ᔫᐱᐅᑉ ᐊᒡᓚᖏᑦ 16
16
ᔫᐱ
1ᑕᕝᕙ ᔫᐱᐅᑉ ᑭᐅᕚ:
2“ᑕᒪᒃᑯᓂᖓ ᐅᓄᕐᑐᐃᓱᕐᓗᖓ ᑐᓴᖃᑦᑕᕐᓯᒪᕗᖓ;
ᑕᒪᑦᓯ ᓮᒻᒪᕐᓮᓇᓱᐊᓐᖑᐊᓲᖑᒐᑦᓯ ᓱᓕᓇᓯ.
3ᑖᕗᖓᑐᐃᓐᓇᖅ ᑐᑭᖃᖏᑦᑐᓂᒃ ᐅᖃᓪᓚᖕᓂᐊᕐᐱᓰ?
ᐅᕝᕙᓗ ᑍᒪᓐᖓᑦ ᑭᐅᔪᓐᓇᕐᑐᑑᕕᓰ?
4ᐃᓕᑦᓯᑐᑦᑕᐅᖅ ᐅᖃᓪᓚᒍᓐᓇᕋᓗᐊᕐᑐᖓ,
ᐃᓂᒋᔭᓐᓃᖔᕋᔭᕈᑦᓯ; ᓂᐊᖁᕋ ᐃᓕᕿᑕᒫᕐᓗᒍ
ᐃᓕᑦᓯᓐᓂᒃ ᓱᓇᐅᒃᓴᖏᓐᓂᕐᒧᑦ ᐅᖃᓪᓚᒡᕕᒋᔪᓐᓇᕋᔭᕆᕙᑦᓯ.
5ᖃᓂᑐᐃᓐᓇᓐᓄᑦ ᐱᕙᓪᓕᕐᑎᒐᓱᐊᕈᓐᓇᕋᔭᕆᕙᑦᓯ,
ᐅᖃᓪᓚᒡᕕᒋᓗᓯ ᓮᒻᒪᕐᓴᕋᓱᐊᕈᓐᓇᕋᔭᕆᕙᑦᓯ.
6ᐅᖃᓪᓚᖕᓂᓐᓄᑦ, ᐋᓐᓂᐊᓂᕋ ᐃᑲᔪᕐᑕᐅᖏᑦᓯᐊᕐᐳᖅ;
ᓂᐱᖃᖏᒃᑲᓗᐊᕈᒪᓗ ᐋᓐᓂᐊᓂᕋ ᐃᑯᓪᓚᐅᒥᑎᑕᐅᑦᔮᓇᓂ.
7ᒎᑎᐅᓪᓕ ᒫᓐᓇ ᑕᖃᑎᑦᓯᐊᓕᕐᐹᖓ;
ᐃᒡᓗᒥᐅᖃᑎᓕᒫᒃᑲ ᓄᖑᑎᓯᒪᓕᕐᒪᒋᑦ.
8ᐊᑦᓱᖏᐅᑎᓯᒪᕚᖓ, ᑕᒪᓐᓇᓗ ᓇᓗᓁᒃᑯᑕᐅᕗᖅ ᐊᑭᕋᕐᑐᕐᑕᐅᓂᓐᓄᑦ;
ᓴᓪᓗᐊᓘᓕᕐᐳᖓ ᓴᐅᓃᓐᓇᐅᓕᕐᓗᖓᓗ,
ᖁᓚᖏᑦᔪᑕᐅᓕᕐᐳᕐᓗ ᐸᓯᔭᒃᓴᐅᓂᓐᓄᑦ ᑍᒤᓐᓂᕋᕐᑕᐅᓪᓗᖓ.
9ᒎᑎᐅᑉ ᓂᓐᖓᐅᑎᓪᓗᓂᖓ, ᐆᒥᒋᓕᕐᐹᖓ;
ᑕᑯᓴᕐᓗᓂᖓ ᐃᔨᒃᑭᐅᒥᕚᖓ, ᑮᒻᒥᕗᕐᓗ ᐆᒥᓱᖕᓂᕐᒧᑦ.
10ᐃᓄᐃᑦ ᐅᕙᓐᓂᒃ ᓇᕐᕈᓂᕐᒧᑦ ᐂᑦᑕᖃᑦᑕᕐᐳᑦ;
ᒥᑕᐅᑎᒋᓪᓗᖓ ᐅᓗᐊᒃᑯᑦ ᐸᑎᒃᑕᐅᕗᖓ,
ᑲᑐᑦᔨᓪᓗᑎᒃ ᐊᑭᕋᕐᑐᕐᐹᖓ.
11ᒎᑎᐅᑉ ᑐᓂᕐᕈᑎᒋᕚᖓ ᐅᒃᐱᖏᑦᑐᓄᑦ,
ᐂᑦᑑᑎᒋᓪᓗᓂᖓᓗ ᐱᐅᖏᑦᑐᓕᔪᓄᑦ.
