ᔫᐱᐅᑉ ᐊᒡᓚᖏᑦ 17
17
1“ᐃᓅᔪᓐᓁᕐᕕᒃᓴᕋ ᖃᒡᓕᕗᖅ, ᐊᓂᕐᓂᕋ ᓯᖁᒥᓯᒪᓕᕐᒪᑦ,
ᐃᓗᕕᒃᓴᕋᓗ ᐅᕙᓐᓂᒃ ᐅᑕᖅᑭᓕᕐᐳᖅ.
2ᐅᕙᓐᓂᒃ ᒥᑕᐅᑎᒃᓴᕐᑐᑦ ᐊᕙᑎᓐᓃᑉᐳᑦ;
ᑕᑯᓐᓇᖃᑦᑕᕐᐸᒃᑲᓗ ᒥᑕᐅᑎᒃᓴᕕᒡᔪᐊᕐᑎᓪᓗᒋᑦ.
3ᓱᓕᓪᓗᖓ ᐅᖃᖃᑦᑕᕋᒪ ᒎᑏᒃ ᐅᖃᐅᓯᒃᑲ ᐃᓚᓕᐅᒃᑭᑦ;
ᐅᖃᐅᓯᕆᔭᒃᑲᓕ ᓇᓪᓕᐊᓐᓄᑦ ᓴᐳᑎᔭᐅᓂᐊᕐᐸᑦ?
4ᐃᓱᒪᖏᑦ ᑐᑭᓯᔪᓐᓇᓐᖏᑎᓐᓇᕕᒋᑦ,
ᑍᒤᒻᒪᑦ ᐅᕙᓐᓂᒃ ᓵᓚᖃᕐᑎᑦᑍᓕᒃᑭᑦ.
5ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ,
ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.
6ᐃᓄᖕᓂᑦ ᑕᒪᓐᓇ ᑐᕌᖓᑎᑕᐅᓇᓱᐊᕐᐳᖅ ᐅᕙᓐᓄᑦ,
ᑕᕝᕙ ᐃᓄᖕᓄᑦ ᐅᐸᒃᑕᐅᓪᓗᖓ ᐅᕆᐊᕐᕕᐅᖃᑦᑕᕐᐳᖓ.
7ᕿᒃᓵᖕᓂᕐᒧᑦ ᑕᑯᓐᓇᑦᓯᐊᕈᓐᓁᕐᐳᖓ,
ᐊᕙᑎᓕᒫᒃᑲᓗ ᑕᕐᕋᑎᑐᑦ ᓵᑦᑑᑎᒋᓕᕐᐳᑦ.
8ᐃᓄᐃᑦ ᖃᓄᐃᑦᔪᑎᖃᖏᑦᑐᑦ ᑕᒪᑐᒥᖓ ᖁᐊᕐᓵᕈᑎᖃᕐᐳᑦ,
ᐸᓯᔭᒃᓴᐅᖏᑦᑐᕐᓗ ᓵᓐᖓᓯᔭᕆᐊᖃᓕᕐᐳᖅ ᒎᑎᖃᖏᑦᑐᓂᒃ.
9ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ,
ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.
10ᐊᑍ ᐃᓘᓐᓇᓯ ᕾᓕᕆᑦᓯ ᓵᓐᓄᑦ,
ᐊᑯᓐᓇᑦᓯᓐᓂ ᓯᓚᑐᔪᒥᒃ ᓇᓂᓯᖏᓐᓇᒪ.
11ᐅᓪᓗᒃᑲ ᐊᓂᒍᕐᐳᑦ, ᐸᕐᓇᒃᓯᒪᔭᒃᑲᓗ ᓯᖁᒥᓯᒪᓕᕐᓗᑎᒃ,
ᐆᒻᒪᑎᓐᓂ ᐊᒡᓛᑦ ᓂᕆᐅᒋᔭᖃᕈᓐᓁᕐᐳᖓ.
12ᐅᓐᓄᐊᒥᒃ ᐅᓪᓗᖃᖔᓕᕐᐳᑦ;
ᐅᖃᕐᓗᑎᒡᓗ, ‘ᖃᐅᒻᒪᓯᕗᖅ,’ ᑖᓪᓚᕆᒃᑎᓪᓗᒍ ᓱᓕ.
13ᐊᖏᕐᕋᒃᓴᑐᐊᕆᔫᔮᓕᕐᐸᕋ ᑐᖁᖓᔪᑦ ᐃᓂᖓᑦ,
ᑕᕝᕙᓂ ᓇᓪᓚᖓᕕᒃᓴᕋ ᐋᖅᑭᒃᑕᐅᓯᒪᓕᕐᐳᖅ ᑖᕐᑐᒥ.
14ᐃᓗᕕᖃᕐᕕᒃ ᐊᑖᑕᓐᓂᒃ ᑍᒐᔭᕈᒃᑯ,
ᖁᒡᓗᒋᐊᕋᓛᓪᓗ ᐊᓈᓇᓐᓂᒃ ᑍᒍᒃᑭᑦ, ᐅᕝᕙᓗ ᓇᔭᓐᓂᒃ,
15ᓂᕆᐅᒋᔭᒃᓴᕋᓕ ᑍᒪ ᓇᓃᓕᕋᔭᕐᐸ?
ᑭᐊᓗ ᓂᕆᐅᖕᓂᕋ ᑕᑯᒐᔭᕐᐸᐅᒃ?
16ᓂᕆᐅᖕᓂᕋ ᑐᖁᖓᔪᑦ ᐃᓂᖓᓄᐊᖃᑎᒋᔪᓐᓇᕋᔭᕐᐸᕌ?
ᑕᐅᓄᖓ ᑐᖁᖓᔪᑦ ᐃᓂᖓᓄᑦ ᐊᑕᐅᑦᓯᒃᑰᕈᓐᓇᕋᔭᕐᐱᓅᒃ?”
Currently Selected:
ᔫᐱᐅᑉ ᐊᒡᓚᖏᑦ 17: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
