ᔫᐱᐅᑉ ᐊᒡᓚᖏᑦ 13
13
1“ᐅᖃᐅᓯᕆᔭᓕᒫᑎᑦ ᑕᒪᒃᑯᐊ ᑕᑯᓯᒪᕙᒃᑲ,
ᑐᓴᓚᐅᕐᓯᒪᓪᓗᒋᓪᓗ ᑐᑭᓯᓯᒪᕙᒃᑲ.
2ᖃᐅᔨᒪᔭᑎᑦ ᖃᐅᔨᒪᖕᒥᒐᒃᑭᑦ;
ᐃᓕᖕᓂᑦ ᖃᐅᔨᒪᖏᓐᓂᕐᓴᐅᖏᓐᓇᒪ.
3ᓈᒻᒪᒃᓴᖏᑦᔪᑎᒋᔭᓐᓂᒡᓕ ᐅᖃᐅᓯᖃᕈᒪᕗᖓ ᒎᑎᒧᑦ ᐊᔪᒐᖃᖏᑦᑐᒧᑦ,
ᒎᑎ ᐂᕙᖃᑎᒋᔪᒪᕙᕋ ᐊᑐᕐᑕᒃᑲ ᐱᑦᔪᑎᒋᓗᒋᑦ.
4ᓇᓗᓂᕆᔧᑦ ᑕᓕᑎᓯᒪᓇᓱᐊᑐᐃᓐᓇᕋᕕᐅᒃ ᓴᒡᓗᓂᒃᑯᑦ;
ᐋᓐᓂᐊᓯᐅᑎᒻᒪᕆᒃᑎᑐᑦ ᑭᓇᒥᒡᓘᓐᓃᑦ ᐋᖅᑭᒃᓯᔪᓐᓇᖏᑦᑐᑎᑐᑦ.
5ᓂᐱᖃᖏᑦᓯᐊᒻᒪᕆᒃᑯᕕᑦ ᐱᐅᓂᕐᓴᐅᕗᖅ,
ᑍᒤᒃᑯᕕᑦ ᓯᓚᑐᔪᑎᑐᑦ ᐱᓂᐊᕐᐳᑎᑦ!
6ᒫᓐᓇᓕ ᐱᑦᔪᑎᒋᔭᓐᓂᒃ ᑐᓵᓚᐅᕆᑦ,
ᐅᖃᐅᓯᕆᔭᒃᑲᓗ ᐊᒃᓱᕉᑎᒋᔭᒃᑲ ᓈᓚᒡᓗᒋᑦ.
7ᓱᖕᒪᑦ ᓴᒡᓗᓪᓗᑎᑦ ᒎᑎᒧᑦ ᐅᖃᓪᓚᒃᐲᑦ?
ᓴᒡᓗᓂᒃᑯᑦ ᒎᑎᒧᑦ ᐱᑦᓯᐊᕐᑕᐅᓚᕿᓂᐊᕐᑐᕆᕖᑦ?
8ᒎᑎᒥᒃ ᓴᐳᓐᓂᐊᕋᓱᐊᕐᐲᑦ?
ᐃᖅᑲᕐᑐᐃᕕᖕᒥ ᐊᑭᓴᕐᑐᐃᔪᒪᕖᑦ ᑖᑦᓱᒥᖓ?
9ᒎᑎᒧᑦ ᕿᓂᕐᕕᐅᓕᕈᕕᑦ ᐱᐅᔪᒥᒃ ᓇᓂᓯᒐᔭᕐᐹ?
ᐅᕝᕙᓗ ᓴᒡᓗᕿᑦᓱᓐᓇᕐᑐᕆᕕᐅᒃ, ᐃᓄᖕᓂᒃ ᓴᒡᓗᕿᑦᓯᖃᑦᑕᕐᓂᕐᑐᑦ?