12ᖃᓄᐃᖏᑦᓯᐊᕐᑎᓪᓗᖓ, ᑖᑦᓱᒪ ᓯᖁᑦᑎᓚᐅᕐᐹᖓ;
ᑐᖅᑯᔮᒃᑯᑦ ᑎᒍᓪᓗᖓ ᐋᓐᓂᕐᓯᓚᐅᕐᐹᖓ ᓯᖃᓪᓕᓪᓗᖓ;
ᓇᑉᐸᐅᑎᓚᐅᕐᐹᖓᓗ ᐱᒋᐊᖃᑦᑕᕋᒃᓴᕆᔪᒪᓪᓗᓂᖓ,
13ᐊᕙᑎᓕᒫᓐᓂᑦ ᐱᓯᒋᐊᖃᑦᑕᓕᓚᐅᕐᐹᖓ ᖃᕐᔪᒥᓄᑦ,
ᑲᐱᓚᐅᕐᐹᖓ ᑕᕐᑑᒃᑲᒃ ᑎᑭᓪᓗᒋᒃ ᓂᑲᒋᓚᐅᓐᖏᓛᖓ;
ᓱᖓᕋ ᑯᕕᑎᓚᐅᕐᐹ ᒪᓂᖅᑲᒧᑦ.
14ᑖᑦᓱᒪ ᑲᐳᓚᐅᕐᐹᖓ ᑭᖑᓕᕇᒃᑕᑦᓯᐊᑐᐃᓐᓇᕐᑐᓂᒃ;
ᐅᓇᑕᕐᑎᑐᑦ ᓂᓐᖓᒃᓯᒪᔪᑐᑦ ᐱᒋᐊᖃᑦᑕᕐᓗᖓ.
15ᕿᒃᓵᖕᓂᕐᒧᑦ ᐊᓐᓄᕌᓕᐅᓚᐅᕐᐳᖓ ᐳᑐᕐᓛᒥᒃ,
ᐳᔪᕋᕐᒥᓗ ᐃᒃᓯᕚᓕᕐᓗᖓ ᓱᓇᐅᔪᓐᓁᕐᓂᕐᒧᑦ.
16ᑮᓇᕋ ᐊᐅᐸᕐᓯᕗᖅ ᕿᐊᖓᔭᖕᓂᕐᒧᑦ,
ᐃᔩᒃᑲᒃ ᐳᓪᓕᓕᕐᐴᒃ ᐊᑖᒍᓪᓗ ᕿᕐᓂᕐᓯᓪᓗᑎᒃ;
17ᐋᓐᓂᕐᓯᕆᓇᓱᐊᕐᓯᒪᓐᖏᓚᖓᓕ ᐊᒡᒐᓐᓄᑦ,
ᑐᒃᓯᐊᕐᓂᕋᓗ ᐃᑦᔪᕐᓁᑦᑑᕗᖅ.
18ᓄᓇᕐᔪᐊᖑᔪᑎᑦ, ᐊᐅᒐ ᑕᓕᑎᓪᓗᒍ ᐅᓕᖕᓂᐊᕐᓇᒍ;
ᐱᑦᓯᐊᖁᔨᓪᓗᖓᓗ ᓂᓪᓕᐊᓂᕋ ᓄᖅᑲᕐᑎᓐᓂᐊᕐᓇᒍ.
19 #
ᔫᐱ 19:25. ᐊᒡᓛᑦ ᒫᓐᓇ, ᑕᑯᒋᑦ ᖃᐅᔨᒪᔨᒃᑲ ᕿᓚᖕᒦᑉᐳᑦ,
ᐃᑲᔪᕐᑎᒃᓴᕋᓗ ᖁᑦᓯᒃᑐᒦᓪᓗᓂ.
20ᐱᖃᓐᓇᕆᔭᒪ ᓱᐊᒃᐹᖓ;
ᐃᔩᒃᑲᒃ ᖁᕝᕕᐅᕐᐴᒃ ᒎᑎᒧᑦ.
21ᐃᓄᖕᒧᑦ ᐃᑲᔪᕐᑕᐅᔪᒪᒐᓗᐊᕐᐳᖓ ᒎᑎᒧᑦ ᓂᓪᓕᐊᓂᐊᕐᑐᒧᑦ,
ᐃᓅᑉ ᐃᓅᖃᑎᒥᓂᒃ ᐃᑲᔪᕐᐸᖕᓂᖓᑐᑦ.
22ᐅᓄᖏᑦᑐᓂᒃ ᐊᕐᕌᒍᓂᒃ ᓱᓕ ᐃᓅᓂᐊᕐᐳᖓ,
ᑭᖑᕐᖓᒍᓪᓕ ᐊᐅᓪᓚᕈᒫᕐᐳᖓ ᐅᑎᕐᓂᐊᕈᓐᓁᕐᓗᖓ.”
Currently Selected:
ᔫᐱᐅᑉ ᐊᒡᓚᖏᑦ 16: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
