ᔫᐱᐅᑉ ᐊᒡᓚᖏᑦ 10
10
1“ᐃᓅᓯᕋ ᐃᕿᐊᓐᖑᕋᒃᑯ;
ᓈᓚᓚᐅᓐᖓ ᓈᒻᒪᒃᓴᖏᓐᓂᕆᔭᓐᓂᒃ;
2ᒎᑏ ᐅᖃᕈᒪᕗᖓ, ᓱᒋᐊᕐᓂᐊᕐᓇᖓ;
ᖃᐅᔨᑎᓚᐅᓐᖓ ᓱᓇᒥᒃ ᓵᓐᖓᔭᐅᑦᔪᑎᖃᕐᒪᖔᕐᒪ.
3ᐅᖁᒤᒃᓴᕐᑎᑦᓯᔭᕆᐊᒃᓴᖅ ᓈᒻᒪᓈᕐᓯᒪᔪᕆᕖᑦ?
ᐊᒡᒐᖕᓄᑦ ᓴᓇᓯᒪᔭᕐᓂᒃ ᓇᕐᕈᔪᒃᓴᐅᕖᑦ?
ᖁᕕᐊᒋᔭᖃᖔᕐᓗᑎᓪᓗ ᐱᐅᖏᑦᑐᓕᔪᑦ ᐱᓇᓱᐊᕐᓂᖏᓐᓂᒃ?
4ᐅᕕᓂᖃᕐᑐᑎᑐᑦ ᐃᔨᖃᕆᕖᑦ?
ᐃᓅᑉ ᑕᑯᓐᓇᕐᑕᖓᑐᑦ ᑕᑯᓐᓇᕆᕖᑦ?
5ᐃᓅᓰᑦ ᐃᓅᑉ ᐃᓅᓯᖓᑐᑦ ᓁᑦᑑᑎᒋᕚ?
ᐊᕐᕌᒍᑎᓪᓗ ᐃᓅᑉ ᐊᕐᕌᒍᖏᑦᑐᑦ ᑍᒤᑎᒋᕚᑦ?
6ᓱᖕᒪᑦ ᐊᔪᕐᑐᓕᓂᒃᑲ ᖃᐅᔨᒪᔧᓐᓇᕆᓇᓱᒃᐱᒌᑦ?
ᓈᒻᒪᖏᑦᔪᑎᒃᓴᕐᓯᐅᕐᓗᑎᓪᓗ ᐅᕙᓐᓂᒃ ᓇᐅᒃᑯᑐᐃᓐᓇᖅ,
7ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ,
ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.
8ᐊᒡᒐᒃᐱᑦ ᓴᓇᓪᓗᓂᖓ ᐋᖅᑭᒃᓱᓚᐅᕐᐹᖓ;
ᒫᓐᓇᓗ ᑖᒃᑯᓄᖓᑦᓮᓐᓇᖅ ᐊᓯᕈᕐᑕᐅᓕᕐᐳᖓ.
9ᐃᖅᑬᓚᐅᕆᑦ ᒪᕐᕋᕐᒥᑦ ᓴᓇᓯᒪᒐᕕᖓ;
ᓯᖃᓪᓕᓗᖓ ᐳᔪᕋᓐᖑᕐᑎᑦᓱᒪᓕᕆᕕᖔ?
10ᐃᒻᒧᒃᑐᑦ ᑯᕕᔭᐅᑎᓚᐅᓐᖏᓚᕐᒫ
ᑭᓂᕐᓯᑎᓪᓗᖓᓗ ᓰᓯᓐᖑᕐᑐᑎᑐᑦ?
11ᑎᒥᒐ ᐋᖅᑭᒃᓱᓚᐅᕐᐸᑦ ᓴᐅᓂᖃᕐᓗᒍ ᓂᕿᖃᕐᓗᒍᓗ,
ᓴᐅᓂᒃᑲᓗ ᑕᓕᑎᓚᐅᕐᐸᑎᑦ ᓄᑭᖕᓄᑦ ᐅᕕᓂᖕᒧᓪᓗ.
12ᐃᓅᓯᕐᒥᒃ ᑐᓂᓯᕕᒋᓚᐅᕐᐸᕐᒪ ᓇᒡᓕᒋᑦᓯᐊᕐᓗᖓᓗ;
ᑲᒪᑦᓯᐊᕐᓂᕐᓄᓪᓗ ᐊᓂᕐᓂᕋ ᐃᓅᔪᓐᓇᕐᑎᓚᐅᕐᐸᑦ.
13ᒫᓐᓇᓕ ᑐᑭᓯᕗᖓ ᓱᓇᐅᕝᕙ ᑕᒪᒃᑯᐊ
ᐃᔨᕐᓯᒪᓚᐅᕐᐸᑎᑦ ᐅᕙᓐᓄᑦ ᑕᒪᐅᓈᕐᑎᓐᓂᐊᕐᓂᕋᕕᖓ.
