ᔨᕆᒤᐊᐅᑉ ᐊᒡᓚᖏᑦ 4
4
ᓵᒋᐊᖁᔨᓂᖅ
1ᐃᓴᕆᐊᓕᒥᐅᖑᔪᓯ, ᐅᑎᕈᒪᒍᑦᓯ ᐅᕙᓐᓄᑦ ᐅᑎᓚᐅᕆᑦᓯ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓯ ᐲᔭᕐᓗᒋᑦ, ᑕᒻᒪᕐᑍᓕᓕᕐᓗᓯᓗ ᑭᖑᓂᖓᒍᑦ. 2ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ. 3#ᕼᐆᓯᐊ 10:12.ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, “ᔫᑕᒥᐅᑦ ᔨᕉᓴᓕᒥᐅᓪᓗ ᐃᓄᖏᓐᓄᑦ: ᓄᓇᓕᕆᐊᕆᓯᒪᓐᖏᑕᑦᓯᓐᓂᒃ ᓄᓇᓕᕆᓕᕆᑦᓯ, ᐱᕈᕐᓯᐊᒃᓴᓂᒡᓗ ᑲᓐᖓᕐᓱᐃᑦᑍᓕᒋᑦᓯ ᐅᕐᐲᑦ ᑲᑭᓐᓇᕐᑐᖃᕐᑐᑦ ᐊᑯᓐᓂᖏᓐᓄᑦ. 4ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”
ᔫᑕᒥᐅᑦ ᐅᓇᑕᕐᑕᐅᓂᒃᓴᖓᑦ
5ᔫᑕᒥᐅᑦ ᔨᕉᓴᓕᒥᐅᓪᓗ ᑐᓴᕐᑎᓕᕐᓯᒋᒃ ᐅᖃᐅᑎᓗᒋᓪᓗ,
“ᑎᑦᑐᓚᐅᑏᑦ ᓂᓪᓕᕐᑎᓕᕐᓯᒋᒃ ᑐᓴᕐᑕᐅᖁᓪᓗᒋᑦ ᓄᓇᓕᓕᒫᓄᑦ!
ᓂᐱᖅᑯᕐᑐᓗᓯ ᐅᖃᓕᕆᑦᓯ,
‘ᑲᑎᓚᐅᕐᑕ, ᐂᓗᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ.’
6ᓮᐅᓂᒧᓐᖓᐅᔭᕆᐊᖃᕐᓂᓯ ᓇᓗᓁᕐᑕᐅᓕᕐᓕ!
ᕿᒪᒃᓯᓕᕆᑦᓯ ᐃᓅᔪᒪᒍᑦᓯ ᐅᑕᖅᑭᖏᓪᓗᓯ;
ᑎᑭᑎᑦᓯᓂᐊᕋᒪ ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ,
ᑲᑉᐱᐊᓇᕐᑐᒥᒃ ᐊᓯᕈᐃᔪᓐᓇᕐᑐᒥᒃ.
7ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ,
ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ
ᐃᓂᒋᔭᒥᓂᑦ ᕾᓕᕐᐳᖅ,
ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ
ᐃᓄᖃᕈᓐᓃᕐᓗᑎᒃ.
8ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ,
ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ,
ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”
9ᐅᓪᓗᖅ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, “ᐊᖓᔪᖅᑳᕐᔪᐊᑦ ᐊᖓᔪᖅᑳᖁᑎᖏᓪᓗ ᓴᐱᕐᓇᕐᑐᒧᑦ ᑎᑭᑕᐅᓂᐊᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑲᑉᐱᐊᓱᖕᓂᐊᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᑲᒪᓂᐊᕐᓗᑎᒃ.”
10ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”
11ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ. 12ᐊᓄᕆᑦᑕᐅᖅ ᑕᒪᑐᒪᓐᖓᑦ ᓴᓐᖏᓂᕐᓴᐅᔪᖅ ᐊᑕᓂᕐᒥᑦ ᐱᔪᒫᕐᒪᑦ! ᐃᖅᑲᕐᑐᐃᓂᖓ ᑐᑭᓯᑦᔪᑕᐅᔪᒃᓴᐅᕗᖅ ᐃᓄᖁᑎᖏᓐᓄᑦ.
