ᔫᐱᐅᑉ ᐊᒡᓚᖏᑦ 18
18
ᐱᐅᓪᑖᑦ
1ᑕᕝᕙ ᐱᐅᓪᑖᑦ ᓲᕼᐂᑎᒥᐅᑕᖅ ᑭᐅᕗᖅ:
2“ᖃᖓᓕ ᐅᖃᓪᓚᒍᓐᓃᕐᓂᐊᕋᓗᐊᕐᐲᑦ?
ᐃᓱᒪᖃᓚᐅᕆᑦ, ᐅᖃᕈᓐᓇᕐᓯᓂᐊᕋᑦᑕᑦᑕᐅᖅ.
3ᓱᖕᒪᑦ ᐃᒻᒧᒃᓯᐅᒐᑎᑐᑦ ᐃᓱᒪᒋᕕᑎᒎᑦ?
ᓱᖕᒪᓪᓗ ᓯᓔᑦᑑᕕᑕ ᓵᖕᓂ?
4ᓂᓐᖓᐅᒪᓂᕐᓄᑦ ᐃᒻᒥᓂᒃ ᐋᓐᓂᕐᓯᑐᐃᓐᓇᕐᐳᑎᑦ,
ᓄᓇᕐᔪᐊᖅ ᓂᓐᖓᐅᒪᓂᕐᓄᑦ ᐃᓕᖕᓂᑦ ᕿᒫᓂᐊᕋᓱᒋᕕᐅᒃ?
ᐅᕝᕙᓗ ᐅᔭᖅᑲᑦ ᐃᓂᒥᖕᓂᑦ ᐲᕐᑕᐅᔭᕆᐊᖃᕋᓱᒋᕕᒌᑦ?
5 #
ᔫᐱ 21:17. ᐱᐅᖏᑦᑑᑉ ᖃᐅᒻᒪᖅᑯᑎᖓ ᖃᒥᑕᐅᓂᐊᕐᐳᖅ,
ᐃᑯᒪᑎᑕᖓᓗ ᐊᐅᒤᕈᑎᓗᓂ ᐃᑭᒃᑲᓐᓂᕐᓂᐊᕈᓐᓃᕐᐳᖅ.
6ᑐᐱᖓᓂ ᖃᐅᒻᒪᖅᑯᑎᖓ ᑖᕐᓯᓂᐊᕐᐳᖅ,
ᓇᓂᕈᐊᖓᓗ ᖁᓛᓃᑦᑐᖅ ᖃᒥᑕᐅᓂᐊᕐᐳᖅ.
7ᐊᓪᓗᕋᕐᓂᖓ ᓴᓐᖐᓕᓂᐊᕐᐳᖅ;
ᓇᖕᒥᓂᖅ ᐊᔪᕆᕐᑐᐃᑦᔪᑎᒥᓄᑦ ᑲᑕᒃᑎᑕᐅᓂᐊᕐᐳᖅ.
8ᓇᖕᒥᓂᖅ ᐃᑎᒐᒥᓄᑦ ᓄᓗᐊᕐᐳᖅ,
ᓂᒐᕐᓄᓪᓗ ᐱᓱᒡᓗᓂ ᐅᐸᒍᑎᕗᖅ.
9ᑭᖕᒥᖕᒥᒍᑦ ᒥᑭᒋᐊᕐᑎᑕᐅᕗᖅ;
ᓂᒐᕐᒧᑦ ᐃᑎᒐᖏᑦ ᓂᒐᕐᑎᑕᐅᓪᓗᑎᒃ.
10ᒪᓂᖅᑲᒥ ᐊᒃᓱᓈᑦ ᓂᒐᕐᑎᑦᓯᒍᑕᐅᓇᓱᐊᕐᑐᑦ ᐃᔨᕐᓯᒪᕗᑦ,
ᒥᑭᒋᐊᑦ ᐊᖅᑯᑎᒋᓂᐊᕐᑕᖓᓂ ᐅᑕᖅᑭᕗᑦ.
11ᖁᐊᕐᓵᕐᓇᕐᑐᒧᑦ ᑲᑉᐱᐊᓱᒃᑎᑕᐅᓂᐊᕐᐳᖅ ᐊᕙᑎᓕᒫᖓᓂᑦ;
ᑭᖕᒥᖓᓄᑦ ᐊᒃᑐᐊᔪᒥᒃ ᒪᓕᒃᑕᐅᖏᓐᓇᕐᓂᐊᕐᐳᖅ.