10ᐃᓅᖃᑎᖕᓂᒃ ᐊᑦᔨᒌᓐᖏᑎᑦᓯᓃᑦ ᐃᓗᖕᓂ ᐃᔨᕐᓯᒪᒐᓗᐊᕐᐸᑦ,
ᑖᑦᓱᒪ ᖃᐅᔨᒪᑦᓯᐊᕋᒥᑎᑦ ᓱᒋᐊᕋᔭᕐᐹᑎᑦ.
11ᑖᑦᓱᒪ ᐱᓐᓇᕐᓇᕐᓂᕐᔪᐊᖓᓄᑦ ᑲᑉᐱᐊᓱᒃᑎᑕᐅᒐᔭᓐᖏᓛᑏᑦ?
ᓯᕘᕋᓇᕐᓂᕐᔪᐊᖓᑕᓗ ᑎᑭᕝᕕᒋᓕᑐᐊᕐᐸᑎᑦ?
12ᐅᖃᐅᓯᕆᒐᔪᒃᑕᑎᑦ ᐊᕐᔭᓕᐅᕐᓂᑎᑐᑦ ᐊᑑᑎᖃᓐᖏᑎᒋᕗᑦ,
ᓴᐳᓐᓂᐊᕈᑎᒋᓇᓱᐊᕐᑕᑎᑦ ᒪᕐᕋᑎᑐᑦ ᓴᐳᓐᓂᐊᕈᑎᒃᓴᐅᓐᖏᓚᑦ.
13ᓂᐱᖃᓐᖏᑬᓐᓇᕐᓗᑎᑦ, ᐅᖃᕐᕕᒃᓴᖃᕐᑎᑬᓐᓇᓚᐅᓐᖓ,
ᐅᖃᐅᓯᕆᔭᓐᓂᑦ ᐃᓱᒪᑖᕈᓐᓇᕐᓂᐊᕋᕕᑦ.
14ᐅᕙᓐᓂᒃ ᓂᕆᔭᐅᑎᑦᑐᑎᑐᑦ ᑍᒤᓐᓂᐊᕐᐳᖓ,
ᐃᓅᓯᕋ ᑐᓂᕐᕈᑎᒋᔭᑦᑐᑦ ᑍᒤᑕᐅᑎᓪᓗᒍ.
15ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ;
ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.
16ᓯᕘᕋᑐᐃᑦᑑᓂᕋ ᐱᐅᓕᔭᐅᑦᔪᑎᒃᓴᑐᐊᕆᓕᕋᒃᑯ,
ᒎᑎᒧᑦ ᐅᒃᐱᖏᑦᑐᒥᒃ ᑖᑦᓱᒧᖓ ᓵᓐᖓᓯᔪᖃᕈᒪᓚᐅᕐᓯᒪᖏᒻᒪᑦ.
17ᐅᖃᐅᓯᕆᔭᒃᑲ ᓈᓚᑦᓯᐊᒃᑭᑦ,
ᓇᓗᓁᕐᓯᓇᓱᐊᕐᓂᕆᔭᒃᑲᓗ ᑐᓵᑦᓯᐊᕐᓗᒋᑦ.
18ᑕᑯᒋᑦ, ᐅᕙᓐᓂᒃ ᓇᓗᓁᕋᓱᐊᓕᕐᐳᖓ;
ᖃᐅᔨᒪᒐᒪ ᐃᓱᐊᕐᓂᕋᕐᑕᐅᓂᐊᕋᒪ.
19ᑭᓇ ᐅᕙᓐᓂᒃ ᐊᑭᒪᓇᓱᖕᓂᐊᕐᐸ?
ᑍᒤᑕᐅᓂᐊᕈᒪ ᓂᐸᖏᕐᓗᖓ ᑐᖁᓂᐊᕐᐳᖓ.