ᔫᑕᐅᑉ ᐃᓗᒪᔭᐅᓂᖓ ᐊᑭᕋᕐᑐᕐᑎᒥᓄᑦ
13ᑕᑯᒋᑦᓯ, ᐃᖏᕐᕋᓂᖏᑦ ᓄᕗᔭᑎᑐᑦ ᓱᒃᑲᑦᑑᑎᒋᕗᑦ, ᕿᒧᒃᓯᐅᑎᖏᓪᓗ ᐅᓚᓗᔨᕋᕐᑐᑎᑐᑦ, ᕿᒻᒥᕐᔪᐊᖏᓪᓗ ᓱᒃᑲᓂᕐᓴᐅᕗᑦ ᓇᒃᑐᕋᓕᖕᓂᑦ! ᑲᑉᐱᐊᓐᓇᒦᖑᔪᒍᑦ, ᐊᓯᕈᕐᑕᐅᕗᒍᑦ!
14ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?
15ᐃᒡᓗᒐᓴᒡᔪᐊᓂᑦ ᑖᓐᒥᒃ ᐊᑎᖃᕐᑐᓂᑦ ᓂᐱᑕᖃᕐᐳᖅ, ᖃᑉᐱᐊᓇᕐᑐᖃᕐᓂᕅᔪᓂᒃ ᐃᕗᕅᑎᐅᑉ ᐱᖑᖏᓐᓂᑦ ᐱᔪᓂᒃ. 16ᐃᓅᖃᑎᒌᒡᔪᐊᑦ ᑕᒪᑐᒥᖓ ᐅᖃᐅᑎᓯᒋᒃ, ᔨᕉᓴᓕᒥᐅᓄᓪᓗ ᐅᓇᑕᕆᐊᕐᑐᕐᑐᑦ ᕾᓕᕐᒪᑕ ᐅᖓᓯᒃᑐᒥᑦ, ᓂᐱᖅᑯᕐᑐᓗᑎᒡᓗ ᐅᓇᑕᕆᐊᕐᑐᕐᓂᕐᒥᖕᓂᒃ ᓂᓪᓕᐊᑦᔪᑎᖃᕐᒪᑕ ᔫᑕᒥᐅᓄᑦ. 17ᐊᕙᓗᓂᐊᕐᐹᓪᓗ ᓄᓇᖁᑎᒥᖕᓂᒃ ᓴᐳᑦᔨᓯᒪᓇᓱᐊᕐᑐᑎᑐᑦ, ᐅᕙᓐᓂᒃ ᐊᑭᕋᕐᑐᓚᐅᕐᒪᑕ. ᐊᑕᓂᖅ ᐅᖃᕐᐳᖅ.
18ᐃᓅᓯᕆᔭᑦᓯᓐᓄᑦ ᐱᓂᐊᕐᓂᑦᓯᓐᓄᓪᓗ ᑕᒪᓐᓇ ᑍᒤᑎᑉᐸᓯ ᑕᒪᓐᓇ ᓱᒋᐊᕐᑕᐅᓂᕆᕙᓯ, ᑕᒪᓐᓇᓗ ᖁᕕᐊᓇᓐᖏᓚᖅ ᐆᒻᒪᑎᒧᓪᓗ ᐋᓐᓂᕐᓇᕐᓗᓂ.
ᔨᕆᒤᐅᑉ ᕿᒃᓵᒍᑎᖃᕐᓂᖓ ᐃᓅᖃᑎᒥᓂᒃ
19ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ,
ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ,
ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ,
ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.
20ᑲᑉᐱᐊᓇᕐᑐᖅ ᐱᒋᐊᕋᓗᐊᕐᒪᑦ, ᖃᑉᐱᐊᓇᕐᑐᒃᑲᓐᓂᕐᓕ ᑎᑭᓐᓂᕗᖅ,
ᓄᓇᓕᒫᖅ ᓄᓇᖃᕐᕕᕕᓂᕐᑐᑦ ᑍᒤᓕᕐᐳᖅ,
ᑕᕝᕔᓐᓇᖅ ᑐᐱᕆᔭᕋ ᓱᕋᒃᑕᐅᕗᖅ,
ᐅᖅᑯᐃᕕᒋᓯᒪᓇᓱᒃᑕᒃᑲᓗ ᐊᓯᐅᕗᑦ ᑕᕝᕔᓐᓇᖅ.
21ᖃᓄᖅ ᐊᑯᓂᐅᑎᒋᔪᖅ
ᐅᓇᑕᕐᑐᓂᒃ ᑕᑯᓐᓇᕐᓂᐊᕐᐳᖔ?
ᑎᑦᑐᓚᐅᑎᓂᒡᓗ ᑐᓵᓗᖔ?