14ᖃᐅᔨᓮᓐᓇᕐᓯᒪᔪᑎᑦ ᓇᐅᒃᑯᑦ ᐊᔪᕐᑐᓕᓂᐊᕐᒪᖔᕐᒪ,
ᐱᐅᖏᑦᑐᓕᓂᓐᓂᒡᓗ ᐃᓱᒪᒋᔪᓐᓁᕕᖃᕈᒪᓇᑎᑦ.
15ᐊᔪᕐᑐᓕᓐᓂᕈᒪ, ᑲᑉᐱᐊᓐᓇᒦᖑᕗᖓ!
ᐃᓱᐊᕐᑐᓕᓚᐅᕈᒪᓕ, ᑕᕝᕙ ᐱᕙᓪᓕᐅᑎᒃᓴᕐᑖᓐᖏᓚᖓ,
ᑲᓐᖑᓇᕐᑐᕐᔪᐊᕐᒦᓕᕐᐳᖓ ᐋᓐᓂᐊᑎᑕᐅᓂᒃᑲᓗ ᑕᑯᒃᓴᐅᓪᓗᑎᒃ.
16ᐱᕙᓪᓕᐊᑦᓯᐊᕐᑐᕕᓂᐅᓕᑐᐊᕈᒪᓕ ᓱᓇᑐᐃᓐᓇᕐᒥᒃ,
ᑕᕝᕙ ᐅᕙᓐᓂᒃ ᐱᓇᓱᐊᓕᕐᐳᑎᑦ ᓛᔭᑎᑐᑦ,
ᐋᓐᓂᕈᒪᓪᓗᖓ ᐊᒡᓛᑦ ᑲᒪᓇᕐᑐᑎᒍᑦ;
17ᖃᐅᔨᓴᕐᑎᖁᑎᕾᓐᓇᕐᐳᑎᑦ ᐅᕙᓐᓂᒃ ᖃᐅᔨᓇᓱᒃᑐᓂᒃ,
ᓂᓐᖓᐅᒪᓃᓪᓗ ᐅᕙᓐᓄᑦ ᐱᕙᓪᓕᐊᑐᐃᓐᓇᕐᓗᓂ ᑍᒪᓐᖓᑦ;
ᐃᓱᒪᒃᓴᕐᓯᐅᕐᐳᑎᑦ ᖃᓄᒃᑲᓐᓂᖅ ᐅᕙᓐᓂᒃ ᐊᑭᕋᕐᑐᕆᐊᒃᓴᖅ.
18ᓱᖕᒪᑦ, ᐃᒡᓕᐊᒥᑦ ᐃᕐᓂᐊᖑᑎᓚᐅᕐᓯᒪᕕᖔ?
ᑐᖁᔪᒃᓴᐅᓚᐅᕋᓗᐊᕐᑐᖓ ᓇᓪᓕᐊᓐᓄᑦ ᑕᑯᔭᐅᓚᐅᕐᓯᒪᖅᑳᕐᑎᓐᓇᖓ,
19ᐃᒡᓕᐊᒥᑦ ᐊᓂᓗᖓ ᐃᓗᕕᕐᒧᑦ ᑐᕅᓐᓇᑲᐅᑎᒋᓗᖓ
ᑕᒪᓐᓇ ᐱᐅᓂᕐᓴᐅᒐᔭᓚᐅᕐᐳᖅ ᐃᓅᓚᐅᕐᓂᓐᓂᑦ.
20ᐃᓅᓯᕋ ᓈᔭᕆᐊᒃᓯᓕᓐᖏᓛᖅ? ᑲᒪᒋᓐᖏᓚᐅᓐᖓ!
ᐃᓅᓱᖓᕐᓂᓐᓂ ᖁᕕᐊᓱᒍᓐᓇᑬᓐᓇᓚᐅᕐᓚᖓ.
21ᒫᓐᓇᕈᓗᒃ ᑕᕝᕙᐅᔪᓐᓃᓛᓕᕋᒪ ᐅᑎᒃᑲᓐᓂᕐᓂᐊᕈᓐᓃᕐᓗᖓ,
ᓄᓇᒧᑦ ᑖᕐᑐᒧᑦ ᑕᑯᒃᓴᐅᓇᕐᑐᕐᑕᖃᖏᑦᑐᒧᑦ,
22ᓄᓇᒧᑦ ᑖᕐᑐᕐᔪᐊᒧᑦ ᓇᓗᓕᕐᓇᕐᑐᒧᓪᓗ,
ᑕᕝᕙᓂ ᖃᐅᒪᔪᖅ ᑖᕐᑐᕐᔪᐊᑎᑐᑦ ᑍᒤᑉᐳᖅ.”
Currently Selected:
ᔫᐱᐅᑉ ᐊᒡᓚᖏᑦ 10: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
