᓚᐅᕆᑦ!
ᖃᓄᖅ ᐊᔪᒐᖃᖏᑦᑐᖅ ᐅᕙᑦᑎᓐᓄᑦ ᐱᓇᓱᐊᕈᓐᓇᕐᐹ?’
18ᓱᓕᓕ ᐊᖏᕐᕋᖏᑦ ᐊᔪᕐᓴᕈᓐᓁᕐᑎᓚᐅᕐᐰᑦ ᐱᐅᔪᓂᒃ;
ᐱᐅᖏᑦᑐᓕᔪᓪᓕ ᐃᓱᒪᒋᔭᖏᑦ ᐱᖃᑕᐅᕕᒋᔪᓐᓇᓐᖏᓚᒃᑲ.
19ᐃᓱᐊᕐᑐᓕᔪᓪᓕ ᑕᒪᑐᒥᖓ ᑕᑯᒐᒥᒃ ᖁᕕᐊᓱᒃᐳᑦ;
ᐸᓯᔭᒃᓴᐅᖏᑦᑐᑦ ᐃᔪᕐᐳᑦ ᑖᒃᑯᐊ ᒥᑕᐅᑎᒋᓪᓗᒋᑦ,
20ᐅᖃᕐᓗᑎᒃ, ‘ᐊᑭᕋᕐᑐᕐᑎᑦᑕ ᐱᖁᑎᓕᒫᖏᑦ ᓄᖑᑕᐅᕗᑦ,
ᐊᒥᐊᒃᑯᓕᒫᖏᓪᓗ ᐃᑯᒪᒧᑦ ᓄᖑᑕᐅᓪᓗᑎᒃ.’
21ᒎᑎᒥᒃ ᐊᑭᕋᕐᑐᕈᓐᓁᕐᓗᑎᑦ, ᓮᒻᒪᖃᑎᒋᓕᕈᒃ;
ᑍᒤᓕᐅᕈᕕᑦ ᑕᕝᕙ ᐱᐅᔪᒥᒃ ᑎᑭᑕᐅᓂᐊᐳᑎᑦ.
22ᑖᑦᓱᒪ ᓇᖕᒥᓂᖅ ᐊᔪᕆᕐᑑᓯᖏᑦ ᐃᓚᓕᐅᓕᒃᑭᑦ,
ᐅᖃᐅᓯᖏᓪᓗ ᑐᖅᑯᕐᓗᒋᑦ ᐆᒻᒪᑎᖕᓄᑦ.
23ᐊᔪᒐᖃᖏᑦᑐᒧᑦ ᐅᑎᕈᕕᑦ ᐃᒻᒥᓂᒡᓗ ᒥᑭᒡᓕᑎᕐᓗᑎᑦ,
ᐱᐅᖏᑦᑐᓕᓃᓪᓗ ᐲᕈᕕᒋᑦ ᐊᖏᕐᕋᕐᓂᑦ,
24ᒎᓗᖁᑎᑎᑦ ᐃᓕᓗᒋᑦ ᓄᓇᒧᑦ,
ᒎᓗᖁᑎᑎᓪᓗ ᐱᐅᓂᕐᐹᑦ ᐅᐱᕼᐃᒥᐅᑍᑦ ᐃᓕᓗᒋᑦ ᕾᕐᑐᑦ ᖂᖕᓂᖏᓐᓄᑦ,
25ᐊᔪᒐᖃᖏᑦᑐᖅ ᒎᓗᖁᑎᒋᓕᕈᕕᐅᒃ,
ᓯᐅᓪᕕᕆᖁᑎᒋᓕᕐᓗᒍ ᑕᑯᒥᓇᕐᑐᕐᔪᐊᖅ.
26ᑕᕝᕙ ᖁᕕᐊᓇᕐᑐᒥᒃ ᓇᓂᓯᓂᐊᕐᐳᑎᑦ ᐊᔪᒐᖃᖏᑦᑐᒥᑦ,
ᖁᒻᒧᓪᓗ ᐋᕐᓗᕐᕕᒋᓂᐊᕈᕕᐅᒃ ᒎᑎ.
27ᑖᑦᓱᒧᖓᓗ ᑐᒃᓯᐊᓕᕈᕕᑦ, ᑖᑦᓱᒪ ᑐᓴᕐᓂᐊᕐᐹᑎᑦ;
ᐊᖏᕈᑎᒋᓯᒪᔭᑎᓪᓗ ᑖᑦᓱᒧᖓ ᑲᔪᓯᑎᓪᓗᒋᑦ ᑐᓂᓗᒋᑦ.
28ᑕᒪᓐᓇ ᑐᑭᑖᕈᑎᒋᒍᕕᐅᒃ, ᑕᕝᕙ ᐱᕙᓪᓕᐊᓕᕐᓂᐊᕐᐳᑎᑦ,
ᐊᖅᑯᑎᒃᓴᑎᓪᓗ ᓯᕗᓂᕐᓂ ᖃᐅᒻᒪᒃᑎᑕᐅᓯᒪᓕᕐᓂᐊᕐᐳᑦ.
29ᒎᑎᐅᑉ ᐱᐅᔪᕆᔪᑦ ᐅᕐᕈᑎᑉᐰᑦ,
ᐱᐅᔪᕆᖏᑦᑐᓪᓕ ᐱᐅᓕᕔᑦ.
30ᑖᑦᓱᒪ ᐸᓯᔭᒃᓴᐅᖏᑦᑐᑦ ᓴᐳᑎᕔᑦ;
ᑖᑦᓱᒪ ᓴᐳᑎᓂᐊᕐᐹᑎᑦ ᐱᓂᐊᕐᓂᑎᑦ ᐸᓯᔭᒃᓴᐅᓂᖃᖏᑉᐸᑕ.”
Currently Selected:
ᔫᐱᐅᑉ ᐊᒡᓚᖏᑦ 22: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