20ᒪᕐᕉᖕᓂᒃ ᐊᐱᖅᑯᑎᖃᕈᓐᓇᕐᑎᓚᐅᓐᖓ,
ᑕᕝᕙ ᐅᕙᓐᓂᒃ ᐃᔨᕐᓯᒪᓂᐊᓐᖏᓚᖓ ᐃᓕᖕᓄᑦ,
21ᓱᒋᐊᕐᓯᓃᑦ ᐅᕙᓐᓂᒃ ᓄᖅᑲᕐᑎᓚᐅᕈᒃ,
ᑲᑉᐱᐊᓵᕆᓂᕐᓄᓪᓗ ᖁᐊᕐᓵᕐᑎᓐᓂᐊᕐᓇᖓ.
22ᒎᑏᒃ, ᐅᕙᓐᓄᑦ ᐅᖃᓚᐅᕆᑦ, ᑕᕝᕙ ᑭᐅᓂᐊᕐᐸᒋᑦ;
ᐅᕝᕙᓗ ᐅᖃᓪᓚᒃᑎᓚᐅᓐᖓ, ᐅᕙᓐᓄᑦ ᑭᐅᖔᕐᓂᐊᕋᕕᑦ.
23ᖃᓄᖅ ᐃᓱᐃᑦᑐᓕᓯᒪᒐᒪ ᐊᔪᕐᓂᖃᕐᓗᖓᓗ?
ᖃᐅᔨᑎᓚᐅᓐᖓ ᑕᒻᒪᕐᓯᒪᓂᓐᓂᒃ ᐊᔪᕐᑐᓕᓂᓐᓂᒡᓗ.
24ᓱᖕᒪᑦ ᑮᓁᑦ ᐅᕙᓐᓄᑦ ᐃᔨᕐᓯᒪᕕᐅᒃ?
ᓱᖕᒪᓪᓗ ᐊᑭᕋᕐᑎᑐᑦ ᐱᓇᓱᐊᕐᕕᒋᕕᖓ?
25ᑲᑉᐱᐊᓱᒃᑎᑦᓯᓇᓱᐊᕐᐲᑦ? ᐅᖃᐅᔭᑎᑐᑦ ᑲᑕᖕᓂᑯᒥᒃ
ᐱᒋᐊᕋᓱᒃᓗᑎᓪᓗ ᐃᕕᒐᕐᑎᑐᑦ ᐸᓪᓕᐅᓕᕐᑐᒥᒃ?
26ᐅᕙᓐᓄᑦ ᖃᓯᓕᓇᕐᑐᓂᒃ ᑎᑎᕋᓚᐅᕐᐳᑎᑦ,
ᐃᓅᓱᒃᑑᑎᓪᓗᖓ ᐊᔪᕐᑐᓕᓂᕆᓚᐅᕐᑕᒃᑲ ᐱᑦᔪᑎᒋᓪᓗᒋᑦ.
27 #
ᔫᐱ 33:11. ᐃᑎᒐᒃᑯᑦ ᕿᔪᕐᔪᐊᓄᑦ ᐊᑦᓱᖏᕐᓯᒪᕙᕐᒪ,
ᐊᓪᓗᕐᓂᕆᔭᓕᒫᒃᑲᓗ ᖃᐅᔨᓴᕐᐸᑎᑦ;
ᑐᒥᒃᑲ ᐊᒡᓛᑦ ᖃᐅᔨᓴᖃᑦᑕᕐᐸᑎᑦ.
28ᓄᖑᑕᒃᓴᐅᓕᕐᐳᖓ ᕿᔪᒃᑎᑐᑦ ᐊᐅᓂᕐᑎᑐᑦ,
ᐅᓕᒡᔪᐊᑎᑐᓪᓗ ᓂᐊᖁᕙᓗᖕᓄᑦ ᖃᓪᓗᓈᕐᑕᕐᑐᓲᓄᑦ ᓂᕆᔭᐅᓯᒪᔪᑎᑐᑦ.”
Currently Selected:
ᔫᐱᐅᑉ ᐊᒡᓚᖏᑦ 13: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