22“ᐃᓄᖁᑎᒃᑲ ᓯᓔᑦᑑᕗᑦ,
ᐅᕙᓐᓂᒃ ᖃᐅᔨᒪᔭᖃᖏᒻᒪᑕ.
ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ,
ᐃᓕᓯᒪᓂᖃᖏᑦᓯᐊᕐᑐᑦ,
ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ,
ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”
ᔨᕆᒤᐅᑉ ᑕᑯᑎᑕᐅᓂᖓ ᓄᖑᑕᐅᓂᐅᑉ ᕾᓕᕐᓂᖓᓂᒃ
23ᓄᓇᕐᔪᐊᕐᓗ ᑕᑯᓴᕋᒃᑯ,
ᓄᓇᒋᔭᒃᓴᐅᓐᖏᓚᖅ ᓱᓇᑕᖃᕋᓂᓗ,
ᕿᓚᖕᒧᓪᓗ ᑕᑯᓴᕋᒪ ᖃᐅᒪᔪᖃᓐᖏᓚᖅ.
24ᖃᖅᑬᓪᓗ ᑕᑯᓴᕋᒃᑭᑦ,
ᓴᔪᒃᐱᓗᒃᑐᑦ ᑕᑯᕙᒃᑲ,
ᐱᖑᐃᓪᓗ ᐊᐅᓚᓪᓗᑎᒃ.
25ᑕᑯᓴᕋᒪᓗ ᐃᓄᒃᑕᖃᓐᖏᓚᖅ,
ᑎᖕᒥᐊᓕᒫᓪᓗ ᐊᐅᓪᓚᕐᑐᕕᓂᐅᓪᓗᑎᒃ.
26ᓄᓇᓗ ᕿᒥᕐᕈᒐᒃᑯ, ᐱᕈᕐᑐᖃᓚᐅᕐᑐᖅ ᐸᓂᕐᓗᓂ ᓱᓇᑕᖃᓐᖏᓚᖅ,
ᓄᓇᖃᕐᕕᕕᓃᓪᓗ ᓄᓇᓕᕕᓂᑐᐃᓐᓇᐅᓕᕐᐳᑦ,
ᐊᑕᓂᐅᑉ ᓵᖓᓂ, ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ.
( 27ᐃᒫᒃ ᐊᑕᓂᖅ ᐅᖃᕐᐳᖅ, “ᓄᓇᓕᒫᖅ ᐊᓯᕈᕐᑕᐅᓂᐊᕐᐳᖅ ᑭᓯᐊᓂᓕ ᓄᖑᑕᐅᒻᒪᕆᒃᑎᓐᓂᐊᓐᖏᓚᕋ.)
28ᓄᓇᕐᔪᐊᖅ ᕿᒃᓵᖕᓂᐊᕐᐳᖅ,
ᕿᓚᒡᓗ ᑖᕐᓯᓗᓂ,
ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ,
ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”
29ᕿᒻᒥᕐᔪᐊᒥ ᐃᑭᒪᔪᑦ ᐱᓯᒃᓴᕐᑏᓪᓗ
ᑐᓴᕐᓴᐅᓕᕐᐸᑕ ᐃᓄᓕᒫᑦ
ᓄᓇᓕᖕᓂᑦ ᕿᒫᔪᒫᕐᐳᑦ,
ᐃᓚᖏᑦ ᐅᕐᐱᒐᖃᕐᑐᓄᑦ ᐃᔨᕈᒫᕐᐳᑦ,
ᐃᓚᖏᓪᓗ ᐃᓐᓈᕈᕐᓄᑦ ᒪᔪᕈᒫᕐᐳᑦ.
ᓄᓇᓖᑦ ᐃᓄᖃᕈᓐᓃᕈᒫᕐᐳᑦ,
ᐃᓄᖕᒥᖕᓄᑦ ᓇᔪᕐᑕᐅᔪᓐᓃᕐᓗᑎᒃ.
30ᓱᓇᒥᒃ ᐱᓇᓱᐊᓕᕐᐲᑦ?
ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ!
ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ?
ᐱᐅᓴᐅᑎᓂᒡᓗ ᐊᑎᓯᓪᓗᓰ?
ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ,
ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ
ᑐᖁᑦᓱᒪᓕᕐᐹᓯᓕ ᐊᒡᓛᑦ.
31ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ,
ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ,
ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ
ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ,
“ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”
Currently Selected:
ᔨᕆᒤᐊᐅᑉ ᐊᒡᓚᖏᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