12ᐊᔪᕐᓴᖏᑦᑑᕙᓚᐅᕐᐳᖅ, ᒫᓐᓇᓕ ᑳᓕᕐᐳᖅ;
ᐊᓯᕈᕐᑕᐅᓂᕐᒧᑦ ᐅᑕᖅᑭᐊᖑᕗᖅ ᐊᖅᑯᑎᖏᓂᐊᕐᑕᖓᓂ.
13ᑎᒥᓕᒫᖓ ᐋᓐᓂᐊᓇᕐᑐᒧᑦ ᐅᕕᓃᕈᑦᔭᐅᓕᕐᐳᖅ;
ᐊᕙᑎᖏᑦ ᑐᖂᑉ ᐃᕐᓂᐊᕆᖅᑳᑕᖓᓄᑦ ᓄᖑᑕᐅᓕᕐᐳᑦ.
14ᐊᓕᒃᑐᕐᑕᐅᓯᒪᕗᖅ ᑐᐱᕐᒥᑦ ᐅᒃᐱᕆᔭᒥᓂᑦ,
ᐅᓂᐊᕐᑕᐅᕗᖅ ᑲᑉᐱᐊᓱᒃᑎᑦᓯᔩᑦ ᐊᖓᔪᖅᑳᕐᔪᐊᖓᓐᓄᑦ.
15ᑐᐱᖓᓃᑦᑐᖃᕐᐳᖅ ᑖᑦᓱᒪ ᐱᒋᓐᖏᑕᖓᓂᒃ;
ᐃᑯᐊᓪᓚᕆᒃᑐᒥᒃ ᓯᐊᒻᒪᕐᑎᑦᓯᕕᐅᕗᖅ ᓇᔪᕐᑕᖓ.
16ᐊᒫᖏᑦ ᓄᓇᐅᑉ ᐃᓗᐊᓃᑦᑐᑦ ᐸᓂᕐᐳᑦ,
ᐊᕙᓚᖓᔪᖏᓪᓗ ᓴᖅᑭᔮᕐᑐᑦ ᑐᖁᓕᕗᑦ.
17ᑖᑦᓱᒪ ᐃᖅᑲᐅᒪᔭᐅᓂᖓ ᓄᓇᒥ ᓄᖑᑉᐳᖅ,
ᐊᑎᖓᓗ ᐳᐃᒍᕐᑕᐅᕗᖅ ᓄᓇᓕᖕᓂ.
18ᖃᐅᒪᔪᒥᑦ ᑖᕐᑐᒧᐊᕐᑎᑕᐅᕗᖅ,
ᓄᓇᕐᔪᐊᕐᒥᓗ ᐃᓅᔪᓂᑦ ᐊᓂᑎᑕᐅᕗᖅ.
19ᐃᕐᓂᖃᓐᖏᓚᖅ ᑭᖑᕚᖃᕋᓂᓗ ᐃᓅᖃᑎᒥᓂ,
ᓄᓇᒋᓯᒪᔭᖓᓂ ᐊᓐᓇᒃᓯᒪᔪᖃᓐᖏᓚᖅ.
20ᓯᕿᓂᐅᑉ ᓂᐱᕕᐊᓂᑦ ᐱᔪᑦ ᑖᑦᓱᒥᖓ ᑐᓴᕐᑐᑦ ᓴᔪᓕᕐᐳᑦ,
ᓯᕿᓂᐅᑉ ᓄᐃᕕᐊᓂᑦ ᐱᔪᑦ ᖁᐊᕐᓵᖓᓕᕐᐳᑦ ᑲᑉᐱᐊᓱᖕᓂᕐᒧᑦ.
21ᑕᕝᕙ ᒎᑎᖃᖏᑦᑑᑉ ᐊᖏᕐᕋᖓᓂ ᑍᒤᑦᑑᕗᖅ,
ᑍᒤᑦᑐᐃᓐᓇᐅᕗᑦ ᑕᕝᕙ ᒎᑎᒥᒃ ᖃᐅᔨᓯᒪᖏᑦᑐᑦ.”
Currently Selected:
ᔫᐱᐅᑉ ᐊᒡᓚᖏᑦ 18: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
